功夫點心 (已結業)

今日中午飯就到了中港城平台功夫點心，兩個人叫了兩個排骨煲仔飯、鮑汁鳳爪和鳳凰煎糯米雞，份量剛剛好👍🏻！排骨煲仔飯都挺入味，典型中式茶樓的味道。至於鳳凰糯米雞真的不得不讚，外面非常之香脆，裡面又很足料，很飽肚！最後的鮑汁鳳爪味道都接受，感覺一般！✨

HO哥哥又嚟探班 太多錢又請嘢食 所以就勉為其難喺熊貓揀咗呢一間～鮮蝦腐皮卷餡料有韭菜、馬蹄、蝦 咸道味道啱啱好～👍🏼唯獨炸腐皮表面有啲靭 金珠脆皮鹹水角比較油 普通 「黃油厚皮鹹水角」馬拉糕味道略甜 綿中帶少許濕感覺有少少黑糖味 /焦糖味（？）蟹子香菇燒賣裏面啲蝦好大隻食完齒頰留有少少菇味但蟹子孤零零幾個係表面功夫蝦餃皇正常（但窮L表示如果自己俾錢食的話$15一粒就覺得有啲貴🤭）翡翠叉燒腸 入面叉燒粒 但叉燒冇咩味道有啲硬腸皮比較口HO哥哥話呢間野麻麻哋唔好食 我就覺得普普通通囉 唔太難食

尖沙咀逛街，行到倦，坐低飲杯茶，食點心。點左鮑螺片絲雞粥，雞肉很滑，粥底很綿，北菇棉花雞肉滑但冬菇就麻麻。蝦餃🦐和燒賣都大大粒，真不錯。鮮蝦菜苗餃只有一蝦，麻麻的。

由金鐘，過尖沙咀，行去西九，經過廣東道，來到這間中港城分店，平時晚上都不會太多人，不用等位。㸃心即叫即製，所以要耐心等待10至15分鐘，即叫即製應該好食一㸃。價錢跟酒樓差不多，例如蝦餃$12隻，馬粒糕$23，煲仔飯$34。生煎鮮肉鍋貼$26，一般，不過不失；專程試試瑤柱海皇灌湯餃$32，麻麻地，中伏；北菇滑雞煲仔飯$34，雞肉軟，飯唔硬，中上；可樂一罐$12，埋單加一$123。

位於中港城二樓平臺上，進門廊，登上長長的手扶梯，末端右轉即可見。大概因為室內的牆都粉成紅色，我站在門口時就覺得裡面紅彤彤的很喜慶，跟節日氣氛很契合。既然是點心鋪，我們點了常見的點心和湯、粉：功夫蝦餃皇兩個起售，皮韌滑，包著一個不小的脆脆的蝦仁，我覺得不錯濃湯杞子浸時蔬奶白色的湯裡浸著碧青的生菜葉，脆甜。原盅燉湯熟地味比較濃，正好同去的閨蜜喜歡。香麻混醬陳村粉這是唯一一道點錯的菜。粉又黏又澀，加上黏糊糊的芝麻醬更是雪上加霜，我們往上面澆了不少生抽攪拌後勉強入口。完全沒有陳村粉那種透亮輕盈爽滑的風味。整體而言，性價比較高，吃飽後有點後悔，沒有點她們主打的“功夫點心”，即“懷舊綿香馬拉糕”。

呢個晏晝中午放飯，又周圍去搵野食，今日就搵所左呢間功夫點心，呢間野係有d特色，一入到去就俾個menu吸引左，成本武林秘笈咁，其實食既野都係大路野，價錢唔係好便，始終喺尖沙咀中港城，首先首先有拳頭咁大嘅奶黃包，個重點係流流沙嘅，仲有煎糯米雞煎腐皮卷蝦餃燒賣翡翠菜苗餃，整體上都有質素，我特別鐘意個煎糯米雞，香口得黎又煙忍，食落有層次，人均都要百幾蚊，但係食唔飽既同埋個環境都逼，椅無得埃，坐得唔舒服，冇計啦香港寸金尺，租金有貴，都明嘅。總體黎講，食物質素幾多，但環境就差啲。

