北越牛肉粉專門店 (已結業)

喂，就係嚟講喇，我啱啱試咗間街頭嘅食堂。起初，以為會係嗰啲五四三嘅招牌菜，點知一食驚喜到呢！🤤皇牌必食嘅軟熟豬腳麵，真係腍到化，啖啖肉咁滋味，麵條彈牙得嚟不失嘴感，完美配合，齊齊咬落有種幸福感撲面而嚟。跟手叫咗個椒鹽鮮魷，外脆內韌，啲椒鹽味夠鮮香同埋夠勁，唔使沾醬已經好正！😋 再嚟個涼拌牛肚，酸酸辣辣開胃到爆，肚片切得薄身，爽口得滯！最後，甜品就點個流沙奶黃包，包皮輕盈得嚟又唔會太甜，流沙嘅黃豆香氣撲鼻，正！簡單講，呢間小店食物質素有保證，服務態度又好，咩都好有人情味。下次肚餓唔知食咩，我一定仲會再光顧！👌

雖然我麻麻地越南野但久唔久都會掛住依度嘅蕃茄湯底同豬頸肉今日又黎叫..蕃茄豬扒金邊粉湯底非常濃郁豬扒脆身但略咸but唔緊要 我主要黎食佢個蕃茄湯麵😋😋（有勁淋洋蔥，三舊紅蘿蔔，一兩舊蕃茄）要無限encore！另外叫左另一個favourite豬頸肉湯麵豬頸肉好大份好淋身 夠兩個人食添🤣

夜晚9點叫外賣自取，app顯示9:07可以取餐，準時到達時，見外賣已準備好，向店員提供訂單編號取餐時，店員拒絕讓我取餐，表示我提供的訂單不對，但明明該店列印出嚟既訂單編號同我提供的一模一樣，但店員多番刁難，態度極之惡劣，爭執了大約10分鐘，店員仍然不讓我取餐，要我提供另一個我在訂單中找不到的訂單號碼，當時店中有其他食客，我們在店內爭執也感到不好意思，但無奈店員堅持不讓我取餐，惡劣到一個極點，最後我決定放棄取餐，取消訂單，該店員又話再幫我對多次張單，今次又肯俾個餐我。由此可見，店員係有意刁難，我話要投訴該店員，問佢既性名，佢居然答我佢沒有名，叫可直接打俾老細投訴，總之佢就冇名！超級超級惡劣既一間食店！未試過叫個外賣都要受咁既氣！

平時比較少去土瓜灣，今日趁放假想去土瓜灣土墟行下喺土瓜灣想搵錶位泊車，但搵極都搵唔到，就決定泊喺翔龍灣商場泊好車之後就喺商場搵嘢食😋見到呢間食越南河粉嘅餐廳，裝修簡單平實，一看就知道是平民餐廳，但通常呢啲餐廳先有驚喜，所以就決定去試吓午市餐牌，有多款湯粉、撈檬、飯選擇第一碗叫咗生牛肉牛丸湯河個湯都幾甜，再加埋有牛肉味道更好喝不過牛肉就可能浸熟咗少少牛丸好彈牙第二碗叫咗香茅豬扒湯金邊粉呢個湯冇牛肉味，就比較遜色啲但係香茅豬扒真係有驚喜份量多到嚇親你，而且又脆又香口

落單阿姐落錯單死都唔認係自己問題，想迫顧客硬食落錯單嘅食物，最後攪到嗌交收場先由令一個樓面付責人解決改單，個阿姐真係好不知所謂，請著佢真係趕客，其實落錯單唔駛死，大家研究一下點解決就得，但阿姐就不停話自己冇錯，仲話整好哂冇得改，想我快啲走。。咁嘅服務態度我真係忍唔到，咁硬頸點做樓面呀？？。。。真係好差，好唔識做，最嬲就係一直話自己一定冇落錯，做好哂，冇得改。。總之食以後食越北，越棧，都唔再食北越。

價錢實惠，味道不錯。追加了$28的越南咖啡但味道很一般，老實說比普通咖啡更普通.... 另外追加的柚子沙律不錯，比想像中好。熟牛肉河粉不錯，味道正常。還會再光顧的。

