北海拉麵屋 (已結業)

依家野非常唔掂，上次叫了個叉燒拉，叉燒咸都飛起，十足金妹牌煙煄火煺叉燒，仲加兩條爛鬼小棠菜（你估依家係大家樂食叉燒瀨),連叉燒都懶得整咪開檔，唔會再幫襯！

本身想去八八八..點知好多人等緊位.. 當晚又好想食拉麵wor.. 知道呢間野一定唔洗等.. 所以就冇咩選擇地去左喇~上次已經覺得麻麻地.. 幾個月後水準依舊!! 我買2,3蚊一包既即食麵同佢d拉麵既質素冇大分別!! d湯一d味都冇!! 我男友叫左個海鮮拉麵~ 唔知d帶子定元貝係"霉"架!! 總之真係唔好食~ 價錢又唔平..真係唔會再幫襯!!

(3/10/05)姊姊食過話好一般,但我記得雜誌講過哩度的拉麵地道咕噃。同加拿大朋友唔行咁遠,咪落嚟o羅。佢order豬骨湯拉麵,我試左一條,勉強都feel到ok嘅。我order冷烏冬,來到是"篇"身烏冬。特別點,仲驚喜佢都幾煙un,不枉我本來order拉麵呢。加$10可要埋餃子。可惜等了很久(15mins),催又催過,個男侍應仲好笑容,替我著急話啊!整無咁快架,就得架喇。ok,再等,又過10min,隔離台都有餃子食緊啦,我本想唔要喇,但來都是想試埋餃子,再催,才有碟熱辣辣的餃子。皮不是脆,但煙un,肉汁多。相比起,Time Square food court的皇將好味d,因為人地有醋點o麻!

朋友皮膚敏感，好多0野都唔食得，揀0左海苔蕎麥麵。我要天婦羅拉麵，餃子。餃子：幾好味，餃子皮煙煙韌韌，餡料有鮮味。天婦羅炸蝦：得兩隻，略少，味道還可...拉麵：我覺得同橫町差唔多，咪又係果Ｄ麵∼爽、韌、有0趙口∼見到前面Ｄ朋友話北海員工服務態度唔好，相信...有改進到0既∼我見d員工對我或者其他客人都serve得好好∼

問人借野當然要早早還返俾人, 之後又到食飯時間.到CWB買點東西吃個飯便打道回府.原本諗住吃個魚蛋粉, 點知數店均滿座.於是便到sogo supermarket 找點東西先.行到尾見到有間吃拉麵的, 想試試便到來.此店拉麵有多款, 其他定食如豬扒飯和泠麵也有供應.平時食飯行過都頗多人, 雖然有人等位, 但今日一個人就可以入到去.好快便先來餃子一客, 一共五隻, 咁快送到上檯都估佢唔係即煎.餃子也熱味道還可以不過好似興返熱硬係爭咁D.拉麵及後也端上來, 看看其叉燒拉麵, 配料不多, 只有筍, 紫菜芽菜和魚片.另加一舊不倫不類的兩件小棠菜.麵身也爽, 論身材則不及吃過拉麵店的那麼粗.湯底是一般豉油湯底(不是我愛吃的豬骨湯底, 少許失望)看到之前的食評全是>_<也覺得奇, 其實唔係咁差, 不過和正宗和好好味仍然差一大段距離.

夜晚來我叫左一碗"狸烏冬", 我bf 叫左叉燒拉麵, 狸烏冬係一碗烏冬上面有好多炸天婦羅果d 炸漿粒粒, 第一啖食時有些少脆脆地就ok, 但一浸得耐d粒粒就淋晒, 吸晒d 湯, 成碗野好油膩, 個湯底又過甜, 碗野本身唔大, 但我食左2/3碗已經唔開胃, 唔想食落去.之後夜晚仲肚痛tim, 唔知關唔關事.

環境：裝修好得！好有日本feel~ (就係因為咁先比佢既外殼欺騙左)服務：好似好有禮，但個個都係冇笑容。味道：一碗十分普通的拉麵！總評語：一定唔會再去！！！

d拉麵不夠滑身.... 餃子還可以d服務態度.....真係要搵劉德華!!!