初之陸日本料理

營業中

休息中

我今日約同好友去位於觀塘開源道33號建生廣場地下2-3號舖的 初之陸日本料理 食日本菜，環境舒適，坐得舒服。我和好友點左個 2人前套餐 $208，有什錦刺身（三文魚、蝦及油甘魚）6片，豆腐沙律2份，茶碗蒸蛋2隻，串燒（豚肉及雞胸軟骨）2串，雜錦天婦羅（蝦、香菇、茄子、甜薯），烤多春魚4條，豚肉烏冬2碗，雪糕（芒果）及特飲2杯。刺身材料新鮮及鮮甜，天婦羅香脆肉嫩，多春魚香口好味，茶碗蒸蛋賣相不錯，蛋滑好食，豆腐沙律美味，烏冬好味，芒果雪糕好食，特飲好清新。

支持香港經濟！上兩星期路過見到做$98任飲生啤就入去試吓，老闆好好客，話最近易手接咗嚟做，因為夜晚比較靜，不求賺大錢，純粹想多啲人嚟幫襯吓旺吓個場。咁我哋叫咗好多小食送酒都真心唔貴，抵過去酒吧。咁就支持香港小店，朋友聚會飯局揀呢度試吓，預早兩日訂位時叫老闆落咗啲飛機貨刺身，想食咩可早啲同店舖傾吓，留咗A4和牛扒，依然係$98無限時任飲。開頭叫咗好多小食飲住酒等人齊都冇影相，到上第一盆剌身，因為都有質素，好快比班餓鬼朋友清盆，唔夠喉要叫師傅再encore多盆剌身又好快秒殺晒😋。之後叫吓啲串燒、熟食、天婦羅、炒菜，已經好飽好滿足，飯麵都唔使食，反而再叫啲小食繼續飲酒，吹吓水就過咗愉快嘅一晚🥰飲成晚、食成晚、傾成晚，每人都係幾百蚊，真係要繼續支持！💪🏼

有一日見完客做完嘢經過觀塘，見到一間性價比極之高的日式料理，叫咗個三文魚拼油甘魚飯。魚生極之鮮味之餘，飯又煮得夠軟綿，特飲都只係加$6，品質可以與過百元日式料理睇齊。另外，當天仲見到原來它們做緊$98生啤任飲，真係要搵晚去試試