影片
更多
2017-04-26
871 瀏覽
屋企附近最近新開左呢間外賣店, 有中式蒸包蒸飯丶蒸炸點心呢啲嘢賣. 開張以來每日都人山人海. 我就好鐘意食點心嘅, 特別係炸嘢. 之前我係啲舊區街市, 好似北角同深水埗等, 都見過一啲差唔多模式嘅舖頭. 無奈我唔係住嗰啲地區, 舖頭無位坐低食, 拎住成盒企街食好似好奇怪, 買返屋企又已經凍冰冰. 所以次次都得個望字. 自從呢間舖開張後, 唔夠兩個星期我已經幫襯左四次, 成為咗我嘅新 favorite. 蒸炸點心$14一盒, $26兩盒. 一份有四粒. 可以話大件夾抵食. 仲要整體來講質數都唔錯. 我已經試過炸蝦角,燒賣,炸春卷,炸什菓沙律卷,煎蓮藕餅,粉果,蒸雞飯,糯米雞,炒糯米飯. 全部味道方面都幾好, 料就係將就返㗎喇. 例如炸蝦角同燒賣都係無乜蝦多豬肉, 春卷入面就都係芋頭絲. 但奇在唔太影響味道喎, 我覺得係好食嘅. 糯米飯都有唔少臘腸碎. 我覺得一分錢一分貨, 間嘢都算幾有良心喇. 我仲未試啲中式蒸包,好似好多老人家買. 日日有唔同款做 promo, 十蚊三四個咁. 我就好悲觀嘅, 驚遲下會變質所以依家猛幫趁. 希望遲啲質素唔會下降或者加價啦!
我就好鐘意食點心嘅, 特別係炸嘢. 之前我係啲舊區街市, 好似北角同深水埗等, 都見過一啲差唔多模式嘅舖頭. 無奈我唔係住嗰啲地區, 舖頭無位坐低食, 拎住成盒企街食好似好奇怪, 買返屋企又已經凍冰冰. 所以次次都得個望字.
自從呢間舖開張後, 唔夠兩個星期我已經幫襯左四次, 成為咗我嘅新 favorite.
蒸炸點心$14一盒, $26兩盒. 一份有四粒. 可以話大件夾抵食. 仲要整體來講質數都唔錯.
我已經試過炸蝦角,燒賣,炸春卷,炸什菓沙律卷,煎蓮藕餅,粉果,蒸雞飯,糯米雞,炒糯米飯. 全部味道方面都幾好, 料就係將就返㗎喇. 例如炸蝦角同燒賣都係無乜蝦多豬肉, 春卷入面就都係芋頭絲. 但奇在唔太影響味道喎, 我覺得係好食嘅. 糯米飯都有唔少臘腸碎. 我覺得一分錢一分貨, 間嘢都算幾有良心喇.
我仲未試啲中式蒸包,好似好多老人家買. 日日有唔同款做 promo, 十蚊三四個咁. 我就好悲觀嘅, 驚遲下會變質所以依家猛幫趁. 希望遲啲質素唔會下降或者加價啦!
張貼
