匠工房秀吉 (已結業)

最近2次去食, d八爪魚丸整好晒一盒盒等人來買既, 食時已經唔熱, 暖暖地ja, 仲有d由蒸氣變成的水滴整濕左, 醬汁又唔夠...退步晒了.

前言：因為「阿貓地攤」的食物食唔落，故跑到Sogo 地庫吃點廉價的東西充饑。選了「匹工房秀吉」，因為唔駛等就有得食。兩個大男人在鬧市狼吞虎嚥，唉，還不是因為「阿貓地攤」的「糊仔天使麵」所累！食品： a. 日式燒餅拼炒麵（$20/份） b. 日式八爪魚球（$20/8粒）評語：兩者均食得過。日式燒餅拼炒麵的麵是彈牙的，相比「阿貓地攤」的天使麵，簡直係兩個極端！早知$40便可以填肚，便不用浪費$140去吃「難以下嚥」的糊仔天使麵！

$20/8粒, 味道ok啦.... 冇咩特別...又冇o個D木魚碎wor... 都係city super好味D(有D廢, 因為一分錢一分貨~ kee!)

昨天長頸鹿放假,但我地都好累,又怕曬,所以黃昏才出動.陪佢在樓上睇完運動服裝後,落去地庫睇下有乜試食(講真我都算係幾為食,嘻!).長頸鹿見我好似好想食野,又見到d燒餅好似幾好食,就買左一份燒餅雙併B來兩份食.呢份雙併有一塊燒餅同一份奄列炒麵,燒餅之前在citysuper食過,但麻麻地,今次食覺得無咁粉,無咁稔,幾好,而炒麵係用燒汁炒,甜得來幾味.見過有d網友話呢度d燒餅唔好食,可能係佢地要求高,可能係食唔慣日式燒餅的質感味道,又可能真係唔好食,真係各人有各人的口味

琴日我同d朋友仔去sogo食呢間死人野.我同朋友A share 一個已做好d 燒餅..唔係咁好食, 我覺得似食糊仔多過食日式燒餅我朋友仔C & D一早就落order, 跟著行下supermarket, 我同朋友A 係間死人野等, 我地食完又食生果都等左20分鐘!!!間野D staff都係自己做佢地d set, 豈有此理~~~ 完全ignore 朋友C&D 果order....好唔得朋友C&D 番黎後, 間野都重未開始整order!!過份!!!!最不知所謂係, 朋友C三番四次用極不滿語氣吹佢地整野食, 我個朋友重要求cancel order, 但係呢個situation下, 果兩條staff都係:"哦, 做緊啦..."到最後朋友C&D order之燒八爪魚丸同摩登燒...八爪魚丸不但似糊仔,而且係完全唔熟.摩登燒都差唔多, 口感就粥仔...而且係成枝豉油倒落塊餅.....唉....呢一樣野令我髮指係...果d staff 係完全ignore大家不滿同憤怒!!!! .\/.大家行sogo...有d餓時, 無謂破壞自d味蕾

星期六去試,20元8粒,d味道唔係好似出面個d.好似有酸薑.我唔知日本個d係乜味,都唔知佢d味似唔似日本個d.不過唔覺得好食.

佢o岩o岩開張時去個試佢地個豆沙燒餅, 想重拾童年時o係沙田八百伴食"福"字燒餅o個種味道.但係好失望! 個燒餅個皮唔得! 苦苦地, 有陣baking soda陣味...同"福"字燒餅無得比!好懷念細個時同媽咪去八百伴排隊買一盒"福"字燒餅,仲要等佢一個個出爐即刻pack俾我, 即刻食o個種滋味!

試左14元個隻,個樣同卡通片個d好似有d唔同.而且唔係咁好食.下次有機會試下佢d墨魚丸.

隔離Bread Papa 都可以叫做日式食品，因為真係在日本賣過來。但呢度橫睇掂睇，都唔覺佢係賣緊日式食物。紅豆、奶皇、栗蓉、蛋槳俱本地製作，講真在太子街頭都賣緊，仲有辣菜、綠豆蓉等多款口味tim！<br />今日行過買了鴛鴦大判燒，紅豆同奶黃餡，談不上好食，亦非難食，熱熱地叫做幾飽肚。但話說回來6 蚊一個又唔係貴，起碼平過果面賣魚型餅的，同樣的紅豆、奶皇、栗蓉、蛋槳仲要賣貴幾蚊，唔同的只是個魚型餅模吧了。<br />其實呢味野是台式食品，須知只有台灣人至叫奶油做吉士的，只不過改個日本名就包裝成日式食品吧了！睇唔出都幾多人買的。

又係日式食物，買魚仔餅。佢地出既栗子奶黃味，超正，用原粒栗子攪成蓉，所以好香，而且仲有d 栗子粒咬下，與奶黃好夾，唔太甜，味道同口感都好。另一紅豆芝士，就麻麻地，味道唔咁夾，有比較下差好多。$12一條。

我鍾意紅豆大判，料多又好味，又好平。奶黃嫌佢淡口左d。日式燒餅有兩種，一種多左炒麵係入面，而另一種就無，但兩種都幾好，咁"野"味，d醬同餅底似章魚丸，如果唔鍾意章魚丸，就唔好試nei。

前幾日食晚飯前行Sogo時有D 肚餓，於是就買左個吉士大判...味道如之前幾位食家所講，唔太甜(我期望佢會好似奶皇飽咁...)，層燒餅D 味蓋過佢層餡味...個人認為如果甜d會好食d。層燒餅都幾鬆軟(heehee不過我prefer佢焗多少少)，唔知紅豆餡會唔會好食D呢?(唔知會唔會似當年八百伴o既"公仔燒餅"(有個"囍"字係面既紅豆燒餅)呢??!!)下次試完再寫過。

紅豆大判不是太特別, 和普通日式紅豆餅o既味差唔多, 都幾多紅豆"咸", 而吉士大判o既唔知點解d"咸"少d, 雖然唔係太甜, 但我覺得好似無o黎味道, 唔知係咪因為d"咸"少得滯o既關係呢, 另外其他日式燒餅賣相吸引, 有機會我都會試下o既

熱賣o既紅豆大判燒，味道其實好普通，反而吉士大判有驚喜，滑滑o既內層吉士，唔太甜，味道與中式奶皇近似！另外，其他出品如奄列炒麵、日式燒餅賣相唔錯，味道唔差，廿幾蚊有交易，確係抵食好食，物有所值！

紅豆大判燒依家特價$5個，個皮比可以自己係屋企叮果隻香黑糖味。 <br>豆沙餡亦無咁甜，但絕對無o係日本食過果隻咁好味！ <br>排緊隊果陣，聽到好多人話唔知吉士係咩所以食番紅豆，其實吉士即係Custard， <br>同中式o既奶皇差唔多~ 不過我就覺得中式蛋味重d，顏色深d；Custard就奶味味重d，顏色淺d！