八方雲集鍋貼水餃專門店

營業中

休息中

堂食等左20分鐘先有，又話係即叫即整，點知上到黎，鍋貼係凍。我見個職員搞掂曬d外賣，先搞堂食，真係好差，等足廿分鐘，唔怪之得d鍋貼凍啦，我去其他分店，都好地地，起碼食物叫做熱啦，真係好差體驗！

來吃了八方雲集已經很多次了 今次同樣叫咗個韭菜豬肉蒸餃同埋熱豆漿套餐 價錢真的很便宜 他們的餃子很新鮮 熱辣辣的 飲品都一樣係熱辣辣的 所以很喜歡來這間餐廳吃 我決定未來會繼續來多啲八方雲集吃水餃🩷

好耐冇食過八方雲集，今晚又懶懶地，不如叫鍋貼返黎食啦！叫左個兩人套餐加多5件鍋貼🥟🥟🥟🥟🥟唔知係咪好耐冇食嘅原因，覺得好食咗喎😎🥟先講台式麵線，都幾有係台灣食果種味道🤣定因為我太耐冇去台灣，所以有錯覺😂🥟到鍋貼啦，幾好喎，外送到啲皮都唔會淋晒，又唔會好乾，入面都好入味。雖然珍珠奶茶普通，但飲埋都幾完整。久不久食下，都可以呀！

忽然有日屎忽痕，突然間想食🥟餃子，九龍灣有🥟餃子食嘅舖頭得好少，所以近近㗎就揀咗八方雲集食。😗😗去到八方雲集一定要食佢啲🥟煎餃，我就嗌咗個招牌煎餃餐，入面係白菜🐖豬肉。我就為咗飽肚，個湯呢我就嗌咗珍珠雲吞湯，咁就一定飽喇！😋😋但係就冇嘢飲，就好似爭緊啲嘢咁😕😕，所以就加咗杯椰果綠茶😚😚。八方雲集好食就唔算好好食😅😅，但咁啱想食吓餃子嘅話，八方雲集都係一個好嘅選擇嘅。😃😃

原來八方雲集是真正來自台灣的台式麵食連鎖店，內面好多不同台式食物，我最鍾意大腸麵線，因為好似湯品，可以邊食邊飲，不過而家夏天食啲咁熱氣野都幾辛苦😰😖叫左3款水餃，招牌水餃，咖喱水餃，泡菜口餃，第一次食佢哋嘅泡菜餃子同咖喱餃子🥟，呢兩款價錢比較貴少少，不過既然有佢開業到而家都有呢兩種口味，證明咗都有好多人鍾意！豆漿我覺得太甜，有豆味，但好可惜真係好甜，又唔可以走甜，基於太甜，完全唔解渴，飲完仲覺得喉嚨好乾涸

今日同友人去呢間野食鍋貼，見都有唔少人喺到食緊，應該唔會差得去邊，點知結果出人意料。嗌完鍋貼等候時，已經見到有唔少蟲仔喺檯到爬，拍死後諗住冇野，又出嚟一隻，索性眼不見為淨。終於等到鍋貼上場，好死唔死墻邊咁啱爬咗隻曱甴出嚟，我左閃右避佢都係向我爬嚟，逼不得已我只能夠換咗個座位，可惜映入眼簾嘅又係一隻喺前面出現嘅曱甴，所幸距離較遠，我同友人快快手食完眼前嘅食物，我而家都記唔起佢嘅味道，一個原因係曱甴嘅壓迫感太強，令我無法專心食野，另一原因亦係佢嘅鍋貼真係唔好食。

台灣連鎖餃子店—八方雲集相信香港人也對這間餃子店十分熟悉，這是一間到處都有的連鎖平民餃子店，有鍋貼和水餃選擇，更有台灣麵線，餃子的口味眾多，價格親民，人均少於50HKD，一直深受香港人喜歡。————————————————————《韓式辣味鍋貼》$40眾多口味中，我最喜愛的就是韓式辣味鍋貼，內餡是以泡菜和豬肉組成，吃起上來酸酸辣辣，加上八方雲集秘製的辣椒醬，會更開胃，而且鍋貼外皮煎至香脆金黃色，十分香口。《台灣麵線》$21麵線內有大腸、黑木耳、貢丸作配料，台灣麵線的特點有濃稠的湯底，微微的蒜香，會令人對它上癮，容易陷入吃完一碗，又想吃多碗的狀況。 *有會芫荽，不吃的記得下單時走荽————————————————環境：👅👅👅食物：👅👅👅👅性價：👅👅👅👅👅服務：👅👅👅

香港八方雲集嘅分店好似越來越少，但係原來得寶商場呢度仲有一間，夜晚唔知食咩好，就決定懷緬一下。叫咗一款雙併水餃，分別係粟米餃同埋蔬菜餃。雖然八方雲集比較出名嘅係佢長條型，煎到脆卜卜嘅煎餃子，但因為近排食咗好多熱氣野，今晚想食清淡啲，所以就叫做水餃。兩款之中，個人就比較鍾意粟米餃多啲，肉汁比較多比較鮮甜。另外父親大人就叫咗煎餃子，賣相都幾好。嘢飲方面就叫咗豆漿同佢哋嘅椰果特飲，普普通通冇乜特別。其實八方唔係特別好食，只不過間唔中唔知食咩好，都係一個幾平嘅選擇

