十三姨 (白加士街)

營業中

休息中

同朋友傾完偈之後夜咗去食飯，去到佐敦睇吓有啲咩食，本來想去對面食麥文記，但係見到呢間餐廳幾得意，同埋俾佢嗰個蟹粉沾麵吸引咗入嚟，點不知個蟹粉得嗰少少，朋友叫咗個飯食，叫做老闆娘鵝肝撈飯，個味道辣辣地，但係有啲太過油膩，再叫咗兩個小食，一個係蓮藕，一個係炸蠔，味道都係正常嘅，講到性價比呢就真係唔係咁好，因為個環境實在太細，坐得好唔舒服，好迫，兩個人食完兩碗嘢一碗係飯一碗係麵加兩個小食要四百幾蚊，食麵都要+1服務費我覺得唔值，早知去對面食麥文記雲吞麵仲好，嗰個蟹粉麵我仲等咗好耐，我朋友碗飯都就嚟食完個麵都未到，今時今日喺香港賣個面咁貴，而且環境一般，應該都唔會再去食第二次。味道係OK嘅，呢間餐廳總括嚟講性價比好低，食完都食唔飽，咁逼夾嘅環境，坐得都幾辛苦

之前經過但一直未試過😅 今日見到有位, 不如入去試下啦, 我揀左雞湯的十三么, 加$要翠玉瓜麵配粉絲, 等左一陣送上一碗蝦片同一杯茶, 唔知点解比蝦片😅食左幾塊, 太多食唔晒, 杯茶幾熱飲落好香👍 再等左一陣送上, 用鐵鍋裝住好精緻😍 飲啖湯先, 飲到充滿胡椒味, 望下乜嘢叫翠玉瓜麵, 原來係翠玉瓜切絲🤣都好特別, 夾粉絲一起食都幾好味😋 有好多芽菜😚 試下手撕雞🐔無乜特別和驚喜, 反而雞叉燒和糖心蛋好味d🤩 但又唔係好突出, 不過大家食要小心熱, 食的時候都會好自然只手摸到個鐵鍋, 但味道都屬於清淡啱我🤭 大家亦可以揀米粉, 粉絲, 銀針粉, 陽春麵, 粉絲拼米粉, 亦可以加$配翠玉瓜麵, 六蔬, 六蔬配銀尖粉😆 未食過都可以去下, 但依度也有加一服務費, 大家要留意吖🤗

十三姨開咗嚟佐敦啦，平時係旺角要排隊，今次佐敦唔洗排，環境舒適&裝修風格幾特別。🍚黯然雞叉燒飯 $60叉燒飯值得推薦，叉燒肉質鮮嫩，微微焦香，好啱送飯。每一粒飯粒分明同口感順滑，粒粒都充滿醬料，加埋叉燒一啖食落肚，超級滿足。🍜炙燒雞叉燒湯米粉 $64一口湯入口，非常濃郁，最驚喜湯料有溏心蛋，米粉份量好足，價錢合理。值得一提，麵底可以轉翠玉瓜麵(+20)，啱晒減肥人士。

星期六，是但搵間食晏，估唔到喜出望外！1. 老闆伙記服務超好，有禮貌，細心，用心服務2. 仲唔到會有銀針粉，除咗早餐會見到，其實真係好少會有3. 食物淡啲，因為無用好多味精，食落健康啲。 想味濃，都仲可以自己加醬料，一樣咁好食4. 叫咗杯400次岩鹽咖啡，成樽岩鹽自己落。伙記仲好細心會教埋你點樣落5. 食物非常夠熱，所以亦每張枱都會有個隔熱墊，呢點非常細心6. 餐廳唔算寬敞，但又未至於貼緊隔離枱，還可以值得推介，值得再嚟

今日到佐敦特登試下呢個openrice人人讚好嘅鵝肝煎蛋撈飯，真係覺得好正鵝肝煮到好淋身，食落入口即溶。煎蛋撈飯加上惹味泰式醬，真係食過番尋味。雖然有少少辣，但都可接受到。十分推薦

