勁回味

營業中

休息中

yummy $25 handroll 小妹放工有舖為食癮，又要搵好味野食，行行下明知番屋要食晚飯都係想食小食，又好開心等到勁回味過完新年後開檔了，不過感覺上$25既炸蝦手卷比$15既炸蝦手卷無咁抵食既，加多10蚊多得少少蛋同蟹柳而已，下次叫二個好似$15手卷抵食d。又係要等左五分鐘左右即叫即整啦，我好快手食完微溫既新鮮手卷之後成嘴都係沙津醬，食手卷係唔夠飽肚嫁啦不過志在少食多滋味,同埋真係唔多店會有炸蝦手卷賣。

放工經過呢間小店, 見到有十幾人拎住紙仔等緊, 見餓餓地, 即刻叫左個加州卷試下等左15min左右, 終於到手了加州卷$25d料幾豐富, 有帶子, 蟹柳, 甜蛋同沙律醬紫菜幾脆, 飯糧適中, 但略嫌不夠凍, 不過整體來說幾好味同新鮮, 下次會試下其他手卷。

由紅磡D5出口一出就會睇到有間舖頭大排長龍，再行近啲原來係間手卷店。價錢相宜丶款式多仲要有埋圖。整手卷方法衛生，而且豉油係自己落，可以岩返自己嘅口味，想咸啲又得想wasabi勁啲又得。海膽三文魚手卷($30) 三文魚新鮮，海膽味濃，紫菜仲脆嘅。30蚊真係好抵食。

行過呢間舖好多次，我都已經唔記得左係邊個同我講呢間手卷舖好食，搞到我成日行過就心思思想去買，結果今日趁人龍不長，就走左去買話說其實我真係好少食刺身，而最想食嘅海膽又無哂，所以我就點左個炸蝦天婦羅手卷，諗住係好食嘅求其點都好食意外地，我等左成10分鐘，佢真係拎左隻蝦去即炸啊!  個紫菜好脆，而且仲食到壽司醋嘅飯味，真係回味無窮，難怪咁多識貨之人都一等再等! 

有沒有記得早前香港突然吹起一陣海膽風？不少小店進軍海膽市場， 尤其是海膽手卷。小編也是一名海膽愛好者，自從在築地見識過海膽之後就深深愛上。在一陣海膽風氣的誘惑下，小編一口氣在一個月內試足3個海膽手卷小店，而今次的食評是一間老店 - 勁回味。說話勁回味的開店時間比較不方便，例如下午3點開店，星期日又會休息，各位讀者記得注意~而小編今次是放工後才去到的關係，大約8時日本半板海膽已售罄所以只能點來自其他國家的海膽手卷。但勁回味完全沒令我失望，經過25分鐘等待，鋪到滿瀉的海膽就出現在我眼前，自到由2種深淺黃色堆積而成的海膽手卷，賣相非常吸引！ 紫菜非常香脆，與入口即融的海膽有強烈對比~而最欣賞勁回味的地方是海膽的份量超級多，食到最底最後一口仍有海膽，令人覺得非常物有所值！總括而言，小編暫時認為勁回味的海膽手卷真的令人非常回味無窮份量多 鮮甜又價錢親民~喜歡海膽的朋友們記得試試啦～

假日4點，平日見大排長龍，經過難得見人龍短了，伺機買左個紫膽手卷，紫菜好脆，海膽很新鮮、好足料、好有海水味，還有芥辣豉油，店員都好快手，下次希望可以買到馬糞海膽。

今晚同朋友行下紅磡 尖沙咀行下行下就到左紅磡ge小食街喇好掛住D三文魚😭 一定要食呢間手卷鋪面的招牌都甩哂色search番先知叫 勁回味🙈細小鋪面～ 內有大滋味首先叫個三文魚腩手卷$20~要拎飛架，傷心ge係等ge時間都幾耐因為有好多人幫襯！等左5-7分鐘係三文魚腩手卷仲有同menu圖一樣ge 4條三文魚腩！好夠油水脂肪味配埋自選鼓油裏面仲有青瓜絲~唔夠喉 再叫多個不過唔夠budget叫左個芥末八爪魚手卷$15~拎埋呢張飛有個小小的發現😂原來飛number 係等如價錢架😂八爪魚ge 芥末 有D功鼻 好過引八爪魚夠哂爽彈~同場加映朋友叫的海膽帶子手卷$35呢間手卷檔係手卷熱之前已經出現係心目中ge老字號

好食又唔係好食，排隊俾錢仲要俾個呀姐鬧，原來佢d熟客就唔洗排隊，呀姐同個熟客鬧我地好唔排隊，仲叫個熟客仔下次打俾佢先。哦，咁呀？佢喺我地後面，d野就俾佢先？真係無下次。

