包點料理

營業中

休息中

2024年10月18日星期五約12時半，我在屯門啟民徑包點料理分店買了兩盒蘿蔔糕，本人向員工要求要熱的，員工確認是熱的我才決定買，結果是全冰冷的。這個員工涉嫌欺詐，敬請各位顧客小心中伏，員工的陳述是虛假的。小心。。。小心。。。

2間唔同公司外賣點心店開埋一齊，好容易另人有比較呢間嘅點心飯比另一間優質，米飯雖冇米香但粒粒分明，唔會因太多水胡埋一齊，排骨有肥肉，但比例唔多，都叫做有啖好食。每次買飯，阿姐都會俾幾塊用水白洽 連鹽都冇粒嘅高麗菜，因為冇味，所以次次都叫“走菜”至於點心，買時真係好睇運氣，好似我今日買左碟雞扎，運氣唔錯，雞肉唔止滑，仲好大舊唯一唔好嘅，阿姐鼓油落太多，食完口腔有啲咸，又成日keel住想飲水

今日唔知食飯加咩餸好,行過包點料理見到啲點心都放哂出黍賣,好吸弔咁,然後就決定加咩餸嘍~雜果沙律卷 $10外表金黃吸引,有粒粒炸過麪包糠粒,麪包糠下有炸至脆口米皮,咬下去時咔嚓咔嚓聲,好興奮內有香甜雜果沙律,仲有我至愛嘅椰果肉,香甜沙律醬被外表炸皮油香對比下更進一步突出,真係好好味呀~糯米卷x2 菜肉包x2 $12菜肉包內餡有椰菜,豬肉,黑椒,黑椒提起豬肉鹹味, 而且有暖胃作用,椰菜則增加爽脆感覺豐富口感糯米卷糯米曾經炒過,味道香,飯粒微黏帶油感,每件有9粒花生,脆口又香口,蒸熱黎食身體即刻暖哂寒冷冬日有呢set包,,再凍都唔洗怕嘍

沙沙微雨 買餸時見到四個大大既黃金球 在遠處閃閃發光沙翁 $10大大舊蛋味淡淡 會有一邊較實心 一邊較虛空入面一個個孔 但吃過都會有實在既滿足感砂糖係外層再增口感 淡淡蛋味有甜甜砂糖黑芝麻包一如既往 黑芝麻內餡甜而回甘包少少鬆軟 內餡跟包比例平衡啖啖黑芝麻香甜 附有少少砂糖既粒粒感香芋包唔係十分突出既甜 主要甘甜內餡有芋頭感覺 軟軟的似泥狀包較高身 跟內餡一起入口較適合 甘甜更突出一次過食哂最愛既食物 有點罪惡感但十分滿足 還在感恩中

芋蓉包x2 馬拉糕x2 $12 芋蓉包 110g 120g馬拉糕 150g 170g芋蓉包 除左黑芝麻包外 二號大愛就係佢 芋蓉甘甘甜甜 甜得唔出味但又迷上佢既味道 今次冇雪凍或加熱 因為佢都算熱辣辣室溫下的芋蓉餡都係泥狀架 包身十分軟腍 一整個軟軟甜甜 不過都係鍾意 雪凍後更甜的感覺馬拉糕大大舊 啡黃色不過以前的更啡 都係睇運氣 越深既啡色代表發酵更久 氣孔大大的如果淺色d奶香會出位d 深淺睇個人口味 而我就睇心情啦 奶香濃郁 甜度高鬆軟有少少彈性 同樣雪凍後會更甜 不過會硬身少少

麥饅頭x2,豆沙包x2, 蓮蓉包 $12麥饅頭 95g 100g豆沙包 115g 110g蓮蓉包 110g麥饅頭今次見到有麥饅頭,終於可以一試,包質鬆軟味道都係正常嘅饅頭香甜,不過多左陣燕麥香味,而且有燕麥麥味唔會有食完一般饅頭時的酸味豆沙包豆沙包特別得我歡喜,豆沙幼滑香甜, 配上包子甜上加甜,雪凍後食更加甜, 真係啱哂身為甜吃黨嘅我蓮蓉包蓮蓉餡都十分幼滑,採用黃蓮蓉令單純甜嘅包增添左份似咖啡味嘅香醇同'沉'嘅感覺,唔會係單純嘅甜味, 少少似咖啡包, 獨特

馬拉糕x2 麻蓉包x2 $12馬拉糕x2 160g 145g麻蓉包x2 100g 110g馬拉糕馬拉糕永遠都係高高高!見到馬拉糕既重量係平時包重量既1.5倍可見佢既抵食程度比其他更高香濃奶香 芳香醇郁入口甜絲絲感覺 融入鬆軟鬆糕中麻蓉包麻蓉真係好似花生醬 同樣係果仁香濃佢既麻蓉似芝麻醬加入砂糖另外真係有粒粒芝麻在餡內 口感豐富加上果仁香醇甜甜麻蓉叮熱食更加係軟心感覺 香噴噴的喲

饅頭x3,豆沙包,蓮蓉包 $12饅頭 95g 100g 130g豆沙包 120g蓮蓉包 120g今次既饅頭有一個特別重 但其實望落唔大 同其他差唔多都係咁鬆軟 不過最近的variation較大 豆沙包切開好似比平時多餡左 多餡感覺更抵食 滿足感更大 甜蜜蜜的 再甜都唔怕膩 包十分鬆軟 雖然雪凍左之後會比較鬆散蓮蓉包同樣切開都好似比平時多餡 比豆沙包甜度更高 留在口中甜的感覺更久 after taste甜蜜密留在口中 跟鬆軟包身連埋 就算普通原本無咩味既包都甜絲絲的

