北海道牧場餐廳 (已結業)

早上11時左右，我和男友到這間餐廳吃早餐，由於座位數目真的是太少，所以等了10分鐘左右才入座。餐廳是先自行叫餐，再由店員安排位置坐下。我們叫了北海道早餐和經典早餐。//////////////北海道早餐包括炒蛋，多士和火腿通粉。炒蛋很美味，熱騰騰的，又很滑，很好吃。不過多士有點凍，不過都算味道不錯。火腿通粉味道一般，不過不失。經典早餐包括炒蛋，火腿，多士，大芝士香腸和茄汁豆。炒蛋很美味，很滑，比起麥當勞的滑蛋更好吃。火腿味道不錯，多士都是有點凍。大芝士香腸很多芝士，很juice！茄汁豆塗在多士上很美味。飲品叫了凍檸茶和凍檸水，2樣飲品都味道不錯。價錢方面，北海道早餐$32，經典早餐$36，凍檸茶&凍檸水另外各自加$3，總共$74，價錢中等。總結來說，這間餐廳的早餐味道不錯，價錢和快餐店差不多，而且早餐供應時間到中午12時，大家可以試一試^_^

今日同同事黎到新港中心lunch，約咗响呢道食飯，好彩同事一早先黎到霸位，唔係就多人啦！點咗個番茄濃湯厚切午餐肉通粉，塊餐肉真係好厚！味道就一般，唔夠脆口。雖然湯底好有番茄味，但有點酸酸地，D通粉煮得好淋，細細粒易入口。整體食完後有點口渴，而出餐比較亂，等咗好耐先有得食。

因為朝早太多野做，搞到晏就要成點半先有得食，諗唔到食乜，同事又趕住食個快飯返公司開會，就近近地去左新港中心既北海道牧場餐廳。其實之前有經過見過依間，大概印象係3.6牛奶炒蛋，今日終於有機會試下喇！過晒lunch hour，好快就有位喇。因為唔太餓既關係，叫左個叉燒套餐，有一塊多士，火腿同炒蛋，再加埋一碗叉燒通粉，另外叫左杯熱檸水($44)，成個餐其實就好似茶餐廳既常餐。當然，上菜速度都好似茶餐廳咁快，但個多士係淋既，炒蛋好實一d都唔滑，食落就知佢依d應該都係一早煮好晒。到個叉燒通，通粉過淋，叉燒一般睇落去唔吸引，而個湯竟然好似味精溝水，最後加鹽加胡椒粉先勉強食到。同事叫左個漢堡扒咖哩($59)，試左少少漢堡扒，好乾無咩汁，唯獨咖哩汁係食咁多入面比較入到口同幾香。其實$44落下面food court可以食d更好味既，以常餐黎講真係算差亦唔值依個價錢，依間野真係無下次！

今日lunch...本身諗住去食和民，跟住同事話想試下呢間北海道牧場餐廳，選擇不多，主打用3.6牛乳做湯底。我叫左厚切午餐肉蕃茄通粉，包了一塊火腿，牛油多士，炒蛋。我想講真系不知所謂，塊午餐肉夠厚，但以上無一樣系熱，所有食物都系處於餘溫狀態。湯底同用蕃茄膏煮既，無咩分別。唯一比較好的，就系吉列豬扒日或咖喱，咖喱汁味道同759咖喱汁湯包味道一樣。👎👎👎

平時見好多人食炒蛋，番茄通。見到團購網有售優惠卷，於是買了二張，一人套餐每張$48。套餐包括:味噌栗米湯或芥末沙律配3.6炒蛋;板燒薄餅或3.6牛乳蕃茄湯烏東或 3.6 牛乳咖哩牛肋條飯或3.6 吉列豬扒飯;一柸飲品 北海3.6牛乳/3.6雪糕忌廉/ 3.6鮮奶綠茶/沖繩黑糖生薑茶/榛子燕麥3.6牛乳/凍檸樂 等等。芥末沙律配3.6炒蛋:炒蛋算炒得不錯，很幼滑。芥末有點不配合，帶點辣度。3.6味噌粟米湯: 是普通的麵豉湯味，但沒有粟米，只有蔥花及幾片鳴門卷。3.6 牛乳咖哩牛肋條飯: 味道中規中矩，但吃不出加了點3.6牛乳。牛肋條份量偏少。日式照燒雞薄餅: 板燒薄餅是成個餐最難食的一道菜，餐牌上的名字是薄餅，事實上只是一塊麵包。麵包上放了雞肉、海苔、栗米、沙律醬汁等等。麵包做餅底，感覺軟淋淋，口感欠奉。3.6雪糕忌廉/ 3.6鮮奶綠茶:特飲不用加錢，3.6雪糕忌廉味道還可以，3.6鮮奶綠茶味道則較淡。

