八道韓式燒烤 (已結業)

食品差，環境差，肯定不會再幫趁食物被醃料醃到無晒味，食完就滿身油煙味。大媽伙計亂咁嚟，唔記得落水，唔記得開抽風，十問九不理，只有埋單最快手，未夠鐘就俾張單你！九十五蚊一位，全包，包埋黑口黑面。肯定無下次！

屋邨冬菇亭已經買少見少，仲要係冬菇亭開韓燒都幾特別。5點至7點時段只係＄95，免加一。咁既價錢，食物款式都算多款同新鮮，除左可以燒烤外，仲有個細鍋仔可以打邊爐，但個鍋仔大約可以放到4至5粒丸。食物味道都可以，只係覺得火喉唔夠大，心急鬼既我，就要調較下個節奏。

之前跟朋友去新翠食晚飯, 而發現這家韓燒, 原想有別家韓燒可試, 不用只食大集團, 6:45pm 入坐, 整家餐廳只有7成滿坐, 通道比較窄, 食物堆方比較亂, 款式不太多, 雞翼/ 豬扒都有幾款, 牆上面有寫係咩食物嚟, 但堆埋一齊根本分到邊款打邊款, 只是用不同醃料處理, 較少見有牛仔骨, 但肥膏多過肉, 牛仔骨當中又比我夾到塊手板咁大的五花腩肉片 (想點呀.......=.=) 肉料感覺上用鬆肉粉醃過, 牛仔骨同其他肉冇咩理由可以唔洗點咬就咬得開........ 肉料雪味的確比較重, 好似街市凍肉貨色咁,有魚塊, 有多春魚, 有丸料同原隻菠蘿片, 有其他韓燒生料, 唯一可取係食物唔太咸, 醃醬唔會過多, 成晚食得最多係魚塊同燒菠蘿片熟食都有, 但我地就冇乜攞過, 最攪笑有燒鴨.......感覺堅似隔離行市冇乜料就入乜料咁............ =.=我地韓燒, 佢燒板中間又有一個鐵碗物體 (係碗嚟, 唔係大), 話比我地打邊爐, 心諗比個碗我放得d 咩入去打邊邊呢, 原來佢本身每枱韓燒係有個夾我地夾生肉嚟燒, 但佢又冇比, 燒左45mins 先有個男仔話唔記得比個夾我地lee

大圍好抵食既韓燒!八道韓式燒烤位於大圍新翠邨, 距離大圍香港鐵站大約五分鐘路程。有幾抵!?星期五六日黃金時段7-9pm都只係成人$155 +10%! 如果係5-7pm/10pm-12am時段仲只係$105+10%，星期一至四仲要再平十蚊!價錢雖然便，但d食物款式都好多，單單腸類都已經有成三款，肉類，魚柳，丸類，蔬菜類，蒜蓉包等等應有盡有，而且味道都ok。原來燒蒜蓉包都幾好味!除左有韓燒食物，仲竟然有前菜小碟入任夾，有我至愛既泡菜! 熟食區仲有咖喱魚蛋，燒味，炒飯等，所以就算未燒好第一round既食物都唔怕可以食住先，邊食邊燒~食到飽竟然仲有糖水同生果任食~ 個晚糖水有蕃薯糖水，味道都不錯。咁嘅價錢，所以話四個字: 夫復何求~~~唯一缺點係通風設備麻麻，食完成個人頭同身好勁油煙味。環境氣氛： ★★☆☆☆食物質素： ★★★★☆服務態度： ★★★☆☆

諗中秋節食餐韓燒，點知呢間野油煙都望唔到人。野食又麻麻，價錢又唔平。重點仲要屈我地早入座，要我地提早成半粒鐘走！佢攞張唔知乜單話我地既入座時間，但個時間連沙田未入到😤😤😤理論後🙅，佢話比多十分鐘我地，當豪出嚟咁。我講出嚟希望唔好有人再中招.