蜜桃小丸子除了喜歡吃肉餅外，還很喜歡吃餃子。是日來到九龍灣，有點兒餓但又不想吃得太飽，便來到連鎖餃子店吃招牌白菜豬肉餃。店舖內只有兩名服務員，一個在包餃子，另一個就負責煮餃子和收銀，因此，下單慢、煮得慢。蜜桃小丸子叫了個招牌水餃餐，附有一杯飲品，我便要了珍珠奶茶。珍珠QQ的，奶茶甜度適中，若冰再少點便更好。餃子方面，是熱烘烘的，肉多白菜少，肉的鮮度還可以，皮當然不是薄薄的那款，但由於餡料尚算足夠，所以皮的厚度是可以接受的，沒有什麼肉汁，以連鎖店的質素而言還可以吧。

星期日下晝經過九龍灣，好想食餃子，記得得寶有間八坊雲集，所以就入左去。三四點時段人流唔多，每張六人枱都坐左兩個人咁。叫左個勁量麵線套餐，$44.5。包一碗麵線同十隻鍋貼。鍋貼我要左五隻招牌，五隻咖哩。招牌保持水準，一樣咁好味，好多肉，好咬口。但咖哩味好麻麻，咬落去散收收，冇乜料咁，好後悔，佢個底仲煎燶左少少添，我加左錢架叫咖哩味，食得唔開心。麵線不過不失，未到好惹味，有豬腸，有啲丸，同芫茜，我覺得可以加多啲醋。

鍋貼水餃係香港都算幾受歡迎！！不經不覺八方雲集鍋貼水餃專門店巳經開左60幾間店舖！！認真勵害！！今日去到牛頭角嗰間店舖食鍋貼！！雖然店舖偏細, 但比較少人到, 通常都會有位！！我叫左招牌鍋貼加台灣麵線加凍珍珠奶茶！！鍋貼長條形的, 好鬼得意, 韭菜豬肉餡, 皮薄餡靚！！台灣麵線有豬大腸, 貢丸同鱈丸, 有少少羶味, 好彩麵線尚算彈口！！凍珍珠奶茶大大杯, 珍珠煙煙靭靭, 有咬口, 甜味剛好！！好似去左台灣夜市咁！！超爽！！

八方雲集的粟米餃.前排經過見到有新出粟米餃粟米fans當然要一試🤤嗌左田園蔬菜+粟米餃套餐有10隻水餃+飲品🤤粟米粒都幾多下幾鮮甜😍加埋豬肉餡咬落幾juicy有肉汁🤤田園蔬菜水餃係無肉嘅所以相對乾身無肉汁粟米真係值得一試🤤🤘🏿🤘🏿-招牌煎餃.煎得香脆 剛剛好 不過過焦餡料亦好夠不錯！-台式麵線.第一次係香港食麵線有啲似碗仔翅的湯底加上米線幾合襯🤘🏿-題外話原來佢地係自己係舖頭包餃的🙊一直都以為係工場集中整的🙊

同阿媽行街行到攰，想搵地方坐下，就求其搵野食下坐下，見八方雲集冇乜人，之前亦食過覺得ok，就入去坐低，見唔算太餓就叫1個餐2份食！碗湯麵我地轉左撈麵，諗住撈麵食落會開胃d，麻醬醬汁不過不失，但個麵就認真麻麻，麵質地唔知唔熟透定本身質地問題有d過韌，撈麵跟既湯亦唔夠熱韭菜鍋貼韭菜味係都ok，但煮煎得唔夠脆同熱，煎耐少少應該會好食好多放枱上既辣椒油，味道都算ok，冰豆漿冇特別不過不失！總括下次都唔敢貪就腳，就求其搵野食下，雖然值錢一d都唔貴，但食物質數麻麻，比我對上一次食物完全保持唔到水準，侍應態度亦麻麻，可能我地唔like我地2個人食1個餐！

得寶商場只是九龍灣牛頭角的二線商場，相比德褔廣場和淘大商場，得寶無論食肆還是商舖規模都有所不足。得寶的食肆都只是街坊小型食店，幸好價錢相對較實惠，連平時甚少在大型商場出現的台灣菜「八方雲集」都能立足。四年前我在台灣旅行，得到最大的印象是像蠔仔的食物「蚵仔」，無論是「蚵仔煎」還是「蚵仔麵線」，都是我在台灣吃過跟最喜歡的食物之一。 蚵仔麵線外表看似碗仔翅，又有點似中式粉麵，反而適合用匙羹多於用筷子。回到香港，麵線亦曾在香港流行一時，不少香港人好像台灣人一樣，捧着一碗麵線。在旺角街頭吃到大汗淋漓，足以跟台北西門町的捧場客互相輝映。不過蚵仔麵線去到香港，麵線還是麵線，蚵仔卻無聲無息地消失了，蚵仔被豬大腸取代，成為「大腸麵線」，成為香港的街頭小食。不過「八方雲集」依然是香港有名的台灣菜食店，大腸麵線成為了「八方雲集」的招牌菜。「八方雲集」在香港到處都有分店，不過麵線熱潮逐漸減退，麵線店舖外再沒有萬人空巷的排隊潮，換成街坊式的艱苦經營。「八方雲集」現存的台灣味已所餘無幾，除了麵線外，其餘賣的東西跟一般食店的差距不大，豆漿、鍋貼、水準都是一般食店質素，不過不失，飲豆漿還是去買超級市場的現成貨色好過。

Very good 味道不錯 鍋貼煎得金黄色紅油抄手的辣度適中 平日少吃辣的人可以一試 台灣面線 小碗但飽肚 色香味俱全 一個字正正正正正正正正正正正正正正正正正正正正正正正正正