凝香居

營業中

休息中

食物味道不錯不失。重點想講講，有一位「呀姐/呀姨」既職員（一定唔係後生女既樣與年紀），我家人同佢講「隻碗污糟，換個碗唔該」，呢位一定唔係後生女既女職員答：「啲碗都唔係我洗喎！」。。。哦。。雖然有換過隻碗，但佢呢個回應確實在令顧客的我們感到很不愉快。到交落單紙時，我都有禮貌講聲「唔該呀姨」，位女職員當場大大聲話：「呀姨！？？！」，之後好唔情願接過張落單紙。其實你個樣真係唔係後生女既樣，睇落又年長過我，叫你一聲呀姨，你可以禮貌示意舉例其他稱呼，而唔係甘樣黑口黑面對住客人。再者 餐廳冷氣機滴水十分嚴重。除左我坐既枱，滴落枱上同食物外，其他位置都有滴水情況，但我唔想再同呢位呀姨有交流啦，我怕我爆粗🙂🙂其他職員都十分良好，但一粒老鼠屎就可以令成間餐廳形象唔好。因為呢粒老鼠屎，我唔會再受氣地再去光顧。嗯。。唯有講句，祝生意好呀🙂⋯⋯

#搞串個pantry有時大家會想飲夜茶🫖，或者係凌晨🌙去飲茶食啲點心🥟。今次就喺#屯門 見到有一間通宵營業🕰️嘅點心舖，滿足晒所有夜貓人士🥱，可以係深宵時分食到熱辣辣🔥嘅點心。呢度茶芥每位收$5 ，同大部份點心舖嘅價錢差唔多🫶🏻。點心我哋就嗌咗🟢薑蔥牛柏葉($28)、🟡蒜蓉蝦春卷($28)、🟠鮑魚燒賣皇($34)、⚪️胡椒鹹菜豬肚($40)、🟤北菇滑雞飯($27)、🟣榴槤千絲酥($20)、🟠懷舊鬆化蛋散($20)。論價錢嘅話都算幾平💰，食物質素就普普通通，比較推薦鮑魚燒賣皇💕、薑蔥牛柏葉😝、胡椒鹹菜豬肚、榴槤千絲酥🤩。燒賣除咗上面放咗隻細鮑魚之外，燒賣入面本身都有蝦肉🦐！而牛柏葉同埋豬肚，食落口都好腍，好入味🤤。而個榴槤千絲酥，食落口有好濃郁嘅榴槤味。

喺紅橋附近做完嘢,近近哋就嚟呢到食點心好耐之前食過都唔係差初頭見到入面烏燈黑火以為未開門問下男店員營業時間係我哋唔好聽得唔清楚所以再問多次結果呢個男店員好唔耐煩咁答我地揀嘢食剔點心紙嗰陣問佢枱号喺邊度.佢只係用眼神,加手勢令我畀張點心紙佢最後佢走嚟同我講,飲自己嘢唔係問題但係唔好留喺度可能係佢嘅心理陰影我亦都唔介意被提醒但係都希望語氣態度可以好少少.呢度d嘢食真係幾好味,特別係藥膳雞腳但係咁嘅態度超級趕客

平靚正宵夜之選🫖🫖🫖🫖凝香居收工同同事去屯門食宵夜，行黎行去都唔知食乜，最後行去紅橋睇下有咩食啦，就見到呢間凝香居，就去飲茶啦😋😋講返野食~今次太多樣，一次過講哂~~🦐蝦餃~皮唔太厚，好多蝦，好食過酒樓食個D，點埋豉油真係不得了😱😱😱🐷燒賣~勁好食，佢係有肥膏嫁，超多汁，點埋甜豉油真係一絕🤣🐮牛柏葉~呢個不得了，淋到一個點，又入味，勁想叫多碟😆😆🦑咖喱魷魚~魷魚唔硬，最不得了係向底下個D豆卜，入哂味😍😍😍😍🐔鳳爪~好好食，唔係好多地方嘅橙色鳳爪，係細個酒樓食嘅味道😍😍🐥棉花雞~呢個不過不失~🍞奶皇流沙包~超好食，一咬爆醬，如果佢個流心多D就好啦🙈🐖叉燒腸粉~呢個又係不得了勁多叉燒，腸粉皮又唔太厚，真正嘅皮薄餡靚🥰🥰🍤鮮蝦春卷~勁脆，入面係蝦膠+西芹，好好食😋🐣鳯爪排骨飯~我無食，同事自己一個食哂，佢話正😆今餐總結~環境⭐⭐⭐食物⭐⭐⭐⭐⭐性價比⭐⭐⭐⭐⭐total食咗281蚊，平靚正之選！！2個人食10樣野，估唔到咁好食，鋪仔細細，估唔到坐得幾舒服，係用具有歷史痕跡痕跡扣咗少少分，總括黎講已經入咗宵夜常去清單😆😆😆😆#foodie #food #foodstagram #hkfoodi

