加州紅Red Box (已結業)

一向都有幫襯開RED BOX, 今日放假想唱吓歌RELAX二三個鐘(我們是想唱K TEA), 咪打電話問吓RED BOX點收費. 打電話去, 聽電話個女仔話問價要等等, 等了2分鐘先有回覆...(大家覺得問價要問2分鐘有無D過份?!)好,問好價錢, 不是開天殺價, 我同朋友就決定去唱一陣,當時我們已經在灣仔, 行去不需10分鐘. 去到RED BOX 差不多下午5PM, 當時個RECEPTION同我們講無位, 但在同一時間, 我們聽到有STAFF叫咪有客要埋單, 仲不止一間房. 我們再問, RECEPTION 一樣話無位,當時成間KARAOKE只得我們幾個等位都無其他人. RECEPTION話6PM後先有位喎!! 5點至6點有成個鐘喎...有房都唔比人.之後, 我們坐係出面的SOFA相量了一陣, 再去問RECEPTION如果6PM後可否訂位, 她說唔可以,以我記憶,我曾經打電話去RED BOX 訂過位, 唔通依家轉了. 算吧...不訂就不訂..之後, 我們再問價錢, 嘩...足足貴了差不多一倍 (由HK$65變了HK$120)... 仲要只包2杯普通飲品...除此之外, 我們打電話去問

好耐冇唱K，今次試下呢間冇乜人知既K，佢係酒店地庫，唔係專登上網搵都唔知呢度有間K。下午2點入房，要等到2:30先可以叫TEA SET($15)，雖然選擇唔多，但係有幾款野都係飽肚，好似我地叫左香草魚柳意粉同香豚肉定食，材料豐富，又夠熱辣辣，改變我一向覺得K既食物係凍冰冰，唔好食既觀念。雖然佢話俾我地唱3個鐘，但係最後我地唱左5個鐘都冇趕我地走，$93/人，算係咁喇。

很久也沒有去唱夜晚K了^3^在NEWAY和RED BOX的兩難選擇下，朋友無意在CHECK會員咭期間才發現，她還有一張免一個人頭費的COUPON，所以就來這間了。我們兩人，六點四入座，交房時間為九點。BUFFET在六點半至十點，不太肚餓的我也吃足全程﹗哈哈~~BUFFET包括：已PACK好的一件件超難吃的壽司﹑凍蟹是非常多肉又好味，我吃了N件(同場加影凍青口)﹑炸菜拼鴨賢﹑豬耳仔吃小小就算(同場加影沙律)﹑炒烏冬OK不過炒飯非常好吃﹑大蝦菇類芝士焗麵也好吃﹑炸春卷及蔗蝦就很油，少吃為妙﹑半炸半焗的豬扒麻麻地﹑金菇炆茄子和鮮竹卷十分好味道﹑連吃兩碗煮得不錯的蕃薯糖水和一碗幾濃味的青紅蘿蔔湯，加點新鮮生果(全選菠蘿XD)，吃到飽一飽呀...^^最後十一點多才進來埋單，嘩...總共坐足5小時呀，有機會再唱夜K的話也首選這間先得﹗今日人頭費$159+BUFFET$28再加一(用了匯豐信用咭有9折)，夾埋朋友的免人頭費卷，每人只需$120，抵抵抵~~~

又想一路聽歌一路食餐安樂飯?又想可以食完飯消磨到時間?唔駛o係條街食風幾粒鐘? 黎依間啦(唔係賣廣告)低能的我們不嬲都幫襯開依間加州紅因為佢人流少, 又唔似其他k 房咁會2個人先得2個鐘, 佢會俾夠坐底3個鐘你對於食飽飯唔知去邊既朋友, 係一個幾好既選擇講番食物方便啦, 今次叫左1. 咖喱燒豚肉飯定食$522. 芝士牛利香腸焗飯$48唔知係咪加左價, 好似比之前黎貴左少少不過d 野食都幾好, d 飯又由白飯變左紅米飯首先講下個定食, 有螺肉有菜, 當然有豚肉點左d 汁之後都唔差架, 不過d 咖喱就弱左d而個芝士牛利香腸焗飯, 芝士味行過十條街都聞到不過可能芝士同牛利唔太夾, 低能C 食剩左半條低能D 望住流哂口水好想咬落去...=﹏="不得不提係有個免費沙津bar 同有湯架可惜走果陣先見到佢開...下次要再食!臨走仲寫左張揮春, 預祝大家新年快樂!

