八道餐廳 (已結業)

去到八道餐廳食Lunch，係一間富有人情味的小店，門外貼了文宣。老板娘招呼入內，佢有一個由0700-2200的下午茶menu...價錢幾吸引wor!咁一於試下。叫咗雞扒烏冬，送一杯柚子紅茶，再加個炸雲吞㖭。雞扒幾好味，不過係下午茶分量。烏冬太稔，個人就唔係咁偏好。炸雲吞唔知係未自家製呢？個皮炸得好脆好浮，粒魚肉調味唔錯，配埋泰式辣醬食，有少少錦滷雲吞嘅神粹。柚子紅茶好清新，有令人叮一聲嘅感覺。埋單40蚊，幾抵borp.s.詳細食評請參看本人ig ,thx#慈雲山人，幸會#YellowOpenrice#是openrice教會我，食評只可以極hae地寫#原告變被告係未國策嚟㗎#唔要一萬要三萬thx #臨兵鬥者皆列陣前

成日經過呢間覺得個門面好暗一直都冇入來試。近排聽聞又黃又抵食，所以來嘆個下午茶。餐牌手寫有啲亂但幾有親切感，啲野食大大碟大大碗，確實抵食。雪菜肉絲餐肉米 $29味道正常，大大碗包一杯野飲幾抵食。瑞士雞髀+肉醬意粉$35雞髀滷得夠入味又夠林，唔錯肉醬意粉大大碟，味道可以，下午茶黎講份量確實算多，認真抵食。店員態度欣勤有禮又親切，可能由於疫情的關係，見店員勤清毒勤抹枱，又主動俾2杯水食客洗餐具，盡顯街坊小店之情會繼續去懲罰佢

上星期去行山之前去咗呢間小店食 門面唔算好起眼 但入到餐廳個環境都幾大下 有個廁所方便食飯前清潔雙手 我叫咗個牛肝菌汁雞扒意粉（$45，學生$40）牛肝菌汁多到鋪滯成碟意粉，食落去都幾香蘑菇味，而且個汁仲有好多粟米同蘑菇，口感夠晒豐富😍而連皮雞扒係切開左四舊，份量剛剛好，雞扒略多脂肪，但肉質都算鮮嫩😍意粉份量稱得上係海量，好彩汁夠多，食到最尾意粉都有汁送入口，夠晒飽肚 😍而午市嘅餐飲仲可以升級到紅豆冰😍 紅豆份量豐富，粒粒分明有咬口，甜度較低，啱晒健康人士😂 另外，呢度嘅侍應姨姨服務應度好好，好親切，值得再嚟支持！

今天2點 下午茶時間去幫襯點左個 下午茶餐 芝士忌廉焗長通粉+ 炸雲吞凍柚子紅茶少冰走飲管幫我點餐嘅職員態度好好但 入單 嗰個職員入錯單 入漏咗炸雲吞改咗兩次單 先改到， 入單職員服務態度差等左接近半個鐘，終於食物嚟到希望佢可以出餐快啲，服務有待改善

餐廳係屋企附近所以試左幾次，佢門口寫住試業中，但呢餐都真係好離譜！第一，亦係最大問題係等勁耐先出餐！之前食已經係咁，但今日完全不能接受！明明客唔算多，八點零四分落兩個餐，八點八都仲係一個餐都未有！第二，侍應企係到傾偈都唔會同你跟單，見到你張枱空空如也，後到o既客都黎齊野，依然都未出餐，都唔會理你！終於忍唔住問侍應，又話廚房多單，但我話人地其他餐又出到！佢勁唔滿意問咁使唔使幫你轉？漏左單就漏左單啦仲要一句唔好意思都無！！態度惡劣！！原本野食ok，想支持一下小店！但佢好明顯唔希罕做我街坊生意，以後都唔會再去！大家想慢食就隨便試下！

個餐牌內容有好多選擇，對於選擇困難症嘅我都要啲時間去參考一下，個餐牌裡面有好多唔同嘅美食，最終我建議每位揀咗一個餐再然後再share食物， 初頭以為啲食物應該係正常size，冇諗過啲食物去到枱既時候全部都係大大件而且味道唔錯， 雖然酥皮湯有少少燶咗，亦明白繁忙時間出到咁好味嘅食物已經係好好㗎啦，個扒餐裏面啲肉無雪藏味，食肉獸都覺得呢個餐好飽呀， 餐廳嘅職員到好好，你想要嘅要求佢哋都盡量會配合，希望下次嚟嘅時候試埋其他餐牌內既食物。