凱旋餐室

營業中

休息中

同屋企人食食茶記就最啱 呢間咁近電車站舖位又大又方便 仲有燒味賣添～晚餐仲要包埋飲品同白飯，好抵食㗎！❣️沙薑雞沙薑雞雞肉超級滑溜 餐廳好慷慨 份量好大沙薑汁惹味得嚟唔會好油膩 雞肉熟度恰到好處佢滑得嚟雞骨唔會有血 食得好安心❣️海味雜菜煲有瑤柱、蝦米、雲耳 海味帶出咗湯底嘅鮮味西蘭花、菜心、白菜仔好翠綠色感覺好新鮮 仲有大量嘅粉絲 吸收晒湯嘅精華 勁好味❣️咖喱炆牛腩最愛就係大大件嘅薯仔 炆到好綿 係咖喱最好嘅朋友牛筋腩炆到好腍 大大件 而且有好多筋膜位一份牛腩食到好多唔同口感 仲有埋紅椒青椒 望落好開胃最正係啲咖喱汁撈飯一流

今日又係上堂既大日子，搵間冰室食個飯就岀發了，係莊士敦道見到呢度四四正正，就呢度啦！好，坐低睇下有咩好食先。叫左個扒餐，有羅宋湯，酸酸帶微辣，好好飲，好耐冇飲過港式羅宋湯了。今日唔想食飯，所以跟左沙律，沙律裡面有蘋果，菠蘿、薯仔，紅蘿蔔、西芹、粟米等等，有好多種蔬果，而且係凍冰冰的，正！美式雜扒餐，主角岀場啦，好誇張，超大塊雞扒和牛扒，牛扒好腍，雞扒都嫩，叫左黑椒汁，多汁唔會dry！仲有火腿、腸仔各一，配菜有西蘭花和蕃茄，非常之豐富吸引。跟餐仲有飲品，真係十個飽！

餐廳空間感十足，仲要坐得幾舒服，餐廳選擇多，重點係價錢同份量都幾抵! 我地今次係燒味餐，先黎個叉燒❤拼切雞❤，唔中意油膩感但又想食叉燒既我就最中意食瘦叉，啖啖純肉唔干身，而且份量都唔小，要同人share!!! 切雞嫩滑好juicy 有埋佢地既豉油同蔥油絕對係白飯殺手好惹味!!! 我地另外叫多碟雞髀飯❤，PI薄調味香，重點係，份量十足，2個人share好抵食。抵食既仲有佢地既菜心❤，比起出面同樣既價錢，佢地既份量係double!!!

今日當完值就約老公去灣仔食飯，問佢食乜？唔駛諗，一見到間冰室就走入去，男人的浪漫….既然你問得佢，緊係順佢意，但估唔到間餐室令我喜出望外。環境光猛，簡約平實，乾淨企理。地方唔少，有多排闊寬嘅卡座，坐得舒適。選擇勁多，有晚餐精選、晚巿小菜、燒味、湯飯、粉麵、中/西式飯、輕食、二至四人套餐、飲味等。二人套餐配送油菜一碟、白飯、例湯或熱飲（$198）係我地最佳選擇。在A和B項各選一，我揀咗清蒸石斑，老公就揀川辣口水雞。例湯係眉豆節瓜豬骨湯（$0），落足料，煲得好夠火喉，熱辣辣。味道鮮香，唔會太鹹，完全無味精，好有家的味道，見老公喝得津津有味就知自己無做好老婆本份，無乜湯水給他….油菜（$0）仲可揀菜心或生菜，貼心！菜心翠綠粗壯，新鮮爽嫩，完全無渣，配些蠔油添鹹香。川辣口水雞 嘅醬料跟平時食唔同，唔止辣醬油咁簡單，好似仲有啲豆豉，可能係秘製的。估唔到份量咁足，仲有雞脾食，開心！黃油雞皮爽肉嫩，配埋醬料食，鹹辣惹味，但無辣到火辣，用來佐白飯一流，正！嘩！估唔到係餐室都食到清蒸原條石斑，仲有大大條，喜出望外。好厚肉，啖啖肉，蒸得剛好，嫩滑鮮美，好新鮮，我連頭尾都清埋，得！

今日難得的早收工，返屋企前偷偷地去嘆個下午茶先「凱旋餐室」非常就腳，地方又大，全部都係卡位，次次都唔使同人拾枱，又有店員落單，快靚正！一坐低立即order ，吾使十分鐘有得食👍🏻👍🏻我覺得要有咁嘅效率先可以稱得上係港式茶餐廳。脆炸雞肶拼沙律$42 炸鷄肶皮不能太薄，要有適當厚度，多燶邊，咬落脆卜卜先過引。鷄肉保持嫩口有肉地才稱得上是上品，而且滲出淡淡的五香粉味，邪惡又惹味的港式炸肶。雜果沙律非常新鮮、蘋果、菠蘿、薯仔、紅蘿蔔、栗片米，咬落索索聲；沙律醬剛剛包著雜果粒，樣樣都啱啱好。紅豆冰+$12紅豆份量足，夠稔糯；和花奶比較大約2:3 ，紅豆冰合格。

