八方雲集鍋貼水餃專門店

營業中

休息中

琴晚不幸地係要加班，之前好少用熊貓Apps，今次熊貓Apps見到有八方雲集叫，好快就揀到個水餃餐。原來個水餃餐係配泡菜，酸辣湯，同飲品。個餐份量比自己想像中多，配埋小食同飲品，基本上都好飽。開頭仲擔心唔夠食。

很久沒有食八方雲集，剛好在Mega Box工作後遇到，因為晚上8點旁邊食店都關門，當詢問店內姐姐哥哥時他們態度很好很友善，感覺到香港已剩下不多的人情味，而且也陸續有客人點餐，即叫即做，新鮮可口，$50的勁量面線套裝有一大碗面線及可單併/雙併（水餃/煎餃）我叫了粟米煎餃及泡菜煎餃，可能太耐無食泡菜餃有啲太辣，很像吃完就會辣到病感覺所以沒有吃完，另外面線配芫荽真的會很香很香，但剛好沒有貨了🥲但姐姐都給我大量蔥花，算了心靈安慰了😀整體也是用餐愉快

餃子店，真係好睇包個個同煮個個的手勢，之前食試過唔熟，又有試過穿哂出黎，以穩定黎講，mega box呢間算唔錯。今日口淡淡，想食辣野，就叫左韓式辣味水餃，發揮正常，夠惹味，泡菜量夠多，爽口又juicy，點埋醋酸味味又夠開胃。健康d加左$10有份菜，正常烚菜黎的，冇味，份量正常，另外仲叫左杯抹香綠茶。女仔黎講份量都偏少，男仔黎食要飽應該點都要加碗麵。而服務就正常啦，店員算有禮貌ge，係位少d，繁忙時間可能要外賣食啦。

聽朋友介紹的這家店外賣不錯就點來試試看。餃子的份量非常多吃完都撐了，味道也還行。特別令人滿意的是有油菜可以選，香港的青菜可選性太少了，有蔬菜就讓人好感倍增哈哈哈

我一向喜歡吃水餃鍋貼，這間源自台灣的店舖在香港一向深受歡迎，我有一段時間沒去。今天想起這間店舖，立即去重溫一下地道的台灣水餃鍋貼味道😀我選了田園蔬菜水餃套餐，很久沒吃，依然保持水準。水餃的色澤翠綠，看見也令人覺得開胃 蔬菜甚多而且能保持內裏有醬汁 。蔬菜混在醬汁中甚為好味。蔬菜做水餃十分健康，好吃之餘沒有負擔，加上皮薄，好吃到不得了。10隻雖然不少但也有食完想再食的感覺！套餐還包了台灣麵線，湯底依然很有風味，麵線幼幼的不會太飽肚，配搭水餃拼一個套餐，份量剛好！豆漿豆味濃郁，凍凍的，大熱天時喝，十分好味.

最近筆者想食得清淡一點，午餐改吃【八方雲集】的水餃。【八方雲集】始創於一九九八年，來自台灣的鍋貼水餃專賣連鎖店。鍋貼水餃每日新鮮包製，即叫即煎煮的美食為目標。 【八方雲集】菜單非常簡單，主打鍋貼水餃。鍋貼水餃只有六種口味，咖哩、韓國辣味、韭菜、粟米、素食和招牌。另外可以加麵。 最近筆者想食得清淡一點，揀了【八方雲集】的招牌水餃 $32，一盒十隻，用紙盒盛，環保又衛生！粒粒飽滿，每一口也充滿椰菜和豬肉的香氣。沾上醋可以提升鮮味，食店同時提供辣醬及豉油。食完原全不口渴証明冇味精！雖然只有十隻，絕對飽肚！這個午餐只要$32 健康又便宜，低食！

位於九龍灣嘅八方雲集真係無時無刻都咁多人雖然等候嘅時間有啲長但係確保嘢食嘅熱度一定足夠所以等耐少少都算係值得嘢自己就覺得招牌套餐入面又有嘢飲跟住又有米線或者台灣麵線再配合五隻煎餃或者水餃其實份量都好足夠亦都同喺台灣食到嘅套餐份量大細都差唔多當然如果好肚餓嘅話就唔夠飽但如果當係兩餐中間食嘅話就覺得啱啱好

市道不景，非必要餐餐都食得豪放，一人食飯就要慳下荷包，窮人恩物之選又晤想每餐都是麥記，總可以食《八方雲集》作晚飯，雙拼餃配湯品或飲品都只是$41，都抵食啦！我選擇一款招牌水餃(椰菜)及韮菜豬肉鍋貼，配紫菜鱈魚湯!招牌水餃的豬肉餡飽滿，有椰菜的清甜，另外剛煎好的韮菜鍋貼脆卜卜，韮菜爽口惹味，兩款都愛食，再飲啖紫菜鱈魚丸湯，真錦上添花，滋味無窮!另追加$9選擇台灣茶系列~洋甘菊金萱烏龍茶🍵🧊，有甘菊清甜，美味可口，甘香潤喉!今晚慳慳地又填飽肚已經好滿足啦！😃服務員姐姐好nice,值得一提!

