包點料理

營業中

休息中

包點料理 (泰興大廈)今日牛頭角針灸完，本來想去食「又一川」，點知原來星期一係休息，之後轉去食「包點料理」，呢間包點料理主打點心、一盅飯同包，有d似「唐記包點」， 我急住食完去瑪麗醫院覆診，求其買咗兩盒飯同炸春卷拎去附近公園坐低填肚就算！1.咸魚蒸肉餅$23（7/10）呢個咸魚蒸肉餅有一小舊咸魚，肉餅正常，仲有少量椰菜，飯唔係用靚米，有少少硬，呢個價錢算係咁，醫飽肚走人就算！2.北菇滑雞飯$23（7/10）呢個滑雞飯入面d雞肉好嫩滑，仲有一舊冬菇同少量椰菜，飯唔係用靚米，有少少硬，呢個價錢算係咁，醫飽肚走人就算！3.春捲$17（8/10）呢個春捲入面有爆多芋頭蓉同少量紅蘿蔔絲， 可惜春捲皮炸得唔夠脆，估計炸完放喺度好耐等人買！2人總共價錢$63個人口味總評分：7.33/10地址：牛頭角牛頭角道301-303號泰興大廈地下B號舖#包點料理 #一盅飯 #點心 #香港美食 #牛頭角美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #

要兩個肉餅飯， 一個要牛肉餅， 都可以聽到要三個飯。仲要屈人話都裝好， 想屈我要埋， 真係無理取鬧！ 最終當然我唔會俾錢先， 屈人要多個， 佢諗嘢真係同人唔同， 夠特別！食物唔差， 係啲聽order嘅， 培訓過再出嚟聽人講嘢啦！

真係火都嚟。 。忍吾住上來發洩下大約九點半收工唸住買幾個凍包翻屋企明天早餐食，去到有三個阿姐，兩個搞緊清潔一個賣緊野 ，咁同佢講想要幾個凍包，跟住佢話一個人賣緊野唔得閒拎俾我，叫我行一陣先返去再買，咁我望一望其他兩個阿姐搞緊清潔，就唔阻住佢哋，跟住返轉頭排咗一陣隊，又輪到我，後面已經冇人排得我一個，我話唔該想要凍包，啊姐就話我都話我唔得閒，你唔好食凍包食煎餃得唔得，我好聲好氣問佢你哋係咪有生意唔做，阿姐話唔係，佢話一個人睇檔唔得閒拎俾我，跟住另外一個阿姐企喺度同我講，唔係唔想攞俾你，啲包收晒喺雪櫃鬆緊，我都未講咩包，你就同我講鬆緊，如果係你一早同我講話吾做，我都算啦，仲同我講話轉頭返嚟。搞完清潔兩個啊姐做緊生意，拎四個凍包都吾願，如果老細睇到唔該培訓下啲員工。真心嗰句一早同我講話太夜唔賣凍包了，我真係可以接受!

​路過呢頭有啲肚餓買左個糯米卷($5.5)​外層麵包皮唔太鬆軟，裡面糯米唔夠香而且太實淨太硬，非常一般，勝在價錢平​衞生都麻麻，啲點心一個疊一個，我諗啲點心碗底都唔會太乾淨，但疊起會接觸到食物表面，炒飯果啲都無cover。。。​蒸飯$19一個，真心平，如果想平食又無乜要求都可以一試