十三姨酸菜魚 (粉嶺中心) (已結業)

粉嶺呢個美食沙漠竟然會開酸菜魚，二話不說即刻要拜訪下～ 平日夜晚竟然要等位，諗住會好好食啦，點知又唔係喎😰見個二人餐好抵食，即刻叫黎試試先🫣招牌十三姨酸菜魚嗰一粒星係比個湯既 — 啲魚係一pat野，大力啲夾都散，出面包住好厚既生粉芡，冇魚味又冇魚既肉質，合埋眼食應該唔知自己食緊乜啲寛粉都係唔好食，煮到淋滋滋，明明寛粉係食佢煙煙韌韌個口感 👉🏻擂椒松花皮蛋呢個都算幾好食，辣辣地，幾惹味，有啲似譚X幾感覺。面頭啲花生好好食。👉🏻秘製雞翼第一啖食落口真係好食，覺得炸到好酥脆，仲要蘸左啲辣粉，好有風味。但食食下 啲雪味真係係啲肉度滲出黎🥴 好種好唔新鮮既感覺👉🏻口水汁無骨雞呢個最好係佢去左骨！啖啖肉，同埋佢啲雞份量好多，啲汁又幾好食，但都係有陣慢慢滲出黎既雪味🥴 最後食淨晒既反而係碟酸菜魚，真係食唔落口，反而啲小菜仲好食，但應該都唔會再黎食第二次

某日碌開外賣app ，見粉嶺新開嘅呢間十三姨酸菜魚。作為酸菜魚迷，梗係要試吓啦。酸菜魚 + 蕃茹清甜魚兩個set 都係二人既份量，落足料比你。入面會有芽菜，萵苣等配料。酸菜魚會配搭寛粉，而蕃茹清甜魚就係配烏冬。酸菜魚唔算好辣個種，不過麻味十足。食完嘴唇都紅卜卜。不過蕃茹清甜魚相對冇咁出色，而且比較死咸。食完會比較口渴。Overall 建議大家叫酸菜魚食，因為唔太辣之餘。更加香同惹味

粉嶺新美食點：粉嶺中心新開了友人最愛的酸菜魚！再唔洗山長水遠去市區食啦！-內部裝修好靚，亦都有足夠的冷氣卡位好舒服，枱面夠大！-晚市有二人餐緊係先試吓招牌酸菜魚份量多，而且又有水晶粉底水晶同魚都好入味酸辣度啱啱好！好開胃本身唔中意食魚的我都覺得勁好食👍🏻-另外仲有小食揀真係樣樣都好吸引最後揀左青瓜，茄子，雞，皮蛋樣樣都高水準！-個餐仲送兩個白飯份量勁多！-最後仲叫左個甜品：糍粑外面好少見外脆內軟，甜度適中！有四件，好抵食！-最令我驚喜係冷泡茶感覺好清新同食酸菜魚好夾-食左咁多嘢，都只係$300性價比勁高！⭐️⭐️⭐️⭐️⭐️

今日晚餐，嗌咗一個冒菜薯粉，外賣自取，餸方面揀咗金菇，萵筍片，肥腸，午餐肉，返到屋企打開個外賣盒，真係俾佢嚇親。。午餐肉無端端變咗做火腿片🥲，其實冇午餐肉都唔緊要，但顧客有知情權，返到屋企勁失望😞😞萵筍片得嗰幾薄片，金菇同肥腸份量適中。。薯粉完全冇彈性，一咬即斷。。味道方面，揀咗個酸菜魚湯底，好重泡椒味，偏辣。。都幾野味。。如果咁嘅價錢。。咁嘅質素，我寧願去食個譚仔都冇咁嬲😂**圖片兜薯粉已經加咗落啲餸度，所以樣衰咗啲**

