八珍醬園

營業中

休息中

上年農曆年主人與奴隸獸試了『八珍』的豆沙角後，原本想再添食，但已沽清，所以大為失望。等了一整年，終於又有得賣喇！今次買了半斤來試試（8 件HK$45，一斤HK$84）。豆沙角依然皮薄，依然煙韌有咬口，豆沙餡依然份量足，但那份質感就不及往年，而且聞到一股生油味，食落亦比較油膩，比往年有點兒遜色了。會不會再添食？ 仍然是未知之數。

經開旺角，就入去買些小吃，豆沙角，我無吃無耐，買了33元有五粒，都幾貴下，但聽聞尼間野好出名下，豆沙充足，有質感，又大粒，凍了都無變味道，間中吃下，都好滿足。

之前都係買糕品, 醬油未試過, 今次買了支甜醬油, 結結地似台灣醬油膏, 頭先下了些在糉上, 鮮甜, 唔錯!

糖蓮子對主人與奴隸獸來說，並不是放在全盒用來招呼拜年的親友。而是在過年期間用來煮紅棗桂圓蓮子茶。食糖蓮子最怕就是食了蓮子芯，苦得要命。『八珍』的糖蓮子（HK$48）則較為保險，只有0.5% 的中招率。而且夠甜，煮茶不需要落糖呢！

奴隸獸煎了從『八珍』買回來的椰汁年糕（HK$45，一斤裝）給主人品嚐。食落夠滑，煙韌彈牙，不太甜，可惜椰汁味道淡了一些。即煎即食確好味。我們邊食邊懷念以前『別不同蔗汁』的椰汁年糕呢！

主人與奴隸獸辦年貨，『八珍』亦是必去之店，除了一般的賀年食品外，我們今次亦買了豆沙角（8 件HK$45，一斤HK$80）一試。其實豆沙角已變得硬身，所以需要用微波爐『叮』十數秒才好吃。豆沙角皮薄，煙韌有咬口，豆沙餡不是一般行貨，有質感，份量足，不太甜，比以往品嚐過的好得多。其它的賀年食品，因為還未品嚐，唯有日後再評。

快要過農曆年....呢度時時都排長龍, 昨晚剛巧經過, 入去掃了兩種食品, 一是芋頭糕, $70 (老公"飛佛"), 二是土耳其無花果, 25 (賣飛佛), 今天OT 返屋企...做第一隻白老鼠...切了六份一, 放入微波爐叮熱, 臘腸, 蝦米好多, 反而芋頭唔多, 我覺得平時去"好彩"食既蒸芋頭糕仲正! 有點失望! 而無花果就有十粒...大大粒! 頭先食一粒, 厚肉, 唔乾, 可以用黎清腸胃, 正正! 價錢好貴...耐唔耐先賞下自己!