包點先生

營業中

休息中

放工路過見到有豆腐花，先生又話想食，於是打算買兩碗無糖豆腐花，黑臉中女態度西西地話要等下未必有，唔緊要可以等你確認，但你multi task唔到就唔該做好一樣先做下一樣，問左我三次要唔要糖，講左三次唔要糖，一路答我話得啦，一路係兩碗豆腐花到各落左三羹糖，叫都叫唔住，最後態度好差咁問：咁你要唔要呀？因為得返最後兩碗所以都照要咗，希望阿嬸將啲專注力放返係工作到而唔係專注黑臉🌚

包點先生有各式各樣嘅包賣，開業咁多年，基本上款款都叫試過了。有一款我特別鍾意，就係流心奶黃包！流心奶黃包，係真係流心嘅，入面會食到少少嘅蛋黃，而奶黃唔會太甜，味道啱啱好。

放工有啲肚餓去左南昌街市𥚃面嘅包點先生買包，呢度除左賣包仲有燉湯、蒸飯等，而家秋冬季節有臘味糯米飯。我通常過嚟都係買包，又平又大個，當小食醫下個肚仔😁今次買日式南瓜包，即時喺蒸爐拎出嚟，熱辣辣大大個，咬開𥚃面好多南瓜蓉，甜甜地，絕對唔係空氣麵包。如果唔想即時食，側邊櫃有現成賣，拎返屋企幾時蒸都得！