包包傾老趙越南餐廳 (已結業)

一家四口黎食飯，叫左個四人餐 $378，免加一蟹肉焗蛋金磚：第一次食呢樣野，似係'魚腸焗蛋'果種蛋既質感裡面有粉絲，但食唔出有蟹肉，面頭有炸蒜片同蔥，好香口，味道唔錯沙嗲牛肉串燒：沙嗲好重花生醬味，我覺得好香~但牛肉太乾喇...麻麻地好食...咖哩牛腩煲 w/ 蒜蓉包：咖哩既椰汁味好香，牛腩唔算'lum'，但牛筋軟滑，不過個汁真係幾好食，就算食晒d蒜蓉包都要加個'靚仔'繼續食~蒜蓉包即叫照整，好香脆~好味~炸軟殼蟹：有兩隻啊!!!都幾大碟，幾足料喎!!!熱辣辣脆卜卜好正啊，但椒鹽太多，咸左少少蝦車快(沙律)：我無食，但屋企人都清晒~生熟牛肉湯粉：生牛肉有牛肉味，幾好味！但熟牛肉就'un'得濟！不過個湯底好香濃，河粉又滑！真係好好味！我食左兩碗啊!!!甜品：左邊係"椰汁+糯米+去衣綠豆蓉"，右邊係"椰汁+糯米+眉豆"食果陣暖暖地，唔燙口，味道似泰式既椰汁糯米飯，少少甜，食多幾啖都唔膩，都幾好味~不過老趙既出菜次序好奇怪...第一個上既菜竟然係咖哩牛腩煲，但蒜蓉包又唔係同時上...沙律又係中途先上...頭盤不是頭盤...總括黎講：好味道！有機會會再食過！

今日成日同老公仔找食由筲箕灣食落旺角, 再食落油麻地~~ 最後就來到佐敦好厲害~~ 哈哈本身一心諗坐請老公仔去油麻地食三文魚西餐~~ pinky點知7點去到得番一張門口位...仲要一個鐘後就交位食得咁急點食呀? 傻ka咩??所以我地繼續行行行... 行到佐敦搵搵下見好耐無食過越南野~~見到呢間野原來係蔡生推介~~ 於是決定一試我地唔太餓~~ 所以只點了3味菜(如果兩個人其實可以點2人set dinner~~ 價值大約$170-220有埋甜品食都ok ka!!)1. 香茅豬扒紅飯個飯份量唔算太多~ 但兩個人剛剛好佢被點綴得好精緻^^ 上面gei椰子樹真的好可愛呢~*當然唔只賣相好~ 而且味道更好 紅飯同我地以前食過gei唔同~~ 佢gei茄汁味唔太濃反而有真正紅飯應有gei蒜味同牛油味~香茅豬扒唔算好淋~~ 但反而更惹味更有咬口極力推薦紅飯~!!2. 椰香咖哩雞咖哩汁有少少稀~ 不過咁樣可以當湯飲超正!d雞肉有一半係雞胸... 所以有少少鞋>< 不過另外一半都好滑味道唔錯!不過最掂都係加埋個蒜茹包黎食=P 我仲食得多過老公仔~ 哈哈 3. 法式蒜蓉焗包雖然蒜茹牛油份量唔算

蟹肉焗蛋金磚 $40雖味道不錯，但吃不出蟹肉來。咖哩黃鱔粉絲煲 $75咖哩味道OK，但黃鱔就不好吃，肉質淡不鮮味。個咖哩汁幾好都無用。豬扒炒紅米飯 $65紅米飯可以，但豬扒就不嫩滑，可以用"鞋"的來形容。馬拉盞炒什菜 $42馬拉盞味道淡。蒜茸包 $20這個算是好不錯，份量也不少。味道都好吃。Summary:真估不到現在的老趙水準會是這樣，真是非常失望。

After visiting the Kowloon Park, we went to the north bound of Johnston Road for late dinner. My husband suggested Vietnam food and my kids had no objection. Thus, 3 votes won. The decoration of this restaurant is quite similar to those found in Vietnam or Malaysia - none except a large painting on the wall. The lighting, fixtures, and furniture are nothing special. Actually, it looks like a grass root local tea restaurant.We ordered a Set B with a side order of "golden block". Since this

