凱旋餐室

營業中

休息中

奶茶好飲，食物好食，焗豬扒飯好食，小菜的菜款式多，常餐好食價錢公道，豬扒好食又夠大塊，牛扒好食，肉餅好食，蛋牛治好食，羅宋湯oK，而且外賣包紮夠穩陣，現在還有潮洲野。

叫外賣，$都未比，以為個價錢係3拼，原來2拼叫收銀改，佢話無得改。。態度差到一個點，仲要係新港人點有可能$都未比就唔改得去唔去自己決定啦我叫早餐肉丁先牛旦面，熱奶茶唉，岩岩訓醒唔想鬧交

第一次嚟呢間舖頭幫襯食lunch，由於我早，所以人就唔係好多，坐得幾舒服。我眼見全部都係卡位。嗌咗今日嘅lunch set嘅B餐，咖喱薯仔雞飯。講真味道唔錯，份量都幾合理，點埋杯熱奶茶，茶味幾香。睇埋個餐牌，呢間餐廳都幾多唔同款嘅嘢食！小菜粉麵碟頭飯，仲有早餐午餐下午茶同晚餐嘅套餐。服務態度都幾好，可以用八達通。位於灣仔電車路，莊士敦道近譚臣道。講真，灣仔食肆咁多，呢間嘢嘅水準都應該撑得住。今日唔記得影埋個門面俾大家參考吓😆

琴日經開灣仔，去咗「凱旋餐室」食lunch, 一個人食茶餐廳都可以好開心👍🏻 😊 我叫咗粟米吉列魚柳意粉🍝同蜂蜜柚子茶🍹粟米吉列魚柳意粉，🥘魚柳炸得好脆，🍝意粉彈牙又夠軟身，粟米忌廉汁令到意粉更加香甜可口。👍🍴蜂蜜柚子茶就係我嘅最愛啦！🍹唔會太甜，好開胃又解渴。🍵整體嚟講，以茶餐廳嚟講，餐廳環境舒適，食物好味道，👍🏻 好適合一個人或者同朋友去嘆下午茶或者食個lunch～👍🏻😋

晚上唔係好肚餓，再加埋朋友就好遲先收工。🧐夜晚晚都唔知食啲咩，見到灣仔凱旋餐室有全日常餐賣，諗都唔諗就去咗試一試。😂餐廳位於灣仔人來人往嘅地方，座位寬敞。除咗全日常餐之外，佢哋晚餐都有好多選擇。本身亦都唔係好肚餓，所以就叫咗個全日常餐。我叫咗個C餐。叉燒意粉、配火腿炒蛋同埋蒜蓉多士。再加多杯熱飲。叉燒意粉水準超高、意粉非常之彈牙爽口。叉燒亦都唔會好鞋。炒蛋亦都唔會好油，多士好脆，牛油味都好夠。

喺修頓打完籃球同啲朋友去附近食晚餐！就搵到呢一間凱旋餐室 朋友話之前試過都幾好食，我哋三個人就去叫餸食飯 我哋前後叫咗三個餸，分別係京都排骨，蒜香蔥油雞同埋豉椒炒聖子！京都排骨份量都幾多，有七至八件，酸酸地嘅味道配搭排骨，非常唔錯豬扒肉質亦都非常嫩，唔會有太鞋嘅感覺，送飯一流 蒜香蔥油雞就大約有半隻雞，再加埋乾蒜喺個面度！雞肉都非常林，再配上佢嘅豉油醬汁，整個配搭上都做得唔錯 最後豉椒炒蟶子係我哋覺得最好食，聖子每一隻都非常煙靭，食得出新鮮嘅感覺，再加埋洋蔥粒同埋辣椒食，口感非常好 埋單，每人$81。