今日夜晚去咗佐敦覓食 經過見到十三姨唔洗等位即刻入咗嚟一坐低店員就上咗脆卜卜嘅蝦片比我地叫咗個招牌十三飛 安格斯牛肩胛嘅份量好多牛肋條都好入味 同埋唔會太過韌麵底就係粉絲拼米粉 仲有幾條腸粉同半隻溏心蛋而湯底有好濃郁嘅牛味 難怪呢一款會係招牌

我是為了老闆娘鵝肝煎蛋撈飯而來的，相信唔使多介紹「十三姨」，最有名嘅十三飛、十三么湯麵，手撕雞雞油撈飯，極度邪惡嘅鵝肝飯和鵝肝煎腸粉，都是唔少人嘅心頭好，最喜歡未點菜已奉上彩色蝦片香脆好味，而家開多咗分店，唔使排好耐隊就可以食到👍🏻👍🏻▪️老闆娘鵝肝煎蛋撈飯 $ 148三件肥美鵝肝、太陽蛋、京蔥、香蔥、炸紅蔥頭、秘製XO醬、秘製撈飯豉油再加埋香飯，所以食材撈起來，不需多解釋的人間美味▪️十三飛米粉 $ 80牛肩胛、牛肋條，溏心蛋，先輕輕地喝一口熱湯，湯底採用牛肋條和本地騸牯牛骨慢火熬製六小時，再加入秘製香料和食材共二十多種，甘香醇厚的牛香，趁牛肉未浸至全熟吃，鮮嫩無渣，肉味濃兼帶著少少肥膏，隱約地散發著脂香，米粉收了牛骨湯，滋味無窮👍🏻▪️XO 醬鵝肝煎腸粉 $ 78鵝肝煎得外脆內軟，煎腸粉好香口，口感煙靭軟糯，用XO醬炒香非常惹味，再加上配料洋蔥、三色椒、香蔥，好好味，鵝肝和腸粉控表示很喜歡▪️桂花車厘茄 $ 16車厘茄已經脫皮，多汁鮮嫩，淡淡桂花香，清新美味又開胃，仲可以減低鵝肝既油膩感▪️400次岩鹽咖啡 $ 32咖啡用上越南滴漏咖啡，配上焦糖奶泡，岩鹽可以自行添加喜歡的份量，味道香濃焦香

帶住今世情人（老公）同前世情人（仔仔）到佐敦搵食，見到呢間曾經被介紹嘅鋪頭響年初四唔駛排長龍就入咗去。叫咗個兩粉，一小食同送咗個前菜。炙燒手撕雞湯粉絲拼米粉（$68）- 燒過嘅雞絲真係香到爆，先試原味湯底，清雞湯味易入口，再拮個檸檬，係如虎添翼，鮮酸味令人流口水。雞絲唔鞋，加埋個炙燒香味一絕。當中嘅陪菜腸粉亦係有趣地方，再試啖辣醬，整體真係非試不可。十三飛（$80）- 湯底濃濃，同雞湯完全唔同風格，配上乾蔥又係另一風味。安格斯肥牛係正常原味，唔會差。牛肋肉夠淋夠入味，比肥牛吸引。食埋腸粉就好滿足。西多雞翼（$38）- 糖漿甜牛油香，點會唔好食，加埋香脆，真係要快手享用。蝦片（免費）

