八方雲集鍋貼水餃專門店

營業中

休息中

上星期同友人去左試.叫左一個套餐!$26~有湯同自選十隻餃.但點知..出左單..先知原來係$28睇番大menu..先知雙拚加2蚊.但落單張紙冇寫嫁囉..侍應亦唔講..感覺有點被騙!!不過2蚊就算啦.叫左5隻招牌水餃同5隻招牌鍋貼+魚丸湯要追幾次...等左成十分鐘先有得食囉...!!擺明整定晒嫁喎...水餃: 雖然料很足~但其實同"公仔牌"果d分別不大...鍋貼反而幾好...煎得幾香脆..但就有少少過火..有d燶!紫菜魚丸湯: 普通啦~~冇咩特別~總結都可以既..但驚喜不大~未試過可以試吓既...~下次試吓"四海遊龍"先~~

我間唔屎都有去金魚街行吓!但就冇乜係個道食野,不過八方尼間野都吹得好行,開幾間分店,價錢唔太貴,可以一試.食品分兩大類,水餃&鍋貼.每類有四款口味.散叫冇咁低食,叫套餐十隻跟湯$28.我地叫左泡菜水餃跟魚丸湯,招牌鍋貼跟酸辣湯.泡菜水餃--->做得好好食皮厚薄式中又有肉汁,只可惜泡菜唔辣,好似食菜肉水餃咁姐.招牌鍋貼--->尼個招牌做出尼係比人拆嘅.首先我唔係好認同佢係一隻鍋貼,佢應該似日式煎餃,皮薄但太粘,成排粘在一走,上碟時已散散地,夾落去更加係皮開肉烈.所以係零肉汁,咁又點會好食呢!魚丸湯--->味水一碗酸辣湯--->我第一次見酸辣湯係咁嘅樣,徐左酸同辣佢嘅用料同上海店嘅酸辣湯係完全唔同嘅,雖然唔係難飲,但有紅羅白絲嘅酸辣湯總係怪怪地.p.s. 環境比較窄,仲有佢d辣椒醬唔係好啱餃子用.

好鐘意食水餃!! 鐘意既程度係只要佢係水餃我就會食, 唔理佢好唔好味~~~ 對水餃我有一個情意結.... 黎到舖頭門口, 見到佢d相入面既水餃圖片我就已經好想食. 因為一望就覺得佢好好味. 佢哋既選擇唔多. 只有水餃同鍋貼賣. 一個set有10隻 + 湯. 水餃同鍋貼比你揀兩種唔同既口味. 諗左好耐就決定要個韓式辣味鍋貼同埋佢既招牌水餃試試先. 個湯就要左酸辣湯. 酸辣湯: 有酸味無辣味. 不過個酸味都唔夠重. 飲多兩啖就覺得好似飲緊d無味既"匙"咁. 不過係幾多料, 有野咬下. 韓式辣味鍋貼: 係泡菜料, 不過泡菜唔係咁夠辣味, 醃料 or 醃制既時間唔夠長. 鍋貼皮太薄. 同埋包完之後我估佢哋無用生粉分隔佢哋, 所以上枱時5隻係痴埋一舊, 要分開佢哋必須要整爛隔離嗰隻. 同埋... 鍋貼既皮好似無咁薄嫁喎. 唔通佢諗住唔係包住d肉, 無肉汁就可以用d薄d既皮??最後上場係我最最期待既招牌水餃! 不過老實講因為之前嗰幾樣野都已經減低左我既期待度. 黎到, 一夾.... 唉... 佢煮得過左時間, 水餃皮已經發脹左, 食到個皮已經好失望. 失望到我連裏面嗰舊 "招牌" 係點我都唔知,

一心以為專門店就係咩種類既鍋貼水餃都有! 原來係錯嫁囉!其實鍋貼同水餃total 各只係得4 種味道, 分別係普通菜肉, 泡菜, 咖哩 & "9"菜。太少啦!個到有set 叫, 任你自由配撘, 我地就樣樣都叫左d黎食!其實全部都好普通, 無話特別好食, 泡菜係無味的。而我自己就鍾意食水餃多過鍋貼啦!!鍋貼太油啦同埋呢間野只有水餃同鍋貼, 如果有d 麵食會好d !環境就....太迫,太嘈, so dirty~所以食一次就夠啦~~

久不久都會外賣佢地既餃子, 食過原味, 咖哩及泡菜, 我最中意佢既咖哩餃子, 小小辣好冶味加上唔係好油膩. 上台時又是熱熱的, 很快就把餃子食曬. 跟餐都幾抵, 不過佢地既湯真係好唔得lor. 咩corn soup or 丸子湯都好難飲呀...... 最安全都係叫豆漿.