老趙，是幾懂得隨市場口味而開設新品牌的本地老牌越南餐廳，這間三文治專門店，路過好幾次，是日胃口認真麻麻，就來吃件輕食。食物：一件招牌包，即是酸菜夾著紅椒及燻蹄的的法式夾包，加入沙律醬，既甜又酸且辣，並有蒝荽的香，法包烘過，很香，酸菜漬得太腍欠爽口感，吃完不會留下深刻記憶，勝在即叫即做，夠暖而味道不單調。價錢：附近舖租不平，菜式平均價錢散叫要成$35～$40，$28的下午茶套餐跟餐飲，較散叫一個$25的包另加$8配OT平上$5。服務：年輕的店員是慢不經心，反而阿姐是幾落力招呼客人的。環境衛生：茶記格局，不會坐得舒服，地下似乎一日只會打理一次。好歹叫做試過，附近餐廳選擇不少，沒有再來理由。

每次到老趙只有一個理由 : 不為甚麼，只為了一碗生牛肉河粉。倒沒有做過正式統計，但我想越南式的生牛肉河粉可能是除了雲吞麵和魚旦河外最受人歡迎之湯粉麵類。君不見最近市面上越來越多以生牛肉河粉作主打之專門店開業嗎......沒有了香葉如金不換、鵝帝及毛翁，但換上了洋葱圈和白蘿蔔，老趙的生牛肉河粉不算是最道地、最正宗的。少了一份香葉的幽香但換上是踏踏實實濃郁的牛骨湯膽。用上的不是金邊粉而是港式豬油河粉，所以軟滑程度是有增而無減，迫得我只好說句 : "豬油萬嵗！"。沒有機會向店主求證，湯膽應該還添加上雞骨熬成，所以帶有一絲絲甜味。最重要的兩點是 - 湯膽沒有要命的味精和令人回味烹得軟腍極的白蘿蔔。有人說浣紗街火車頭的生牛肉河粉湯膽味道更濃郁、更甜美。說穿了 - 多下點味精，又怎會令人感覺到味道不鮮甜呢？灣仔蘭杜街的新竹源和越旺 pho' 26 也試過，湯膽同樣是不甚了了.......還有太多太多店鋪了，實在不能盡錄，不是說沒有一家可取，但論湯膽，我還是喜歡老趙的。公司喬遷在即，新地點還未定好但相信應該不再會在油、尖區選址。想到要改變每周一、兩次到老趙嚼這生牛肉河的習慣委實感到有點為難.....

老趙已經幫襯了多過五年, 最初係去渡船街的總店食在澳洲牛奶的對面馬路, 都有一間老趙, 但名字多了什麼包包傾, 唔知係唔係混水摸魚的呢? 這間老趙下晝有下午茶餐供應, 只係廿多元就有一碗湯粉同飲品, 同媽媽兩個人一人一碗湯粉, 佢食生牛粉, 我要扎肉粉我的扎肉粉唔錯, 湯好清甜, 有胡椒粉味, 所以會有些辣, 但越式的風味跟在渡船街吃到的差不多, 試了一啖媽媽的生牛粉, 湯都對板, 似乎都係老趙正店的, 最欣賞係魚露一大樽任我加, 生牛肉好, 扎肉好, 點一點這個開胃酸汁, 寧捨唔同食越南餐老趙始終給我很大的信心, 就像蔡潺都為他大事宣揚, 是有原因的

連續2晚去了2間越南食店,感覺迴異~~是晚2人叫左香茅豬扒和豬肉撈檬2碗-由於我同友人都勁鍾意食撈檬,當然要叫啦,豬扒份量幾多,魚露汁味道唔濃,不過不失吧春卷-夠脆,咬開見到都幾多料,普通椒鹽軟殼蟹,賣相其實ok架,但椒鹽味淡,紅椒亦唔辣,我朋友話有點腥,我就唔多覺環境同服務類似茶餐廳,食物普通,但食完之後,我同朋友都好口渴,我忍唔住飲了半支coke light,太多味精喇!喊面給味精的!

今日開始返返工，就同同事一齊食包包傾。我地叫左豬扒撈檬同豬肉撈檬。依舊好食。叫佢地俾多d汁，佢地真係會俾多d汁你，好generous.但係，我都覺得豬肉撈檬(其實同牛肉撈檬都係)，d餸既份量太太太少，一味係d粉多~~但豬扒撈檬就冇呢個問題，可能係豬扒cheap d gwa??要提吓既係，即使我係買外賣自取呢，佢地都會主動叫你坐低，仲會俾杯茶你o係度等ga~~ 服務都幾好oY.

