功夫點心 (已結業)

今年食糉唔多，都喺品嚐過3家店嘅出品，今次就分享埋「功夫點心」嘅出品，有此機會都喺多謝友人送小弟一張瑤柱裹蒸糭套裝禮盒換領券，最好就喺任何一家店都可以換領。張換領券唔喺得隻糉，而喺一門三傑，包括家鄉鹹肉糭、豆沙鹼水糭及懷舊瑤柱裹蒸糭，禮盒外觀都幾大體，一邊配以水墨畫，感覺幾傳統味道。打開一睇，當然以裹蒸糭最大隻，而鹹肉糭同豆沙鹼水糭呎吋相約，全以真空獨立包裝，感覺保鮮衛生，不過，食用期唔長，都喺大概兩星期時間左右。懷舊瑤柱裹蒸糭除咗大隻，中切開都見到有好多料，包括綠豆、五花腩、燒鴨、鹹蛋黃、蓮子、瑤柱、冬菇……等等，份量十足。糉身本身唔錯，食起嚟黏糯唔會太散。而各款材料亦有調過味，誘發出鹹香味，所以，整體真喺幾好食。家鄉鹹肉糭跟裹蒸糭比，梗喺會有比下去嘅應感覺啦，因為，餡料主要只有豬肉同鹹蛋黃，食味比較簡單，食起嚟就比較傳統嘅感覺。豆沙鹼水糭都喺慣常嗰句，鹼水糉鍾意就好鍾意，否則就好唔鍾意，講得都幾癈，哈哈！小弟屬前者，覺得鹼水糉個質感幾特別，配豆沙，淋啲糖漿，當甜品嚟食都得。今次試過功夫點心嘅出品，雖然都喺傳統風味居多，無乜驚喜，但勝在穩打穩紮。最後，藉此多謝好友相贈，不時晌啲大時大

晚餐不想吃太飽，食一碗有點米氣的粥養吓胃都唔錯，雖然呢度的粥不是招牌推介，但我每次嚟都會叫，因為以這樣的中小型點心店嚟講，外邊係好少有粥可選擇的，而好似這裏的粥底又煲得咁綿密嘅，就更少有了，所以呢度的粥都算係我的摯愛 之前吃過這裏的肉丸粥，唔算大碗，但內料有4粒丸（2粒鮮蝦丸2粒鯪魚肉丸），1吋左右大，丸質都是鮮打到起膠的，沒有滲其他粉料，所以粒粒都真材實料好彈牙， 今天的肉丸粥是豬肉丸，雖得3粒，但另外又有魚肚，鮑魚絲，魷魚絲伴底，一人份量嚟講，係好豐富足料，粥底米氣好香，而且沒有加粉，感覺是有生命的米粥，（不是一般食到的糊粉狀無喱米氣的狀態）質感幼滑綿密不稀不稠，上枱又夠哂熱，很讚，由於是一人份量，女仕吃完一碗都不會過飽，意猶未盡剛剛好，肚子還有空間可以食其他點心今日粥底的肉丸是鮮打豬肉丸，魚肚條，鮑魚絲，魷魚絲（$36）又點了個炸花枝餅（$26）今次食的花枝餅沒有之前那樣厚身，但薄薄的蝦餅加了杏仁片在外層，令到口感更豐富更香，送粥一流這裏的一人份滋潤燉湯都是我的摯愛，今日有“白菜乾南北燉豬肺“，一打開就好濃厚的羅漢果香氣，湯味濃郁回甘，滋潤入心，非常抵讚

俾人昆左, 食物來熱的時候無咁重味, 食落唔對路, 宿左 變壞的。服務員態度極差, 一句話賣左成日都無問題, 你都食左咁多, 無問題 就走左。本身 得4粒雲吞 雞都唔多, 食唔落果d全部吐左係個碟度, 唔通放返落去咩? 一間食物變壞, 態度有問題的餐廳, 自認 身體好就去啦 ...

哩間喺中港城嘅功夫點心，太平洋酒店樓下。環境都算唔錯，不過服務員嘅態度就真係好一般啦。啲野食嘅味道其實都ok嘅，不過佢哩度嘅性價比普遍都唔高。。蝦餃要12蚊一個，唔喺一籠！！所以唔好見到個價位就以為好抵食！大蝦味道唔錯。齋腸主要食嘅喺醬汁嘅味道，花生醬少咗啲，食唔出有乜特別之處。味道仲比唔上街邊嘅腸粉檔。蟹粉小籠包，如果真係有蟹粉我就知足啦，可惜.......蘿蔔糕嘅size唔大，就係普通蘿蔔糕嘅味道，而且香味唔多夠鮮蝦腸粉同排骨鳳爪個味道都算比較正常，但又唔會特別有過人之處！我霖下次都係去翻旺角果頭食點心啦.~

