利昌士多

營業中

休息中

放假想吸收下新鮮空氣，所以就去咗北潭涌行吓，未入到北潭涌起點，見到呢間士多所以就幫襯吓，之前成日搭車都見到，但一直未幫襯過，今日終於有機會試到。士多門口正正就有一個超多位嘅停車場，非常適合揸車人士。朝早時段客人唔係太多，而隔離另外一間士多亦冇開門。餐牌選擇都算幾多，不過定價嚟講就有啲貴，普普通通一個早餐都要 $46 蚊。沙嗲牛肉公仔麵配腸仔煎蛋同多士，味道正正常常無咩特別，下次未必會再幫襯，試過就算。😝

多汁多洋蔥一口牛肉飯，牛肉軟稔，正！真心好味嘅！方便泊車，優閒假期hea 吓坐吓不二之選！。 ——————— 牛腩抄河都唔錯，份量適中！下次會再來試吓其他美食～ 再分享啦！

今日特登揸架車入西貢行下，泊左架車係大網仔停車場。見有兩間餐廳，我怕熱入左左手面個間，環境幾好！叫左個All day breakfast黎試下！質素唔差！最好食係個滑蛋！飲左杯涷奶茶！最抵讚係侍應無收走我D野催我走，我慢慢坐都得！下次會帶埋隻狗仔黎！真心推介

22/4/2019 復活節假期的最後一天，炎炎夏日氣溫，想出去食嘢有假日感覺，好自然就諗起嚟呢度開餐。今日，我哋食咗有鍋氣的乾炒豬扒烏冬，紫菜四寶丸湯意粉，仲加個紫菜四寶丸菜心，當然要飲凍嘅檸檬茶 & 凍奶茶 ，先至夠爽快啦！

6/4/2019 星期日，天氣炎熱，又想去郊外走走，但係又怕坐戶外食午餐會好熱，最好就係嚟呢度開餐喇！坐室內有冷氣，又可以望出外面，感受陽光☀️！我哋叫咗洋蔥豬扒飯，炒底，好好食😋另外叫咗韮菜豬肉水餃烏冬，水餃好足餡料。😋最後，都叫咗一客西多士，都好食😋悠悠閒閒，舒舒服服，享受一個星期日的午餐。😊

空空一人沒事做的一個中午，我又來到大網仔了。而這一次的 target 是《Lee Cheung》。 《Lee Cheung》就是《利昌士多》。這《利昌士多》，幾年前應該重新裝修過，完全沒有了那一種大排檔感覺。 入內，有充足的空間同冷氣，這已經是一間令人感覺好完整的茶餐廳。 此外，店主應該是一個可樂迷，在餐廳的牆邊，是充滿了可樂精品做擺設的。 而我是日的午餐，是干炒豬扒烏東。豉油王的味道一流，味道均勻，色水也均勻。油是油了點，不過，夠鑊氣，豬扒亦好入味，是值得加許的。 奶茶方面，都是未合我心意。茶味絕對是夠，但奶味，夾唔到茶味。 稱不上是非常好食，一定要來食。但作為一間地區飯堂，司機工友飯堂，又算是值回票價既。而以我所知，這，《利昌士多》，好受行山人士歡迎。