喺中港城嘅天台平台都有幾間食肆，平時呢幾間食肆都唔算特別旺，黎親都有位，但係今日嚟得特別早，所以好多位但係呢度嘅位比較逼夾，如果拎多個袋都唔係好方便好鍾意食酒樓嘅蒸排骨，唔知點解特別好味，入味，個排骨d肉好嫩滑，啲飯粒粒均勻冇話太熟啱啱好，撈埋啲豉油就正！小籠包冇咩特別，因為我一夾器唔小心就穿左個窿，所以唔係好知道佢嘅鮮味蝦餃好出色好大粒啊，啲皮好「煙un」，符合晒蝦餃皮嘅要求，入邊嘅蝦餃都好大粒，真係啖啖肉！呢個流沙包真係好大件，而且入邊嘅流沙黃，好好味呀，唔會話好甜，但係好香其實仲有個燒賣但係唔記得咗影相兩個人一共食咗$158lunch，唔算話特別抵食啦，不過味道可以

下午茶一個人唔知食乜，就決定食點心，總共叫左四樣嘢第一樣叫咗鮮肉鍋貼,所有嘢係即叫即整，所以非常新鮮超級熱，鍋貼香脆香口,配陳醋可解油膩感，同埋叫鮮肉鍋貼點知原來入面有菜，本人都係鍾意食全肉鍋貼多啲，之後都係嗌蝦餃燒賣皮薄餡多整體好食嘅，但係逐粒叫最少每樣2粒起有點怪🤷‍♀️最後灌湯餃最有驚喜，超級熱之餘，個皮入面勁多料下午茶如果叫個飯加個點心連埋茶價有八折都係一位50靚蚊都幾抵。

剛剛在這間餐廳吃飯，大家開開心心，突然有隻巨大的老鼠從天而降，跌在朋友手臂上，然後迅速跑開。找餐廳職員理論，職員說可以給9折。excuse me？請問你看新聞了麼，老鼠會傳染各種疾病，戊肝的case你忘了麼？職員說那好半價吧，我們堅決拒絕付款，結果這位職員在我們面前摔杯子摔碟子，說你們吃過了就要給錢，態度差到爆，簡直無恥無賴。本人已馬上致電食環署投訴該餐廳，如果一間餐廳開成這個樣子那還是倒閉了好了。好走不送

趁未夠鐘開會，約左表妹黎個quick lunch。我地都好耐無飲茶，於是去左附近既功夫點心飲茶食點心。雖然唔係傳統茶樓，menu亦唔算真係好多選擇，不過我地2個人都點左5樣嘢😆最好食係個豉汁排骨煲仔飯，d飯唔係普通就咁白飯就算，而係真係煲過，所以有陣香味，排骨亦都好滑。蘿蔔糕都整得OK，唔會好多粉。有個腐皮卷都幾好，外面炸得好脆，搞到隔離檯見到都跟著我地點哈哈。不過炸兩就真係麻麻地，外層腸粉唔算厚，但係裡面既油炸鬼就應該已經炸左好耐，所以淋晒，唔建議點。

環境ok 適合4人聚餐 地址就比較難搵啦 要上到2F平台 間舖上菜速度快 食物味道可以4個人食咗8樣嘢 人均$80-100 推薦馬拉糕 時蔬 鮑汁鳳爪 朋友話份量有d少 食得唔過癮 下次會試下其他菜

尖沙咀笨沒有很多酒樓，我也沒有特別去搜尋，多加思考，在腦海飄浮的只有功夫點心，位於中港城2座平台，於是去邊吃邊學功夫。如果以神奇小子曹星如稱霸的拳擊賽來形容，功夫點心的定位屬於輕量級，既沒有傳統酒樓的那種大堂式沉重的感覺，又接近普通茶餐廳的快餐感，遊走於傳統酒樓與新式茶餐廳之間，就像Starbucks定位介於顧客的家和工作場所的地方一樣。北菇棉花雞$26：棉花掌，又飛甩兩件，推出我棉花掌，又卸去"胸"險。這裡整的棉花雞是用魚肚與雞肉一起蒸熟，相傳以前是用花膠整的，不知道道會否口感更好。金珠脆皮鹹水角$22：頗為好吃，因為咬一啖後皮自動合埋，於是再咬一啖又自動合埋，我不斷又咬又合，直到終老，阿門。吃這些，最重要的是熱餡不可少，如果不夠熱的話就不好吃，餡料熱辣辣，才會令我想跳part森巴舞。蠔豉魚雲肉丸鯭$36：魚雲在中菜是指魚頭，確切的說法是敲開魚骨之後包括魚腦、連著眼和肌肉的軟組織，形象上有點像發財蠔鼓，在新年吃這道菜，反而能迎合新年氣氛。翡翠叉燒腸$26：這道菜像是功夫點心獨有，因為我在其它餐廳從未吃過，軟綿綿的，吃的時候，我一直在思疑著翡翠究竟指的旺甚麼呢？生煎菜肉包$24：賣相不

