八鯨料理

營業中

休息中

是日晚上唔煮飯，又想食日式，而大埔中心越開越多一式一樣嘅連鎖餐廳，並非個人喜好之選。諗起呢間平時較少幫襯嘅小店，一行三人，去到等咗幾分鐘位。食物選擇有好多，所以都考慮咗好耐先決定食咩。玉子，對佢太大期望，好普通嘅蛋卷串燒拼盤，不過不失我不嬲都鐘意燒三文魚頭，好味超咸！食左兩啖頂唔順拎走返屋企加飯落去再炒...刺生都係咁，不過不失鰻魚飯，都幾好，不過好似有個位小小燒燶咗嘅味道好好味！

難得有空約朋友公司附近午餐，一於去食日本食物！這家料理食了這麼多年，水準保持一定水準，價格又親民，唔食它就對唔住自己啦！12:15分左右去到，老闆讓我未齊人先入座，話遲少少會好多人，無位的！於是我就坐左20分鐘先落單，朋友才到就有餐上！時間控制得剛剛好！刺身丼滑牛蛋飯

平時見到午餐時段非常之多人，今日放假就有早啲走去食，叫咗個牛肉煮豆腐定食，先食個開胃菜蟹子沙律，都算幾好食青瓜絲幾爽口重有小小蟹柳絲同蟹子不過沙律就多左啲， 麵豉湯都幾好飲，料都好多，牛肉煮豆腐個湯好清甜，牛肉分量有好多，仲有洋蔥都煮得好淋， 牛肉亦都煮得好好唔會太老， 飯加小小湯加牛肉一齊食非常好食，不過啲飯就細玩咗啲

突然很想吃日本菜但一想到天時暑熱又不想在出門所以打去八鯨叫外賣然後工人姐姐去取。天婦羅配冷烏東~這是我的至愛。天婦羅取回家還很脆。烏冬夠凍，將薑蓉、䓤粒和芝蔴加入汁中然後伴烏冬吃很好吃。新上魚生飯~魚生新鮮尤其是海膽很鮮甜，壽司飯軟硬適中飯面有紫菜絲魚生上還伴有酸薑這個價錢絕對超值。燒牛舌~每次晚市幫襯必點，牛舌爽口完全面上的黑椒碎增加香味。這店没有訂位服務地方不太所以無論午市和晚市大多數都要等位個人認為在大埔至好的日本餐廳。

>自選刺身三拼好鐘意佢呢個配搭， 可以自選指定三款刺身，印像中分別有三文魚/ 吞拿魚/ 北寄貝/帶子 /甜蝦 /八爪魚。 識揀一定揀三文，甜蝦同帶子！賣相吸引(仲有一小扎假花裝飾 xd ), 三文魚肥美厚切，帶子同甜新鮮！呢個價錢，抵啦呢！> 鰻魚炒飯用珍珠米炒，口感一流又更顯得出厨房ge 心思！ 炒飯配返燒鰻魚ge 甜美，好討喜！ 炒得比一般炒飯濕，可以入個鰻魚汁控制ge 問題， 不過個人就覺得濕潤d 好味d! > 紫菜厚玉子期望過高，以為係甜玉子，但飯落似係潮式煎餅，不過係賣相似玉子而已。 不過賣相同味道都ok ge, 只係不如預期而有d 失望@@

親愛的終於也有空。在較涼快的晚上，慢慢的從火車站步行到料理店。兩口子愛分享身邊發生的事，不論是自身的，還是身邊的事，也愛一一細說。要維繫一段感情確實不易，特別是婚姻。的確要雙方也願意付出，包容、坦白、愛惜……大家也懂得的，但要實行，不容易。就選擇一間舒適親民的料理店，共度簡單的晚上。到達時正正是晚餐時間，已有數位客人在等候。要等候6張台左右。料理店面積不算太少，店外也有數張台，在炎炎夏日，大家也不介意在外面用餐。看來料理店的確有其吸引之處。等了一陣子便有位了。店中不乏日式裝飾。小店的特色。食物選擇很多：刺身、卷物、壽司、天婦羅、沙律、串燒、烏冬、炒飯……店中也有不少的推介食物。相信這也是受歡迎的原因。蟹籽沙律：蟹柳：一向不喜歡吃蟹柳，但沙律中的蟹柳的確好吃，蟹味很濃！青瓜：十分爽口，而且很新鮮，沒有草青味蟹籽：及格，份量也下得大方。上刺身3點：上堂後不禁嘩然！厚切的三文魚、油甘魚、甜蝦各三件。十分大方！三文魚：始終不是魚腩，油脂不會太多，但肥厚新鮮，啖啖魚肉，很滿足！油甘魚：質感當然與三文魚完全不同。較爽口，亦很新鮮。雖然魚味較淡，但也不會有雪味。甜蝦：很怕甜蝦質感霉霉的。這個完全沒有

