初見

營業中

休息中

收藏了很久的日式餐廳，終於一試！餐廳日式裝潢，樓底高，座位算闊落。看到不少客人都點了火鍋，我也選了安格斯牛肉鍋，轉壽喜燒湯底，味道較清甜。牛肉份量多，差點吃不完。而蟹籽三文魚刺身丼，三文魚厚切，但味道略淡。加了的赤蝦也較小。晚上8:30後88折，折後價格更符合性價比。

呢一間應該係做街坊生意，地點唔係旺區，我喺荃灣地鐵站行過去都要15分鐘，如果荃灣西行應該10分鐘左右。位置唔算好多，亦都唔算寬敞，不過一定唔係迫。我哋早咗入去都有空位，但係七點後已經全間餐廳都冇晒位，好彩我一早有訂位，我因為落雨遲咗15分鐘到餐廳職員都好有禮貌。😝我叫咗最平嘅牛肉，但係味道都唔錯，啲飯都幾多^^$140左右份量都ok, 另外加咗幾十蚊有多四片刺身同埋湯，仲有支嘢飲，刺身都算新鮮。另外叫咗個一人打邊爐$80左右簡單海鮮都有嘅，都食得飽。整體不過不失，如果喺附近嘅朋友都可以試吓嘅🙂

同朋友出街食，兩個人都不約而同揀左吉列豬排餐🙈 未到晚市，顧客未算多。吉列豬扒豚骨湯拉麵吉列豬排炸得香脆、乾身，沒有多餘既油，但係咬落去真係乾😂 沒有鎖住肉汁。麵條有濃烈既蛋香味，豚骨湯濃郁。配搭少量既沙拉菜除左可以開胃，更可以解膩！日式咖喱吉列豬扒配白飯日式咖喱微辣，咖哩味香濃，反而吉列豬扒沾上少許既咖喱能夠中和翻豬扒乾身既問題。果然吉列豬扒同咖喱係最佳配搭！福岡芝士蛋糕🍰蛋糕質感軟綿綿，綿滑既口感帶有特別香濃既芝士及奶味，甜而不膩！食完一件可以繼續。其實餐廳有多款類型既menu可供選擇，只可以話我地口味太一致啦🙈 下次再黎要試下燒肉！！之後睇其他顧客燒，佢地燒得太吸引啦！

《初見 -荃灣》又係荃灣搵食團，今次呢間我諗好多人都會聽過，佢就係初見。親身的價錢加上親切嘅服務，令呢間小店屹立多年，我一份到去見到好多明顯都係熟客就知。 安格斯牛肉鍋配白飯 $88呢個係我覺得真係無敵性價比之選！你睇下相就知安格斯牛份量幾足，咁嘅量賣呢個價，真係初見(第一次見)。成個鍋仲有冬菇、竹輪、好多菜同鳴門卷，唔夠仲可以＋$38升級套餐多個刺身同湯！煙肉香菌卡邦尼意粉 $88同樣價錢，朋友就想食意粉，估唔到呢到又有意粉，連burger都有！卡邦尼意粉濃郁唔太膩，而且非常足料。仲有半隻糖心蛋TIM！係個人覺得煙肉有少少硬身，如果脆脆地就非常好！

正如初見個名人生好多嘢都係得一次今日就第一次嚟食呢間日本嘢！✧ 和風章魚燒(6粒，$38）雖然只係一個小食但佢榮獲全餐飯no.1🥇比較近港式嗰種做法 冇落薑出面外層好脆 入面除咗有麵糊仲有章魚粒口感層次非常豐富des ne✧ 日式叉燒豚骨湯拉麵（$70）可以走蔥拉麵顏用黃色粗曲嗰種本身煮得好al dente 本豬靈機一觸用咗牛肉鍋嚟煲麵覺得個拉麵更上一層😚✧ 安格斯牛肉鍋($96）原以配味噌湯 可以加$8轉壽喜燒湯底個調配都可以嘅 仲有好多配料魚蛋豆腐etc本身跟白飯 仲可以叫多飯添有跟個酸汁令到牛肉口味冇咁dry