呢間K,一向少人流, 同幾個friend, 3pm入場, 七點走, 冇趕.朋友冇食lunch, 叫了一個肉醬意粉, 只收$15, 下午茶價錢, 我地聞到D芝士香味.......真可惜食左飯先黎K場係酒店樓下, 環境唔錯, 冇人趕, 中房又唱得舒服而且, 是星期六!!!!!!!!!!

2007年5月10日。Farewell & welcome同事。不喜歡唱K。但大家說要去，沒辦法。斎唱$79,加$18有buffet。包2杯無酒精飲品。有冷熱盤、中湯、甜品等。冷盤有沙律2款。也有成日無添貨的青口，和蚊型蝦仔。我唔敢食。沙律吃了一些。無咩好講。熱盤一次約有四款。款式輪流出。出過有機會再出。但有時候D盤無哂，你要企係度等人添。熱盤有肉餅飯、蒸魚、粟米、腸仔、意粉、串燒、牛尾、炒飯、燒味、西式燒排骨、炒四季豆、芝士西蘭花等等。有D斎睇個樣已經好嚇人，如茄汁樣意粉。但有D味道都OK。要得精明。當日甜品有黑糯米糖水，不太甜，幾好。由於其他人飲啤酒，要另外$28一罐。我們共13人，8個請5個人，每人夾$150。

晚上與朋友一起去到唱k加$18有buffet, 但款式不多, 5-7款熱盆及幾盆冷點會轉款式, 但不會重再出, 味道一般, 不難吃就是了服務很好, 可能人不多, 由6:30pm 唱到11:30pm 都沒有人趕

18 October 2006 (Wed) - 晚飯己經有成半年冇唱K，好開心今次舊同學仔相約唱K，我立即應允！呢間都算係我哋班同學去開，因為貪佢夠少人～～好耐冇食過K場食物，呢度既算相當不俗！有白汁焗西蘭花，鷄鎚，鷄翼，司華力大腸，焗蟹蓋，沙律(種類仲非常多)，湯，蛋糕，炒飯，菜，即場炒粉．．．etc，樣樣都唔錯，仲成日會轉嘢，加嘢，一定有嘢食，可能人流唔多，變相冇乜人同我哋爭，我真係幾鍾意呢度！不過個蛋糕就麻麻，係黑森林，但係好乾身，所以除咗呢樣，我哋攞入房既嘢都掃清！不過K房個電視成日會無端端無畫面，要打出去同佢哋講，好快就有返，我哋自己笑佢哋電視都set咗screen saver囉～～仲有房間空氣好清新，冇煙味，唔錯！

呢間係以前中學時代唱k的老地方好多時一放學就組五人一的士落來唱個次係裝修好耐左之後第一次來睇個格局以為會貴d 但星期六的lunch都是一樣跟出面貴錢差唔多環境舒服左個buffet lunch真係手快有手慢冇裝了兩碗湯同夾了幾塊蝦餅入房個蝦餅幾好味再出去夾第二輪之際已經冇晒而且出得一輪唔再出了!!其他主菜lunch都OK記得個時有個蒜蓉雞扒都好掂的幾次去食都咁香咁入味未有失手過(或者係雞扒易整啦)

生日前夕黎左呢度慶祝比左一間一字長房... 冇氣氛的一間房食自助餐, 因從冇期望, 但求填肚, so, 都唔知佢咩味道...服務都算係咁, 普通的一晚

放工約左朋友去唱K，都有幾個月無去過呢個場。但整體都算唔錯，而且人流唔太多。加$15食自助餐，感覺上係比以前差左小小，無左魚生，但仍然有炒蟹、蒸魚都算係咁。其他包括2個小菜、1炒飯、1炒麵、點心、西湯、糖水、冷盤、仲有好幾款炸既小食、同埋2至3種小甜點‧都幾OK架~~

18-8-2005 1315一行十幾位同事一齊唱K，今次一入到來就分頭行事，一組人去點歌，另一組在buffet檯，我當然要兩面兼顧啦。在buffet檯取了麥樂雞、春卷、生果及湯，前兩樣可能係新鮮關係，都幾好食，而主菜全部都點了中式部份，我就要了菜圃炒蛋，飯預左硬，蛋就油左少少，菜圃味道唔太濃，整體上都可以接受到，而凍啡今次係正常水平。唔使40蚊都幾抵喎！題外話：當大家唱“我們都是這樣失戀的”時，大家都支持我搵個比以前更加好100倍既對象，但係當時我只係掛住睇草蜢10年前的模樣，同埋留心唱好後段部份(因為都幾難唱及要夠氣)，事後只是說聲多謝他們的祝福，但心裡還要多謝呢兩個月對我的支持及鼓勵呢！