去完poly聽talk,本身諗住同查理弟弟去時新食個包先番屋企,點知關左..見到弟弟為落唔落去食八方雲集而下唔到決定..即刻同佢搭火車,唔好諗咁多ma!去到都已經10點幾,冇咩人,我地叫左2個餐:招牌鍋貼+咖哩鍋貼+旗魚湯x2 ,分別係$26同$28,有10隻各set+$5要左紅茶同奶茶招牌鍋貼:味道好雲吞,同埋個皮太薄,由於d鍋貼"痴"埋一齊,分開果陣穿左,最重要既係唔夠脆,好失望!咖哩鍋貼:真係好油,咖哩味好濃同重,有新鮮感,但都係唔夠脆口,算係幾軟林林旗魚湯:個湯清清淡淡,仲有紫菜配住,有三粒丸,d丸幾彈牙,個味道都唔錯!平時既我好憎d有丸既湯,但呢個反而ok奶茶:黎食餃子,對奶茶都冇咩期望,普通貨仔,不叫也罷總結:我係睇完magazine先對呢間有興趣,但本人都同查理弟弟一樣覺得平時上海鋪既鍋貼更加合我地心水,最少係熱辣辣脆卜卜,不過因為八方雲集都多分店,而且$2.5/隻,唔得閒果陣買黎頂住個肚都ok既...食完今次既宵夜,唔知幾知又可以一齊坐低無憂無慮談天說地,明年今日都不會一樣

之前已經一直想去試下八方雲集，同男友食完飯經過，決定入去試下。因為之前已經食飽左，所以我地只係叫左一個招牌鍋貼套餐。味道普通，對招牌鍋貼有Ｄ失望後悔唔叫韓式鎬貼果隻款現場有得自己拎醬油味道都幾得意，唔錯唔錯杯豆漿唔似出面，而且有ＤＤ渣，我同男友都不太喜歡。下次都會再去幫襯因為想試埋其他味

成日經過都見到有唔少人係門口等位,不明所以,今晚終於的起心肝走入去,店內坐位很迫,睇下個餐牌,真的只有水餃同鍋貼.叫咗招牌水餃同招牌鍋貼,鍋貼煎得很香口,饀料亦很多,菜同肉幾均勻;返而水餃則比較清,食完鍋貼再食水餃會覺得無味.每個餐仲有一個湯揀,要咗魚丸湯同酸辣湯,魚丸湯無味,啲魚丸都算ok,酸辣湯很稀,湯料不多,最奇怪就係用紅蘿蔔絲,可能係上海和台灣的分別.食完之後,睇返張咭片,先知道係來自台灣,但始終都係唔明點解會有咁多人食,一般水準而已.

最怕在油麻地、旺角一帶搵食，沒有一間吸引，最後行到太子，想記開了新店，又去試食。這間台灣過江龍開業不足一年，店內得有點殘舊，勝在夠光猛。選擇很簡單，只有四款饀料的鍋貼或水餃選擇，不用心太心細、左選右擇。叫了兩個套餐，10集鍋貼/水餃，加四揀一的湯，只係$28/26，十分經濟。要了酸辣湯及粟米濃湯，前者完全沒有酸味，要自行加醋，辣味是來至重重的胡辣粉，配料雖多，但很稀釋，總比很糊口的芡粉好。所謂粟米濃湯只嘗到濃濃的椰汁味。眼見其他客人的鍋貼煎得通透又金黃，伙計每每經過也傳來煎香味，但我們的招牌鍋貼，似是求其一煎，完全沒有香脆味道；鍋貼本身皮極薄，饀料是多菜少肉，入口比較爽口，就算一客10隻，也不會太膩滯。食過鍋貼，又試試水餃，是韓式泡菜饀，皮身較鍋貼厚身點點，不過仍可透現泡菜的顏色、每粒很飽滿，落入多汁又有泡菜的惹味。還未夠飽，另散了韮菜水餃，最少要5隻，又是菜與肉恰到好處，而且加入了薑蓉，減少了韮菜一種特別的味道。每次吃餃子也有一種很滯肚感覺，但今次竟然唔飽!