初見位於荃灣海壩街，近愉景新城。附近都有幾間不同款式的餐廳，朋友話想食日本野，見餐廳環境不錯，以簡約木系裝修，有草木作裝飾，樓底高，坐得舒服。睇餐牌見食物的種類多，價錢合理，就入去試下。朋友點了一個三式刺身丼，有三文魚、吞拿魚蓉和松葉蟹肉。份量都算多，刺身新鮮，飯底是撈紫菜，飯不添加醬油都夠味。漢堡包配薯條麵包烘過微脆，手打牛肉口感結實，牛味濃又juicy。漢煲包裡夾住生菜、番茄，口感層次更加豐富。薯條是粗薯條，即叫即炸勁脆口，很不錯。炸薯餅喜歡外脆內軟綿綿，啖啖薯蓉味，非常好吃。

行行吓突然落大雨喺呢間餐廳門口又仲未食飯咁就同朋友入咗去開餐兼避雨🤣$88「初見特上•豚骨湯拉麵 初見の特別な・とんこつラーメンSHOKEN Special Ramen with Tonkotsu (Beef, Pork, Tender Bone)」同埋 $80「櫻花蝦海鮮・豚骨湯拉麵 桜えびシーフード・とんこつスープラーメン Sakura Shrimp Assorted Seafood Ramen with Tonkotsu」，加全玉（原隻溏心蛋）（+$12）🤣「初見特上•豚骨湯拉麵🍜」：材料包括豬軟骨、日式叉燒、牛肉，仲有半隻溏心蛋👍，豚骨湯底幾濃郁😋「櫻花蝦海鮮・豚骨湯拉麵🍜」：海鮮包括大蝦、帆立貝、魷魚、青口，咁當然仲有脆脆哋嘅櫻花蝦😋，豚骨湯底都係幾濃郁😋

叫左日式叉燒豚骨湯拉麵，拉麵份量同價錢都算成正比，湯底奶白色，味道都算濃。朋友叫左香草吉列牛，牛都算淋，但個人覺得冇網上食評講到咁岀色。餐廳環境都可以，欣賞佢冇限時食，唔洗食得好趕急！

今日同朋友聚會，揀左荃灣區覓食，嘩😳太多選擇，於是揀左「初見」因為佢有日式同西式，地鐵站行過去都好方便，入到去有啲地道感覺，好似中學時期食嗰啲餐廳，我地一行五人，點左：日式义燒。豚骨湯拉麵、三文魚壽司、蟹糕軍艦、北海道帶子黑松露意大利飯、北海道手切青瓜蟹籽沙律，價格同食物係合理嘅，唔難食，不過食左唔會覺得難忘，呢間都可以黎多次，試下其他野都無妨。

😁每次去到初見，就好似見返老朋友咁樣，既熟悉又不時有新發現。👏原來除咗佢嘅stone grill 牛之外，佢嘅西餐系列都有驚喜。😙今次試咗個最簡單嘅burger。😊擺碟已經好靚，薯條炸得香口，沙律菜新鮮脆口，Burger 肉汁👏豐富 兼且柔嫩。份量亦都非常足夠。👍Spaghetti carbonara 煙三文。芝士香味濃郁，清新嘅蛋香，追住嚟食唔停口。😍呢度價錢親民 服務😊又幾好。可以當飯堂咁樣嚟。🤨

8:30後推出八八折 叫了一個香草牛扒和海鮮雜錦拉麵 加套餐$38刺身 刺身新鮮 牛扒沒有特別味道 海鮮雜錦拉麵湯底不錯 不過不失就是沒有太大驚喜 如果肚餓仲可以加多幾件壽司😆