情人節的這天，到處都人頭湧湧。原本是想到大埔超級城裡的so thai so good試試新東西，可惜平日不設訂座的這店卻一反常態，接受訂位又不派飛讓人入座。無奈之下，被迫改變計劃，重新選擇晚餐的地方，卻另有一番驚喜。這次介紹的是位於大埔廣場地下的八鯨料理。大埔廣場附近食肆林立，不難找到坐下的選擇，但總想著今天總不能太過不合乎節日氣氛吧。七點多的晚飯時間，等候的人群並不是太多，大約等了15分鐘左右，5張檯的叫號就能坐下了。雖然店內人頭湧湧，而店員安排我倆坐在門口的室外空間，但天氣不太熱，環境仍是舒適的。早在等待的時間，已經看到了店內吸睛的黑板，上面詳細的列著各種的刺身和主食。其中，對我最吸引的，非刺身莫屬了。厚五頁的餐牌，有著各種刺身，炸物，拉麵，軍艦，飯類，款式應有盡有，果真不錯。這個充滿甜份的節日，當然要吃得豐富一點吧。我倆點了：三拼刺身拼盤，黑豚串燒，雞軟骨串燒，鰻魚炒飯，天婦羅烏冬和滋味的芝士焗蠔。首先送上的是刺身拼盤，我們選了三文魚，八爪魚和帶子。三文魚和八爪魚都各有三片，而帶子則有六片之多，價格相宜，只是78元。細心的是小小的拼盤也伴以冰作墊底，有著吃放題的感覺，果真不錯。而

呢間日式野次次路過,不論晏晝夜晚都好多人排隊!好耐之前食過一次,今次黎試下晚餐啦!舖唔算大,呢個亦係好多人要排隊ge原因之一...叫左個火炙拼盤燒得好香,唔濃!總共有10件!D飯比較細舊,唔會搶左上邊火炙ge風頭!果兩條鰻魚好長好香,連一向唔太好鰻魚ge我都差唔多一口食晒!三文魚好滑口,入口即溶!刺身相當新鮮,三文魚幾厚,有口感!帆立貝都好鮮甜!芝士焗蠔明顯唔係普通放題貨色,雖然隻蠔唔大,但芝士好香濃但係又唔會好膩!軟殼蟹天婦羅,one of my favorite!好香口,唔點任何醬就咁食好正,D蟹肉好豐富!正呀!仲叫左個海膽炒飯架,SIZE一般不過都好足料好香!唔知點解叫左5樣野都係唔飽,可能係壽司D size太細,不過又真係好食ge!下次試下LUNCH黎幫襯先! 

行開大埔,見到呢間日本野幾平就入去試下。同三個朋友一人叫左一個set lunch,我叫左一客叉燒豬骨湯拉麪配壽司,叧外叫左兩客鐡板三文魚定食。先講壽司,壽司的質素一般,刺身尚算新鮮,但飯略硬,破壊了口感。至於叉燒豬骨湯拉麪湯底略鹹並無豬骨的鮮味,但叉燒肉質不錯,味道亦佳。鐡板三文魚定食份量十足,三文魚扒味道甘香,炒雜菜及肥牛卷的味道不錯,醤汁惹味,整体尚算不錯

其實，每次去大埔，八鯨都係必選的日本菜店舖，佢地冇收加一，所以都好低，我地必點既係"奇脆三文魚腩卷" 面頭有三大厚厚既魚生，正！另外，就係佢既"天婦羅烏冬-清湯，都好低食。個三色刺身（自選），就不過不失。今次叫既"蟹子沙律"就差左d，感覺唔夠新鮮