記得帶氧氣桶，唔好著名牌衫（睡衣可以），請自備杯，有鼻敏感人士請勿進入，食物唔多，極有大陸feel，個爐頭時大時唔大，服務差，個阿嬸武個爐武到天花龍鳳，差啲搞到我個頭開花，個底移曬位個阿嬸仲話系禁架，明明移位移到燒都燒唔到，建議大家唔好因為就腳同平而去呢間野，如果差唔多價錢不如去食旺角個間韓秀麗

Book左位，去到話無晒位！Book 5點， 叫我等到7點！好無安全感既Book位服務！信任何在！遠道而來，無奈離開！確實受委屈了！其實咩叫做Book位？真係嬲！Book位果時個阿姨仲話:（今晚見）我都想見，仲想坐低添！差！！

姊妹們食飯，有人提議去食韓燒，走到附近屋邨的韓燒店，這間都算是區內唯一食韓燒的店舖。外看門面不錯，姊妹說這裡以前是甚麼「冬菇亭」的熟食檔，被領匯翻新之後就有些食店出現。內裡的食物種類都不少，放滿了一張長枱，糖水﹑湯和汽水應有盡有。不過發覺這店的肉都是切得細細塊的，有些食得出是雪藏味。其他的食材都不過不失，可能我們用了燒了肉的煎盆來燒瓜菜，所以瓜菜都食到燒肉的油味。不過即使我們換了很多煎盆都沒用，始終這裡的抽氣不佳，整間店舖都瀰漫著油煙味，而我…我件新衫都吸盡了油煙味… Oh My God !!!!

因為預先book左位，所以唔洗等。朋友介紹，５點－７點（７點前埋單！）　８８加一，覺得好似幾抵咁，就去左！本人假日去，所以加多十元，總數　９８加一＝＄１０８　任飲任食。環境都乾淨，坐得都舒服。去到當然即刻拎肉拎前菜啦！先講重點先肉類：大部份都是用同一種醃料，所以ｄ味道都差不多，但肉味唔同！　比較欣賞雞軟骨、腩肉！　菜包住腩肉，正^^　　尤魚仔都唔錯！前菜：都有幾款前菜！　泡菜竟然最難食，苦的！　但波菜、青瓜都好好食，食完再添。食完第一轉，就食ｄ菜……好鍾意佢個「九」菜同豆角，燒完肉，再同個爐炒佢，有ｄ肉油，令到ｄ菜都好香！生菜都有ｄ苦苦地既味。要改善之處：甜品熟食可以多款ｄ，野飲可以多款ｄ（因飲品得汽水，連水都是梳打水= =）個爐燒得好慢，好似廢廢地= =　　不過服務員都好好，好主動幫我地轉個爐板。總括：＄１０８，任食任飲，都算抵啦！食物質素唔算差！咁既價錢，有中上質素，都算係咁！

之前韓國餐廳中最差是韓食家以及漢陽苑, 高麗同梨和園係一般但係真係很平所以尚算接受到.呢間餐廳很趕客, 一入到去就已經多次提醒個時間, 然後時間未到已經每幾分鐘走過來催你埋單收爐, 這等態度而家你貼錢請本人食飯麼?通風系統其實不差, 不過似乎安裝得不好, 冷氣吹到油煙到處係, 感覺就像自己在廚房煮野食一般, 建議穿簡單便衣進餐.燒爐似乎保養不好, 看落去有很多鏽跡而且很快黏底, 肉類醃得不好, 個醬應該很求其的整, 味道很一般.飲品價錢同主題公園裡面沒有差別, 食烤野無水逼你買貴汽水, 這就是無良吧. 服務態度也不佳! 差!

男仕食飯夜去咗呢間，2000到達，但full了，boss建議我地係出面燒，成班人都話ok，我就跟隨大家，點知外面好過入面，因為店入面抽煙唔係太得，又逼。食物方面我認為好過個d大集團ge韓燒，因為至少有d肉味，唔會不同ge肉都係一種味，以咁ge price黎講係物超所值，甜品就無咩Lo,生果都可以食下ge

以前都有耐唔耐去食下, 貪佢就腳又唔貴, 野食都幾多選擇, refill得快d staff都幾nice裝修之後換左爐, 仲加左個伸去爐頭ge抽風機. 新開之後唔俾你自己落油, 淨係換網時幫你掃浸油係上面野食幾ok, 菜同肉都有好多款揀, 仲有甜品同熟食, 野飲比較hea, 建議自己帶野飲去不過, 新鋪個設計好有問題! 天花個冷氣風口好大風, 吹散晒d煙, 爐頭上面個抽風機又唔夠勁, 整到成間鋪勁大煙, 好la眼 最慘撞正隔離果枱又唔識燒(佢地唔知做乜燒燒下著左火 ), 勁多煙俾d冷氣吹晒過黎, 我地一路食一路流眼水, 好黑仔lo! 雖然野食ok, 不過唔敢再去啦