一坐低就上咗個小食五顏六色的酥脆蝦片（唔好食 口感偏硬）$78 大三元 Triple-double Chicken Rice Set（走蔥）炙燒手撕雞伴雞油飯 & 炙燒雞叉燒 & 溏心蛋🌟🌟🌟🌟手撕雞鹹香入味 一定要撈埋佢嘅秘制飯豉油一齊食 唔加豉油嘅話 個飯會失去靈魂 越食越乾雞叉燒無炙燒味 似係白烚一樣 咩味都無 口感又嚡標準溏心蛋 配飯食一流👍🏻$80 十三飛 13 Beef Soup安格斯牛肩胛 & 牛肋條 & 粉絲拼米粉（Angus Beef Shoulder & Ribs & Glass Noodle + Rice Noodle)🌟🌟🌟🌟🌟兩種麵食撈埋一齊食新奇有趣得嚟又幾好食半熟嘅牛肩胛 係鐵鍋度碌一碌 好快就熟哂牛肋條軟嫩入味 湯底牛味香濃 加埋湯麵甜豉油食 美味加倍😋$36 南乳雞翼 Deep Fried marinated chicken wings🌟🌟🌟🌟🌟雞翼即叫即炸 酥脆可口 重南乳香味 超級好食🤤午市套餐仲包埋杯嘢飲鐵觀音熱茶/乌龍冰茶/汽水/菊花蜜/蜂蜜蘋果時能翁檸檬柚子蜜/百香果烏龍茶lumch set Included one drink: Tiegu

近日午餐去咗試佐敦嘅十三姨，試咗佢地嘅麻辣女魔王配銀針粉，再配上一杯烏龍茶，仲有蝦片做餐前小食，整個體驗令人驚喜連連。首先，麻辣女魔王銀針粉嘅湯底辣度恰到好處，麻香濃郁而且味道豐富，令人一試難忘。銀針粉自身嘅口感滑嫩，完美吸收咗湯底嘅精華，每一啖都係滿滿嘅滿足。湯底裡面嘅配料豐富，每一口都食到唔同嘅口感同層次，令整個午餐既刺激又過癮。為咗平衡麻辣嘅刺激感，一杯烏龍茶就成為咗理想嘅選擇。清香嘅烏龍茶唔單止解渴，更加能夠中和麻辣嘅辛辣，帶來一種獨特嘅飲食體驗。烏龍茶嘅微苦同麻辣女魔王湯底嘅辣味相互映襯，令味蕾得到咗完美嘅平衡。而餐前提供嘅蝦片，則係喺味蕾開始冒險之前嘅小小暖場。蝦片酥脆可口，輕輕嘅鹹香味道令人食慾大開，為接下來嘅麻辣之旅做好準備。十三姨嘅環境溫馨舒適，即使係忙碌嘅午餐時間，都能夠感受到一種悠閒嘅氛圍。服務員態度親切友好，即使係首次光顧嘅客人都會感到賓至如歸。

🀄️\ • 十三姨 • / 💃🏻又去佐敦覓食！今次去咗人氣店十三姨平日七點幾門口都有幾個人排隊不過好彩好快入得🧡餐點名都好得意✨大三元✨$78炙燒手撕雞伴雞油飯＋炙燒雞叉燒+溏心蛋要配秘製豉油先至好食🥹如果就咁食有少少乾，同埋就冇乜特色😗✨十三飛✨$80安格斯牛肩胛+牛肋條+溏心蛋+粉絲拼米粉麵底幾有趣，好似健康版滲滲咁🤓牛肋條好味，牛肩胛量多小食叫咗醋漬蓮藕就爽口解膩，味道就普通啦，10幾蚊份量都好夠嘅😜另外散叫咗忌廉溝鮮奶，鮮奶樽仔好cute🍼😍推薦度：💛💛💛🖤🖤📍 十三姨 (白加士街) (佐敦)佐敦白加士街42-50號金寶樓地下6號舖

Yummy Yummy 世間罕有之鵝肝煎蛋XO醬撈飯😋😋😋厚切鵝肝望落去已經勁吸引，足料到有一件大兩件小👍🏻👍🏻配上BB辣嘅XO醬再加埋煎蛋，撈落啲飯度，真係淡啖都咁好味🥰🥰🥰呢個飯真係非常推介，不能錯過之選。今次再試埋佢個招牌「十三飛」，安格斯牛肩胛加牛肋條，食落去好腍，正👍🏻下次有時間要試埋佢個越南滴漏咖啡同埋蟹粉娃娃菜先。睇得出呢間餐廳係有用心製作，口味好適合香港人，非常推薦。