以前食過堂食男店員態度好好, 野食又ok, 堂食過幾次今次叫外賣自取, 我9:20早咗入去問拎得未, 我知道係自己太早所以只係問一問, 正當我想離開舖頭行一陣再返嚟, 只係遲咗2秒出去, 個戴眼鏡紮馬尾女店員就鬧 出去等!我9:29分50秒左右 (佢舖頭payment 個位顯示的)入舖頭有禮貌問 請問有得拎未, 個奇怪女店員勁燥底鬧其實你個訂單9:30先有咁我以為佢要跟足規矩就等多10秒再問, 佢又鬧師傅未準備好都俾唔到你 , 最後我9:31係拎到既... 平心而論 野食唔差, 但服務真係差到一個點😓😓重點係全店冇客, 禮貌問一兩句, 都要係咁鬧人 十分無奈😓希望店主睇到改善下😑 或者大家避開衣個燥狂女人先入去食😂

今日一家人諗住去飲下茶，當時無位，外面熱辣辣，曬住等左9個字都有，到有位時整家人入去，我地又無阻住佢清潔，入到去個後生仔一路發脾氣一路執檯，之後比乾淨碗時，又好大力掉低，送點心黎做所有野都好大力擺低，宜家咩年代呀，仲有咁差既服務，我以後都吾會再幫襯，比錢仲要睇佢面色。

第一次食，有驚喜。一朝早十一點左右經過見有位就入去試下喇，點知食落又幾好食，係啲碗真係要自己洗乾淨啲。鹹水角同山竹牛肉特別好食😋上菜速度就大概十分鐘左右，食完見到出面開始有人等位所以我哋都好識做，食完就閃。

今年新年有朋友介紹，試叫了凝香車的大盤盆菜，準時嚟到送貨，一打開已經香噴噴，屋企人望落都覺得足料新鮮，一路食一路讚，食材大件，唔hea，食到盤底，忍唔住整多幾個米粉連汁都撈埋

假日同媽咪二人飲茶，叫左香芋千絲酥，鮑魚燒賣，流沙奶皇包，小籠湯包，仲有即叫即蒸既炸兩腸粉。千絲酥上菜時熱辣辣，記得要等一陣先食鮑魚燒賣舊鮑魚有咸香流沙包上既金漆好靚，閃令令 令人食指大動小籠包入面舊肉太大，媽咪麻麻地，但我覺得可以接受炸兩腸粉皮薄 炸兩脆，i love it鐵觀音媽咪叫濃d，幾香

夜晚想食點心，真係比較少選擇依間未試過就試一試！店鋪細細間得幾張枱點心選擇亦都唔算多點心方面叫左蝦餃，燒賣，牛肉腸幾款都正正常常，冇乜太特別！燉湯都OK,但味道唔夠濃！蒸魚 相信都唔係新鮮魚，肉質一般

真心之前嗌落幾好食 ，就一直食開但係呢排真係搞唔掂 黑金流沙包越整越細隻越嚟越迷你 鹹水角真係越整越衰個原隻蝦腸腸粉 個皮越嚟越粉個鳳爪排骨 啲排骨又係越來越少以後都唔會再幫襯

想飲茶食點心 又想寧靜一下呢間凝香居係唔錯嘅選擇💛店舖雖然比較小 但座位總算闊落裝修仲帶點古色古香茶樓風格🫖坐低有點心紙可以✅上喜歡的點心食物款式都算多選擇 即叫即做熱辣辣上枱唔似有啲酒樓咁凍冰冰😮‍💨我哋點下點下都叫咗幾多野食因為有兩隻化骨龍吖嘛🤣🤣叉燒包 🥩會食到一粒粒叉燒配上濃郁叉燒醬 外皮夠香軟👍🏻🦐凝香蝦餃皇 皮薄 蝦夠新鮮彈牙👍🏻鮮蝦腐皮卷🦐 炸得夠脆口 入面仲有啖啖蝦肉夠彈牙😋山竹牛肉球🐮 大大粒配埋喼汁 更加好味🤤香荽牛肉腸🌿 皮薄晶凝通透 夠滑口 牛肉配上香荽更加好味😋鮮蝦燒賣皇 肉質結實 略嫌沒有蝦在上面😝椰香炸鏝頭 配上煉奶 夠香脆可口 唔錯👍🏻香芋千絲酥💜 一咬入口裏面已經係啖啖香芋味 外層亦夠酥脆 正👍🏻