這天細妹來舊屋幫忙，晚上我、細妹、男友及細妹男友，一行四人前往《八道》去。聞說店子早前因火警而停業，大概五月中左右才裝修完畢、再次營業。裝修前到來覺得食物尚可，重開後某次走過見其加了煙囪式抽油煙喉，於是決定趁搬家前多來一次、多給它一次「機會」。（ps. 其實，我的原意是《韓東子》，但致電後才知悉大圍店已結業，於是才改到《八道》。）是日稍早前致電往《八道》訂檯，由於是訂了7:00-9:30那時段，故到埗時要等第一輪的食客離開及清埸後方可入座。7pm多，大家排著隊、拿著侍應於輪候時給與的「手劃票」入場，感覺就如「入戲院睇戲」般…店子除安裝了煙囪式抽油煙喉，還把桌椅換成如《韓東子》般的大油桶檯及小油桶儲物櫈。（當中也保留了卡座，是為大夥兒食客而設）環境升格了、韓式了，意圖一洗港式味。由於剛才消耗了不少體力，安頓後便即時去取食物嚕。自助區（冷盤、食物及汽水）的格局跟之前大同小異，而食物的選擇亦沒有太大改變，因此不再花篇幅詳述了。煙囪是有的，但…「點解佢成日自己彈返上去嘅？！？？！」，找來侍應「整整佢」也不行，都是自行回彈。我們看看四周，似乎場內不少煙囪也有「自行回彈」的問題，「仲要縮（彈）到鬼

1預約了準時去到仲要等9張檯（預約沒意思，建議想去食既朋友都係直接walk in）2因為有六七個人所以預約要2個爐既大檯，但去到等9張之後卻俾左一張圓檯得一個爐！ 甘同職員溝通下啦，職員唔清楚叫左經理黎，甘同佢講我地預約果陣講好左要大檯喎。（我地見到有幾張大檯空置左，而且都其他人換檯）我地都要求換，經理話其他人book左！ 我地都book左喎！！經理又話唔係我聽電話，如果我聽唔會應承你地…之後唔知點解有個男職員過黎幫我地換左大檯，之後男職員竟然被責罵，仲要比客人聽到而且說話還有點粗俗（極不滿意服務態度）3 價錢就152蚊啦，食物食曬又唔補上肉類幾乎全部同味！“果條”抽煙既東西根本不知所謂一啲用都沒。真係其他韓燒食店沒哩款抽氣但抽氣方面都唔知好幾多倍！！ 結果食緊果陣時係甘俾煙焗食完全身勁大bbq味4總結：價錢同旺角漢x差唔多，環境唔夠人好食物唔夠豐富（某啲食物被食曬又唔補充），服務態度可稱極品！甘樣既質素152超唔抵食，沒下次

周五夜, 是日因為上大陸工作返港, 撞岩有個住大圍既老友得閒, 約左一齊食飯。次次去大圍,我都只有一個目的,就係去拜車公。早年拜開黃大仙,不過好似一般,改左拜車公之後,事事順景,我唔係一個迷信既人,不過拜過我信了。老友自細住新翠邨長大,而且佢不嬲都好識食,佢一開始就介紹去食八道,我知道應該唔錯。听佢講間野最近先裝修完,所以再去試下。佢話之前佢食過好食,我比喻為連韜韜食完都話要返兜,你懂的。(有人話我D食評多廢話, 如果你真係咁急想知有咩食, 冇咩耐性就食杯麵,唔好上OPENRICE做RESEARCH, 食野是享受,唔急得。)講開食燒烤,我唔明白點解有分韓式日式? 老實講咪又唔係咁燒黎食。不過日式多數係網,韓式多數係龜背燒。D燒烤店又唔係香港人開,引入幾個韓國前菜就話韓燒,即係對於我呢D真係去過韓國食過燒烤既人黎講, 你呢D叫MK仔扮韓仔。韓仔燒烤個爐邊可以烤滑蛋,未食過真係好去明洞試下。入座時間七點十分,即刻幫你計錶,唔記得係食個半定兩個鐘,不過你實食得飽,因為款式實在多。冷熱食物糖水汽水樣樣有。我介紹D特色D既比大家, 其實POST咩食物都比你睇過晒。雞翼冇得輸,剩係個味都有分麻辣,