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生：   👍🏻👍🏻👍🏻👍🏻🤵🏻店員服務：  👍🏻👍🏻👍🏻👍🏻十三姨除左酸菜魚，仲有烤魚，同其他辣既食物，如果要食唔辣既野，可能就只有蕃茄魚揀。想知道又靚又好玩地方? fai.lok.mode仲會係社交平台分享相片同攝影心得。______________________________招牌十三姨酸菜魚- 晚市自選2人套餐 ( $228 ) 想食酸菜魚會建議揀晚市自選2人套餐，因為個套餐好豐富，除左酸菜魚，仲有1個餸，加食個小食，基本上3個人食都可以食到好飽。淨講下個酸菜魚，料都唔少，魚塊、芽菜、酸菜、筍、水晶粉，魚塊係好林個種，湯底幾辣下，第一次食個陣，黎到就即刻拎走啲辣椒，都係好辣，可以叫侍應走辣，不過侍應話都係會辣，雖然好辣，不過辣得好好味。所以食到少少辣既人都建議叫酸菜魚，真係唔得先叫蕃茄魚。口水汁啖啖無骨雞- 晚市自選2人套餐有麻辣同口水汁兩隻味揀，我地揀左口水汁味，香口啲同無咁辣，我地個口水雞大多都係雞胸肉，不過可能醬料多浸左，無想像咁乾，如果係雞腿肉應該更正。雞絲涼粉- 晚市自選2人套餐雞絲

有新店開了總是令人雀躍, 裝修光亮鮮明, 感覺挺舒服. 也由於到店已是下午兩點多, 店也不擠, 兩人更被安排到很寛敞的卡位. 點了一個很豐盛的二人餐 $178招牌十三姨酸菜魚湯頭有點鹹, 但也夠酸夠辣. 魚的粉包的有點厚, 但也確保夠滑.內有萵苣, 寛粉, 豆芽等基本材料, 這一鍋已經夠兩人吃了. 很誇張的份量. 麻婆豆腐嫩滑的豆腐, 很香濃的醬汁,加上畫龍點晴的花椒粉, 這是這一餐裡最讚的菜! 十三姨秘製雞翼脆皮內還有肉汁的雞翼~醃的味說不出是什麼, 但挺香的.  調味粉倒是不必, 很像即食麵的味粉. 擂椒松花皮蛋流心的皮蛋, 令人垂涏的調味汁.加上了脆口花生碎和生蔥粒, 比一般的擂椒皮蛋味道更豐富. 酸梅湯 偏甜. 很可惜冷泡茶都賣完了.重口味的菜還是清茶最配.  這是肯定會再回頭的店! 但二人餐最少要三個人吃才吃得完啊!

以前食酸菜魚一定會叫一大班人，而家開咗呢一種茶餐廳式酸菜魚，兩個人都可以叫下一盤嚟食，又方便又容易滿足。今日嗌咗佢招牌二人晚餐，上菜嘅時候見到勁大碟酸菜魚都有啲嚇親，食落去覺得超級好味，酸菜魚夠酸，而且辣辣地，魚肉有好多塊，每一塊都好嫩好滑，入邊仲有好多配菜，有我最鍾意食嘅寬粉，又有芽菜，飲啖湯，係好濃嘅金湯酸菜魚味。小菜揀咗椒麻雞，椒麻雞嘅雞肉好嫩滑，麻油亦都好香，如果食得辣我覺得可以試吓口水雞應該會更加惹味。朋友同我講話佢嘅招牌雞翼一定要食，我都叫咗一份嚟食，雞翼係生炸嘅，真係炸得好脆好香，熱辣辣趁熱食，松花皮蛋嘅皮蛋好新鮮，有少少帶辣嘅四川香味，感覺都好正宗。亦都叫咗佢嘅豬耳食下，佢嘅豬耳好大一碟，連埋香茜一齊撈，又惹味又麻辣，鍾意食豬耳嘅人一定唔好錯過