男友帶我食點心，估唔到屯門有好味點心，店外招牌都帶中式茶樓風格，點心款式算多，連蛋散、鮑魚燒賣都有，最正係有盅頭飯，平時酒樓一早賣哂，呢度下午都仲要得食。有四款茶揀，鐵觀音、香片、普洱、壽眉，我地飲普洱，茶葉幾香。鮑魚燒賣超大粒燒賣，啖啖肉，有肥豬肉爽口，蝦肉彈牙，仲有粒彈滑鮑魚，雖然都係罐頭鮑魚，但味道濃郁，越咬越出味。蛋散鬆化香甜，蛋味突出，好似食馬仔咁，非常好味。薑蔥牛柏葉呢款有別於一般牛柏葉，薑蔥味清新，令牛柏菜多份清爽口感，個汁唔會湖口，食完唔膩。鮮蝦腐皮卷剪得好香脆可口，腐皮超薄脆，口感很好。內餡的蝦肉入味又爽彈，而且煎得唔油。金錢肚個味道好特別，非常濃郁，有點似炆牛腩咁濃味，好夾牛肚，每口都爆出醬汁，好惹味。流沙奶黃包襯熱好食，凍左冇咁流質。爆餡奶黃好幼滑，蛋黃味突出，包厚度剛好。牛肉腸粉好滑好透薄的腸粉，牛肉餡料平均，味道好。下午都食到盅頭飯，好開心。鳳爪排骨飯好香，醃得夠味，鳳爪軟腍，排骨嫩滑，個飯外面乾爽，咬落香軟，拌勻豉油同飯，味道更佳。

呢篇係我第二篇寫呢間，第一篇印象唔錯，但叫左三四次外賣後，我應該唔會再叫😅晚上十點後叫左幾次，次次都有叫蝦餃，其中一次正常：熱同埋好食。但有次食落好恐怖，啲皮都係未開好粉個種，顆粒感勁重，唔熟咁。（無映照🥲）今次叫有映低，樣樣都微暖，似長期保溫，今次食既溫度係收到外賣單：一早裝起左但要等要即炸既咸水角個種只係得咸水角係收到單即炸，勁熱勁脆好微暖，味道正常有次叫鳳爪排骨飯又係微暖，但難食其實呢啲蒸飯類要整到難食都好難（下次會去七仔買叮叮既飯，真心會好啲🥲）勁熱勁脆口，仲吉左個窿俾佢唞氣仲想點雖然內涵一般今次都係難食，睇圖就知長期保溫乾乾地🥲糯米雞。咁既餡料：未食，打開晒黎映一映照唉但好老實，雖然啲點心無心整俾客（但其中一次外賣既蝦餃係真心好食，熱同有汁；如果出品比較多係咁我會長期叫😬）但連個蒸飯都唔返蒸下，（趁住炸鹹水角個時）咁真係無咩心。但宵夜仲可叫點心會提都自己仲想點。寫呢篇係因為之前有好評佢；再寫亦反映返我真實感受，三四次既外賣：叫外賣平台既便利店點心可能樣樣都無伏🥲同埋自己平時應該係超市買定啲叮叮點心🥲😢😢😢（如果有位🥲；留晒急凍既位俾狗狗：現時有八成既位置都係佢既食物）

啱啱搬黎搞搬屋野搞到9點幾先得閒肚餓，諗住帶老婆落樓買外賣算。見呢間餐廳仲有人堂食緊，個侍應話ok，我地就坐低食個快嘅。老婆話父親節要食豪d就叫咗個鮑魚燒賣，我就叫咗佢鍾意食嘅蝦餃春卷，我覺得呢間個蝦餃幾好食，鮑魚燒賣都唔似出面嗰啲又乾又柴，有驚喜！不過都急急腳食完，臨走前買多個馬豆糕比老婆做消夜，等緊個陣聽個侍應講原來呢啲點心係師傅親手整唔係嗌貨，就係呢句就成為我呢個新住客嘅食堂，讚👍🏻