行過見到佢啲菜名幾搞笑，又十三么，又大三元，好似去咗打麻將，就入去試下。坐低就俾咗個七彩蝦片，可以邊食邊諗食乜。- 十三飛 (安格斯牛肩胛，牛肋條，溏心蛋，粉絲拼米粉)粉麵係鐡鍋上，保持温度，不過要小心燙親。湯底係正正常常既牛骨湯，配料有粉腸，好少見。有兩種牛部位，牛肩胛係半生熟，都好重牛味。佢預設係粉絲拼米粉，口感幾特別，可以試下。可以加錢轉翠玉瓜麵，真係未見過。- 嚦咕嚦咕 (玫瑰雞鎚，雞义燒，溏心蛋，粉絲拼米粉)免費轉咗做銀針粉，又係出面少有既選擇。雞叉燒，即係用雞做成日式叉燒，冇咁肥，肉質冇咁乾。玫瑰雞鎚外形幾靚，食落脆口，可以用手拎住黎食。- 400次岩鹽咖啡上層有綿密奶泡，下層係冰凍鮮奶，仲有少少岩鹽調味。打卡一流，不過個人覺得味道一般。

💕招牌嚦咕嚦咕（糖心蛋、雞叉燒、玫瑰雞鎚）是店裏的招牌，餡料十足，溏心蛋、雞叉燒，粉絲拼米粉的配搭很特別，裏面還有腸粉。玫瑰雞鎚分開端上，能夠保持香脆，冬日來一碗吃着好滿足。💕必點爆漿芝士煉奶炸年糕剛炸好的年糕金黃酥脆，外脆裡糯，越嚼越香，上面還佈滿煉奶，十分香甜，加上芝士鹹香，味道卻一點也不違和，這樣做出來的年糕非常美味。📍十三姨 (白加士街) (佐敦)佐敦白加士街42-50號金寶樓地下6號舖

十三姨由四位老闆娘合資開返，從菜式來看她們除了對食有要求外，還特別喜歡打麻雀🀄️😵‍💫。在香港現時開設了三間分店，分別是旺角、佐敦及尖沙咀，均是排長隊的人氣食店。 無論佐敦還是旺角，都光顧了好幾次，可以講係充滿回憶拌伴多年的店舖。食店裝修以木系中式為主，主打粉麵，好食抵食，光顧每檯均會免費送一杯蝦片。缺點係排太長隊時間等太久，有時讓我停止了腳步，想幫襯但肚子太餓等不了🤢，令我又愛又恨～～恨係食唔到。 老闆娘鵝肝煎蛋撈飯：私心推介，真的幾足料，係有三至四片煎香了的鵝肝啊啊啊！！外脆內creamy油香味十足，再拌以菜甫、瑤柱、蝦乾、香蔥、京蔥、蛋、肉碎加以秘製醬油拌飯，有少少辣，有點韓食feel之餘又保留返港式，是一個經常賣斷貨的食品，呢個價錢食呢個飯係無得輸。飯可加錢轉椰菜花飯。 椒鹽魷魚鬚：正常的，生炸乾身見口不油，但個人口味較喜歡有醬粉的炸魷魚鬚。 西多雞翼：煎香至脆口，再加入蜜糖的單骨雞翼，非常甜香，而且單骨食落非常方便。 十三飛：以安格斯牛肩肉、牛肋條、糖心蛋及粉絲拼米粉組成，可加錢轉其他麵如翠玉瓜麵、銀針粉及陽春麵等。砂鍋湯頭以牛肉湯為主，再加入共十三種材料淆