香草吉列牛 $138份量都好多, 每片都帶有油花, 用石燒方法, 生熟度由自己掌控, 建議每面燒約10秒最適中, 中間粉嫩外層帶點微焦, 食落滿口牛香味, 配合埋麵豉醬用來餸飯一流櫻花蝦海鮮豚骨湯拉麵 $80豚骨湯底味道濃郁, 除了有一隻約5吋長燒大蝦外, 還有帶子, 去殼蝦仁及大量櫻花蝦, 燒大蝦肉質夠爽彈, 其餘海鮮亦帶鮮甜味, 餐廳食材品質絕對唔錯凍檸檬可樂 $24自家品牌不銹鋼凍飲杯....好靚初見絕對係一間出色小店, 食材新鮮可靠, 價錢夠平民, 物有所值

荃灣福來邨附近有好多餐廳，這間多次經過見排長龍，但由於店名好有詩意，所以一直想去一試。今日機緣巧合下，終於可以不用等位的情況下試了。Shoken 初見📍海壩街22號華達樓地下F號舖餐廳以簡約木🪵系裝修，配上一些田園☘️的裝飾；餐廳枱櫈寬敞舒適。點菜用手機 scan code 落單；鍋物同埋石燒都係🉐人氣商品，當然唔可以錯過啦。🌸初の焼 - 初見香草吉列牛配白飯 $138牛份量很多，大約有十小片厚切；每一塊🥩牛肉質鮮嫩得來又帶有淡淡嘅香草🌿味，點少許岩鹽或者味噌，肉味更出眾；石板燒得非常夠熱，可按自己喜好控制每一塊肉嘅生熟程度；加上溏心蛋🥚，半生熟蛋黃😋🌸初の鍋 - 安格斯牛肉鍋味噌湯底配白飯 $88四大片🦶掌咁大嘅安格斯牛肉；牛味香濃，肉質厚實，油脂分佈均勻；火鍋🫕配菜豐富：有豆腐、鳴門卷🍥、獅子狗、蒟蒻、芋絲、什菇🍄‍🟫、娃娃菜、椰菜絲；火鍋湯底係味噌湯，建議下次可加錢配烏冬；依個價錢絕對物超所值👍🏻加分位，飯量可以調節，想食多飯都唔使加錢💰餐廳做緊六週年88折優惠，晚市20:30後。大家嚟荃灣不妨發掘下福來邨附近嘅小店。

【荃灣區】【初見】荃灣呢個地方對我嚟講一向親切，喺成長嘅路上都有一定嘅經歷，今日同朋友嚟到福來邨呢邊緬懷過去，見到呢間餐廳就入去試吓。初初以為佢係日本餐廳，點知又有賣西餐，原來係一間西日料理，幾特別。咁我哋就西式同日式都各試一個套餐啦，全面啲。先試 $88 嘅「初の鍋」，即係「安格斯牛肉鍋」，本身係味噌湯配白飯，我加 $8 轉咗佢做拉麵。成份鍋都幾足料，乜都有得食，野菜底同埋冬菇、鳴門卷、獅子狗等等，加埋安格斯牛肉，幾正。講埋個拉麵，佢係比較有彈性嗰種，食落都幾正，就咁食都得。試西餐，到 $88 嘅「初の漢堡」，即係和風燒餅汁牛肉漢堡包配炸薯條，估唔到都幾高質素，我哋唔算好肚餓之下都好快食晒，正。嘢飲我用 $16 叫咗「日本波子汽水」，正常水準。估唔到佢哋唔收加一之餘仲有全單八八折優惠，埋單只係需要 $176，幾抵食。。。（地址：荃灣海壩街22號華達樓地下F號舖）@shokenhk#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foo

今日約左朋友係荃灣食晚飯，朋友話想食日本菜，所以就帶佢黎試下。我地叫左一個海鮮鍋同一個吉列牛，加$38有套餐，多個刺身、湯同埋飲品，我同朋友都加左～刺身好新鮮，三文魚好肥美，南瓜湯唔錯，飲品有柚子蜜同花茶海鮮鍋（$88）：海鮮份量十足，有蝦有魚， 湯底都幾鮮甜，而且有唔少配菜，性價比都幾高～香草吉列牛（$138）：香草吉列牛有驚喜，香草既配搭唔會搶過牛味，而且牛既肉質好淋，石燒過得後牛脂更香，牛魔王就啱哂！