凱旋餐室😋😋😋廣式人情味茶記灣仔旺區集中地、人來人往、正中電車站旁、新裝修木係茶室、座位舒適寬敞、透明玻璃牆、開陽、光缐充足、食物選擇種類多、一邊享受食物、一邊欣賞窗外電車往來！真係別🈶️一番風味！唔好掛住欣賞電車、最重要懂🉐️欣賞食物！下午茶必選👇🏻粒粒花生醬西多士38+$12轉特飲（紅豆冰）將二片方包、在中間塗上厚層花生醬、再外層沾上蛋醬、煎炸金黃、外脆內軟的口感、享用時再塗點牛油、糖漿齊用、絕配一流、帶點甜帶點鹹、口感層次有序、豐富、yummy yummy 😋 、加配懷舊紅豆冰、大大粒、軟腍腍紅豆、份量多、很🈵️足！ 炸雞髀配薯條$42🈶️手掌大的大大隻雞髀、醃漬入味、炸至脆皮金黃、肉嫩多汁、將汁鎖住喺肉內、咬一口、肉香爆汁於口中、超自悦、連配菜薯條、炸🉐️出色特色、脆卜卜、外脆內軟、薯蓉香味撲鼻、🈶️𡁻口🙃雙拼公仔麵$38+$4轉出前一丁五香肉丁煎蛋出前一丁、早午晚餐都適用、哈哈😄、冇🉐️輸、出前一丁公仔麵絕配之選、爽口彈牙、配五香肉丁、帶點辣、提升食慾、味蕾享受！*奶茶係茶室的重點、香港人的特色飲料、茶胆好重要、茶香奶滑！*以上茶餐奉送咖啡或茶、凍飲加$3*輕食/三文治油沾多士$19厚厚的

焗鮮茄豬扒飯$79這個屬於經典茶餐廳菜式焗豬扒飯, 煮法好簡單首先將煎好的豬扒放上炒飯上面，再淋上炒好既自家調製番茄醬汁，最後鋪上滿滿芝士碎放入焗爐焗大約10分鐘就攪掂, 上檯聞到陣陣番茄醬香味，配料有紅蘿蔔番茄菠蘿份量十足，豬扒好厚身，食落口質好鬆軟，唔會好韌，配埋用蛋炒底而宜粒粒分明既炒飯同熱溶芝士一齊食，真係令人食唔停口。熱奶茶飲起嚟奶味香濃，入口口感絲滑且絕不苦澀，仲會帶有少少既回甘

餐廳喺電車站隔離，方便食完早餐即刻上電車返工，所以入嚟食，店面算新淨，卡位好闊好好坐，啲位都唔密魚柳同薯餅炸得啱啱好，夠脆又唔會太乾，腸仔炒蛋同茄汁豆都正常麥皮唔甜，夠大碗，蛋治個包軟熟，健康嘅選擇奶茶正正常常茶記嚟講整體正常

最近去咗間灣仔既茶餐廳，食咗佢哋嘅下午茶，真係平靚正呀！佢哋出餐好迅速，服務都好好嘅，而且價錢都好實惠。我試咗佢哋嘅炸鷄脾同埋肉醬意粉，再配上一杯朱古力同咖啡，三點三下午茶好滿足啊！一百蚊有找👍🏻💪🏻而且坐得比一般既茶記闊落，乾淨企理，喺灣仔實屬難得！炸鷄脾大大份，外脆內嫩，好好味。配埋即炸嘅炸薯條🍟超級邪惡！肉醬意粉份量好足夠，大份到可以做晚餐，順帶一提佢下午茶餐仲要去到六點！醬汁濃郁而唔會太鹹，同麵條嘅配合好好。呀囡食到舔舔脷😋最後，我飲咗一杯朱古力同埋一杯咖啡，兩杯飲品都好香濃好好味。朱古力好濃郁但唔會太甜，同埋份量都幾足夠。咖啡就好香濃，加咗啲牛奶之後更加好味，完美地平衡咗咖啡同牛奶嘅味道。總括而言，呢間茶餐廳嘅下午茶真係幾好味，服務快又好，價錢亦都好實惠。如果你鍾意食茶餐廳嘅食物，呢間真係值得一試啊！