原本打算再來這裡食K-lunch 都不會再寫，不過今次有新料所以一定要提一提。今日又十一點九到，但在最位時，接待處的小姐比房我們時順手給了一張午餐紙我。我一路行一路睇，入到房待應先生已經問我食什麼。於是我一邊睇一邊叫，發覺西式只得四款選擇，而我們就叫了兩個C餐即$38的吉烈龍”月利”柳碰薯菜。個待應見到仔仔比雨整濕了少少，就叫我不如將其中一個改為它們新出的中式午餐。他話這個餐包一碗”食送”、一碗白飯和一碗中湯，可以給仔仔飲個湯會暖些。點知個衰仔話不用了，話的中菜不合他胃口，情願關細個冷氣。我等個待應走了後就詳細地望了張午餐紙，發覺那些中菜都有七至八種選擇。現在只記得有蝦仁炒蛋，其它忘記了。而且還有二人餐($76.0)，四人餐($148)和六人餐($198)，真的越多人越平呀。不過今日就人多些，自助小食和生果就成日冇囉，所以對我們就不是平了。湯就只得西湯，是忌廉湯（這個味道幾好，不過就油多些），糖水又是芝麻糊囉。好在個主菜都幾好味，塊魚有冇汁都不錯，而薯菜就有十粒到的炸薯粒和少量青豆角。

行了二日街街，同人迫都死死下。所以今日就選了假日最佳的節目，就日又涼爽又不用迫又飽到死的K-lunch 了。試過上次，所以今次又早些到，十一點半到這裡。取房時見自助吧上還未有食物，所以就問侍應小姐，她話十二點先至有得供應，不過可以叫午餐食先。所以一坐下我就負責叫午餐，仔仔和家姐就選歌。我叫了一個$36的蒜蓉雞扒拼天使麵（這個雞扒幾大塊，又幾好味，不鞋，但天使麵就差些）、一個$36的香煎龍利魚柳拼薯菜（這個魚柳都幾大條又冇雪味幾好，有兩塊又熱又脆的炸薯餅和少少青豆紅蘿蔔）和一個$29的紅酒肉絲腸仔意粉（這個雖然平，但最好味，汁好味又夠多，肉絲亦多但腸仔就只得幾片，最好是話有酒但就食不到）。食到一半就夠鐘出去取自助食物，哈真得意，同上次的次序一樣的。不過湯就換了很差又不好飲的湯，因為飲了二淡就放棄，所以飲不出什麼味道。而糖水就換了開粉的芝麻糊，所以見到都不想食。其它的同上次一樣，不過不失，不過今次很多人，所以很多時出到去都取不到食物。不過今次我們都食得很飽，而且今次唱足二個半小時，所以真的超值了。

月尾當然要happy一下啦，一行十多位同事K Lunch，間房有獨立廁所，但因好近廚房，間唔中都有的味入黎，三枝咪藕斷絲蓮，好不容易先分番開。食物方面真係一絕，有午餐，沙律及甜品係出面buffet檯，1點鐘左右除左粉葛煲豬骨湯(冇赤小豆) 外，好多已經被KO，之後單人表現拔湯，前後九碗，二次先至差唔多滿，的同事係咁睇住我，但超過5分鐘，完全冇補給，除非內部說明1round就唔補，我地也無話可說。到左的set lunch來，最多人叫既雞堡飯，就最多人中招，唔新鮮兼係雪既已經預左，最搞笑係混埋大量芝士一齊兼好梅先至裸命，但自己由於太餓，照食可也，但之後個胃就唔係好舒服。杯凍啡比一般既滑，唔似落練奶，初飲落去好甜，以為未撈雲，之後都好甜，接近飲糖漿，扣曬份。還有一點，該日除左日式鰻魚飯外，我發覺其餘既主角都落了芝士，分量偏向比較多。如果真係黎K Lunch有三個tips：早的黎、在餐牌上既set lunch叫齊(夠人數)、飲熱飲料。