八木橋日式燒肉

營業中

休息中

知道呢度燒肉做梗promo，叫雨餐做梗半價推廣，就訂左今晚就黎到食燒肉，餐廳位於T.O.P的四樓，地理位置好方便。先上左A5 和牛西冷，一上枱就心心眼，好靚的油脂油花分佈，輕輕燒完，一擺入口即溶😍😍四品和牛燒肉盛四種都係A4黑毛和牛，分別有後腰肉、牛肩、和尚頭、三角腩，我個人最喜愛牛肩，好重牛肉味同個油脂入口係爆開。醬油牛肋肉一整條，用上甜甜的醬油就醃得好入味，令人好開胃，呢個又係好Juicy。味淋魚干平時去日式居酒屋都會叫呢個食，今次係第一次自己燒，自己燒覺得仲好食🤣🤣比目魚西京燒燒到外脆，但入面啲魚肉仲保持到嫩滑👍👍呢度燒肉好多款唔同肉類，除咗牛，仲有豚肉，雞，海鮮都好多款，竟然有清酒煮蜆，個蜆好飽滿，有淡淡的清酒味，最重要冇沙；仲有虎蝦，青口，鯖魚，炸物天婦羅，沙律，麵食，野菜等等，真係好多選擇。甜品方面，估唔到都有好幾款同雪條，個人最喜愛紅豆大福，煙煙韌韌得黎最重要唔係太甜。雪條有我最愛的蜜瓜雪條。飲品方面除咗酒類，基本上的都有。

今日聖誕假🎄期同家人來到旺角🔹️八木橋🔹️ 日式燒肉燒烤放題🥩🦪我們選左「霞」澳洲和牛套餐, 120mins頭盤🍽澳洲四品和牛盛，芝士雞腿肉韓風瓷壺醬油牛肋肉，米澤三元豚肉,鮑魚，味淋魚干，比目魚西京燒任食種類🍽澳洲M5和牛外腿肉👍，牛崩沙腩澳洲M7和牛嫩肩肉👍，肩脊肉牛舌，燒豚拖羅，牛胸腹，燒一口牛一口芝土，炸蝦多士，蝦天婦羅👍炸餃子棒，蟹柳天婦羅，蕃薯天婦羅👍，南瓜天婦羅，忌廉蟹肉薯餅，台黑椒👍，午餐肉半殼扇貝👍，燒廣島蠔，虎蝦👍，鹽燒鯖魚，清酒煮蜆，香草墨魚仔，黑松露牛油菌，牛油香草藍青，多春魚，燒雞中翼👍，芝士雞腿肉，九層塔香草雞腿肉，七味辛辣雞腿肉胡麻番茄 ，胡麻豆腐 ，赤坂魚蛋烏冬，香芋丸，炸薯角，章魚小丸子，中華沙律，泡菜，麻辣青瓜，味付螺肉， 洋蔥，秋葵， 冬菇牛油金菇，黑糖燒番薯， 牛油粟米罐裝和紙包🥤🧃汽水茶任飲Haagen Dazs Ice-Cream(每人一杯)🍦整體食物也新鮮，牛肉的鮮嫩可口。肉類也有不同醃製味選擇👍炸物也好食，不會太油膩。鮑魚新鮮肉質爽口👍。比目魚西京燒肉質好滑👍。半殼扇貝👍有大有細也好滿足🤩所有食物是QR Code下單，上菜也很快，座位唔多，所