一click入黎, 見到包包傾得到既comments咁negative, 我真係好驚訝。我一個星期有幾日都會o係nathan rd. 附近返工，一個月總會叫吓包包傾既外賣。我一直都覺得好好食，仲成日都會叫埋d同事一齊叫好多個撈檬粉..... 估唔到其他人覺得咁差bor~我諗可能我地食黎食去都係牛肉撈檬呀、豬扒撈檬呀咁有關~~牛肉撈檬超juicy同yummy，而豬扒撈檬既豬扒就dry左少少lor...但因為佢個汁好好食，所以可以話為碗粉攞返唔少分ga!! 而且，每次外賣總係會俾夠汁你既~~ 不過，如果你唔叫返5-6碗呢，佢會叫你自己去攞，因為唔夠人做野wor~~ 我諗我都會繼續叫支持吓ge~~

打完波照例去醫肚,行去澳洲牛奶公司,嘩,初八先啟市; 去翠華,勁多人. 想搵間坐得舒服的茶餐廳,最後走入了老趙越南餐廳.並非十分肚餓,本打算叫碗河粉便算,但餐牌上有個菜名吸引到我的注意: 七彩撈檬.七彩是否指有七隻顏色? 但我又數不到有七隻色喎... 這碗檬主要有蛋絲,雞肉絲和紮肉絲; 味道是不錯的,不過魚露味道麻麻,正確點來說是無味... 向好方面來看,如果重手落多了魚露,都不會過鹹... 盛惠四十元.另外點了個香茅豬扒湯河 - 味道OK; 不過這碗湯河也要四十蚊,都幾貴...

唔知點解個名叫包包傾?? 但它的確係一個賣相不俗的法包, 這點係肯定的.法包內外烘過, 香脆. 內裡加入大量紅蘿蔔絲, 肝醬, 扎肉, 青瓜.... 紅蘿蔔絲醃了, 帶點酸. 扎肉味道不算突出, 肝醬味道一般. 但加上青瓜, 又幾清新! 但珠玉在前, 總覺得添記的法包係最好的, 無可代替!

22-12-2008想去的雲貴川及景霖都塞爆了人, 兜兜轉轉0黎到白加士街, 唔想又炒蛋多士雲吞麵, 結果入了呢間好似幾出名的越南餐廳. 無乜胃口, 唔食牛河了, 今次要春卷凍檬 ($40), 加杯青檸梳打 (食滿 $25 加 $10).先0黎青檸梳打, 青檸汁 + 梳打水味道可以預計吧, 唔講太多了.再0黎春卷撈檬, 隻碗大得有點嚇人, 但原來下面的有超過一半都係青瓜絲蘿蔔絲漬菜絲 etc, 溫溫吞吞濕濕碎的檬粉就 4-5 啖食得晒, 真係... 4 條春卷切成 8 件, 炸得脆口, 唔算油膩, 餡料有粉絲, 木耳絲, 紅蘿蔔絲及馬蹄粒; 而魚露就 ok, 酸酸鹹鹹帶點魚香 / 腥味; 唔知點解整體感覺好港式...放低 $50 俾一碗港式越南粉 + 自己都識整的青檸梳打, 仲要食唔飽, 無興趣再幫襯了.

I ordered a pork chop rice. The pork was dry and the taste was so so only. For a price of $65, it is definitely not worth it. I would NOT recommend to anyone.The pho that I ordered was not authentic either. There was no bean sprouts or even mint leaves accompanying the rice noodles.

前兩日去佐敦搵食，在舖外看以為幾好食，便入去試下.....點知惡夢就咁先開始一入去，D侍應既態度已經差到無人有.....粗聲粗氣.....餐牌係咁拋落張枱度就算....點左個二人餐.....味道偏鹹，油又多，特別個蔗蝦....D油多到好似冇"瓊"過油咁，另外個牛肉凍檬就好普通，咖哩牛腩算比較OK，不過都好鹹﹗野食一般都唔想多講，最差就係D服務，味味菜上枱都拋落黎，呯呯彭彭咁......最難頂既就係我仲未食哂D野，就有個女侍應無神神將兩個所謂既甜品拎來，仲大大聲講"套餐甜品"，毫無禮貌可言﹗最後埋單仲激氣，見住隔離枱可以坐低叫埋單，我就照叫埋單﹗點知一叫，D侍應就叫我出去櫃檯埋單﹗我同隨離枱果D人都呆一呆.....我自問都好少投訴，但今次真係忍唔住，出去櫃面埋單果陣都"省"左個侍應幾句.....野已經唔係好食，仲要受D咁差既服務，真係送錢比我都唔會再有下次﹗最衰冇得評負分.....呢間野，絕對唔值得去﹗