第二日行完街, 餓餓地, 去左先前“懶”多人等嘅八方雲集..... 有幾款鍋貼同水餃嘅選擇.....又跟餐又跟唔餐咁.....有D煩..... 想食D香口野, 所以全部都要鍋貼。 個旗魚丸紫菜湯, 好似滚水開湯粉咁... 鍋貼有4種味, 佢嘅所謂“招牌鍋貼”就真係不知所謂..... 肉餡無肉汁, 淡而無味..... “招牌”都咁.....當堂覺得“lai”左野la.... 跟著黎嘅九菜鍋貼已經叫做無咁差(但都唔好) 我去食鍋貼大王好過..... 仲有咖哩鍋貼&泡菜鍋貼......都係一般過一般...... nevermind....一定唔會再有下次la..... please check for more information:http://hk.myblog.yahoo.com/donsterz-donsterz/article?mid=2334

之前食過一次都覺得唔錯...今次同朋友一齊泥食...兩人點了兩個餐..韮菜水餃+酸辣湯($26),韓國辣泡菜鍋貼+旗魚丸湯($28)酸辣湯好足料,但酸而不辣旗魚丸湯反而幾好喎...魚丸幾彈牙，有粒粒墨魚粒韮菜水餃無鍋貼咁香口惹味,有點淡,不過料幾足,有好多韭菜,食完陣韮菜味良久不散韓國辣泡菜鍋貼脆卜卜,皮薄餡幼,辣辣地好惹味

朋友點了一個餐, 韮菜鍋貼+酸辣湯, 而我就點了招牌鍋貼+酸辣湯, 凍檸茶, 個韮菜鍋貼幾好味, 油唔多, 鍋貼造得很完整, 不會容易爛開, 而招牌鍋貼我比較喜歡, 是用了豬肉, 加左少少蔬菜, 又唔會有油, 汁液也覺豐富, 不錯~!至於個酸辣湯, 就一般啦, 佢用料勝在夠多, 不過唔夠辣, 唔夠杰, 好稀~!!!! 最後杯凍檸茶, 都OK啦~但唔夠甜~!埋單一人大慨$30蚊, 又夠飽, 抵食又好味~

剛剛在石陰路八方雲集吃了一個牛肉麵有飲品$35加了5隻餃子$10, (不過比錢要47.5 ????) 自己一個吃不完, 叫了伙計給我外買碗, 等到d食物都凍, 仲未給我, 最後來了隻同飯碗size一般,連碗麵都裝不下!! 以後如果再去我只可吃一種東西, $26餃子套餐, 平好多,自己一個吃得完,又不用求人給外買碗....

又是沒時間食lunch, 出到MK都4:30了。去完貢茶度買飲品，再去埋MK買埋野，先有時間食lunch。兩個人去了八方雲集度食餃子。開咗咁耐都係第一次試。見呢間野嘅食評不算太好，但仍抱著一試的心態。叫了一個招牌鍋貼餐同韮菜水餃餐，跟兩個旗魚丸湯。旗魚丸湯先來。夠熱，味道清清地，有好多紫菜。紫菜不算韌，無沙。旗魚丸=墨魚丸，有三粒，幾彈牙，有粒粒墨魚粒！招牌鍋貼同韮菜水餃等了一陣子才送來。招牌鍋貼呈長形。煎得香口，唔肥，皮薄。餡料為椰菜豬肉餡，幾鮮味。配埋辣椒醋一齊食好正。韮菜水餃無鍋貼咁香口惹味。味道較淡，皮也較厚。韮菜餡唔夠多，餡料較鬆散。整體我覺得幾好喎，味道好。服務員(部分)有禮貌，好詳細介紹每款食品。又抵食，廿幾蚊有湯又有10隻鍋貼/水餃，食完真係好飽！

一直都聽過4仔同8仔(即係呢間)既鍋貼,但行到魚仔街,見到呢度又多人,把心一橫唔駛死GAR@@"叫左個黃金咖喱鍋貼 + 貢丸湯，但係前者散兼兩者都唔夠熱囉@@"前者夠辣但個皮同肉散開晒,後者溫度只係微暖,如果唔用胡椒來調味我以為飲緊有鹹味既水而已@@"你叮俾我我仲冇咁嬲@@"