凝香園

營業中

休息中

第一次為左雙餸飯寫食評。鰂魚涌出名平飯多，近排轉左工轉圍行下，行左30分鐘見倒呢間野多人排，就跟下人一齊排。笑料一則: 排左8分鐘到我揀餸我先發現原來係要買飛先揀餸，又重新排過，最後成20分鐘先買倒個飯。三餸飯 ($45)份量黎講係無得輸，今次揀買呢間原因主要係佢$45包埋個凍奶茶，但可惜個奶茶係甜到我飲左2淡頂唔順，建議大家叫佢少甜先。講番個飯，菜心同肉餅都係正常味道，反而個咖哩雞個汁做得幾多，我食過好多間都係咸到飛起，呢間配飯食唔錯，同埋雞大多都係滑。可以下次再去食過!!!

因為朝早番工會經過，所以成日係到買早餐食員工做野好快手，尤其係個男仔Keep住多客，但都Keep住好快清走啲客幾分鐘買完個早餐行得！同埋員工都好好禮貌咁忙都仲Keep住有禮貌，好值得欣賞佢啲粉麵類早餐平到得人驚雞扒麵連埋野飲先廿蚊，好痴線味道正常，唔算好好味，但唔會難食絕對係窮人恩物！燒賣粉果好似都係陳記可能因為多客，D野唔會放係蒸爐十世都賣出所以唔會好淋 /爛溶溶！相比起粉麵類，呢個係正常價錢佢啲三文治勁厚勁大份味道正正常常好抵食！

好驚訝沒有任何食評！因為我見佢逢lunch time都排長龍架！今次第一次幫襯，整體印象都良好啊！鰂魚涌區$50-$50有找的價錢，性價比絕對高了吧！？我已經覺得好好食喇！不過留意返，佢都偏油架！同埋我覺得佢員工們整體既服務和態度都好好、好友善！呢個係另外我最想讚既野！又唔要嫌棄客人的個別不同要求，例如：走飯、走糖、自備餐具⋯⋯ 我眼見都唔止一個人會咁類似既要求，佢地都一一樂意盡做。我覺得好好喎！Ps. 我搵唔到呢間餐廳有無註明任何立場，純粹一間普通小店。