利小館

營業中

休息中

環境：有很多卡位，坐得好舒服交通：西鐵可到費用：約$220/人（有加一服務）同朋友好耐無見，所以決定走佢YOHO覓食，最後決定入左利小館食晚餐。由於我們6點左右進入餐廳，時間尚早，本來有用餐時間限制，但如果顧客唔多可以俾我哋坐多陣。上菜速度都幾好，食一碟嘢食到一半到先至上第二道菜。海蜇好爽，溏心蛋都好好味道。比目魚粒要趁熱食，因為新鮮上嚟，個外皮好脆裏面就軟淋淋。牛展有驚喜，好入味，個汁鹵得好好，食完一塊就想食第二塊。馬拉盞炒菜味道都唔錯。反而個豬扒拉麵麻麻地，唔太好食，但佢份量都幾大碗。小籠包塊皮黐住張紙搞到個漏湯汁，而且有點乾。落甜品嘅時候，本來想食炸饅頭，但最少四件，怕食唔晒結果揀咗一款糖水同埋一款紅棗糕一齊食。終結嚟講，呢餐都好好味，好啱食，下次可以帶埋家人去試。撞啱中銀卡有折，真係好喇！

利苑副線品牌既利小館 主打飲茶點心小菜 即係一般既酒樓風格午市早市都係主打新鮮點心 今日過左黎試下 酥炸芋角 鮑汁雞腳 手工叉燒包 香片茶即點即蒸或即炸 上碟時仍新鮮熱辣出緊煙 真正新鮮味道叉燒包微微爆口,賣相幾靚,蒸包鬆軟 中間既叉燒汁餡多又甜蜜非常唔錯酥炸芋角仔 一客3件 酥脆外層內包住打成蓉既芋泥肉碎 餡咸香綿滑皮酥脆,雙重口感真滋味鮑魚汁雞腳,浸到非常入味,個雞腳汁又濃又香,夠惹味另收加一和茶位平均消費$100評分8/10元朗元龍街9號形點1期1樓1130-1143號舖

今日係yoho睇完早場正是1點多，正正人多食lunch時間，本來手機方便攞票排食壽司，就係要等就隨便在附近逛一下，行過醒起有呢間利小館，見門口吾太多人即本拿張非博下，因為平時見好多人等，今次竟然25分鐘就入得，當然要試吓啦！首要一定係湯第一入嚟，見D位都ok，原來仲有卡位，若同朋友嚟一齊會好坐D服務員💁🏻講可以用手機點餐，可以有95折，咁當然冇問題啦！一見到有湯，第一時間點，其實依家好多餐廳都係會用手機點餐，勝在方便又清楚👍🏻個杏汁豬肺湯$60一嚟到，我有D意外，好大盅下，仲以為係細細盅，份量好夠，味道吾錯，咁嘅價錢，算抵，尤其利苑出名D湯，所以一定要試吓！呢個小籠包$39有D驚喜，皮薄咸正，呢個冇諗過好味，值得推介😋我最喜愛蘿蔔絲酥餅$35，但係未有我預期嘅好味，只係一般，但也不過不失，我印象中以前係利苑食，好好味架喎，吾通師傅吾同哂？🤔定係利小館吾同？其實一個人食普通午餐🥣，已經夠，但突然又醒起，佢個甜品都出名，索性再加單！😅就係呢個楊枝甘露$35😋果然冇失水準，係整得幾好味，不過就細碗咗DD，淺嚐滿足下，呢個都值得食，總括嚟講，就算一個人找食，都唔錯😊

假期去元朗Yoho Mall搵位飲茶好難，好多人，度度攞飛排隊都要等好耐，俾朋友飛水現呢間舖頭11:30am先開門，預早半小時去排隊等開舖就有得飲茶😂 咁就去咗試吓。呢度嘅點心都幾好味😋蝦餃-蝦彈牙新鮮，個皮唔會好厚都幾大隻。炸魷魚鬚-香脆，魷魚幾新鮮。 XO醬炒蘿蔔糕-蘿蔔糕略嫌太淋。流沙奶黃包-好流心，勁好味😋小籠包-皮薄入面好多湯汁，又係好好味炸豆腐-好細粒😂 不過幾好味。蛋白瑤柱炒飯-炒得夠乾身，好味煎蝦米腸-好大塊嘅蝦米腸，一般。呢度點心例如小籠包、蝦餃、叉燒包奶皇包等等都正常size，但係炒粉麵、炸物小菜類就份量比較少，雖然都幾好味但係有少少唔抵食。 總括來講味道ok，都會再嚟飲茶嘅😆