每一次經過ｅ間餐廳都係大排長龍，難得今次行過竟然只係得兩個人排隊，唔知點解自己對腳會好自然咁行過去排隊，排左一分鐘度，好緊張，唔知食咩，見到個加拿大海膽手卷好抵，於是就試下啦！有啦，成半板海膽，陣係望都覺得值回票價，食左一啖後，海膽好新鮮，雖然唔係話好好鮮甜，但係都帶有海膽味道，最後都係一分鐘秒左個手卷。好好味！

次次經過呢條街都係發現有條人龍,但係我都無去睇下咩事!今日發現條人龍短左少少,我去看下咩事先發現原來係手卷!好似好正咁!買左個半板馬糞海膽手卷海膽係有好鮮味,甜甜地,佢仲有少少wasabi係上面,食落去更加好食!不過買完等既時間都幾長,都等左10分鐘左右先有得食,不過即整係咁上下啦

勁回味嘅加拿大海膽三文魚腩手卷真係會令人食完勁之回味。老板落料落得一D都吾手軟,新鮮鮮甜嘅加拿大海膽同肥美嘅三文魚腩份量十足,由頭食到尾到有,抵佢有甘多人幫襯。

最近好似掀起左呢個手卷潮😂為左潮聖其他地方嘅手卷潮，我地決定先去尖東食好耐冇食嘅勁回味，然後同其他再作比較！大半年前食過真係好回味！所以決定要返黎回味下！依然係無時無刻都咁多人🙈星期三大約晚上七點到，有十幾二十人排緊隊等攞手卷！好多人呢！加拿大海膽手卷💰HKD50男朋友想要半板果隻海膽手卷，但叫錯左呢個🙈然後不停批評人地咁少海膽😂蠢😂味道方面，海水味夠重，有海膽嘅甜味，冇苦澀味，整體上都係新鮮、係正嘅！不過感覺上第一次好食啲！由於海膽手卷先拎，為左等埋另一個手卷，搞到紫菜完全腍晒，影響晒口感！建議大家即食，否則就會令紫菜變腍了。三文魚腩手卷💰HKD20厚切三文魚腩！正！成個手卷size唔大，所以顯得啲三文魚更大塊、更厚實，毫無冰鮮感！我覺得呢個價錢真係幾扺！不過我都係覺得第一次食好食啲，冇得解，純粹感覺。另外，紫菜亦未見香脆，同大半年前黎食一樣，仍然係敗筆之處。實在太多人了，個人認為等得都比較耐。如果只食一個廿蚊手卷等咁耐，感覺上好唔值，不過即叫即整，加上刺身新鮮、豐富，確實令人感到勁回味。

有時候口痕痕～～晚飯前肚餓想食野但又怕太飽，食完飯又想食下小食～～呢間手卷啱哂丫全部都好新鮮而且唔貴～～全部$15起～～我去左三次就試左半板馬糞海膽～～葱吞拿魚三文魚腩三樣都好新鮮好正～～食少少就係幾回味㗎～～不過又真係好多人排隊～～記得買嘅時候同佢講要唔要wasabi啦～～正呀～～好鮮味～～我至愛嘅葱吞拿魚腩4片三文魚腩～～唔錯幾好味～～真係好多款式我見最多人叫炸天婦羅下次要試下先～～真係長期都咁多人㗎～～～近期出左好多手卷店～希望間間都足料啦～～呢間係推薦👍🏻👍🏻

平常放工的時候，也會經過新文華。放工時間，很多人都這裏附近的小食店買吃的，這間店每次有很多人在等，今日因為約人食飯飯時間比較晚，又有點肚餓，所以決定試一下。看到店面有很多不同的款式，而且也有我喜歡的海膽！但是，海膽也分很多種類呢！加拿大海膽已經售罄，半板的海膽又覺得沒有必要。反正也是先頂肚，所以就買一個最平價的，價值＄25的普通海膽手卷。一分錢一分貨，當然不可能有超級超級好味，但是絕對對得起$25的價錢。偶爾想治治口痕，不妨可以吃這一家！但等候的時間，絕對是相對長的，我這個手卷也等了接近20分鐘。

今日同朋友黎開尖咀，我上次假日就冇緣一試，今次朋友知我想朝聖就帶左我黎。我諗我自己黎一定搵唔到佢個位，好細同埋俾人群姐住😂😂我叫左一個試下，老闆娘俾左張藍色紙仔我 等手卷海膽帶子手卷($45)海膽係新鮮既 部分靚部分一般，但都算多料既。帶子大大粒開半放手卷。手卷其實唔大 細細隻 所以食到中後段都有剌身。而佢既鼓油任你自己落，有芥辣同原味，芥辣都幾辣下。我諗我下次唔會食海膽，會食下其他手卷。因為甘樣唔太值。