有時會來凱旋餐室吃個豐盛早餐，除了比較近公司之外，味道佳，份量又豐富！這天我點了常餐番茄薯仔牛尾湯米粉。牛尾湯是核心，湯底由慢火煮製的牛尾、番茄和薯仔熬成。牛尾肉質鮮嫩，番茄的酸甜味道與薯仔的綿密口感交融在一起，米粉吸附了湯汁的香氣，彈牙的口感令人更具食慾。每一口都能感受到濃郁的牛尾味道與清新的番茄香氣，令人心滿意足。配上火腿炒蛋，炒蛋的質感綿滑，帶著淡淡的鹹香，火腿的咸味則為整道菜帶來了額外的風味。而厚切的法式多士外層烤至金黃酥脆，（以火腿及蛋夾多士是常識吧！）非常飽足！凱旋餐室 (灣仔)地址：灣仔莊士敦道194-204號灣仔商業中心地舖

終於都到九月份過多兩個星期就係中秋節，一到呢啲日子就要買定月餅同屋企人做節，雖然天氣不似預期仲係咁熱，但係入夜後都有涼風送爽。今日一朝早就約咗兩個老朋友去香港仔打網球，南區真係好少去而且近排仲有一個新商場開幕，所以打完波都行咗一陣。由於大家都唔係住南區，所以差唔多傍晚時間我哋都一齊出返去灣仔食飯傾下偈，由於三個麻甩佬都鍾意去坐得舒服又夠地道既地方，所以異口同聲都話茶餐廳就最適合。喺灣仔雖然選擇好多，但平時去開嘅都係一兩間，一間係食燒春雞，而另一間就係平時中午約埋食Lunch嘅茶餐廳。餐廳位置正正喺燒春雞鋪下面，之前食過呢間鋪既炒粉麵，鑊氣相當夠而且燒味亦好新鮮，所以我哋入到去都坐返平時個位。因為有三個人所以今次可以食多少少嘢，餐牌上有套餐、有例牌而且亦有散叫，足足有成百幾款選擇，不過由於我呢排要Keep Fit比賽，所以今日淨係食少少算，最後我哋三個人點咗乾炒牛河同埋黑椒牛柳絲炒烏冬、叉燒同油雞例牌、兩杯凍飲同埋一碟油菜。同夥記傾咗幾句，星期日可能多數人去旅行或者返大陸，人流少左的，所以真係要繼續留港消費帶旺經濟。三個人一聚埋就好多野傾，食物大約十分鐘就已經陸續上枱啦~~~ 首先跟餐都

今天 星期日，我們去到灣仔商業中心地下凱旋餐廳（灣仔） 午餐。餐廳已經有很多食客，電視正播著賽馬；很多忠實馬迷 ，一邊專注手上的馬經，另 一邊看著馬匹的動態 ，正在考慮落注。我们點了瑤柱肉碎蠔湯飯，融合了乾瑤柱和新鮮蠔仔的鮮味， 加上草菇；米飯吸收了 微辣湯汁的精華，讓每一口都充滿滿足感。星洲炒米，乾爽入味，香氣四溢；搭配生菜和蠔油，清新可口。最後，凍蜂蜜柚子茶和凍檸樂的清涼飲品， 在這炎熱的天氣下，可以幫助消暑解渴 ，真是一大賞心樂事。

去茶餐廳叫餸食飯，係唔少香港人comfort dinner嘅選擇。有魚、有肉、有菜又有湯，加埋杯餐茶，絕對係一餐豐富嘅港式盛宴！但背後嘅故事，其實係我有一個無飯主婦，哈哈。不過，灣仔凱旋餐室嘅菜式選擇多，真係食極都唔會厭，今晚一於唔好煮飯啦！清蒸石斑平時喺茶餐廳又點會食石斑？但灣仔凱旋餐室嘅石斑非常新鮮，石斑嘅肉質嫩滑，掌握好時間，最後加上蔥花滾油同埋豉油嘅點綴，簡簡單單就有種家嘅味道。家鄉蔥油雞蔥油以外用咗大量蒜頭爆香，滿滿地舖滿喺雞上面，蔥油味芳香撲鼻，而且仲可以用嚟撈飯。而雞件肥瘦均勻，件件都有少量油脂連住雞肉，油脂融合雞肉食落雞味更加濃烈。乳鴿乳鴿係灣仔凱旋餐室嘅招牌，乳鴿皮香肉嫩，啖啖都有肉汁湧出，回味無窮。

