匠工房秀吉 (已結業)

八瓜魚丸算係日本小食落戶香港始祖，記得讀書個時係旺角已經成日食，雖然愈黎愈貴，但是真係好好食，新寶戲院個間咁多年都屹立不倒，味道都唔錯。後來又有d日本過江龍，而家甚至可以自己做，但是價錢都唔平。九龍灣piago 都算係我成日去蒲地方，因為二期都真係幾多野食（雖然已經冇得再去打機），但係勝在多野行，仲可以飲下天仁名茶。呢間野主要賣大板燒餅同埋大板章魚燒，係食年３０晚個餐之前，見個口幾痕就嗌左個黎食下。章魚燒　三十元３０蚊六粒其實真係唔算平，同埋佢唔係即叫即做，係整好晒擺左係個章魚燒爐上面等佢熱住，佢會加燒汁、沙津醬同埋紫菜粉，其實味道真係好唔錯，因為佢個燒汁真係好好食，加埋紫菜粉簡直一流，口感都一流，章魚都唔算細粒。但係好可惜既係佢唔夠熱，唔係就更加好

今日在德福廣場食午餐，好多食店都好貴，就上Openrice睇睇有咩平價之選，見到呢間又平又多好評，就去試試。行上去期間見到有間美心都行入去望望，見到D野價格貴過呢間十幾蚊就卻步。行到間食店，店舖面積都算細，要立食，只能容納約二十人。店員都好忙，要兼顧收銀及廚房。見到D餐份量都算細，就點最大份的C餐（章魚小丸子四粒 + 炒麵 + 日式pizza）。一分鐘都唔使就有野食，賣相都好靚、好吸引，打算po ig 呃 like 。我一埋到檯就打算食日式pizza，一入口，舊pizza係林嘅，入面D料都係不外乎章魚及雜菜，再加上D 唔 match 嘅汁，真係想嘔，食左四分一就投降。試完中伏的日式pizza，就試炒麵，同普通茶餐廳一樣，冇乜特別。章魚小丸子同普通小食店味道差不多，只係大粒D。最後因為冇食到個日式pizza就唔夠飽，要去麥當勞買多個餐先夠。早知食美心。總結：完全中伏。招牌菜之質素極差。相就唔知點解po唔到。

外賣左個SET E $36返公司食，店內員工不停制作，所以勁快已經有得拎，仲係熱辣辣的。想食小丸子而點了呢個set，個粉漿比例唔錯，煙煙韌韌，每一粒都有章魚粒係入面。燒餅厚實，有一片豬肉係面，椰菜混粉漿，中間有小小薑味，煎得香口，最正係勁多醬，個甜醬同沙律醬都好正。一份都好飽㗎。

德福其實好多餐廳選擇，但價錢偏高。今日有fd話介紹間平野俾我！其實呢度好似一間街頭小食店，無座位既，旁邊有幾張高枱俾人立食！一去到已經見到好多排隊，果然係好介紹👍🏻 好彩廚房同收銀既速度好快，排左幾分鐘就到我喇！叫左個大阪燒配奄列炒面（30蚊），再加4蚊要左杯可樂。買完飛就企埋一邊等！個廚房係用玻璃圍住既，入面既情況睇得清清楚楚。一班姐姐用超純熟既手藝炮製美食，有大阪燒，有炒面，有燒墨魚丸，全部都係新鮮即製！等左5分鐘就有得食喇！熱辣辣超好味，34蚊就一個咁豐富既lunch！PS 我食食下見到有客人唔小心跌左個食物盤，未食就跌哂落地。不過d店員好似無打算俾番份新既佢，最後個客人要自己俾錢買多份，好似差左少少人情味😣

章魚小丸子&大阪燒 $36掛住大阪既朋友 可以食番懷念下 一邊食可以一邊望住整個製作過程大阪燒面頭是甜甜的漿汁和沙律醬 味道不錯賣相都ok 亦好夠熱但入面的菜和粉漿較糊 無咩口感章魚燒較冧 粉漿內是空心的 只有一粒小小的食過大阪即叫即製的 呢個可能會失望了😐

其實我很討厭過節日，農曆新年除外（因為還可以有錢收）。大部份時間要面對大量的人潮，都令我感到很大壓力。唯一令我在公眾假期想出九龍，原因只得一個：看電影。看電影是其中一個令我有離開西貢的黃金機會，出外看電影是我外出試食同時必做的事之一。九龍灣德福廣場是除了淘大花園之外，我另外一個逛街的選擇。不過德福廣場最近有大型裝修改動，店舖很多搬走，唯獨是二期内的大型百貨公司依然健在。百貨公司内有數間食肆可供選擇，包括這間主打日本大坂小食的「匠工房秀吉」。其實這店我早於多年前在沙田新城市廣場分店已經試過，只是記憶已經模糊不清。這店全場沒有坐位，所有食客都只能「立食」。立食可以杜絕有人「賴死不走」，顧客來去得快，生意自然做得更多……這店主打幾款小食：日本燒餅、八爪魚球、奄列炒麵和大判燒。今次我只選了其中兩款小食：日本燒餅和八爪魚球。醬油用了很濃味的燒汁和沙律醬，再在醬汁上灑滿一堆木魚絲，燒汁很甜，加上沙律醬就更甜（糖尿病人注意！）。八爪魚丸雖然不算熱辣辣，但口感尚算飽滿，内裡的八爪魚雖然沒看到實物，但口感已經覺得很大粒。燒餅比上次吃的更厚，只是攤涼了一點，或許是我花了很長時間寫字，忘記試食的關係吧……