聽聞係利苑旗下嘅食店，本身都頗有期待，但試過之後 真係覺得好失望。 我係聽聞佢有蘿蔔千絲酥所以先過嚟試下嘅。 事關近年好多酒樓都在冇做蘿蔔千絲酥，所以特登過嚟食呢間 就係為咗個蘿蔔千絲酥。但係個蘿蔔千絲酥一上枱，個外表睇落都仲好靚，但一食就見真章。因為佢個蘿蔔千絲酥唔係用千絲酥而係用左普通酥皮介花紋，所以個口感真係差好遠。 佢裏面嘅蘿蔔絲調味好淡， 所以整體嚟講都一件好普通嘅點心，而唔係以往食開蘿蔔絲酥嘅味道，所以可以話係好失望㗎。然後我哋仲點咗一籠燒賣 39蚊4粒嘅燒賣，比起街邊小食店嘅魚肉燒賣更細粒 ，同超市十蚊包嘅叮叮燒賣大小相若， 加上佢嘅燒賣調味都好淡 ，所以味道都略差。唯一 可以讚嘅地方係佢啲蝦都新鮮 ，但呢個價錢食嘅燒賣我真係覺得好一般。呢個椒鹽鮮魷一上枱我係呆咗，因為呢個外表同我心目中嘅椒鹽鮮魷真係差好遠，用眼睇都知佢層粉漿成寸厚， 而入面嘅魷魚鬚係超級幼再加上佢個調味好似隨便沈少少淮鹽喺個面度， 要食得好真先食到少少嘅椒鹽味， 所以整體我都覺得佢呢樣嘢十分之伏雖然佢真係唔貴，但唔係我期望嘅味道。佢啲炒飯/牛河上枱被笑言似兒童餐，本身我手已經係偏細，佢隻碟細過我得16c

七味豆腐粒 $30 – 細細粒好惹味夠香口。蓮蓉壽桃 (3隻) $36 - 蓮蓉餡夠滑, 又唔太甜。  鹽香BB鴿 $65/隻 – 炸得好香脆可口, 肉質嫩滑。 湘川口水雞 $72/份 – 辣度剛剛好, 肉質有咬勁, 鮮味。即燒沙溪米鴨 $90/份 – 味道唔錯, 肉香嫩滑, 充滿鴨油香氣, 只略嫌份量較少。蓬萊素鵝 (6件) $45 – 不過不失。南翔小籠包 (3隻) $36 - 皮夠薄, 一咬開就爆勁多汁, 充滿肉香, 唔錯。砂窩雲吞雞 $68/份 – 雞肉煮到好淋, 好易拆開, 湯底濃郁, 雲吞皮薄餡料適中。菠蘿咕嚕肉 $55/份 – 酸酸甜甜好開胃, 啖啖肉。干炒牛河 $58/份 – 好夠鑊氣, 味道勁正。銀芽肉絲煎麵 $48/份 –麵底煎到脆卜卜, 唔錯。 元朗元龍街9號形點1期樓 1130-1143 號舖港鐵元朗站H出口, 步行約4分鐘

生意難做，利小館午餐價錢在同場仍是偏高，不過食物質素高，也有一定吸引力。份量不大，但夠食。午餐叉燒飯最貴，但最好食。平均每個餐80-110，可選主食+小食（前菜/包/甜點）。

是日晚餐，在等阿女興趣班落堂時見到1945後有85折優惠便決定到此晚餐，原本想點小籠包，原來現在點心只在午餐供應。七味豆腐（$24），細細粒皮薄薄又炸得剛好，咸咸地幾好食。一口芝士角（$38），個人覺得一般，雖然炸得好靚，但個餡唔夠好味。杏汁燉白肺湯（$58），這個好飲，邊飲邊飲出啖啖的杏汁味，平日自己很難燉這種湯，外出用餐值得點來飲。油鹽水灼菜心苗（$45），這個其實好簡單，純粹有人想吃菜才點，個人認為不值一點。金蒜乾貝蛋白炒飯（$48），我和阿女食得津津有味，食落個飯唔太咸，蛋白算大件。香脆豬扒 濃豬湯麵（$68），豬扒炸得外脆內軟和湯麵分開上，賣相幾吸引。但要注意係呢個製作時間較長，其他食物上曬等了一會才到。擂沙湯丸（$28），外皮厚薄適中，內裡的黑芝麻夠幼細，怪不得阿女喜歡吃這個。兩大一細茶位共$18，另外點了杯豆漿（$15），85折後再加一用了$319埋單，呢個推廣算係抵，可以考慮再次光顧。