今日我同朋友去咗旺角一間樓上嘅燒肉店慶祝生日！我哋選咗個最貴嘅和牛牛肉set，準備食足兩小時！一坐低，服務員已經幫我哋預備好爐，火爐燒得正好，然後就放咗A5岩手和牛西冷喺我面前，仲有四品和牛燒肉盛，韓風瓷壺醬油牛肋肉、香蔥薄切和牛、鮑魚同埋味淋魚干，比目魚西京燒！其餘嘅菜品我哋係用QR code下單，餐廳上菜速度非常快，完全冇需要等！而且牛肉選擇真係多，連澳洲M5和牛外腿肉同肩脊肉都任食，唔好講，一於喪食！我自己最鍾意嘅係Mozzarella芝士雞腿肉，雞肉嫩滑，配上濃郁嘅芝士，咬落去真係好滿足，味道層次豐富！而且仲有好多海鮮選擇，例如鰻魚、墨魚仔、扇貝同虎蝦，真係食左5k落肚！我哋一開始就將A5岩手和牛西冷放上爐燒，牛肉色澤鮮艷，火一燒，香氣四溢，肉質滑嫩，油花分佈均勻，真係超滿意！再加上香蔥薄切和牛，搭配上醬油，味道更不得了韓風瓷壺醬油牛肋肉亦都十分驚艷，燒過之後，肉質軟嫩！我哋仲試咗鮑魚，味道鮮甜，燒得剛好，唔會過熟，保持住鮮味。而味淋魚干比目魚西京燒都好好味，魚肉嫩滑，搭配味淋嘅甜味，真係無得輸！飲品方面，我哋選咗汽水同雪條任食任飲，真係無限暢飲，搭配燒肉真係一絕！🤩🤩

因為見平嗰兩個餐得90分鐘,所以揀咗418蚊120分鐘以為好少少結果我哋四個人去完大家一致覺得去食平價防韓燒放題嘅肉,畀佢更加好,食啲肉基本上冇味,醬h唔多得嗰兩三款執揀我哋平時都有叫開一公斤嘅和牛澳洲和牛日本和牛返屋企食,講真二百零三百蚊一kilo嗰啲肉仲好食過佢,當晚四人埋單成千九蚊一至劣評佢個網好容易燶,開細火根本唔夠時間畀四個人食嘢,開大火阿姐會話好容易燶,唔好開咁大！但係你時間又唔夠,其實全食兩粒鐘都食得幾趕下,如果燒鮑魚呀蜆呢一類霸咗半個爐仲大鑊！情願九百蚊以內四條友食韓燒都唔會去呢度再食！職員好好禮貌好好服侍呢個係事實！但係嘢食唔得呢最搞笑係我哋每次叫泡菜,佢唔係唔上,就畀一碟我囉,明明我哋叫兩三碟仔,佢只係畀一碟,其實泡菜唔係好貴啫,其他肉類反而冇乜上唔齊呢個問題！

24/12昨晚和屋企人去試這家燒肉店，一进去就觉得有种中伏的感觉，抽風系统很差近乎冇，油烟笼罩住整间餐厅，講到食物質素豚肉太勒，如果是假牙都会掉下来，地下油渍太劲，如有老人家行路一定要小心滑倒，食物、饮品及甜品款式不多，没有太多选择，南瓜薄到很像一片A4纸，所以限时两小时未够我们已经即刻走了，因为油烟实在太过揦眼不停流眼水实在受不了，这餐烧肉放题六个人成3000元实在太过不值，唔会再有下次去這间劣餐廳😓😓😓

在這家餐廳用餐的經歷令我有D失望。首先，點餐的數量有明顯的限制，這讓我們在選擇菜式時感到相當困擾。此外，點餐時間也非常短促，凳都未坐熱就過咗last order，仲要冇店員提醒。而且，我們的餐點中有幾樣食物漏掉了，這影響了整體的用餐體驗。至於食物的味道，坦白說，並沒有特別出色，屬於一般水平，炸野有油味，甜品的選擇更是少之又少，又cheap，令人失望。最後，餐廳的抽油煙機似乎無法應付廚房的需求，整個用餐環境有時會讓人感到刺鼻和不適。又貴，所以唔太建議大家來這裡用餐，食過嘅放題中相當差嘅之一。

