影片
港鐵上環站 A2 出口, 步行約1分鐘
繼續閱讀
營業時間
今日營業
07:00 - 20:00
星期一至日
07:00 - 20:00
以上資料只供參考, 請與餐廳確認詳情
食家推介
呢間兩餸飯專門店位於上環永樂街之前睇傳媒報導過呢間好抵食‼️原來佢地有埋早餐/小食(今日忍住先)今日放工經過實在唔想煮飯就買咗幾個餸人來人往好多人幫襯 仲有外國人排隊買😆全日兩餸飯$36 每加一餸都係+$8🤭😎淨餸就每份$40/$50(睇你要咩)仲可以+$3配飲品 佢地有埋自家製樽仔系列 正呀🥰👍🏻另外仲有每日都唔同嘅湯/甜品 都係$15味道方面比想像中好 唔想煮飯又想平平地係一個不錯既選擇💁🏻♀️大家睇相都會見到我幾忍唔到手😏😂因為睇落樣樣都好好食 又多選擇兩餸飯竟然有埋海鮮(今日有扇貝/大蝦/蟹)好癲😱😱😱🍤黃金大蝦碌份量好足 我同屋企人3-4人分享都仲得仲要隻隻都好大 炸到脆卜卜雖然冇得食埋啲殼 但蝦頭好多蝦膏外層嘅鹹蛋黃啱啱好包裹住成隻蝦仲有埋粉絲墊底 啲蝦同蛋黃味摻曬入去個個食到lam lam脷 停唔到口🥰😋🫛惹味肉碎甜豆個汁好惹味 有少少辣更加吸引🤩甜豆新鮮 咬落爽脆清甜 伴有好多肉碎 送飯一流‼️🍯🐮蜜糖薯仔牛柳粒又係配飯食必點 薯仔同牛柳粒大小剛好啖啖都係一口食曬 加埋蜜糖夠曬甜蜜💕薯仔🥔硬度適中 最正係牛柳粒夠嫩咬落唔會黐牙 牛味足 仲會有啲肉汁鎖住🥰🐷菠蘿甜酸咕嚕肉呢個專為爸爸而叫 每次見到都話想食😂個汁甜甜酸酸好開胃🤤仲有伴埋菠蘿🍍咕嚕肉肉質偏結實但都係啖啖肉 唔會咬唔開🥣是日例湯今日去嘅湯係豬骨湯 拎到返屋企都仲好夠熱而且份量足夠2人飲 入面仲有2大嚿肉食飲得出真材實料煲 夠濃但冇味精味👍🏻🥤自家製樽仔百香果蜜🥤自家製樽仔港式奶茶🥤自家製樽仔烏龍茶加埋佢地嘅自家樽仔飲品更加滿足😌特別係奶茶 咁啱熱嘅賣曬 但涷都唔錯👍🏻茶底濃加埋奶就更滑口 唔怪得咁快賣曬百香果蜜都唔係求其是旦 有粒粒百香果籽味道我覺得可以再濃啲 但清清甜甜都幾好😃
繼續閱讀
北冰洋上環永樂街58號地舖人氣兩餸飯"北冰洋"好強勁，承接渣打銀行鋪位，喺中環開分店！可想而知佢幾勁！每到lunch time時間，“北冰洋”都勁長人龍！不過店員全部都好有效率，唔使等好耐都有得食。佢好多餸揀，全部都足料大份、有鑊氣好味！好好食！🥢豉汁蒸白鱔白鱔嫩滑新鮮，肉質爽口🥢東坡肉肥瘦適中，醬汁濃炆得肉質軟稔入味🥢咕嚕肉外脆，大大啖肉🥢西檸雞酸酸甜甜好味🥢麻辣雞鐘意辣既有呢個選擇！香辣惹味🥢黑醋骨黑醋骨夠鑊氣，有心思加埋白芝麻夠香仲可以加湯品/甜品/飲品，湯同甜品日日不同，包保唔會悶。是日湯品係粟米魚肚羹，甜品係海帶綠豆沙，yummy！附近上班族/住附近既真係唔好錯過，性價比高！