勵揚冰室 (已結業)

每次午餐諗唔到食乜，我都會望下勵揚有無雜扒餐，因為佢真係扺食夾大件，雞扒，豬扒，火腿，腸仔，配上我最鍾意嘅蒜蓉汁，仲有送既例湯，呢個午餐係可以頂到去晚餐！雞扒嘅皮煎一煎過，豬扒既骨邊肉最正，火腿香腸簡單易送飯，正。

系天水圍要搵一間抵食既小菜餐廳,勵揚冰室相信是其中一間,一行五人系春節過後相約食晚飯,一共嗌左五碟小菜,白飯同野飲,每人夾番都系一百蚊左右,餐廳內籠寬敞,有圓形大枱,也有四人卡位,講到菜式方面,小抄王都系值得推介.

勵揚之前係俊宏軒嘅時候，我經常去食早餐或晚飯，佢地既小菜又大碟又夠火喉，掋食又好食。自從搬左去天一商城之後，就少左去食，今日同朋友行完街，諗住順路，就去好耐未去過嘅勵揚食晚飯。座底望個餐牌比以前貴左，我都明白搬左商場舖位，而且地方大左，租金一定比之前舊舖貴，所以價錢貴左係正常。店內掛左好多舊香港照片，可以認識到以前香港係點，幾有趣😁焗白汁海鮮飯海鮮有魷魚、青口、蟹柳、蝦等⋯分量幾多下焗粟米龍脷柳龍脷柳好大塊，而且幾好厚，芝士分量啱啱好。不過本人覺得焗飯焗得唔太夠，有改進空間。

有時躲懶沒外出找吃，便慣常致電會所外賣電話落單方便快捷但當天沒有心理準備下竟然會所太多顧客，未能加接外賣柯打…怎算好？幸好平日都有儲定一些外賣餐單雖然餐廳距離住所較遠，即管試試落單…起初…還以為會被拒止訂單，怎料對方又接柯打芙蓉煎蛋飯加熱奶茶另外加多個小炒…蝦醬通菜炒牛肉 落完單順道問句…大約什麼時候到？對方預算45分鐘，明白那天晚上繁忙時段，而且確實路程較遠叫外賣最重要能及時… 最怕就係唔知等到何時？想讚一讚超準時 剛剛45分鐘就樓下大堂到訪房門鈴響起 正正是第一次幫襯，留下好印象好緊要芙蓉煎蛋用了多料…叉燒，火腿，芽菜，韮王，洋蔥，小蝦仁… 蛋餅煎得厚厚的要求了走鹽少油，果真做到蝦醬通菜炒牛肉 鑊氣夠，惹味… 蝦醬味不算重…就不會太鹹始終略嫌較為肥膩，太多油忘記了提提第一時間就是先試杯奶茶一般吧，不過不失，都算有茶味！

收工經過天一，就去由細食到大既勵揚再次捧下場勵揚冰室既鐵板餐出哂名，每份都超多超大塊今次叫左鐵板雞扒配薯菜。上鐵板之前，有牛油厚多士同埋羅宋湯做前菜，不過不失。離遠見到職員送餐上黎既時候，已經見到兩塊大大塊既雞扒係面，cum住晒成塊鐵板雖然塊雞板有少少燒焦左，但絕對冇影響到雞扒既味道！扒身熱辣辣，咬落去feel到係嫩滑既雞肉，夾雜住少少雞既脂，好滑！薯菜俾兩塊巨形雞扒cum住，份量又係超多，身為一個210磅肥仔既我，我真係食唔哂。但d炸薯角同西蘭花充滿住上層雞扒滴落香噴噴既雞油，真係好想將會地放哂落口，奈何我有心無力絕對推薦俾男女朋友們share

呢間茶餐廳食物嘅份量超多，第一次嚟呢度食嘢真係嚇親😱如果唔係超級勁肚餓嘅話 ，絕對建議嗌少飯！因為真係會食唔曬😭#咖哩牛腩飯 ($41)😋好味指數：(6/10)呢個係下午茶餐嚟嘅，不過份量就絕對唔係下午茶嘅分量啦😱牛腩、飯同汁嘅份量真係超多🤩不過牛腩大部分都係比較韌，得一兩舊係淋😢咖哩食落去唔算好辣🌶不過咖哩汁嘅份量真係好多，足夠撈晒大碗飯🍚.⭐溫馨小提示📌下午茶供應時段為2:00pm-6:00pm📌星期六日及公眾假期下午茶餐$45📌食唔哂建議少飯，避免做「大嘥鬼」👻

下午一點幾 陪大少舟車勞頓左一個朝早 其實連早餐都未食 就嚟到大西北咁遠食個午餐一坐低我地望到係牆上面隱藏既午餐Menu 就火速揀好食咩 因為大少趕住要返工 諗住求求其其食少少野 估唔到都有驚喜有餐湯送 係清甜嘅紅蘿蔔豬骨湯廈門炒米一上枱 真係嚇一嚇 我唔可以確定碟野係咪兩人份 但我可以肯定佢係正常份量至少1.5倍裏面夾雜住火腿絲.蛋.青椒.菜等等 酸酸甜甜好開胃但真係無可能食得晒 最後因為淨太多 所以都係打包走粟米斑腩飯又係好大碟 有好多塊斑腩 好足料 咬落唔會係成口麵粉 個飯好多但係偏乾 好彩有好多汁可以撈飯食 不過隻汁似係罐頭版跟餐既野就無乜特別

今晚得一支公係屋企，唔想煮就叫外賣半個鐘內送到，一打開，嘩，勁大盒，又多豬扒，完全食唔晒，留左一半第二日食不過豬扒有幾塊燶左d，同炸蒜已經林晒，但外賣黎講已經算好好