近日，喺位於旺角 T.O.P 四樓嘅八木橋餐廳試咗佢哋嘅日式燒肉放題，真係不虛此行！呢度最近正推廣「雨」套餐做緊半價優惠，實在唔可以錯過！我哋一到就立即上咗 A5 和牛西冷，一睇見嗰油花分佈就已經心心眼。輕輕燒完後入口即溶，好似一塊雪糕般軟滑。此外，「四品和牛燒肉盛」都必不可少，有 A4 黑毛和牛薄切、和尚頭、三角腩同埋牛肩，每款都好有特色。我特別鍾意嗰個三角腩，同啲油脂爆開時嘅口感真係冇得輸。除咗靚靚的和牛，就連海鮮選擇都非常多元化。鮑魚、大蝦、生蠔同帶子，都係新鮮飽滿。其中，比目魚西京燒亦值得一提，外脆內嫩，非常美味。另外仲有清酒煮蜆，可以食到淡淡的清酒味，而且完全冇沙！仲有好多炸物，例如炸蝦多士、忌廉蟹肉薯餅等，都好脆口。甜品方面都有驚喜，我最愛紅豆大福，不但煙韌而且唔會太甜，其次榴槤雪條絕對可以滿足榴槤控。飲品選擇亦相當齊全，全場任飲。另外要讚一下餐廳服務員既細心，各桌旁都有貼著不同食材需要的烤制時間指引，如果你搞唔掂也隨時有人幫手解答。同埋各種前菜如中華沙律、螺肉等，都令整體用餐體驗更豐富充實。而座位闊落舒適，更加提高了性價比，使人能夠慢慢享受這 120 分鐘的美食之旅。總結

今日同朋友喺旺角行街，見到和牛燒肉任食放題晚市套餐好豐富，所以就Walk in入去。餐廳可以無限任點任食，座位寬敞而且舒適，可以慢慢傾偈、慢慢食。我哋揀咗A4和牛套餐，首先個款唔同嘅來一份，包括「A4黑毛和牛後腰肉」、「A4黑毛和牛三角腩」、「A4黑毛和牛牛肩」、「A4黑毛和牛薄切」。其中，我個人最鍾意「三角腩」，脂肪比例均勻，肉質香滑，無筋，有入口即溶嘅感覺。其次就係「和牛薄切」，油脂比較多，但係非常香口，充滿濃郁嘅牛肉鮮味。除此之外，仲有「澳洲M5黃牛後腿肉」，相比之下牛肉嘅脂肪比較少，比較有咬口。其他食材仲有：牛舌、醬汁燉牛筋腩、雞軟骨、雞中翼等等，雞翼同雞中翼已經預先調好味，所以裏面嘅肉都好入味，好正。另外，仲有多款海鮮可以選擇：雞泡魚薄切、原壳扇貝、原壳鮑魚、比目魚柳、鰻魚、沙嗲廣島蠔、虎蝦、多春魚等等。其中雞泡魚薄切好特別，好香口、好惹味。意想不到嘅係，仲有好多熟食可以選擇，例如：炸蝦天婦羅、吉列薯餅、一口炸芝士、香芋波波、炸蝦多士，全部即叫即製，新鮮熱辣，炸到脆卜卜，好好味。飲品提供罐裝飲品及紙包飲品可供選擇，其中有韓式飲品：荔枝梳打水，非常美味；仲有道地解茶，食得太飽，

成日覺得啲人講雞有雞味 牛有牛味好廢…唔知呢間真係刷新三觀，所有肉都係無味 （豬同扇貝係有味嘅）無論你叫乜嘢牛嘅部位都係無味仲好意思學人哋日本咁樣分幾個餐 我地叫左「霏餐牌」五百幾一個人 雖然佢係做緊買一送一優惠 所以人均二百幾但係如果我知道係呢個質素 我寧願唔食一到懷疑自己係食緊合成肉 然後研究咗好耐 應該唔係合成肉….冇味嘅原因應該係冰鮮肉解凍從來未試過食放題食到提前離開 同埋冇乜點叫嘢食九百幾個like應該係買返嚟….好差嘅體驗啲人做生意做到咁，唔怪之香港飲食業咁樣，真係冇得怨

