影片
開飯介紹
名字寄語大家別忘身邊的一切，店內更設有「櫻花樹」讓食客掛上許願卡；菜品供應台式料理、夜市小吃及任食火鍋為主，而火鍋有多款湯底選擇。
繼續閱讀
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
有關獎賞計劃
相關文章
趁住放假真係搵朋友食飯，佢帶我去九龍區冇嘅打邊爐任食🫰🏽逐樣去講首先梗係要講吓個環境，餐廳會有啲櫻花樹，成個感覺好pink😂好少女，即刻諗起櫻花樹下😂🌟SET B 120分鐘打邊爐 $318唔知係咪食午市嘅關係，自助區冇晒蔬菜，改為QR code落單，唔影響我哋瘋狂點單模式😌另外餐廳設有醬料區同埋炸物區，打邊爐配料有面類、炸魚皮、響鈴；炸物區係熟食，有芋泥球、小酥肉、炸番薯條、春卷😙我覺得好啱食🥰-🌟芝士牛奶鍋湯底叫咗芝士牛奶鍋同沙茶鍋，一定要講吓芝士牛奶鍋😝職員會喺你面前倒，最驚喜嘅位個湯底一開始粉紅色㗎🤩滾起咗之後有濃濃嘅奶香味，成個感覺有啲似葵廣芝士烏冬😂唔知大家食過未😂另外仲有一樽仔牛奶俾你覺得唔夠味嘅時候可以加落去🫰🏽但係我哋食到底就覺得加清湯都已經好足夠🌸-🌟沙茶鍋沙茶鍋就正正常常，好就好在叫兩個湯底唔使加錢😙🫰🏽-🌟澳洲M7牛胸腹
專攻牛肉係基本啦🙈呢一款油脂分布好明顯，肥膏位帶啲爽口嘅感覺，口感唔會好單調😚唔食肥膏嘅話可以掹走佢，肉質會瘦削啲🫶🏽各有好處啦🫶🏽🌟澳洲M7大米龍
呢個又係必點，我食咗八碟就知覺得幾正啦😌大米龍係澳洲M7和牛嘅一個部位，具體嚟講係牛嘅「肩胛脊肉」或「肩臀肉」嘅一塊，位於牛嘅肩同臀部之間🙈牛味濃郁，油脂分布好靚，口感軟滑，唔覺食吓一嚿又一嚿😚-🌟炸魚皮
炸魚皮炸到脆卜卜冇淋曬！嚿嚿大大件🌸-🌟甜不辣
甜不辣味道對板，出面好難買🥹-🌟A菜
A菜煮得爽口清甜，保留咗原味，配鍋底好襯。🌟娃娃菜
娃娃菜嫩滑入味，煮到腍晒朔晒湯汁，特別係可以放落去牛奶鍋度🫶🏽兩者好夾-🌟金菇菜
金菇菜煮到軟腍，又係索汁一流🌟醉雞
肉質嫩滑，酒味好重🤣-最開心係佢除咗打邊爐配料，亦都可以用QR code揀一啲熟食😆-🌟台灣香腸
台灣香腸烤到juicy，薄薄地一片片，甜甜地好好食😆-🌟醃蘿蔔
醃蘿蔔酸甜爽口，食到好膩嘅時候食番一兩片，清新解膩😝-🌟鹽酥雞
鹽酥雞炸到外脆內嫩，調味夠晒香🙈有各類型台式飲品可以叫，另外亦都可以揀少甜少冰之類選項😝甜品亦都唔係Hea貨，除咗一人一杯嘅MÖVENPICK雪糕之外，仲有雪花冰、芋圓、甚至窩夫🤩真係眼花撩亂，整體係覺得有啲重口味，食到尾有少少鹹，其他都唔錯🫶🏽
繼續閱讀
去過荃灣分店覺得唔錯，見佢太和開咗新分店仲有獨家湯底，約埋新居入伙嘅朋友一齊去食，台式主題配搭櫻花佈置又唔老套，置身花季台灣嘅感覺，仲有得掛許願卡添！ ✨ $298可以揀兩款鮮甜湯底：我哋揀咗椰皇雞 ／ 芝士牛奶鍋，前者清新，後者奶芝香味濃郁、2個鐘任食高質又油花唔錯嘅澳洲M7和牛、日本豚肉、醉雞、牛板腱等，仲有超多值得encore嘅台式小食（鹽酥雞都有）同菜✨🌸movenpick雪糕／榴蓮雪條／日式奶凍好掂（每人限叫一杯），窩夫甜品即叫即整，抵讚！乳酸梳打等台式甜品 🍹手搖飲品都任飲！ PS 收碟快、空間感夠大、亁淨企理、啲員工好nice （仲幫唔識用app嘅婆婆人手落單） 📍別忘了@dontforget_hk大埔太和路12號太和廣場西翼2樓227號舖 ==============================#筷筷和你搵好西============================== #台式火鍋#特色邊爐#igable #閏蜜 #情侶日常 #hkfood #香港美食地圖 #食在太和
繼續閱讀
今次去咗「別忘了」食台式任食火鍋，真係好開心！🌸 餐廳位於太和廣場，地址係太和路12號西翼2樓227號鋪，真係好方便！🏬我哋選咗$308嘅澳洲M7牛胸腹套餐，食咗120分鐘，簡直係超值！🍲 一入到餐廳，就被櫻花樹下嘅環境吸引，感覺好浪漫！🌺火鍋的選擇多到我哋眼花撩亂，湯底有好多款式可以選擇，從麻辣到清湯都有，真係好適合唔同口味嘅人！😋 我最鍾意嘅係牛胸腹，肉質鮮嫩，煮完之後口感超級好！🥩仲有無限加料，真係食到心滿意足！🍜 我哋仲加咗小食同飲品，全部都好好味！飲品方面有汽水、茶飲等等，選擇都唔少。🥤服務方面都好周到，員工態度友善，幫我哋解答咗好多問題，真係感受到熱情！👏 食完之後，仲可以分享晒食物嘅照片，社交平台上面都好靚！📸最後埋單時，發現總共$678，包含咗套餐同埋加料，性價比真係高！💰 總括來講，今次嘅用餐體驗非常愉快，下次一定會再嚟！🎉
繼續閱讀
朋友推介一間位於太和嘅任食火鍋店，除咗火鍋之外手搖杯+台灣小食都係任點，完美！睇返餐牌，有幾個唔同級數嘅牛可以選擇，當然都有唔同嘅價格，可以講係豐儉由人。除咗可以點餐之外，外場亦有各類蔬菜、丸類、菌類等等,當中最喜歡嘅項目就係極具台灣特色嘅蛋餃，一口一件，每一口都係滿滿蛋香，餃皮Q彈，坊間唔係咁容易見到。另外，用手機點可以有一啲額外嘅項目，除咗多款牛之外，亦有台灣炸物、墨魚滑、手搖杯、甜品之類當中手搖杯同甜品選擇都非常豐富，絕對係意料之外。
繼續閱讀
屋企人生日，有間台式火鍋係屋企附近，就試下啦。晚餐揀咗Set B 120分鐘任食，湯底都十款以上，QR Code自助落單，有肉，小食，飲品，甜品，仲有自助吧，相當不錯。仲有驚喜係服務態度，包括接待，入面招呼，傳菜，都好有禮貌，現今香港啲食市都少見啦。
繼續閱讀