八番屋 (已結業)

自己本身一直都幾鍾意食日本嘢，近住火車站，平時收工都會嚟食呢間舖頭。每一次嚟食，都會食綠茶厥餅，加咗少少黑糖漿，仲有好濃郁嘅綠茶粉，煙煙韌韌，係幾好食。之後我朋友就會食一個鰻魚飯，鰻魚質地都算滑，飯用珍珠米，幾有咬口。最近餐廳亦都多咗一款四川湯底嘅拉麵，我就幾鍾意呢一個創意，湯底少少辣，亦都有麻辣香味，但就唔會令人食得好辛苦，拉麵嘅質感幾好，可以再戰。最後呢度嘅餃子亦都係我嘅至愛，點埋柚子醋食，就更加唔油膩。

公眾假期一家四口嚟大埔新達廣場八番屋食午餐，我哋叫咗咖喱吉列豬扒丼，蕎麥冷麵配日式炸雞球三件，兒童餐迷你拉麵加粟米杯同埋餃子三隻，仲有一個辣嘅胡麻担担叉燒拉麵。兒童餐等咗25分鐘，仲要催左三次先至有，出餐實在太慢，蕎麥冷麵都係都等咗20分鐘。全張單最後嚟嘅，竟然係兒童餐個粟米杯🤔️完全唔明點解要整咁耐？味道方面，吉列咖喱豬扒丼太辣，胡麻担担叉燒拉麵冇乜味，啲麵太冧，同埋一啲都唔辣。唯一覺得好味嘅係蕎麥冷麵配日式炸雞，但係真係得好少雞。連小朋友都話唔會再幫襯☹️

中午去食，趕巴士，所以求其叫咗個62蚊叉燒拉麵，好後悔無影相。一塊叉燒仔＋出前一丁湯底＋普通拉麵，完全無特別，買個出前一丁可能仲好味d，最好食係杯凍綠茶，不過無試小食，下次有機會再試小食

大埔親民日式餐廳*八番屋*～位於大埔墟站一出既新達廣場～好方便👍🏼淺色木系裝修，光線柔和～坐位闊落舒適👍🏼睇過餐牌～二人餐比單叫抵食，星期一至五仲唔洗加一添我地order左二人套餐C（$268）主食～*豬軟骨野菜拉麵同叉燒拉麵超推介豬軟骨～真係好好食👍🏼好淋好入味軟骨又好軟🤣 拉麵軟硬度岩岩好 又夠彈牙🍜野菜份量都唔少👍🏼叉燒大大塊，半肥半瘦剛剛好串燒盛 【雞翼、雞軟骨、雞腿肉、牛柳】牛柳燒得香口，保持到肉汁、雞軟骨亦好爽脆雞腿肉就好嫩滑叫特飲都唔洗加錢，大大杯雜果賓治同菠蘿乳酸特飲😍甜品～牛乳奶凍兩客超重奶味👍🏼好食

周不時都會同男朋友周圍行商場，呢次就黎到大埔玩，睇完戲行左一陣街就搵野食醫肚，見呢間拉麵店野食幾吸引，一於試試佢先😯❀胡麻沙律❀沙律菜新鮮清甜，份量唔會太多岩岩好。❀直源醬油吉列豬扒沾麵❀吉列豬扒炸粉好薄，呈金黃色，炸到外脆肉嫩，豬味較重，湯頭味道幾濃，麵條清爽分明。❀炸物盛拉麵❀有炸蝦、炸魚餅+炸墨魚仔，可以樣樣試少少，炸到幾香口，拉麵麵條較為彈牙，掛汁力唔錯。❀餃子五件❀煎餃子，平平地咁味道都Ok。❀綠茶蕨餅及櫻花福餅❀綠茶蕨餅綠茶味幾出，食落好煙韌，淋上黑糖漿甜甜地咁幾好味😋櫻花福餅賣相精緻，裡面係微甜既豆蓉。❀菠蘿乳酸梳打及雜果賓治❀兩杯味道都係酸酸甜甜，自己幾鍾意菠蘿乳酸梳打。