今日同朋友去咗旺角慶祝生日，呢一間餐廳見到上網嘅評分都幾高，見到啲嘢食都好吸引，今日就同朋友決定食好啲，揀咗佢最貴嘅套餐而家購買佢嘅套餐只係需要買一送一其實整體呢一個價錢嚟講同出邊一啲連鎖嘅任食餐廳都係差唔多價錢，我覺得都非常抵食，整體CP值都非常高！首先嚟咗A5和牛西冷，佢嘅花紋同埋問你都非常靚，而且又發嘅分布非常靚仔我男朋友都忍唔住即刻攞電話出嚟打卡其實佢整親嘅味道真係非常好，用咗日本最高級嘅牛肉！佢係油脂非常香，咬落去充滿和牛嘅香味！和牛拼盤，A4黑毛和牛三角腩，呢一種牛肉質有少少彈力，而且口感都有咬勁，每一啖都擁有香+濃郁既牛肉香氣，肉質嫩而多汁，入口嘅口感非常juicy, 絕對推介大家試一試！法茶牛舌：餐廳嘅牛舌係用法式嘅芥末醬成個味道非常特別我第一次試呢一個配搭，估唔到都幾有驚喜我同朋友都非常鍾意，佢嘅口感亦都做得唔錯，食得出餐廳本身嘅來貨都幾好！澳洲M5 和牛崩沙腩/澳洲M7 和牛嫩肩肉/澳洲M5 和牛外腿肉：呢三款嘅肉質就比較重肉味，油脂分布相對冇咁多，鍾意食少啲肥肉嘅朋友會比較鍾意食呢一種，佢燒完嘅時候會比較挺身，整體嘅口感比較有咬口！章魚小丸子，餐廳嘅章魚小丸子亦都

今日收工去旺角T.O.P 食左間燒肉 係商場最頂層 「八木橋燒肉」 有四款餐可以揀 今日就試下「雨」 餐俾佢個A5和牛西冷吸引左另外仲有A4黑毛和牛 包括三角腩 肩胛肉 和尚頭 後腰肉 全部都係任食！醬油牛肋肉好大條 最特別係會放喺一個啡色瓷壼裏面 好重牛肉味 肉質都好腍身海鮮有鮑魚 蜆 青口 虎蝦 鯖魚 沙嗲廣島蠔等等 比目魚西京燒甜甜地幾好食 仲有味淋魚干 呢度最貼心嘅係有張紙會話你知你點樣燒同埋燒幾耐🫶🏻飲品同平時啲放題一樣 好多選擇 啤酒$20一位任飲 最後甜品有大福 brownie 仲有其他雪糕雪條可以拎 「雨」餐有haagen Dazs雪糕 大滿足📍八木橋日式燒肉 (旺角)旺角彌敦道700號T.O.P This is Our Place 4樓409A & 409 B號舖

聽朋友講Top商場有間抵食嘅燒肉店做緊優惠，肉食獸嘅我當然唔會放過呢個機會🤤原來餐廳做緊三週年優惠，最貴嘅A4和牛「雨」套裝只需半價$554就可以食到，我哋兩條G立即點爆佢！！！醬料可以出自助區攞，個人鐘意燒肉汁+辣椒粉，十分惹味，燒肉汁甜甜哋開胃。 A5和牛西冷一坐低店員即上😍整塊西冷色澤鮮亮，油花均勻分布。第一口咬落，肉質十分嫩滑，牛味更濃。豐富嘅油花在口中釋放，帶來極致嘅味覺享受。生蠔都鮮甜美味A4和牛燒肉盛有五款肉可以品嚐，包括有和牛薄切、後腰肉、牛肩、和尚頭、三角腩。款款色澤都好靚。當中個人最愛係和牛三角腩和牛三角腩肉質柔嫩，比其他部位多一份嚼勁，愈嚼愈香口。腩位味道濃郁加埋豐富油花，令口感更上一層。海鮮方面有鮑魚、比目魚扒、鱔片、味淋魚乾，跟平常燒肉有啲唔同。味淋魚乾慢慢放上爐烤，愈烤愈香。有時食得太油太飽，可以燒返塊，感覺無咁油膩。韓風醬油牛肋肉已經調味好了的牛肋肉，肉質幾厚，所以要花少少時間燒。味道甜甜的，幾開胃。除咗牛肉類，都有豬肉、雞肉、牛舌、清酒蜆、蠔、扇貝、蔬菜🍠等等好多款式。小食類有天婦羅、炸物、烏冬麵忌廉蟹肉薯餅好味，新鮮熱辣辣。澳洲M5和牛質素都唔差㗎，雖