天氣涼涼地最啱就係食啲暖嘢暖下個胃，行megabox經過八方雲集聞到 勁香餃子味就走左入去食嘢 咁我叫咗個台灣麵線嘅set啦，佢個麵線我都係第一次食，麵條係幼麵嚟，個味道咸咸地有少少類似碗仔翅嗰種味道但係就淡少少冇咁杰，幾好食喎又佢啲鍋貼啱啱煎起比我仲熱辣辣，佢分咗2次上比我total係有10隻嘅鍋貼我覺人覺得其實食落去同煎餃其實都差唔多，係個皮大塊啲長啲咁，佢啲鍋貼個皮真係煎到好香脆，食落好香豬肉味，好好食

今次食10号餐，韓式辣味鍋貼x5。大腸麵線。豆漿。鍋貼好食👍🏻泡菜惹味又唔太辣。麵線好有台灣風味，裡面除咗大腸，仲有幾粒肉丸，加少少醋就啱哂仲有大大杯豆漿，滿足！

次次都會點呢個10號餐，鍾意佢又有麵線，又有鍋貼大腸麵線落少少醋就更好味，鍋貼可以雙併，啱哂我呢d食得唔多又想咩都試嘅人。強烈推薦一定要點辣味，個人覺得最好食，再加杯豆漿，好滿足！

我同我的同事都好鐘意食餃子，所以相約午餐一齊黎八方雲集食餃子，首先緊係要點呢度最出名既招牌鍋貼喇，啲餃子岩岩煎起，又夠熱，啲皮又好味，除咗鍋貼，梗係要叫招牌水餃，麵線，再叫埋一碟油菜，呢餐真係好滿足。

本來想來吃酸辣湯麵, 怎知剛好賣完, 真的有點失望, 剛好想走之制, 店員推介珍珠餛飩麵, 所以試下. 湯麵鍋貼餐 $53.50這珍珠餛飩麵是第一次吃, 味道也OK, 並不會太鹹, 餛飩竟有6隻之多, 真的很飽. 辣味鍋貼還有我最愛吃辣味鍋貼, 煎起來並不用乾, 內有泡菜非常之惹味而juicy,  好味~百香果珍珠綠茶味道清香, 不過甜了點

日日放LUNCH都要諗食咩，今日忙都無咩胃口, 又想平平哋食D嘢醫下肚，同事提議食餃子，記得幾年前去台灣已經見過依間餃子店，估唔到咁快就係香港開咗咁多間舖頭，雖然主力係賣餃子，估唔到款式都幾多，大部份係以套餐為主。今日我只係揀咗個＂韓式辣窩貼+紫菜花枝丸湯套餐＂，份量都可以，但當正餐相信對好多人嚟講就可能唔夠飽啦！韓式令我聯想起韓國泡菜，不過咬落去咩都無既， 餡入面得韓式辣醬都無泡菜既，煎窩貼都幾香口，辣就真係唔係好辣喇，可能要迎合大眾化一D既口味吧！至於紫菜花枝丸湯個粒丸又幾好，又彈又有味，紫菜湯好清都幾好。

今日有DD喉嚨痛，行咗一陣又見夠鐘，就食個晏仔先啦！搵嘢食時，路經此地，見到lee間餃子店 (平時行街成日都見到，未試過)，好似幾好，又唔洗等位，就即管入去試一試。本來好想食泡菜煎餃子㗎，但係熱氣唔敢食，最終揀咗個招牌水餃併紫菜鱈魚丸湯，一碟有10粒，餡料係椰菜豬肉製作而成，清清地都幾好，好啱依家狀態不佳嘅我，而個紫菜湯感覺係無味精嘅，只係小小喊味，鱈魚丸有3粒，味道一般，我覺得太淋，望落好似份量好少，其實都飽嘅，價錢唔貴，下次都可以再考慮食多次嘅。