本來放假無嘢做入黎食下嘢放鬆下，但入到來啲服務員態度真係好差，最後埋單去洗手間問下係邊邊，但個員工竟然話：個廁所好難搵架！你落下邊個層好過啦！好嬲！仲要一個人食左成$111呢啲餐廳真係唔好再搞我，路邊攤都好過佢！👎🏻

約左一位已退休的前輩食飯, 亦可以聽下佢的人生經驗, 前輩中意飲茶, 地點又想係尖沙咀, 朋友介紹我去中港城的功夫點心, 地點係平台. 其實我好耐無去過中港城了, 原來已經變了好多. 我先去搵位先, 因為我地食下午茶所以好易有位, 加上中港城人流唔算多, 所以唔需要等就能入座最特別有 "白牡丹" 的茶, 茶夠香, 大家可以一試功夫點心係新一派的點心餐廳, 從未食過呢間所以十分好奇, 店內好清潔, 點心選擇多所以揀選左以下點心 :點心紙 :七彩水磨布拉腸(眼見好大條, 粗身, 估唔到係咁滑身, 加上醬汁好配合)馬拉糕 (一籠夠多件, 好軟熟)菌香脆皮鹹水角 (裡面加埋雜菌竟然能夠咁特別) 讚呀 !!甜甜蛋散 (新鮮做出黎, 未食點心就忍唔到食左個甜品先)鼓汁煎釀茄子(酒樓必叫之一, 同樣地好好味)銀魚仔薑粒肉餅煲仔飯 (一上枱時賣相真係麻麻, 食落都唔差)遠年陳皮牛肉球 (其實我食唔出陳皮有乜特別, 牛肉大大粒)

今日午餐想食點心，於是去左功夫點心度食點心，XO醬蒸鳳爪，呢個味道偏淡，唔會好鹹，但係XO醬調出小小辣味，鳳爪好滑，好入味，好味酥皮香麻蘿蔔餅，表面煎得好鬆脆，加埋黑白芝麻，脆加脆，裡面好鬆軟，甜甜地。裡面有蘿蔔絲，好青甜，必點鮮淮山豉蒜蒸排骨，排骨好滑，好入味，鮮淮山好甜XO醬炒蘿蔔糕，蘿蔔糕煎到4面金香，好脆，小小蝦米好正，XO醬好惹味蜂蜜脆蛋散，好重蛋味，好酥脆，好正，有蜂蜜加埋蛋散一齊食，甜甜地，正吖

叫了碗牛腩面，只有上海面。等了十五分鐘。麵终於出來，手踫碗己不燙熱，有三四塊牛腩。吃一口，不熱的，祗是温暖。筷子夾麵感覺有重物在下面，一拉高，原來下面還有一大團麵餅未散開。顿時無語。可能點心會好些吧，千萬不要點粥麵飯吃。

同朋友飲茶團拜😁由於好多店三點左右都會落場小休~ 向 openrice 找到這店全日供應點心💪🏻 而且中港城這面比較人少~ 我地坐下傾下到六點~ 沒人等位沒有壓力😏餐牌設計成秘笈一樣好得意😂點心係即叫即蒸的~ 蝦餃可以續隻叫幾好~ 大隻又足料😋 腸粉好滑好味道👍🏻 蟹粉小籠包好 juicy~ 值得一試~ 但酥皮蘿蔔餅就麻麻地~ 感覺好油膩~ 服務就無乜架喇~ 員工唔積極面無表情~ 叫一下就動一下囉~ openrice 訂位有九折~ 但奇怪下午茶係無得訂位的😒閒日的下午茶亦都無任何優惠~ 建議加設 d 糖水布甸甜品就好喇~~

本人於2016年3月5日晚,與朋友一行六人到尖沙咀中港城功夫點心惠顧。於用膳期間店舖有多達3隻體型龐大的老鼠於天花喉管向各方向爬走。我們即時通知服務員,她們不但沒有即時做出處理或安撫顧客情緒,反而是擺出一臉不屑的表情,在多番要求下才通知店舖經理Ada。經理以老鼠是從商場爬入為由推卸責任。本人對於該店舖的衛生情況及服務員態度及操守感到極之不滿。可見貴 公司對員工的培訓相當不足及餐廳衛生清潔要求相當之低。試想一下，樓面都可以有多隻老鼠於天花水管上任意爬走，真不敢想像廚房的衛生情況是何等的惡劣! 又或者如果老鼠掉在客人用膳的餐桌,敢問餐廳管理層及各食客,作何感想?! 