早前光顧了位於灣仔的餐廳「凱旋餐室」，實在是讓我難忘的用餐體驗！首先，要讚一讚這間餐廳的裝潢設計。新派設計環境光猛，座位寬敞舒適，給人一種溫暖、熟悉的感覺，是個非常適合與親朋好友小聚的好去處。點了人氣套餐「乳鴿配粉麵飯」來嘗鮮。先來看看主菜「乳鴿」⸺外皮酥脆，肉質鮮嫩多汁，入口即化，幸福感滿滿！醬汁恰到好處，不會過於鹹油膩，反而帶有一點微微的酸甜，令口感更加層次豐富。搭配「紅蘿蔔湯」，清甜爽口，為整個套餐增添了一份清新爽口的感覺，讓人胃口大開。搭配「瑤柱蛋白炒飯」，飯粒分明而不乾硬，蛋白炒得恰到好處，入口Q彈豐盈，與鮮美的瑤柱碎粒相得益彰。另一道菜「豉椒炒蟶子」同樣出色。新鮮肥美的蟶子，外層被炒得恰到好處，入口飽滿彈牙。配料中的辣椒、豆豉、洋蔥更為整道菜帶來了悠長的餘韻，回味無窮。「紅豆冰」作為升級飲品，入口濃郁香甜，令人意猶未盡。

喺灣仔嚟咗呢間茶餐廳諗住簡單快脆食個 early lunch，入到嚟睇吓餐牌發覺原來有勁多選擇，咁感覺吓身體呢日想食乜，似乎都幾想食雞，咁就叫咗呢啲🤣$100「蔥油雞（半隻）」：「蔥油雞」都幾大隻，半隻份量真係唔少👍，「蔥油雞」不同部位有不同口感但係總體嚟講雞肉都算滑😋，「蔥油雞」上邊仲加咗好多似乎係炸香過再用豉油煮嘅蔥頭同蒜頭，咁就一定更加香口好味啦🤣$20「油菜」：揀咗「菜心」，都係大大碟，份量真係多，簡單好食🤣

做完嘢想食個簡單晚飯🍚誤打誤撞入咗呢間茶餐廳 份量都好多 價錢合理 餐牌選擇好多 相信平時係一眾打工仔嘅食堂😆叫咗個二人餐 有兩個小菜、一碟油菜、白飯例湯飲品👍🏻夠哂豐富分別叫咗鳳梨咕嚕魚柳、豉汁蒸鱔咕嚕魚柳酸甜開胃 夏天食岩哂豉汁蒸鱔都唔錯 魚肉幾滑 下面仲有粉絲索哂啲汁 兩碟都好啱送白飯🤣唔小心清哂成碟店員服務態度幾好😌好親切 而且街坊生意好易話為 送多左兩碗例湯俾我哋見佢仲有乳鴿餐 打算下次午餐再嚟食🔆

今日同朋友去灣仔食個快飯，佢帶左我去凱旋餐室。餐廳入面全部都係卡位, 算坐得幾舒服。睇咗佢哋餐牌，佢哋有全日早餐，各式小菜，一般茶餐廳菜式，乳鴿，燒味類，鐵板餐都有。等食客有好多唔同嘅選擇。鐵板銀芽肉絲炒麵（$72）：鐵板渣渣聲咁上枱。份量好大。炒麵脆卜卜。個芡汁令到個炒麵淋返少少，口感冇咁硬，更容易入口咖喱豬扒炒一丁（$65）：豬扒都好多塊。調味好夠，啱晒重口味嘅朋友。鹹檸七（+$12）：咁啱呢兩日有啲喉嚨痛，見呢度有鹹檸七就啱晒喇。凍奶茶（+$8）：朋友話茶味都好夠

難得平日晏晝放半日，最岩搵個港式下午茶食下，話晒平啲又多選擇。要搵下午茶，灣仔呢邊大量茶記，其中呢間都幾大間。睇睇下午茶餐牌，無論輕食定主食都有茶餐價，唔會揀唔落手。豬扒包拼薯條 $42豬扒包用左脆包，中間蕃茄生菜加醬汁，咬落去好有滿足感。粗薯條熱辣辣，加埋杯紅豆冰，海量紅豆更滿足。乾炒雞絲河 $50下午茶價嘆午餐，雞絲炒河份量夠多，亦有獲氣，配鹹檸七解膩。芝士焗吞拿魚多士 $38 多士夠厚，芝士焗吞拿魚香噴噴，味道突出。

這間茶餐廳位於灣仔商業中心，主打地道親民的港式料理。店內環境寬敞舒適，以四人卡位為主，裝潢充滿港式風格。午市時段設有六款快餐，每日也有不同選擇，而且還有明爐燒味、港式粉麵、湯飯、炒粉麵、小菜及扒飯等，選擇非常豐富。燒腩燒鵝飯 - $70燒腩採用新鮮豬製成，肥瘦相間帶微微炭香，外皮金黃酥脆，入口軟腍多肉汁；燒鵝皮脆且帶有光澤，充滿甘香的鵝油脂，肉質比起鴨肉更加嫩滑；白飯淋上適量的豉油，還有時蔬平衡肉膩感。凍奶茶 +$3港式奶茶奶味醇厚香濃，茶味濃郁，入口幼滑如絲，又不掩蓋其茶香。XO醬海鮮炒飯 - $70即叫即炒充滿鑊氣，米飯粒粒分明染上油亮的醬油，XO醬鮮香濃郁，帶淡淡鹹香，散發海鮮滋味，還有大量爽滑彈牙的鮮蝦及煙煙韌韌的魷魚，還有翠玉瓜及少許辣椒。凍檸檬茶 +$8港式檸檬茶採用錫蘭茶底加上清新檸檬，口感潤滑順喉。