今天跟老婆來土瓜灣領獎品路過看到北越牛肉粉專門店想說天氣熱 吃點撈檬 讓身體涼快點叫了一碗牛肉撈檬老婆就選了一碗碳燒豬頸肉撈檬一端上來 份量驚人肉量也給的相當多碳燒豬頸肉有微微的焦香味雖然是不是用碳還是火槍就不一定了但是還是無損風味一餐下來相當滿意老婆還因為太多吃不完 哈但也不是這麼十全十美的不知道是運氣不好還是越南人真的吃很甜隨餐贈送的熱西洋菜蜜真的太甜了我要多加幾杯水 混著喝買單沒有加一 總共113 下次有機會還是會來

橫風橫雨嘅時候，想搵個地方避雨，入咗呢間鋪頭。因為回南天，有啲位有冷氣機口滴水，職員都提醒客人唔好坐果啲位。地方唔算細，都放到有13-15張枱。最後決定叫個北越火車頭套餐。可以選擇不同嘅粉底，選擇咗金邊粉。叫嘅時候，職員有提到佢哋轉咗比較軟身嘅金邊粉，到上嘅時候，食落個口感有小小似河粉，但食之前要自己拆散嚿粉😅，因為佢成嚿係湯底到。呢個餐係一大碗咁上，份量都幾多下，對一般正常嘅食量係足夠嘅。入面嘅餸：生牛肉：送黎時已經係熟咗，唔見有紅色，食落口感都唔太差嘅，普普通通咁啦牛柏葉：軟硬適中牛丸：切開咗一半半咁上，食落都還可以牛腩片：呢個都有一定嘅厚度，都幾大一片，食落都好有牛味，肉質都鬆軟，佢上果幾塊都唔會話只有肥膏，肥瘦相隔牛筋：俾嘅幾件牛筋都好大嚿，啖啖骨膠原入口咁套餐仲包兩杯野飲，除咗咖啡同椰青，其他都可以叫，叫咗杯熱柚子蜜同熱柑桔蜜，就係果種可以自己買黎沖嘅韓國柑桔或柚子蜜，不過飲得出俾咗好多入去沖，都幾甜下整體黎講都可以，晚餐黎講價錢唔算貴啦，屬於經濟型，人均70左右。

今日入土瓜灣探望朋友，方便起見去佢樓下食「中午麵」，選了這一間因朋友說性價比都OK，正正常常（唔知佢食過唔正常係點樣嘅呢🧐）可能附近冇乜公司住宅為主中午食飯時間都唔算太忙，入到去感覺似越南茶餐廳，裝修唔算特別但尚算整潔.我點了個午餐牛坑腩片湯河粉$46，另外我們點了個越式酸辣鳳爪$52 share 飲品我點都要奶茶.若等了七至8分鐘河粉及奶茶便一同來到，大概食咗1/3 鳳爪可來.👍🏻牛坑腩片湯河比想像中好吃，因為一般在越南份專門店吃的牛腩或者牛肉都係一般般.今次呢個牛坑腩竟然真的很不錯，脂肪比例啱啱好而且好「林」，湯底亦都唔算太鹹一般越南河粉湯底.👍🏻酸辣鳳爪感覺很新鮮，無骨啖啖肉，略嫌真係偏酸咗少少，亦都唔算辣.奶茶不過不失(比一般茶記爭少少)總結：食物 5/10環境 4/10清潔 5/10服務 4/10性價比 6/10回頭率 7/10 （普通吃午飯或快餐來講回頭率應該都高）

經過土瓜灣睇樓順便搵食，見佢價錢唔貴一於試下。叫左個炭燒豬頸肉撈檬同青檸梳打，意外地高質！！首先碟撈檬賣相已經好吸引，豬頸肉肉質勁嫩，紋理亦好靚，睇得出係靚肉！食落去有炭燒味之餘勁juicy 勁嫩滑，好食到不得了！而且配料亦好足料，有生菜絲，蘿蔔絲，青瓜，蕃茄，撈埋一齊食口感好豐富。最後杯青檸梳打涼透心！不過青檸太細粒，督到爛晒都唔夠青檸味，可以改善！不過咁既價錢已經對得住有餘了！有機會經過一定encore!