今晚又做無飯夫婦，一家三囗決定外出晚餐。在區內開了新商場，商場內有多間食店，女兒選了一間冰室用餐。這間冰室的牆壁雖然掛滿舊時香港的照片，但整間餐廳的燈光很充足，是一家新型冰室。看見鄰桌在吃鐵板黑椒豬手，賣相不俗，決定點一客試試。另外再點了ㄧ客鐵板雜扒餐和瑞士雞翼公仔麵。因為豬手製作需時，所以鐵板雜扒餐和瑞士雞翼公仔麵率先上桌。雜扒餐的份量很多，牛扒、豬扒各有一大塊，還有雞全翼、煙肉、腸仔和炸薯角等。這是二人份量吧！馬上開動，牛扒和豬扒都很腍，一點也不會韌，加上洋蔥汁，更香更美味。而公仔麵和其他食物則不過不失，味道偏重。15分鐘後，鐵板豬手終於登場。整隻豬手的皮都烤得脆脆的，一看已覺得很香口。迫不及待切開豬手，只聽見"喀嚓"一聲微響，粉嫩的豬手肉呈現於眼前，還冒着熱氣。嘩! 好香呀!馬上切ㄧ片豬手放進囗中，外皮極脆而內裡的肉則十分嫩滑，咸香味充斥整個味蕾。雖然一隻豬手很大很有份量，但好好味道，我忍不住狂吃了大半。真是令人一試難忘!

天水圍，一個好多小家庭生活既社區。今日係假期，一家大小都出黎食個lunch, 享受下家庭樂。係個商場行黎行去，餐廳的確有好多，不過岩食既都無幾間。好多人都選擇呢間勵揚冰室，可能呢間冰室岩岩做到大家既要求，好食，快，有茶餐廳既風格。我揀佐常餐，41蚊，凍飲加2蚊。沙嗲牛麵，多士，火腿奄列。沙嗲牛夠濃味，少少汁，成碗湯都有沙嗲味。多士係有花生醬，脆ga。奄列入面係滿滿既火腿，半隻碗咁大。一個人食晒係120%飽。其他午餐都好吸引下，又有鐵板餐，唔怪得呢間冰室受歡迎，好多都一家大細黎幫襯，而其他都拍晒烏蠅。

難得星期日有時間食個早餐，9:30就已經有好多人等位，派飛個阿姐都唔係好理你要攞飛，又無秩序，但茶記就係咁㗎喇，換個角度咪係人情味囉。叫左個沙爹牛肉麵餐，麵軟硬適中，湯濃，牛肉略嫌多梳打粉，厚多士都ok

我住附近 幫親買左幾年早餐外賣 可以就咁叫早餐套餐 今日打過去一個態度極差嘅姐姐話：你自己來攞呀？我地不嬲都唔送早餐架wo 我：轉左唔送呀？(因為我叫左幾年都有)姐姐：不嬲都唔送呀！我決定以後都唔會再叫佢外賣

今日打8號風球，本身諗住同爸爸媽媽去天秀個邊既粵珍薈飲茶，點知去到勁多人，爸爸就提議食其他野算啦，咁就係個商場周圍行下睇下有咩野食啦，其實呢個商場都幾多野食下，有韓國菜，台灣菜，茶餐廳都有，行到一個角落仔，見到有間冰室好多人食wor, 無選擇之下就試下啦！入去個時岩岩過左早餐無耐，問佢有無得嗌，點知係無既，咁我就叫個特餐扮早餐啦！ 叫左最愛既沙嗲牛肉麵，奄列配奶油豬！最先黎到既係奄列同奶油脆豬，我好鍾意食煉奶，所以一定試個脆豬先，點知得個皮脆，入面冧既，有d失望！ 奄列既蛋味無乜，但蛋汁多，火腿更多，都唔錯！ 輪到沙嗲牛肉麵，望落色水濃郁，但食落沙嗲咪唔夠，公仔麵太硬，食左一半就唔想食了，麻麻地，$41蚊一個餐都算平，但食物質素配唔上呢個價

其實係從朋友口中得知，勵揚餐廳，所以約左朋友去食，因為朋友話大碟夾抵食，所以特登去左食午餐，其實都好爆場下，員工態度ok,嘿嘿，即時望今日午餐,叫左個鐵板牛排紅腸飯，要黑椒汁，跟凍檸水，其待中朋友一直說好大碟，味道唔差，等左8-10分鐵，鐵板上，炸炸聲，好夠熱，白飯另外用碟上，再要多碗黑椒汁店員樂意即時做，平時有d餐聽問佢拎多碗汁都想剎人咁😂😂，牛排好味，紅腸好味，整體都好味，起碼大碟，一份餐可以兩個人食，加上我同我朋友一人一碟，好飽

星期日清早 一班朋友決定踩下單車 當做運動 又可以當聚下舊 出發之前 一定要醫下個肚先喇 新開既天一商場 雖然旁邊有間酒店 但餐廳價錢 相當平易近人 一行人決定揀間茶記 -勵揚 原因就係 ， 火腿奄列加多士 加 叉燒意粉 加杯熱奶茶 都只係$30份量十足 多士加上牛油烤好 又脆又香火腿奄列 最緊要蛋夠薄 唔好過熟 保留蛋汁 中間既火腿份量足 叉燒意粉 同平時食開既茶記差不多 唔會太咸食到口渇呢點就要讚最近 奶茶 用上黑白淡奶 點都唔會差但講緊$30一個甘豐富既早餐 ,簡直係物超所值