平時仲意去T.O.P食野,因為呢度好似有好多美食咁,同埋好近MTR,而MK又超方便。同朋友食左日本燒肉,叫左個霞餐,因為買一送一好吸引。今次食左黑毛和牛既唔同部位,包括三角腩、後腰肉等,口感好特別。呢個餐仲跟左個拼盤,有比目魚、魚乾、鰻魚同埋marinate左一排既牛小排,全部都好入味,好味道呀!而海鮮有青口、大蝦等,都好大隻,燒完好香好惹味。最後仲有2杯大大杯既哈根大師甜品,有cheesecake味同埋blueberry,正正子。

朋友唔係好食生嘢，但又鍾意日式放題，呢個燒肉放題就啱晒，佢哋個「雨」套餐仲做緊半價優惠，食足120分鐘超過110品任你選擇，真係多到試唔晒！重點係呢個套餐有A5和牛西冷，脂肪分布非常均勻雪白，咁靚嘅扒當然唔需要太熟啦，燒到五成左右再剪開佢入口即溶，好好食！其他幾款A4和牛都唔輸蝕，個人鍾意牛三角腩肉味香濃，入口軟嫩得來有咬口～仲有茶壺漬牛肋條肉，食落超爽彈有咬口！除咗靚牛肉，仲有多款唔同海鮮，當中包括鮑魚、大蝦、生蠔、帶子、比目魚等等，而且餐廳仲好貼心將唔同種類嘅需要嘅時間貼咗餐桌旁，避免大家唔知燒幾耐先熟，而且侍應行過見到你有疑惑都會過嚟幫手睇睇，好細心！海鮮食物質素一啲都唔差，鰻魚燒起嚟非常香甜，比目魚又夠嫩滑！仲有多款前菜同蔬菜菇類，同任飲仲有Hagen Dazs，呢120分鐘真係好唔得閒！！

旺角八木橋，主打日式燒肉放題，有4款套餐選擇：雪、雲、霞和雨，而家餐廳有推廣，霞餐做緊買一送一，雨餐更可享有半價優惠。我哋揀左雨套餐，有多達110+食材選擇，無限任食，仲要食足120分鐘，非常超值。A5岩手和牛西冷：豐富既油脂充滿整個口腔，回味無窮。四品和牛燒肉盛：A4黑毛和牛薄切，A4黑毛和牛和尚頭，A4黑毛和牛三角腩，A4黑毛和牛牛肩，A4黑毛和牛後腰肉，A4級數果然非常之高質，而且擺盤好靚。韓風瓷壺醬油牛肋肉：牛肋肉成條上，醬油好有韓式風味。香蔥薄切和牛：肉質非常柔軟，燒烤後更加可口。鮑魚：口感煙靭有咬口。味淋魚干：烘乾後，油脂清香，下酒一流。比目魚西京燒：魚肉質感細緻，西京燒汁味道甜甜哋。前菜：            中華沙律、味付螺肉炸物：               炸蝦多士、蝦天婦羅、章魚小丸子、忌廉蟹肉薯餅甜品：紅豆和果子、明月冰卷、日式蒴餅、雲厘拿泡芙總結，座位闊落，食物種類多，性價比高。