【大埔區】【八番屋】尋日係「音樂情人節與相片情人節」，本身諗住約女同事一齊試呢間喺大埔嘅拉麵店，但係佢又又又又拒絕咗我，所以就同啱啱升職嘅徐經理去試。其實我三年前都食過呢間，嗰陣食「極黑野菜拉麵」個湯底係幾惹味。今次由於我略帶傷感之下就畀咗徐經理發辦，叫咗 $238 嘅「二人套餐B」，前菜要咗「中華沙律」同「麵豉湯」，「小食拼盤」就固定咗係「芝麻雞翼」、「炸雞球」同「炸蝦」各兩件同「年糕」一串，味道都係可以嘅。主食我試「叉燒拉麵」，徐經理就試「豬軟骨野菜拉麵」，都互相 share 食咗啲餸，都了解到係點嘅味道。而嘢飲方面，徐經理杯「凍日式奶茶」話同港式奶茶唔同，而我杯「雜果賓治」係幾好飲，咁就完成咗成個二人套餐。喺被女同事再再再再拒絕嘅陰霾之下試埋 $36 嘅「櫻花福餅」同 $24 嘅「綠茶蕨餅」，都幾夠凍同有味，埋單價 $298，如果我哋係叫下午茶的話可以平啲。被人拒絕我成日都會，但被女同事拒絕，係足以令我久久未能釋懷啊。。。（地址：大埔南運路9號新達廣場1樓012號舖）@hachibanhk#1amfoodie #foodie #hkfoodie #hkfood #food #fo

趁hubby番工前撐枱腳食個lunch😜可能剛開學Lunch time超多學生🙈因為性價比太高了，所以都好多人排隊我地order左2個優惠套餐，主食+小食+飲品，另外再叫2個甜品，成枱都係野食，$300有找👍🏻超抵食❤️蒲燒鰻魚丼燒到好香嘅鰻魚配適量鰻魚汁，唔會令到D飯甜椰椰🤭❤️豚角煮野菜拉麵甜而不膩濃濃嘅豬骨湯配軟硬適中嘅拉麵，仲有煮到好軟熟嘅豚肉😋當然有少不了嘅溏心蛋❤️套餐小食-芝麻雞翼煎到好香脆嘅皮，肉質保持到嫩滑👍🏻❤️套餐小食-日式餃子煎到恰到好處，保持到餃子皮嘅滑👍🏻❤️綠茶麻糬超濃郁而又不澀嘅綠茶粉配麻糬好真絕配😍❤️牛乳布甸好濃郁而又滑嘟嘟嘅牛奶香，飯後甜品好正😋

👍🏼 芝麻雞翼 $25酷愛雞翼的我倆，先來個小吃~甫上桌就急不及待的先咬一口，熱氣隨著咬開了的脆口外皮冒出，肉汁飽滿，不會太鹹，味道不錯~ 👍🏼 串燒盛 $78一共四串，雞翼、雞柳、雞軟骨和牛肉，貫切原汁原味的Syle，用一點鹽巴去提味，純樸實在。雞柳和牛肉都軟熟，燒剛好，不會乾。❤ 汁燒牛肉丼 $79三大片厚身的牛肉，用香甜的醬汁燒得焦香，配上牛旁等醃菜，混和煙韌的白米飯一起吃，很是滿足~ 👍🏼 芫茜餃子 (3隻) $16新品餃子！餃子煎成金黃色，底層薄脆香口，上層則保持濕潤，芫茜不算爆滿，但清香的芫茜還是能把餃子變得清新可口。👍🏼 豚角煮野菜拉麵 $79豚角厚切，表面焦香十足，肥瘦相間的豬肉，肥的部份入口即溶，瘦的部份則保持濕潤有肉汁，意外地好吃！野菜份量也毫不吝嗇，椰菜和芽菜頓時把拉麵的口感變得豐富~ ❤ 香芋地瓜丸 $10很便宜的小點心，跟餐一定要試試~ 熱呼呼的小丸子，脆脆的圓波波外殼，切開中間是紫心的餡料，口感煙韌，味道微甜，作為飯後點心確實不錯！

一個人的晚餐😌點知食完出去就落雨，冇得行街就即刻番屋企，然後再晏啲變黑雨😳⛈🌟义燒野菜拉麵🌟义燒大大塊，半肥半瘦剛剛好👍熱辣辣既麵，拉麵夠彈牙🍜野菜份量都唔少，唔錯唔錯一碗拉麵滿足唔到我，決定叫多幾碟串燒😂串燒🍡🍢：🌟牛舌🌟🌟鰻魚🌟🌟串燒盛 【雞翼、雞軟骨、雞腿肉、牛柳角】🌟串燒盛好正，雞翼2大隻，雞軟骨亦炸到酥脆。➡️推介拉麵款式，見到menu仲有黑蒜湯底，下次要試下先~