天氣十分悶熱潮濕，最適合食酸菜魚，開胃醒神粉嶺中心最近開了一間酸菜魚分店，晚上時段有時還要等位，所以今日六點來到 ；裏面的裝修是簡約的木系，有兩整排卡位，地方尚算寬敞一看餐牌，經濟實惠，款式又多，簡直可媲美大陸正宗的酸菜魚食店⚠️招牌二人套餐$228（1鍋魚+1個主菜+兩個小食）🐠酸菜魚 來到一定要吃招牌菜，飲一啖湯感覺魚的鮮味及濃烈的酸菜，不算太油膩，魚滑溜，越吃越覺得有辣味，首先酸然後甜最後辣及感受有香料的椒味，層次感分明，而且一大碗份量十分多，兩個女仔最後也吃不完🐤椒麻汁無骨雞最初以為是辣的，原來沒有辣的味道但有麻的感覺，無骨嫩滑🥒手拍青瓜蒜蓉味重，青瓜爽脆，不錯的冷盤⭐️ 酸辣小木耳夏天涼拌菜，開胃又營養豐富🌱清炒萵筍絲$78清炒萵筍伴野菌，萵筍爽脆

已經好耐冇食酸菜魚今日口痕就同屋企人出嚟一齊食🤣.💎$228 二人套餐💎招牌十三姨酸菜魚店舖嘅招牌菜酸酸辣辣配埋魚片寬粉芽菜同萵筍😎好入味仲有得揀辣嘅程度因為我哋都唔係好食得辣所以就揀咗小辣如果大家怕辣都可以向舖頭要求魚湯過一過啲辣味🤣.💎椒麻汁啖啖無骨雞麻汁冇想像中咁辣無骨嘅雞肉好好食😎💎雞絲涼粉作為前菜來講都10分開胃涼粉同平時嘅有啲唔同係呈柱狀嘅，比平時會粗少少但配埋個汁食都好好食.💎秘製雞翼極力推介🥰炸好嘅雞翼外脆內軟配埋店舖獨有嘅調味粉好正.💎酸梅湯少少酸酸甜甜嘅飲品唔需要另外再加錢可以舒緩到辣味🤩.💎清炒萵筍絲平時好少食到嘅蔬菜香脆嘅感覺😍不知不覺就食咗好多😂

知道十三姨酸菜魚係粉嶺都開左分店，呢日就決定黎食下入座時間尚早，所以唔洗等位，入面好寬敞舒適，好多卡位，仲有wifi提供，非常細心開胃前菜，我地叫左一份手撕雞涼粉，少少麻辣，但唔會太過火雞肉好滑，加上吸收晒麻辣醬汁，好開胃！熗炒土豆絲，同樣係少少辣，好惹味！炒得好乾爽，唔油膩，而且份量好足，食到停唔到主菜黎啦！巴蜀烤魚，有三款味道選擇：蕃茄、酸菜、麻辣。我地選擇左酸菜味，真係好大條，原條鉗魚見到係幾咁足料，配料多到就黎跌出黎，哈哈！鉗魚肉質細滑，而外皮因為有炸過，所以會脆口。亦因為會keep住煮，所以會越黎越入味，好高質叫烤魚亦會送多一份川北涼粉食完咁豐富既晚餐，緊係要飲杯豆漿清新綿滑

粉嶺不停開新餐廳，但大多數係茶記、西餐果D，今次終於有間特別D嘅餐廳!!! 由開舖到而家，每日都有人龍。當晚一行四人，由於由朝食到晚，所以到左晚餐時間一D都唔餓，加上有個係小鳥胃，商討之下覺得二人餐已經夠食。二人套餐 $228 – 4餸2白飯2酸梅湯招牌酸菜魚(小辣)唔好以為盤大得個樣，其實料有唔少，魚、芽菜、酸菜、窩筍外、原來仲有水晶粉，如果我知有嘅話，就唔會另外加$18要個粉😂，因為有點過多。魚好滑，但魚味唔重，質地較鬆散；魚皮帶點腥，但可以接受；湯底夠酸，初初食唔覺得辣，但之後越食越辣。水晶粉係闊薯粉，好煙韌，但每條都痴到幾實，加上闊身，有D難夾。敗筆係酸菜好梅😲，應該煮左好耐，一D都唔爽脆。無骨口水雞好好彩係雞髀位，不過唔夠滑，肉質偏實。麻辣醬調味啱啱好；花生夠脆無油益味。秘製雞翼4隻炸粉唔厚，外皮夠脆，友人話好味。雞絲涼粉第一次食涼粉，大力夾佢會斷開，本身無乜味，全靠個麻辣汁，雞絲偏少，但整體味道唔差。呢度嘅酸菜魚同太二比，雖然有段距離，但身為粉嶺少有嘅酸菜魚，價錢平民，全日無加一，份量又多，地點方便，性價比咁高，當然吸引大眾。