#北冰洋 #雙餸飯 #上環 #hkfood #foodshare #hkrestaurant #topcotybiteshk #hkfoodie #hkfoodblogger #foodiehk #igfoodie #igfoodiehk #foodiehongkong #hongkongfoodblogger #hongkongfoodie #hkigfood #hkigfoodie
繼續閱讀
呢間位於中環嘅兩餸飯一到lunch時間就大排長龍，價錢好抵，菜式方面款式好多，每日都有不同款式，打工仔必備，晚市5點後加＄5可配樽仔飲品或任何飲品，無糖蜂蜜鮮檸檬水，無糖金羅漢果雪梨茶，都係無添加防腐劑。是日甜品桂圓紅棗桃膠杞子見到佢好足料，我就加左$15，味道清甜，紅棗軟糯，桃膠煙韌爽口，養顏一流。肉飯入口嫩滑唔乾，西蘭花翠綠爽脆，咕嚕肉啖啖肉，入口酸酸甜甜，魚香茄子好入味，醬汁用黎送餸一流，勝瓜清甜無渣，糖醋排骨酸甜開胃。
繼續閱讀
老老實實, 其實都係普通兩餸飯店, 正常應該冇咩特別野寫但可能佢係永樂街, 租金較貴, 佢地幾好有做埋早餐同晚市午餐就可能地段好, 通常好多人排隊, 我就怕要排隊未試過, 但相常都係普通兩餸飯質素, 冇咩特別要求相反, 晚市就試過幾次, 會有海鮮食, 6~70至100幾蚊都會有, 都幾名副其實海鮮價, 質素都係普普通通反而係今日健身完, 大約早上11點, 路過見到佢地有茶葉蛋賣, 寫到明10/2隻 14/3隻, 咁我話要6隻, 我比$28蚊, 收銀話差兩蚊, 同我爭論點解唔係30蚊 (當時只有我比緊錢, 可能收銀未訓醒OR好少見人買咁多蛋啦)其實都唔係個兩蚊既事, 要收多兩蚊我都可以比, 當TIPS又好, 最衰個收銀仲要死撐, 係30蚊呀, 不過"當"你岩啦~很好~永不幫襯~我會同所有我識既上環同事/家人, 一齊去第二間, 其實附近有好幾間餸飯, 步行3分鐘到急庇利街已經有第2間, 通常唔洗排隊
繼續閱讀
西檸雞我最鍾意呢個，啖啖肉，唔會太酸，好飽足東坡肉肥瘦相間，豬皮無毛，處理得好乾淨，脂肪位燉得好軟腍🤩咕嚕肉兩餸飯必食，酸酸甜甜，很開胃～豉椒炒蟶子幾新鮮，蟶子幾大隻，豉椒炒得好惹味，唔會太咸，無腥味，配啤酒🍻好爽好麻甩～蒜蓉生蠔唔腥，大大隻，蒜🧄蓉好多，夠味！吊桶煙韌有咬口，底下有好多蒜蓉粉絲，吸哂味蔬菜新鮮，保留到爽脆口感，最愛西蘭花🥦😍冰糖雪耳木瓜糖水甜度剛好，清潤，有屋企煲的味道，足料同一般兩餸飯鋪頭唔同係，呢度居然有賣多款海鮮😍平平地都有海鮮吃～難怪人流好旺，keep住有人買👍🏻中環區罕見兩餸飯，對打工仔嚟講非常友好，而且晚市5點後加$5可配樽仔飲品或任何飲品，無糖蜂蜜鮮檸檬🍋水和無糖金羅漢果雪梨🍐茶都無添加防腐劑，幾養生～#foodiblum港式
繼續閱讀