影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
突然好想食上海菜飯，就諗起北京水餃店，成日叫豬扒菜飯同煎韮菜餃，好香好足料，$20/4隻好抵食好多人買外賣，都有叫水餃，仲有擔擔麵，下次試價錢實惠，性價比高元朗人有口福喔
繼續閱讀
叫左個麵外賣，返到屋企食食下發現成張手寫單融入喺個面到，攞返上嚟啲字化晒。。。最後都係唔敢再食，放棄。希望舖頭下次注意下衛生。唔好放啲手寫單入個外賣盒入邊。原子筆應該係有毒。。。
繼續閱讀
叫酸辣雲吞麵，佢聽唔明，重複咗幾次， 態度好揸差，即刻起身去隔離食， 幫襯咗好耐老闆娘個媽媽時代已經幫襯，自從現任老闆娘結咗婚之後有一 幾個男士幫手就覺得同以前 已經唔同咗 有幾次見佢哋鬧過啲客 今次輪到自己 決定以後唔幫襯，完。
繼續閱讀
每次嚟食都只會叫酸辣湯水餃呢個餐 🤩$55 仲送埋豆漿好鐘意呢度個酸辣湯！好多料勁豐富 🤤🤤 又唔會太酸太辣。個水餃就係韭菜餡，入面應該係落咗豉油有小小咸，不過夾埋個有小小厚嘅皮一齊食就岩岩好 👍🏻
繼續閱讀
近年喺元朗返工，有時會買外賣返公司食。最近喺元朗廣場對出巴士站附近搵到一間幾有風味的京菜小館，menu都有好多選擇，佢有雲吞同水餃，問咗老闆，原來雲吞係白菜加豬肉餡，而水餃係韮菜加豬肉餡。我今次就試吓酸辣湯水餃麵先。外賣自取送盒裝檸檬茶或凍豆漿，我要咗凍豆漿。我唔太食得辣但又想試吓酸辣湯，有凍豆漿中和辣味就啱晒喇😆酸辣湯水餃麵 —份量超多！無論是酸辣湯的配料或麵底麵有好多，而水餃都係好大隻，總共有3大隻。.水餃有好多餡，韮菜及豬肉的比例好平均。水餃皮唔算薄但好滑溜，好好味。.而酸辣湯配料非常豐富，有豆腐、豬紅、肉絲、木耳、荀、紅蘿蔔。湯底酸辣濃度啱啱好，唔會太酸或太辣。就算我唔太食得辣都可以食到，覺得幾刺激幾惹味。.今次呢碗酸辣湯水餃麵我好滿意，下次再嚟試吓其他菜式先😋
繼續閱讀