到牛棚觀賞話劇，在附近走走看，想找一間餐廳吃晚飯。店內空間很大，裝潢不新，牆壁有點污跡，故此讓人感覺不夠乾淨（整體還可以）。店員態度很友善、有禮貌，讓人舒服。香茅豬排飯 - 飯的份量很多，豬排很熱，外脆內嫩，十分好吃。三寶撈檬 - 同樣地，份量也是較多。有雞翼、豬排、扎肉，檬粉爽口。酸辣鳳爪 - 味道酸酸帶甜，涼涼的，非常開胃。整體而言，食物份量多，食物溫度能保持熱烘烘地送上給客人，店員服務態度有善，值得讚賞！

今日經過呢條街，正係頭痛緊食咩既時候，見到呢間門面好似唔錯，就入去試下食呢間啦，點知真係食到一肚火！坐低問員工攞餐牌，wa！個個扮睇我唔到，到終於有人見到我喇，點餐時有D唔係好明，問左一句有冇套餐都俾佢地"啤"，wa！咩事呀？第一次黎食問一句都唔得？ok,算！我忍你地！希望D野食唔好令我失望就得，叫左碗粉食啦，點知……wa！難食到唔講得笑！D湯底一D味都冇！真係屋企煮個公仔麵都好食過佢！從來未食過咁難食既越南菜！仲要D員工態度極差！個個黑口黑面，好似D人客黎求佢地咁！永遠唔會再黎！！

響附近經過入嚟食個下午茶休息吓，叫左碗牛肉河粉非常油膩，都唔敢飲湯，湯底好咸，肉塊亦無口感可言，成碗野都非常難食 咁，想點呀。員工又無禮貌，早知這樣就叫淨飲算啦。好似係個飲食集團黎，呢間就點都唔會再黎，亦唔建議大家試。

今日好急咁樣要去一個小朋友派對, 但又未食午餐, 喺幾急嘅情況下, 去咗呢間小店 買咗一個<香茅豬扒飯>及一杯<熱奶茶>, 頂一頂個肚餓先。原本諗住外賣攞走, 求求其其食啲嘢, 都冇乜要求, 但估唔到依個飯盒都幾好味喎! 首先啲香茅豬扒幾好味, 唔會乾身, 調味適中又唔會太鹹, 有香茅嘅味道。飯又好食, 唔會太硬。 有沙律配菜, 健康美味。跟一個甜豉油汁, 調下味, 鍾意落幾多, 自己決定, 細心。重點一係飯裏面係有一啲蔥油, 份量充足, 令到個飯更加好味。熱奶茶亦都係好飲, 不遜色於旁邊的"太x"。有機會希望可以坐低慢慢坐低食, 試下佢哋嘅檬粉。有下次。

等候小友上完堂，兩口子照例找個地方落腳開飯。食完後時間剛剛好，去接他可也....來到熟悉的地頭。這裡的商場地下有數所餐廳，其中的一間，是賣越南菜的....走進店，裡面除了三數個侍應外就沒其他人。基本上是包場了....點了幾個基本嘢，吃後發覺水準挺一般的。難怪店內都沒甚麼人....這一碗號稱"蟹頭膏蕃茄湯檬"的東西，說有是用蟹膏熬，但喝下去卻只是一大咲人造茄糕的味道，口腔只剩下一服死酸咯喉之味及感覺。扎肉及肉碎正正常常，後者用的肉似乎太瘦，有點嚡口；蝦肉則是典型的雪貨，色水白得跡近透明，入口一點味道也沒有，最弊就連爽度亦欠奉....除了我們平常食開的燒味三寶飯外，還有在本地不少越南店子中也可以叫到的越式三寳 ---- 即是雞翼、扎肉及豬扒....三者端上來時都只呈微暖狀態，香氣只不然亦跟著遜色。雞翼還可以，味尚算夠但皮就不夠脆；扎肉沒有甚麼好說；豬扒一食就知有下東西來讓肉質鬆弛，咬了一口將之放棄了....在一眾食物中，就以這炸春卷最為正常正路。肉碎、粉絲、紅蘿蔔及木耳塞滿於春卷中，皮不是十分油膩，炸得蠻香口的；饀料味道亦夠....但只是一道小食，卻絕不足以力挽狂瀾也....