行街口痕吾知食咩好 俾我發現piago入面有好野秀吉燒餅食吾少但小丸子就第一次食 $30有8粒我覺得價錢都合理值得一讚係中間個心有好八爪魚粒粒食落好有咬口 吾似一般全部都係粉製最緊要order個時要沙律醬加埋紫菜食 一流

與朋友在附近運動完，便來吉之島逛街。大家開始有點肚餓便來這裡試試。蛋包炒麵+燒餅早已知他們的炒麵醬油多很油的，但不多不會滑醬汁味好吃，這是特色。燒餅以雜菜為主，乾爽脆一點，加上沙律醬及蕃茄醬的酸甜配搭，令這兩款以雜菜多的食物更入味，蠻健康，不過油太多不能常吃，一個月一次還可八爪魚丸+炒麵炒麵不再評論，八爪魚丸有點失望，粉過厚但用料足，入口軟淋淋但有點粉，八爪魚爽口但沒有什麼味，所以魚丸表面用了醬汁染蓋，可惜識食的人便知道，不新鮮這兩款菜式必須熱食，否則凍了沒有口感這間食店是沒有椅子，只有枱需要站立，而且有些枱面在行人通道附近，私人財物要小心看實環境一般，價錢合理，可以接受。

平時行mk都見到有街邊檔賣小丸子但好吾好食就吾禁講秀吉其實吾止堂食 仲可以外賣小丸子有4/6/8粒愈多愈平 肥仔我當然要8粒$30有需要就order時記得同姐姐講加沙律醬值得一讚係每粒個心都有八爪魚肉 而且吾會一pat粉 加埋燒汁，紫菜，沙律醬就更惹味推介大家下次去街想食小食就買佢

小妹本身比較愛港式脆身的章魚燒所以此店就不太對我口味不過，它都是好味的與日本正宗的章魚燒相似又是大大粒，質感軟軟站不起來似的醬汁會偏鹹些少味道都不錯鹹鹹香香，醬汁帶少許酸味章魚亦頗大粒但略嫌麵漿比例太多，菜的份量不夠而整體味道再能甜一點就更好味了

每過一段日子,就會自己黎呢到食,雖然CWB都有一間, 但總覺得九龍灣呢間好食N倍,次次都係叫呢個SET八爪魚丸, 好味,八爪魚大大舊,正炒麵, 九龍灣呢間同CWB果間係唔同汁煮,但本人覺得九龍灣呢間隻汁好味好多,CWB炒完好白, 唔太好味,所以每次都特登黎食呢個呢個餐食完夠哂飽, 又好味又抵食,唯一唔好就係要企係到食

路過肚餓,掃返個熱辣小食,買左個套餐C醫下肚先😋睇住整,好吸引午飯時間, 煮不停炒麵加左 椰菜,芽菜,紅蘿蔔小丸子太軟稔稔,內裏粒八爪魚又太韌燒餅,用上太量椰菜做料加蛋同薑絲還有一片肉,面上加木魚,係套餐中最好飽肚,但食物唔特別好味

在openrice看一看九龍灣有什麼平靚正，看到有不少人都說秀吉好吃，所以今次就特意去吃一吃。這裡可以堂食，但是是站著吃的，所以我就選了買外賣，然後走到上一層food court坐下吃。來到這裡也有不少人在買，似乎頗受歡迎的。聽說燒餅是一般的，很多人都說炒麵及八爪魚丸好食，就買了set F試試﹗賣相真的很靚，聞起來亦很香，有一種很好吃的樣子。可惜味道不如賣相，好彩我好鍾意食沙律醬，沙律醬中和了炒麵的無乜味，所以整體算是過關。其實$34的炒麵餐+$4的可樂，我也不能要求太多……或者就是外賣的關係，我把這個餐帶上去的那2分鐘期間，味道起了變化………

記得以前在新世界foodcourt都有間 但執左竟然被我無意中在九龍灣搵到呢間賣既野大致上差唔多今日就食左個set C因為有哂3款野食 － 燒餅＋炒麵＋八爪魚丸燒餅本身有菜絲 加埋漿汁好好味炒麵好有醬味 見員工炒個陣都好有獲氣 又有菜和紅蘿蔔食下幾健康八爪魚丸 見員工每一粒都落一粒八爪魚 整到大大粒大判燒$8一個 (買四送一)哈 有一個被fd食左叫左2個吉士味和3個紅豆味紅豆味比較多人食唷大大粒 見員工放得好足料外賣會用盒裝但個盒關唔實 成日彈返出黎XD款式唔多 可以當小食食下如果一人食都飽因為每樣野都好大份

想食燒餅🙋想食炒麵🙋想食小丸子🙋點算好呀？呢度就岩哂你啦😎燒餅+炒麵+八爪魚丸($38)奄列炒麵+八爪魚丸($34)八爪魚丸都有幾大粒八爪魚🐙，燒餅炒麵都好大份😳如果自問唔大食既應該食完一個set係超飽😂咁既價錢有咁既質素算係好好！同場加映大判燒($8件，買4送1)，餡料夠多但係唔夠熱