影片
電話號碼
98568476
開飯介紹
人氣雞煲店，嚐辣者必試以獨家秘方及魔鬼椒製作的魔鬼辣雞煲，辣得過癮；另有其他湯底及烤魚以供選擇。
繼續閱讀
營業時間
今日營業
17:00 - 23:45
00:00 - 02:00
星期一至日
17:00 - 23:45
00:00 - 02:00
公眾假期
17:00 - 23:45
00:00 - 02:00
公眾假期前夕
17:00 - 23:45
00:00 - 02:00
以上資料只供參考, 請與餐廳確認詳情
有關獎賞計劃
點解話佢係世一雞煲! 因為終於有一間雞煲的底料調味並唔係用花椒八角!雖然呢個雞煲對我黎講就甜左DD，但食落愈食愈有勁!因為佢係採用印度魔鬼椒去製作呢個「招牌魔鬼雞煲」~ 所以個辣度方面我都唔敢太辣~ 加上朋友不太吃辣~ 所以叫左個BB辣去試試佢!「招牌魔鬼雞煲」(半隻) HK$198 + 加魚鰾 HK$88一上枱，店員示意先將雞煲再熱多一下~ 佢地會再幫你快炒一下~快炒完個一下~ 真係香到不得之了~佢所有炒雞汁料掛滿晒所有雞件上面，料頭中有洋蔥，芫茜，原粒炸蒜頭，紅蔥頭，玉豆，木耳等~相當多配料，反而咁樣加埋印度魔鬼椒令到個汁醬提味提香~雞件相當滑嫩，厚肉，採用走地麻雞，絕對新鮮~ 雞味濃肉質好~真係好食得不得了~ 同埋半隻雞都相當夠兩個人食~ 我地另外加左魚鰾~ HK$88 都有成8大舊~ 食落口唔腥~ 加埋呢個雞煲汁醬~真係吸收晒精華~ 滿分之雞煲 X 魚鰾食到咁上下，加湯轉為火鍋~ 所以額外再點了配料我地點了皇帝菜 HK$38，好大份~ 絕對抵食~同埋食材相當新鮮~ 紅薯粉 HK$18，又係好大份~ CP值太高了吧!!! 呢度的紅薯粉係寬粉狀的都係非常岩配合到雞煲汁，勁好食~此外~ 呢度個人非常推薦食佢地牛肉類~ 佢地牛肉相當新鮮~ 我地點了新鮮滑牛 HK$88呢度滑牛會加有鮮雞蛋~令到牛肉滑上加滑~ 另外精選什丸拼盤 HK$68入面包括，墨汁墨魚丸，貢丸，蟹籽丸，芝士丸，牛丸~這個就比較普通一點點~ 飲品真心絕對都係大推~ 特特特大杯~!!!珍寶多果茶 HK$58~ 大杯到嚇死你~ 佢係以橙汁為基底加上不同時令水果去調配~ 唔算好甜~ 至少同雞煲好夾~ 士多啤梨乳酸梳打 HK$38呢杯就比起珍寶多果茶細杯D~ 但係佢係用新鮮士多啤梨製成~ 味道酸酸甜甜~ 不錯!!!另外呢度會有六格醬料自由配加~ 包括鮮蒜，蔥粒，芫茜，辣椒粒，XO醬及炸蒜~ 調料配料都好新鮮~ 呢度重點係非常岩揸車人士黎食~ 因為出面有好多錶位可以泊車~安安心心食餐咁正的雞煲~ 絕對值得黎食!!!同埋呢度坐得舒服，服務100分!!!!!!!!!!!!!