早前係團購網用半價買左三十蚊嘅現金券，今日放假就特登過黎尖沙咀用左佢喇到達時大約三點到，店內都係得兩枱客人不過職員都係得兩個，等左一段時間都冇人行出黎，咁我惟有自己行去搵店員落單啦點左P3：厚切午餐肉蕃茄通粉，多士火腿炒蛋，熱華田唔洗五分鐘個餐就到了，個厚切午餐肉的確係足料，大大塊放係通粉上。不過都係襯熱先食多士先個人認為多士係夠脆，不過外皮有點過硬……食落有牛油香，加埋半塊火煺更好食炒蛋比較失色，份量就夠哂多喇，但佢似係蛋餅多啲，唔係香滑有蛋汁流出黎個隻……厚切午餐肉蕃茄通粉：放係面個舊蕃茄好酸，蕃茄湯好濃我係好鍾意食午餐肉嘅，但塊午餐肉食到一半我已經頂唔順喇，因為真係好飽最後埋單俾多$14，而家出去食個常餐平均都要三十幾蚊，更何況而家啲午餐肉都唔平，所以我覺得呢個餐都叫抵食嘅！

今次我地好貪心咁叫左成三樣野！！！首先叫左個西多士，老婆仔仲改左糖漿做煉奶，呢個西多士真係成個轟炸機咁,呢度ge西多士比起正常ge大一倍, 而且好新鮮, 炸到脹卜卜, 熱辣辣, 好正, 十分推介.另外叫左個蕃茄通加火腿炒蛋多士餐。個午餐肉仲要係厚切，大件夾抵食，加埋火腿炒蛋同一件厚多士, 真係好飽, $3x 就有咁大份量好抵, 不過蕃茄通就中環分店好食d, 個湯濃d 仲有d通粉無咁林. 不過整體黎講都係個好抵食ge常餐.至於我就最鍾意個３吋厚炒蛋三文治，熱辣辣真係幾分鐘就比我地ko左啦～～呢個三文治都係32蚊, 仲有野飲！炒蛋真係足3吋, 好大份, 我地都食唔哂, 炒蛋可以再滑d.最後老婆最鍾意飲綠茶奶，而我就一定一定要飲個凍華田！！個華田落足料，面頭就要有華田粉,呢個真係要比100分，好好飲！差d想叫多杯呀！次次黎都係一定要試～ 不過綠茶奶就比較淡, 下次唔會再飲.總括黎講呢餐性價比太高喇，係尖咀一人60蚊就食到個dinner，仲要質素唔差，環境清靜，推介！

剛去完北海道想在香港尋回一點北海道既味道所以打算去試下，可能我其望太高喇，我覺得同普通茶記冇咩分別 ，係杯餐飲特別D滑蛋一D都唔滑，其實比D心機整應該唔難掛，不過炒蛋分量足。多士係唔脆既普普通通火腿湯意餐飲加$10榛子燕麥3.6牛乳，幾特別，好過飲咖啡奶茶

我要去臺灣觀光局拿一些禮品，同事說順便在新港中心的北海道牛奶牧場吃午飯。我們下載了一個新apps，有些餐廳有優惠，這是其中一家，我們就是為了這優惠來的呀。今次這家餐廳的迎新優惠是買滿$60以上可減$20。計過我們還是分開單自己食夠$60化算。同事點了我推介的北海道特餐，$42。湯底的牛奶雞湯味道當然比我多年前第一次吃的時淡，但己經算好了。我點了厚切餐肉蕃茄套餐，$44。湯底茄香味足夠，我也要試這個橫切餐肉法，又漂亮又易煮，餐肉更有口感。通粉份量頗多。因為那些優惠，我們要吃到變$60一個餐。所以加$6將多士轉窩夫。都得值得轉的，因為有半塊窩夫，而且很軟熟。又加$12轉北海道鮮奶綠茶。如果正常價錢便一定不會加了。綠茶味道十分淡，只是一陣碎冰味。融了忌廉也幫不到什麼，最重要是杯子十分小，很不花算似的。埋單2人優惠後$82，超抵。