常餐A - 番茄薯仔餐肉粒湯公仔麵（加$4轉出前一丁） 配火腿炒蛋、蒜茸厚油多士酸酸甜甜噉好開胃，湯底重有啲薯仔、洋蔥同西蘭花，簡單配個午餐肉出前一丁已經幾好食。滑蛋炒得幾滑幾靚，上面重有啲蛋汁；蒜茸多士烘到外脆內軟，蒜茸牛油好犁好邪惡。午餐A - 香芒汁香煎雞扒 配火腿飯/意粉個香芒汁幾特別，係芒果忌廉汁嚟，無淨忌廉汁咁膩，帶有幾分芒果嘅香甜；雞扒大塊厚切，煎得好香口。西多士熱焫焫新鮮炸起，中間有層花生醬，多奶多油，正到不得了！熱咸檸桔、熱檸茶

香港茶餐廳文化歷史悠久, 啱曬生活急速, 唔使急, 最緊要快嘅香港人, 今日都係食茶記, 灣仔的凱旋餐室, 夠大衆化, 夠地道。凱旋餐室餐牌都係香港大路茶餐廳美食, 早餐、午餐、常餐、下午茶、晚餐一應俱全, 仲有大排檔小炒美食, LUNCH SET 包熱飲 $58, 灣仔區算抵食了。鐵板黑椒牛柳絲炒麵 ($75）鐵板熱辣辣上枱, 聞到好香的黑椒汁, 除咗牛肉絲, 配料仲有洋蔥、芽菜、蔥段、韭黃及椒絲, 牛柳絲及配料都系啲香口野, 配埋黑椒汁零捨惹味, 牛柳絲及炒麵份量頗大, 炒麵熱辣辣脆卜卜的。紅豆冰 (加配+$12）紅豆煲到粒粒爆笑, 紅豆卻很完整的, 紅豆入口飽滿軟棉, 分量都好多, 夠曬冰涼。

今日同朋友嚟試下呢間灣仔嘅新餐廳 凱旋餐室， 見隔離叫嘅鐵板餐好吸引，我哋都叫返個紐西蘭厚西冷扒鐵板餐($128)。扒餐未嚟到已經聽到吱吱喳喳聲啦，熱度十足仲出曬煙，係看得見的惹味！西冷扒大大塊，如果想食熟D仲可以用鐵板熱度繼續煎下，薯條沾滿洋蔥汁，啖啖滋味。+$3配埋冰凍凍檸茶，正！鐵板黑椒牛柳絲炒面($75)，呢個炒面都係鐵板上，同樣熱辣辣。面底非常香脆，黑椒味好出，洋蔥紅椒芽菜等配料夠爽口，濃味得嚟口感層次豐富。

疫情緩和以黎，lunch多左出黎食飯，所以成日都要出黎搵食，好多餐廳都食到厭，所以一見到新野，必定走過黎試試。呢日見到凱旋餐廳，同同事入黎一試，估唔到甚有驚喜。一入到黎，見到鋪面新裝修又企理，然後我地就叫左焗葡汁雞扒飯（$68）同焗芝士肉醬煎蛋飯（$65），跟餐免加錢加多杯熱華田同熱檸茶。焗葡汁雞扒飯，個葡汁味濃，雞件先煎過再執焗，大份又厚實，十分有咬口。至於個焗芝士肉醬煎蛋飯，肉醬好多，好juicy，拮穿煎蛋再撈飯，口感極佳！凱旋餐室地址：灣仔莊士敦道194-204號灣仔商業中心地下

番工時間搵餐廳，行過見到有間新式茶餐廳，都幾多人，入黎試試佢，同朋友一樣，都想食咖哩，於是就都叫左咖哩飯食喇咖哩雞飯 $62入面係一大塊雞扒，再加埋好多薯仔，咖哩雞飯好濃味又帶點辣，十分之開胃🤭咖喱海鮮飯 $68呢個入面有魷魚🦑，一大塊炸魚，再有d 海鮮，都好足料，另外仲配左條菜，均衡飲食好重要👍🏻😁飲品叫左凍檸茶同凍奶茶，因為唔記得叫少甜少冰，所以好多冰又好甜，建議大家都係叫少冰🥹❄️🧊