繼續閱讀
自從朋友係景峰搬走左，都好少嚟呢邊，俾佢門口嘅壁畫吸引咗入嚟😸一嚟到佢就會上六格嘅調味盤，最吸引我嘅梗係佢哋自家製嘅XO醬啦，XO醬偏辣，但係睇得出佢裏面嘅用料好真實👍🏻🔸 清甜四季椰子雞煲（半隻）個竹笙粟米椰肉蘿蔔，之後職員會過嚟幫幫手落雞，之後俾個漏斗我哋，佢流晒啲沙就可以食雞啦😋隻雞啲肉彈牙緊致，皮仲係爽口嘅添👍🏻個湯底之後我哋再淥吓丸啊菜啊越滾越甜🔸 百花炸蝦滑必食之選，炸起熱辣辣咁上枱，豆卜有簡單嘅調味，蝦滑彈牙，作為第一個前菜真係好驚喜🔸 精選雜丸拼盤有成5款丸，啱晒心大心細嘅我，最推介佢個牛丸，爆汁㗎🔸 九叔餃（粟米豬肉）食字梗都出埋，每一粒都脹卜卜粉紅色，而且入面好多粟米🌽🔸 牛臉頰片（臉珠）食落有少少似牛腱，但係肉味就冇咁重🔸 皇帝菜打邊爐最鍾意就係食皇帝菜，配埋個湯底食真係一絕🔸 午餐肉條（即炸）即係即炸㗎，一上枱，我哋就忍唔住食咗一條先，之後再錄返落個湯底度食都好好味🔸 珍寶凍檸樂超大杯，夠我哋兩個人share飲🥤餐廳職員好勤快，會主動幫你加雞撇油等，下次去埋元朗試下佢自
繼續閱讀
📍再來一煲😍忍唔住山長水遠二訪嘅雞煲👍～招牌魔鬼雞煲半隻😍同出面嘅雞煲唔同🤪餐廳選用走地麻雞👍肉質非常嫩滑😘仲要勁新鮮😎雞煲調味亦都做得非常之好👍不過BB辣我都覺得好辣😂～手切本地雪花肥牛☺️好耐冇食過咁正嘅手切肥牛😍肉質接近入口即溶😘仲要非常有牛味🥳難得可以兩者兼顧👍～椒鹽粟米🥳香港冇一間餐廳嘅椒鹽粟米整得好過佢😎完！～即炸響鈴😘真係新鮮即炸☺️出到嚟熱辣辣😛口感同出面既響鈴完全唔同👍正勁多倍😘～餐廳職員仲會主動幫你隔油😘服務勁好👍唯一缺點真係要排長龍🥲黃金時間根本冇可能直入😨📍再來一煲 (好發大廈) (屯門)屯門青棉徑6號好發大廈地下17-20號舖
繼續閱讀
依間成為我屯門最愛既雞煲！佢地雞煲係用左印度魔鬼椒走整招牌魔鬼雞煲，並唔係市面常見既花椒八角😍愈食愈好味😋今次叫左以下野食🐔招牌魔鬼雞煲(半隻) $198 上左枱職員都會講聲要等熱多下，之後佢地會再幫手炒多幾下，聞到勁香😳😳雞肉採用走地雞，食落去嫩滑，仲好鮮嫩多汁😙😙另外加左魚鰾 $88，啲魚鰾無腥味，仲索埋啲汁，好有口感之後就轉食火鍋🥬皇帝菜 $38好大份，仲好新鮮！紅薯粉 $18佢係寬粉咁大條，通常依啲先襯雞煲，分量都多架🐮新鮮滑牛 $88佢會配埋雞蛋，比你撈完再落去煮黎食，食落去有啲似沙嗲牛肉既口感🍡精選雜丸拼盤 $68入面有貢丸、蟹籽丸、墨汁墨魚丸，芝士丸同牛丸都係正常味道飲品都好大杯🍊珍寶多果茶 $58勁大杯！送雞煲一流，入面有好多水果，包括火龍果、菠蘿、橙等。唔會太甜🍓士多啤梨乳酸梳打 $38係用新鮮士多啤梨製成，酸酸甜甜🥰再來一煲 (好發大廈) (屯門)📍屯門青棉徑6號好發大廈地下17-20號舖
繼續閱讀
天氣開始轉涼，又係時候食啲熱野暖暖胃，雞煲就係一個非常好既選擇😌近近地係屯門搵到呢間未食過既雞煲，就決定試試! 估唔到又有意外收獲~🥰🥰店面好光猛，啲坐位都好闊落，而且都好企理。整體感覺都十分良好，落單係掃QR code都好方便。😝一坐底店員已經拎定豉油同配料比你加，仲拎埋熱水黎洗碗，服務好周到。係落單個陣都有溫馨提示我地如果叫雞煲揀辣度要比平時食開低一度，因為佢地嘅雞煲用印度辣椒係比較偏辣!同埋店員亦會介紹返有咩時令野，例如今日有蝦、豆苗同西洋菜~👍🏻👍🏻經店員提示後，我揀左個BB辣試一試，而佢雞煲仲可以加錢加唔同料落去一齊炒，建議可以加鵝腸，超級香同惹味。😚🤤叫左杯珍寶檸茶，真係大大杯飲足成晚，仲可以2個人share都夠皮~~🫣雞煲辣度叫BB辣吊一吊味都夠，汁底係有少少甜味，同埋有啲香茅嘅香料味咁，都幾特別，仲要大讚佢多茜，同埋有好索汁既豆卜!淨係食雞煲其實都飽左七成。🥴不過為食見到人地隔離個椒鹽粟米幾靚就忍唔住落左單，另外再叫多份酥炸蠔魔。椒鹽粟米香香辣辣好開胃，啲蒜頭炸得好香!😝炸蠔個炸粉唔太厚，外層好酥脆，但蠔肉又保留到肉汁仲好香蠔味!係面層有啲辣辣地嘅調味，食唔到辣嘅建議落單講聲，因為會食到標汗🥶🥶🥵火鍋料就叫左份本地手切牛，同時令先有嘅豆苗，手切牛比較少脂肪，想食健康啲都推介大家可以試，雖然無咁淋但肉味會突出啲。🤗豆苗眾所周知係冬天先有得食，仲要點整都咁好食，配上雞煲汁一樣咁出色~~🤤呢間係屯門發掘到嘅餐廳，天氣涼涼地都推介大家黎試~🙌🏻🤟🏻
繼續閱讀
您可能會有興趣的...