系八鯨料理開店既時候，一路都有幫襯開差唔多個個禮拜都會至少食一次午餐但系，最近再去食既時候，發現水準比以前差左。叫左一個八件什錦壽司餐，加5蚊可以轉加大烏冬因為一向不喜歡吞拿魚的鹹味，以前去食的時候，都會叫店員走吞拿魚壽司，換成另一件卷物。 但係，最近去食，店員好串咁答：規定左，冇得轉 最後，因為個件吞拿魚壽司就浪費左 個大烏冬既湯底要左豬骨湯，但系最近去食，發現全部都系味精。以前去食，雖然都有落味精，明白到現在食肆不可能再用豬骨熬湯但系，都唔系落咁多味精架食既系午餐，雖然已經有不停飲水，但系個D味精的味去到食晚飯個陣先慢慢冇 不過值得一贊既系，三文魚壽司同花之戀既三文魚都幾新鮮 卷物都幾ok烏冬的味道都不錯，就系湯底太多味精，令人反感

已來了很多次食lunch set, 主要食壽司刺身加烏冬的lunch set(+5 可加大至豬骨湯牛肉烏冬), total $49, 不收加一.質素咁耐而來都keep 得好穩定. 刺身新鮮爽口, 不會太凍或有雪味. 壽司飯團彈牙, 烏冬好滑同有咬口.Ichiban !

10件拼盤 好好味, 每一款都有心意的 ,不只是簡簡單單 的.左起 火炙3文魚,芝士蟹柳 ,海鰻 , 火炙TUNA , 蛋黃醬帆立貝.都夠新鮮~份量略為小了一點...這個份量很多 ,是我食過最平最多的尢魚筒 ,味道幾好 有少少燒汁 甜甜地,略嫌濕了一點 個人口味:6/10

八鯨食物一向也很好, 只係有時等枱會等好耐, 但都有攻略既, 如果4人以上, 平時7點前去排就多數有位, 但一過左7點, 就有排等, 那天和朋友2個人一齊撇甩老公响大埔搵飯食, 8點左右, 去到見到有2個4人响度等緊枱, 好彩我地得2個人, 即時有得入.... 老闆係貌似黑社會大佬既, 以前我地會暗啞底咁樣稱呼佢, 但而家老闆個LOOK 都斯文晒喇 (其實佢本身都係好有禮貌既)今次一坐底就叫左2客三文腩壽司, 然後就一人隊左個豬骨湯底既烏冬, 我食叉燒, 佢食餃子... 之後就叫左焗蠔, 好味, CREAM & 芝士味好濃, 適合喜歡濃味既人, 一客有三隻之後叫左客燒鯖魚, 皮脆肉嫩 最後整多個當日推介既 好好食, 仲要咁多舊, 只係$70 滿足的一餐, 離開時9點15分左右, 仲有人排緊隊.... 果然旺場...

十月十五日 (星期一)最近看到一位網友放上一張沙田新城市廣場的昔日照片是小時候等爸爸放工的噴水池，還有附近的一些小商鋪不知由何時開始消失的一乾二淨每次到大型商場，也是見到一模一樣的格局商鋪來來去去也是這些那些，就如倒模般，真令人嘆息恐怕一天，我成長的大埔也會變成這模樣或許趁大埔還有小商店時，要快點去幫襯慶幸大埔的租金價皮仍與沙田有一段距離，暫仍可容得下一些特色食店，就如是日到訪的這家八鯨日本料理提起八鯨，不少人也會聯想到名古屋何解?問一問身邊的足球迷便知此料理店供應壽司,刺身,烏冬,丼及多日式小吃，可謂包羅萬有而且價錢合理，平日的晚上也會見到在門外等位的食客點了一碗三文魚丼及帆立貝豚骨湯手打烏冬兩件三文魚壽司十四元，倒不如點一碗三文魚丼三文魚丼有五片三文魚，肉雖不是腩位，但吃起來算肥美甘香厚薄適中，飯粒分明有嚼勁，加了醋，酸度也易令人接受帆立貝豚骨湯手打烏冬一碗有三隻帆立貝，大大粒，鮮味十足而豚骨湯亦十分香濃，又不油膩烏冬是自家手打的，誠意十足入口，烏冬果然質感彈牙，煙煙韌韌的，十分滿意二人埋單一百元也有找，性價比之高，怪不得開業以來深受大埔街坊歡迎