芋蓉包x2,奶黃包,叉燒包 $12除相機食先外每次番到尼都多左個習慣磅下先~ 芋蓉 115g 100g奶黃 115g 叉燒120g芋蓉包 今次走運了 芋蓉餡料好多 實實地 紫灰色既既泥狀餡料雖然應該有落芋頭香精先變紫色但味道淡淡芋頭清香 跟真正既芋頭沒分別 奶黃包切開奶黃餡料都唔少 原本諗住凍食會甜d 但食落只食到液固態狀感覺好似奶黃月餅咁 叮熱食出味d 奶味香甜更濃郁 不過注意叮約半分鐘好了 叉燒包外貌上睇落最細 不竟都係肉包子 重量此終比其他重鹹包都係要叮熱食好d 叉燒醬雖然蠔油香不及茶樓 但已足夠香拎上手燙手 叉燒醬流出 比慣常茶樓的稠身 叉燒唔實 好味道

白饅頭x3,甘筍饅頭x2 $12白饅頭 130g 125g 125g甘筍 105g 105g見食左幾次有餡包 食下饅頭磅過重量 白饅頭較重不過都睇得出甘筍饅頭較細食落依然鬆軟 有拉出一絲絲既爽快感甘筍饅頭就再多少少甘甜不過可能有少少酸 同埋過左一日最好雪入雪櫃 避免發霉

蔥花卷,韭菜豬肉包,黑芝麻包x2 $12黑芝麻包成了黑芝麻餅...唔記得影佢相 最鍾意食既包黑芝麻餡料香濃 甜得黎帶甘 係口內又有回香今次因為偏左 所以餡料似平面散佈每啖都有少少黑芝麻餡 好似食銅鑼燒咁蔥花卷少見既產品 蔥味鹹香香味濃感覺就係添了蔥油鹹香的條狀饅頭包質少少鬆軟一條條的 更容易拉出絲韭菜豬肉包味道跟韭菜豬肉餃子一樣韭菜味濃 再加少少豬肉味襯托都係味道正常而不會難食的只要唔係唔鍾意韭菜 都應該會鍾意食既

走近店面 看見不常見既面貌就試試跟他打個交道臘腸卷x2,黑芝麻包x2 $12臘腸卷 105g 100g黑芝麻包 110g 110g買到番屋企磅過 重量正常茶樓臘腸卷邊有佢咁大臘腸卷切開臘腸卷 再度度打量一下長度臘腸係食指長度 跟茶樓平時既臘腸長後相若只是包比較大 上面更有黑芝麻令包香口點臘腸味道正常 唔同既係皮比較厚 但爽口的黑芝麻包灰色外表 內裡藏著烏黑黑的黑芝麻餡料蒸過後濃濃黑芝麻味傳出軟軟包裡夾著香濃甜甜黑芝麻在口內慢慢回甘

係買左一樣食物時 食法十分重要例如切既厚度 入口溫度 留在口裡時間唔同既食法 可以食出唔同既味道麻蓉包x2,芋蓉包x2 $12今次買到人氣相當高既麻蓉包,芋蓉包因為熱熱剛攤凍放入袋 拎到返屋現橙皮紋 芋蓉包以往都有加熱食 今次雪凍食雪凍食通常覺甜d人地話舌頭食出最多味道係37-40度唔知係咪雪凍後其他味少d 甜味就較突出雪凍後芋蓉濃稠挺身雖然係有芋頭粒既芋蓉 但直頭似芋頭質感入口甘甜 留在口中慢慢等溫度升高芋蓉醇香味道都出了與甘甜一起麻蓉包相反麻蓉包以往都係凍食今之叮過後軟心感覺更強 圖片可見有泥糊狀加過熱後甜味冇咁凸出 取而代之既係濃濃芝麻既果仁香慢慢試真d味入口有粒粒砂糖 甜美過後係芝麻既回香感覺其實似暖暖 增添了砂糖和麻醬的花生醬所以下次encore一樣食物前 不妨想想不同既食法進食加入少許創作 食後更有滿足感

今次去到時見到甘筍饅頭大得不得了 二話不說唔該 5個甘筍饅頭~ 甘筍饅頭 $12/5個拎返屋企睇下先有大有細 其中一個爆左可能而家天氣轉涼 攤凍過程容易爆開重量:130g 130g 125g 115g 85g影相時 先發現個logo原來係個「包」字同埋應該用左B D L砌出黎*(Boo Dim Liu Lee)其實唔知係咪佢地攤涷得好d 佢地攤凍個d特別鬆軟上次買係蒸爐熱烘烘夾出來的 自己返到屋企攤 會比較實今次大大舊 拎上密度好似唔咁高唔磅以為減左料 但重量卻比之前重鬆軟萬分講返味道 甘筍饅頭比白饅頭甘甜不過有少少鮮蔬果既微酸 可能有d人會介意

一到傍晚時份 炸物點心就會特價清貨$18兩盒 有時仲會再平dd有時懶煮餸啱哂沙律卷金黃色外表 類似春卷皮飽滿地包著餡料令人好想窺探內部餡料皮有少少煙韌 內裡有甜甜水果沙律醬另外唔少得菠蘿,椰肉,木瓜  熱帶水果濃甜滋味 掩蓋了炸皮的熱氣感馬蹄糕,芋頭糕先講馬蹄糕咬下去十分彈牙 亦食到吉士味道內裡有片片馬蹄 十分爽口彈牙糕點內夾有爽口馬蹄 只是沒有焦皮 缺乏了煎的感覺芋頭糕係澱粉感強烈的糕點內 有大大粒粉口芋頭 煮得有少少紫色的唔係茶樓切碎版本令人驚喜的是 食下食下原來入面有粒蝦米令到糕冇咁單調 又有d鹹釣味