是日父親節 出發前先用Yohomall apps拎定飛 去到岩岩好就有位 今次坐卡位 都夠屏蔽舒適雪嶺餐包 $36（3隻）湯圓妹最愛既包包（沒有之一）像墨西哥包的外皮 不太甜也不會自己粉碎 內層是較淡既奶黃 由於不是熱辣辣既爆漿流沙 可以快快俾小朋友又唔怕辣親咀仔😍 基本上我整細細粒放去碗俾湯圓妹自便就得嘍乾清棗皇糕 $28 OK紅棗味夠 但糕太實 普普通通凍豆漿 $15 少貴 唔太甜 都大杯 湯圓妹又清晒金蒜干貝蛋白炒飯 $48 好好味呀呢個 炒得夠乾身 粒粒分明 干貝咸香 蛋白又健康 有啲菜芯莖又增加下咬口砂窩雲吞雞 $68 OK湯底同菜都好味 雞亦好易拆 但個雲吞皮厚左啲 同埋係鮮蝦同芫茜 同雞湯唔太夾南翔小籠包 $36 皮薄但又唔會一夾就爆晒 湯汁很夠 充滿肉香 時間亦岩岩好 個頂唔會硬晒

今日加班，所以買外賣做餸，自己煮白飯，15分鐘就可以開餐啦！最啱我地呢D要返工嘅師奶！叫左3個小菜，菠蘿咕嚕肉，甜甜酸酸好開胃，D粉漿唔會太厚，啖啖肉。滑蛋蝦仁，由於有九黄，所以配合起嚟好香，D蛋唔會炒到過哂火喉，都幾滑。鐵板日式牛柳粒，都有成十粒，超淋，D日式醬汁幾好味，餸飯一流，我真係食左2碗飯。不過要留意，全部係2人份量！D外賣餸盒好靚，可重用！

星期六行過見到利小館又有番lunch set, 再去試下。點心仍然非常出色及大份 (利苑出品), 海鮮焗飯都係一樣好食，乾炒牛河亦吳錯，但豬扒龍蝦湯麵差左，湯底淡左但都可以入口，但媽咪叫的雲吞湯無味，加上無講明係用白色上海麵(以為係廣東蛋麵), 所以更加無味。千層糕麻麻但棗皇糕好味，雪梨茶不太甜，都算滿祝的一餐。要讚下佢地ge 服務員，非常有禮及笑容，咁ge 服務現在吳係時常遇到了。

A lunch set at this restaurant averaged around ~70 per set, which included a main, a dim sum, and a drink of choice. The dim sum is a full sized portion from its mother company, Lee Garden, so if you like Led Garden’s dimsum then this set might be worth it for you as the original price for one dimsum is ~$30-40. We ordered 2 sets and 1 a la carte. The dandan noodles were quite disappointing, as the broth was quite bland and did not have a strong peanut taste you would expect. The soup was also q

之前來的，補寫食評Saturday，坐西鐵來元朗站，逛逛形點的一田超市，到午餐時間，在商場找吃的，利小館不用等位，walk in！３人點了：#原隻鮮蝦餃#蜂巢芋盒#蜜汁叉燒腸#XO醬蝦炒麵#油鹽水灼菜芯#羅漢果茶味道不錯！環境一般！服務合格！銀聯卡付款，免收加一。

利小館之前見到餐牌都係d 點心小菜類，款式唔多，所以一直都無試過個晚甘岩三個人人少少，食得唔多就試下啦依度用自己電話scan qr code 落單有95 折但落單見到好多菜都無圖。。。唯有靠個名同自己常識去估下係咪個碟野。。之後就會有一碟係賴左野啦！用qr code 落單真係無問題，但真係做番足d, 全部有番相，如果唔係真係樣樣捉番個侍應係咩黎，點煮，同平時落單無分別叫左拍青瓜，價錢只有廿幾蚊，但份量絕對比北x 樓一坐底就擺底個碟 多一半可惜唔夠味唔夠辣，但青瓜都唔會澀口鮮蝦就係個粒斷開三截既一隻蝦，蟹肉依d 更加唔好提，搵唔到食唔出，比較好係蛋白夠滑，個碟好淺身，份量偏小，一人兩啖就無架啦娃娃菜煮得夠淋同入味，都係岩岩好一人兩條豬軟骨拉面反而份量好大碗，好多面豬軟骨好入味又淋哂，好好食，面係上海面個種以上係我地第一round 點既，發現份量差甘d,阿媽又話自己肚餓，唯有再點多兩樣雞脾黎好大隻，肉質幾滑唔鞋而且湯底好飲，雲吞細細隻，都唔錯依個我覺得係成餐最好食之後就到成晚最伏就係小炒皇，因為完全同我平時食開既唔同。。係一碟都好油既炒豆角，而且調味一般，我地食剩半碟。。依個價錢其實佢比既

They cut out their lunch set, which was disappointing. Their menu also changed, when asked about the picture version of the menu. They rudely said no. No wonder not much people on a Sunday afternoon. Staff were rude as well and decided to ignore or provide no help. Will never come back!