開翻晚市堂食，去邊都要排隊，食新開既餐廳當然唔例外，好彩早去，等咗一陣就入得。隔離連住金記冰室。QR code 點餐，餐廳提供WI-FI,所以電話無得上網都唔洗擔心。我見到隔籬枱食烤魚加雞煲，超香，不過二個人食唔到咁多。最後叫翻晚市精選。晚市精選份量多，超級推介喱個嫩滑香口椒麻雞飯($88)，醬汁酸酸辣辣微甜超開胃，青瓜墊底。清炒萵筍，我鐘意切到一絲絲，唔係一片片，爽口好多。招牌酸菜魚+$5轉咗水晶粉，份量足夠兩條友食，選用海鱸魚，啖啖肉，🐟有點兒唔夠入味，水晶粉就吸收湯既酸味，非常開胃。

粉嶺火車站附近個商場開咗新嘅酸菜魚舖頭，梗係入去試吓本身打算酸菜魚，但係發現原來巴蜀烤魚有三隻味選擇，分別有酸菜魚，蕃茄味，同埋麻辣，決定就試一試蕃茄味，第二度冇架！條魚一到，都幾大條，肥大肉口，魚皮係炸過，好香，一啲都唔鯹，炸完份外滋味。佢有好多配菜，顏色非常鮮艷，有萵筍，薯仔片，蓮藕片，芫荽等等，基本上唔使在額外加其他餸菜，都已經食到好飽呢個餐就會送一個麻辣涼拌同埋一個娃娃菜，好足料！總結：條魚肥大肉厚，巴蜀烤魚仲有三款口味，質素唔錯，會再來😋

粉嶺新開了十三姨酸菜魚，餐廳以淺木色和深藍色做主調，格外清新。呢度除咗酸菜魚，亦有麻辣雞煲，烤魚和卜卜冒粉等。經理介紹我哋食二人套餐，$228非常抵食，lunch嘅價錢好似只需要$170多元。二人餐入面已經包左一個酸菜魚，或者蕃茄魚，分量和餐牌裡的二人份量是一樣的，單點需要$188，而家$228 包左一個魚，一個小炒和兩款小食。仲有包埋酸梅湯和白飯。酸菜魚配有水晶粉，萵筍和大豆芽，我哋唔記得咗叫小辣，不過好彩唔算太辣。湯底酸中帶少少辣，仲有好香嘅花椒味。魚片的份量非常多，滑滑嘅口感，吸收左湯裏的酸味，水晶粉亦夠煙韌，非常好吃。可以另加配料，$22餐肉，$22水晶粉四川回鍋肉炒得很正宗，不是港式的回鍋肉，加上大蒜和尖椒炒，非常香口，半肥瘦分明的豬腩肉，吃起來不會太油膩，有淡淡的脂香，超好送飯。十三姨秘製雞翼，炸得非常香脆，脆卜卜，外脆內軟，內裏仲非常Juicy ，咬開有肉汁流出，加埋秘製辣椒粉一齊食，川味十足。雞絲白涼粉以秘製口水汁調味，涼粉晶凝通透口感嫩滑，吸了麻辣醬汁，是一個很開胃的小食。冷泡玫瑰茉莉茶（加$6）味道非常清香，桂花烏龍茶有淡淡的桂花香味和香濃的茶底，很好解膩。