放工經開大埔，去咗火車站上蓋呢間日式餐廳，食物質素相當唔錯！蒲燒鰻魚丼有兩塊好厚身嘅鰻魚，鰻魚有炭燒香味，外皮焦香而內裡鮮嫩多汁。鰻魚肉質鮮美，配上蒲燒醬汁，味道濃郁香甜。丼飯底層鋪滿了軟綿綿嘅白飯，鰻魚同飯既搭配非常好咖喱吉列豬扒豬扒煎到好脆，咬開係有肉汁的，個咖喱醬汁好濃郁，配上豬扒的香味，味道更加豐富。飯底層鋪上咖喱汁，同個飯好夾！串燒盛盒有牛舌、雞翼同雞軟骨串燒，串燒新鮮燒出嚟，望個樣都見到好多汁，好吸引。牛舌燒得啱啱好，好香牛味。雞翼外層香脆，口感極佳。雞軟骨帶有嚼勁，配上鹹香既調味料餃子餃子外皮煎得好脆口，餡料多汁，非常唔錯

叉燒野菜拉麵+餃子3隻麵豉湯🍜今次食既日系叉燒野菜拉麵。油膩感唔會過重，搭配豐富的高麗菜、豆芽及蒜還有濃濃油脂，幾好既配搭。大致試味道唔會過咸。🥬🐷極黑味玉野菜拉麵💕+芝麻雞翼面層撒上芝麻，脆卜卜，值得一試🍹菠蘿梳打🍹乳酸梳打🥛牛乳奶凍🍰綠茶蕨餅如經開大埔新達廣場。不妨一試～😊🚩 八番屋 大埔南運路9號新達廣場1樓A012號舖

住大埔好友約我晚餐，因星期一至五全日不收加一服務費，真抵食。我們點左特盛二人套餐$268，汁燒牛肉丼：牛肉味濃郁，配流心蛋、紫菜絲和肉碎牛蒡，有口感味道不錯。咖喱吉列豬扒丼：豬扒炸得鬆脆可口，咖喱味不辣很香。串燒盛：有牛肉、雞軟骨、雞翼、雞肉。牛肉串：燒得香口有肉汁，雞軟骨串：爽爽脆脆夠入味，雞翼串：雞皮燒得金黃，雞皮香脆，雞肉串：雞腿肉很嫩滑，真不錯。櫻花福餅：賣相靚靚，表面放有鹽漬櫻花🌸晶瑩剔透的粉紅色餅皮包豆蓉餡，煙煙韌韌好食又靚靚的甜品。飲品：雜果賓治，有雜果肉，味道清甜。菠蘿乳酸梳打：入口酸甜酸甜。燒牛舌 $48:很爽口，醬汁好味。

去左一間日式餐廳，真係享受到正宗嘅日本料理！八番金澤野菜拉麵拉麵麵條彈牙有嚼勁，湯底鮮香濃郁，充滿醬油嘅香味，配上豐富嘅金澤野菜，味道更加豐富，令人回味無窮。汁燒牛舌丼牛舌經過燒烤處理，肉質鮮嫩多汁，滋味濃郁。配上糖醋汁燒得剛剛好，口感滑嫩，外酥內軟，每一口都讓人愉悅。網燒雞扒丼雞扒經過特別處理，燒得外脆內嫩，肉質鮮美。上面擺滿新鮮嘅蔬菜，配上特製醬汁，味道鮮美，好開胃。串燒盛串燒有雞軟骨、雞翼、牛肉同雞肉等多款選擇，每一款都烤得香嫩多汁，入口即化。肉質鮮美，調味剛剛好，味道豐富，讓人回味無窮。服務態度友善，環境舒適。無論係拉麵、丼飯定係串燒，每一道菜都令人滿足

我最近去咗大埔嘅八番屋日本菜餐廳，真係抵食又平民化。我叫咗日式年糕、雞中翼、牛舌、咖哩吉列豬扒丼、泡菜叉燒拉麵套餐。首先係日式年糕燒得軟軟糯糯，味道甜甜地。雞中翼煎得金黃，面上仲有啲芝麻。牛舌一串有3塊，有咬口。而咖哩吉列豬扒丼豬扒炸得香脆，再淋上濃郁嘅咖哩汁，配埋白飯，唔錯。咋外泡菜叉燒拉麵套餐，加埋餃子同麵豉湯。拉麵麵條彈牙，估唔到都幾好。餃子皮薄餡多，麵豉湯清湯帶麵豉嘅風味，好開胃。飲品叫了熱柚子蜜。柚子酸甜蜜嘅味道，正好平衡咗之前嘅油膩感。

Living in taipo ain’t short of food options But if you want a no brainier comfort Japanese food The mall right above the MTR station can give you the answerTons of menu to choose fromAll at a reasonable price No wonder why it’s always fullFried pork cutlet with curry riceIt can’t go wrongEspecially when you freshly fried the pork cutletGenerous portionsMust tryIf you want some snack when you are eating aloneThey can provide you with answers tooBBQ eel, beef tongue, bbq chickenAll made when order