是日中午罕有地跟幾位同事出外午餐，平時我們這些節儉的小女生都自備飯盒在公司吃，其中一位成員即將離職，便決定在臨別前到外面吃當farewell。原打算去和民吃，但由於時間尚早仍未開店，所以惟有到旁邊的北海道牧場餐廳用餐。這裡的早餐供應至中午十二點，剛好可以吃到一個brunch～在物價昂貴的尖沙咀區來說，其價位算是非常便宜了。屬開放式的食店面積極小，坐起來相當擠迫，店員運送食物時也步步為營，環境一般。我點了一客北海道早餐（＄２９）。先送來牛油多士和3.6牛乳炒蛋，賣相看來跟普通茶記出品無異，不算吸引，但炒蛋水準比外觀看來不俗。一直聽說食店出名3.6牛乳炒蛋，今次一嚐，的確頗滑和有香濃的蛋味，多士方面夠熱辣和鬆軟。跟餐還有3.6牛乳雞湯通粉，配有兩片火腿，份量一般，普通通粉水準，不過湯滲透淡淡的牛乳味。餐飲則點了熱檸水。味道不算特別，勝在夠快和抵食，但只論主打之一的3.6牛乳炒蛋，北海道牧場餐廳的食物水準仍然有很大的改善空間。

我是無蛋不歡的,  每次去茶餐廳, 總是忍不住要點蛋治.此店剛好是集團的第十分店, 至十月卌日, 每晚六時半後, 所有食物半價.   原本HK28 的3吋炒蛋治, 只售HK14, 那有不點的理由! 等了良久, 終於來了, 三吋的炒蛋, 名不虚傳, 一層一層的, 像疊好了的綿被, 可惜炒得有點過頭, 連蛋汁也沒有, 可幸的是蛋味依然 麵包有點乾.  但整體來說, 仍是非常不俗! 吃得過

多年前在銅鑼灣, 第一次試了北海道牧場餐廳, 食物精美又美味可惜某次在中環分店光顧, 所有食物送上全是冷冰冰竟然在新港中心開第十間分店, 與友人午膳, 再次光顧餐飲: 熱朱古力淡淡的熱朱古力免治和牛肉飯餐 $45 (自選: 太陽蛋)太陽蛋賣相差; 上枱時, 蛋汁已凝固全碟飯凍的北海道特餐 $42叉燒通粉友人話: 一般!火腿炒蛋拼多士友人話: 多士不夠厚, 蛋味不夠濃! 一般!牧場三文治 $42友人話: 份量好多...叉燒, 芝士, 午餐肉, 香腸, 火腿, 炒蛋!付款後, 贈送每人一盒飲品北海道牧場餐廳 總結: 可以不試!

早前試過流尚坊的北海道牧場餐廳，感覺不錯，但近日發現原來尖咀新港中心又開了間，是日就特地早起去買早餐吃。早餐有3款選擇，全部都配熱飲，價錢30蚊到都算OK，Set可另+錢配窩夫呢，雖然吸引，但朝早吃窩夫好似怪怪，所以放棄了 。最後點了自家製肉丁早餐，可配通粉或意粉，另+$5配凍阿華田。自家製肉丁套餐回到公司立即起動 外賣包得好整齊，無漏無倒瀉。先打開凍阿華田，全部也是阿華田粉，已經好興奮!! 再飲落味道好濃烈，更滿足呢。肉丁通粉湯底好惹味，又不太油，肉丁算足料，且好軟。至於通心粉雖然細細粒，但好彈牙。而通粉同時配3.6炒蛋，雖然吃不出有牛乳味，但蛋非常滑滑，好好味。另有個甩對全個早餐都好滿意，特別是阿華田呢，令人精神一振。