新年期間開張嘅餐廳唔多,今日我哋一行五人看來飲茶食點心係最好嘅選擇。茶位每一位＄8，點心由＄9到＄28，蒸飯$34-$36，湯麵$40至$42，價錢大眾化。菜方面都唔好有任何期望，真係普普通通冇乜茶味。功夫筍尖蝦餃王每隻＄12蝦餃大大隻，雖然蝦餃皮唔係好薄，但內裏有大大粒蝦同筍，口感幾爽，冇乜肥豬肉，而且鮮味十足。蟹子香菇燒賣王每隻$11燒賣賣相雖然唔工整，但極富有內在美。食得出是手切肉，燒賣口感弾牙爽口又juicy, 蝦肉嘅比例都高，味道唔錯。懷舊綿香馬拉糕$22這馬拉糕十分大件，切開有六件。係傳統製作方法，棕黃色，口感幾鬆軟，甜甜地。鳳凰煎糯米雞$28這個煎糯米雞比較油膩，糯米雞嘅餡料唔多，主要以糯米為主，底層有少少肉醬嘅餡，但係唔多。翡翠鮮蝦春卷$26春卷炸得幾香脆，一客有三件。餡料幾鮮味，炸得唔算油膩，但又唔係好乾身，味道算唔錯。黃金流沙包每個＄9估唔到流沙包咁大個，我哋仲每人一人叫一個，食飽都食飽。一咬下去金黃色的流沙餡一湧而出，既有奶黃嘅甜味又有鹹蛋嘅甘香，正！唯獨是飽的皮比較厚同結實，否則應該會更加好。韮黃原隻鮮蝦腸$32腸粉一客有三條。腸粉嘅皮唔薄，但入口幾滑溜。食唔到

第一次來到這家點心餐廳.對我來說, 印象比較深刻的是它小小的菜單.外表好像一本武林秘笈.哈哈.果然能帶出她這家餐廳的主題-功夫.菜式也算是多.價格方面.在尖沙咀區內算是合理.性價比中上.不過有些點心是偏貴.但沒有什麼驚喜.例如 功夫筍尖蝦餃皇, 12元一隻.價格是偏貴.而味道沒有讓人覺得有驚喜.但不是差的.只是覺得沒有想像中的好.雖然有些點心.沒有想像中的好.不過也有一些是讓人很難忘.覺得是好吃的.鳳凰煎糯米雞-crispy sticky rice with chicken, 外表平平無奇.但內里是不錯的.外面鬆脆, 口感良好.另外, 鮑汁鮮蝦荷葉飯, 36元一份.荷葉飯內有不少大大隻的鮮蝦, 再加上鮑汁.果然是足料的荷葉飯.不過沒有味道而且調味的份量剛剛好.鮮蝦腐皮卷也做得挺好.26元一份.同樣地.是比一般的酒樓貴一點.但值得一提的是.這裡的點心雖然是貴一點.不過它們的份量也比較多.不過小小的一份.說到這裡, 唯一覺得失望的是.叉燒腸粉.太過平淡.當然不是不好吃.而是覺得欠缺驚喜.和預期的有落差.這樣不會讓人想一吃再吃.整體來說, 我還是滿意的.但仍有可進步的空間.

今日午飯選擇同同事黎中港城平台嘅功夫點心。最近商場電梯翻新，上去平台要轉行樓梯/轉𨋢。餐廳環境光線充足、整齊、空間感大，每張台之間都有距離，不會逼夾。點心紙好特別，好似武林秘訣，非常切合「功夫」主題！食物選擇都好多，不過今日我地呢餐主打係盅頭飯，叫左：煎糯米雞、排骨飯、章魚肉餅飯同鮮蝦荷葉飯。煎糯米雞好香口，幾好食；排骨飯果然係推介，排骨醃得入味，肉汁滲透飯內，令人回味；章魚肉餅對比起來比較遜色，但份量同價錢在尖沙嘴區算是不錯；荷葉飯都好香，內裏有兩隻鮮蝦，味道稍淡。呢度蝦餃燒賣都係一籠兩粒，落柯打記得數人頭呀！蝦餃燒賣裡面嘅蝦都好大粒同彈牙，好滿足！鮑汁雞腳點多左一份，雞腳入味香滑，個汁攞黎送白飯就一流喇食到尾聲叫埋甜品，不過只有燉奶同煎堆兩個選擇。我地一致叫桂花糖燉鮮奶，燉奶都幾滑，不過啲桂花糖漿真係好甜好甜，建議撥走部分先食。今餐都點左好多點心，全部都令人滿意，尤其是喺尖沙咀區，呢個價錢絕對值回票價，可以encore！