之前晌另一食評中講過今個春節試咗兩款蘿蔔糕，分別喺美心及功夫點心，前者已晌另一食評分享過，所以，今篇就喺介紹吓功夫點心嘅蘿蔔糕。當市面乜糕物糕，出到咩味都有嘅時候，功夫點心所做嘅仍歸於傳統，就只有臘味蘿蔔糕及椰汁年糕。 臘味蘿蔔糕佢哋啲蘿蔔糕同樣主要都喺落臘腸及蝦米，不過，配以粗條蘿蔔喺佢嘅特色，務求突出蘿蔔嘅清甜及口感。除糕面有唔少臘腸及蝦米外，臘腸及蝦米亦散佈晌糕內各處，而粗條蘿蔔真喺清晰可見。功夫點心嘅蘿蔔糕比起美心嘅晌質感上挺身啲，輕煎後亦無咁易散，入口蘿蔔味不俗，一條條嘅蘿蔔味道清甜，不過，整體味道稍鹹，臘腸感覺未夠鮮味。 椰汁年糕至於椰汁年糕，無乜花臣嘢，賣嘅喺簡簡單單嘅傳統味道，一時急住食，煎好後嘅成品連相都忘記影。老實講，啲椰汁年糕煎好出嚟間間店個樣都差唔多，而功夫點心嘅椰汁年糕都做得唔錯，軟糯唔黏牙，煎耐少少帶些少焦香，食落淡淡椰香，比起佢哋嘅蘿蔔糕，小弟就覺得年糕好食啲 。兩款賀年糕點標榜喺香港製造，讓客人更有信心其品質保證！晌度趁機都多謝友人嘅點點心意，讓小弟同家人可以多試兩款賀年糕點。

又一間只買包裝的店舖,蝦餃皮唔煙靭又粉,菜苗餃食唔到蝦只有菜又淡又散水汪汪難食,煎糯米雞有小小焦香但小餡都好似食緊淨糯米飯,蝦腸個皮同蝦一樣難食等咁耐上菜口感似返蒸,蘿蔔餅芝麻香都可以,雲吞雞湯底,雞,菜都好味但雲吞似燒賣好肥好油,蝦春卷杯底既油多都唔及春卷上面既勁無蒜味只食到油味包得太實搞到皮硬唔脆,沙律如果唔計食蝦係成枱食物中冠軍,成蝦啤水啤到得爽冇味放落口都要吐返出來,名氣賣點果然只係呃人

其實每次係尖沙咀搵食都係非常頭痛既事, 由其是小妹是獨行俠,一個人搵食係好煩惱既事, 唯一方法有請Openrice帶路, 行呀行…搵呀搵終於到位於中港城 只係貪佢夠清靜。講返 幾年前當點心店興起時小妹曾經光顧過其北角第一間店印象中水準唔差, 但只是沒什麼賣點, 就試下尖沙咀呢間會唔會另我改觀先。茶芥 $7 原壺茶上, 茶應該是慢慢嘆的。功夫荀尖蝦餃皇$12/隻蝦餃果然是晶瑩剔透, 就像一位美女穿著一件誘人的透視裝出來, 絕對能挑起男人慾望, 可惜我是女人。哈~ 但無疑小妹對它充滿食慾的。皮薄煙勒, 裡面的大蝦塞得滿滿加上香口荀片, 爽生鮮香 。蝦餃皇絕無偷工減料, 小妹雖要二至三口先可以把它完, 雖然味道淡左小小, 但都算唔錯。蔥花香茜牛肉腸 $26腸粉皮挺有米香而且有適當勒性加了不小蔥花, 質感幼滑, 最重要是香茜可以帶出牛肉香味,真材實料, 果然使出真功夫。下次係尖沙咀唔知食刎我會唸起呢到架。

As well as sweet potato, black sesame mooncakes are becoming popular too.Tried the Kung Fu mooncakes from Kung Fu dimsum which are cute mini mooncakes filled with dense sweet black sesame paste and salted egg yolks!Great for anyone with a sweet tooth!

今日中午我們去咗「功夫點心」喺中港城店食午飯！我們叫咗鳳凰煎糯米鷄、功夫筍尖蝦餃皇、鮮蝦菜苗餃、馬來沙嗲蒸鳳爪同遠年陳皮牛肉球！鳳凰煎糯米鷄係即叫即煎，表面煎得非常金黃香脆，糯米亦非常香脆煙韌，層次感十足！不愧係創意招牌同最受歡迎嘅點心！亦都係本人嘅必食推介！功夫筍尖蝦餃皇嘅蝦肉非常新鮮彈牙同好大隻，蝦餃皮相當煙韌彈牙！鮮蝦菜苗餃嘅餃皮非常晶瑩剔透，可以清清楚楚睇到蝦仁同菜苗，真係好足料同口感十足！馬來沙嗲蒸鳳爪係用沙嗲夾埋豆豉同椒絲嚟蒸，味道好特別同比較偏濃！遠年陳皮牛肉球嘅味道不過不失！