十八座狗仔粉

營業中

休息中

來到深水埗，掃街是必然之選，今日來到深水埗掃街排名頭三位必到之選的餐廳「18座狗仔粉」這間餐廳是每個掃街地方必有的餐廳，而且每次都相當多人排隊等候，掛牆上往往張貼着不同明星的到訪，今次選擇叫了店舖的必食之選價價錢便宜，而且味道不錯，而且份量也很多，如果喜歡掃街的朋友這間餐廳必須一試

第一次慕名去食狗仔粉🤥覺得好似食緊一條條面粉咁 個湯好多料 反而有d太咸同吾夠出味！反而係個鴨翅有驚喜！個翅勁香鴨味 又吾會好咸！ 好有咬口！完全係好似食緊碗仔翅緊！個黑白炸丸都好出色！完全吾會好似出面咁干哂同無味！哩個炸完入面仲有好多肉汁！完全仲係新鮮啊！

今日去黃金廣場買電腦，有d口痕就去搵小食食呢間十八座狗仔粉好似好出名，門口貼左好多明星既合照，又有冷氣位坐，就入左去啦～枱面有菜脯（辣同唔辣）任加幾好！佢話有秘製千味醬，就試下佢既雙拼雜燴！大腸拼蘿蔔個醬好凍....若坐熱佢會好d大腸好食！ 但蘿蔔佢本身係就咁滾，冇味....若佢用上湯浸，再加千味醬食應會好好味狗仔粉（大）有豬油渣粒係底，好香！ 後尾加左幾粒辣既菜脯....辣到飛起🙈🙈食得辣先好落啊！

同行朋友未嚐過狗仔粉而我則未光顧過十八座狗仔粉決定一試！我們share一碗狗仔粉還有小食～小食有魚蛋﹑燒賣&魚皮餃！也許我平日常光顧另一家的狗仔粉雖然十八座狗仔粉同樣有菜莆﹑冬菇和蝦米但還是覺得湯底較淡..不夠香濃...而且略為油一點..不太對我的口味！但狗仔粉的軟硬度適中..不會糊糊的！魚蛋﹑燒賣&魚皮餃，配咖喱汁咖喱汁的味道夠濃，配魚蛋很合適但魚皮餃帶點甜味，應該是餐牌上寫的「千味醬」的味道不太習慣吃帶甜的魚皮餃呢～整體味道不算難吃，只是不太合我的個人口味

第一次食狗仔粉想不到的味道，好好味口感第一次嘗試過招牌火鴨翅，可以加魚肉或生菜，火鴨翅的口感好軟綿綿、比普通翅濃味及口感豐富、好多鴨肉絲，食完好滿足，但如果剩叫火鴨翅食食下會感到有點鹹，加魚肉或菜會好點。另外狗仔粉都好好味可㨂大碗或細碗！大碗都是比細碗多25%左右份量，狗仔粉湯底好複雜，蝦米蒜香蔥花等等，再加軟身似烏冬的粉約一寸長！朋友介紹一定要外加菜甫，有辣有唔辣，加咗之後味道再提升！店鋪不是太大，但店面乾淨

同朋友響旺角買完電腦，就去左黃金商場買啲電腦配件。未買之前我地都餓餓地，D先生話未食過狗仔粉，我就帶佢去食。 佢就叫狗仔粉我就叫鴨絲碗仔翅同一碗少辣的豬皮蘿白。狗仔粉有啲似銀針粉，但就無咁粉同無咁爽，都係短短地，湯底味道都幾清，加左上面啲碎菜舖同碎葱粒，就幾野味。我嗰碗鴨翅，滿有一絲絲既鴨肉，加上素翅同香濃既鴨味充斥成碗翅。蘿白夠淋又入味，個辣汁唔太辣而且味濃，就算無乜味既豬皮都提升其吸引力。我地兩個食飽飽，夠氣夠力，又再shopping了！

深水埗不嬲都多野食，但我次次去，都總係掛住狗仔粉又平又好食！最重要係我愛辣最愛佢既勁辣菜脯～～雖然鋪頭細細間，位唔多，多人起上黎要搭枱+坐得幾逼下，不過都值得既點都要叫返個狗仔粉簡簡單單，有啲菇、有啲蔥、再加埋有啲似上海粗麵/烏冬咁既狗仔粉麵條幾爽口～ 再加埋主角：勁辣菜脯！佢放係側邊等你自己落。我就落三不左右，覺得好辣好好食！令個麵惹味晒！另外因為淨食個粉唔係幾夠飽，咁就叫個大雜燴佢有大腸、豬肚、豬皮同蘿蔔，全部我都中意食～ order果陣話要辣，佢就加左祕製既「千味醬」，甜甜地、辣辣地，幾好食。蘿蔔都幾好，冇咩渣，豬皮就可以爽啲，林過頭總結如果愛辣既人，真係要黎試下個辣菜脯～ 簡簡單單既狗仔粉加完佢之後真係好食

在深水埗掃街，食完串燒後，突然間見到一間好多明星相嘅店舖，所以不妨入去試一試，裏面有碗仔翅，有狗仔粉，原來碗仔翅可以做到啲湯咁濃郁嘅鴨味，真係好難得，仲有狗仔粉好似烏冬咁但係食落in in銀銀，本來想找筷子但是原來唔使用，還有介紹他的勁辣冬菜，食得辣嘅朋友真係要試一試！

又去深水埗揾食，唔知點解深水埗勁多嘢食又超抵，試極都試唔完，成日行過見到都幾多人，終於有機會試，叫咗個大狗仔粉同魚皮餃。首先講吓間餐廳嘅環境，果度有幾張摺枱，預比人快食，食完就即走feel，我全程（由點菜到食完）只係用咗10分鐘離枱。講真，我唔係好明有咩特別，個粉唔夠熱，另外個湯底有好多麫粉渣，我問位姐姐佢哋舖頭換狗仔粉有咩特別，佢又答唔到，中規中矩啦，無乜話食完會好掛住個種感覺，整體無乜特別，其實都成$30碗，又無餸，肉都無舊，所以我覺得唔係太抵

我地4人，大家都叫左懷久狗仔粉食，愈來愈少地方食到喇。雖然我本身唔係好好狗仔粉，但都唔錯。佢可以自己任加菜甫～加多d會咸d，就番個人口味。另叫左黑白炸丸，分別有豬肉丸、墨魚丸、貢丸同牛肉丸。即叫即炸好蕩口，佢用左張紙吸下油，好大粒。最後令我超掛住既係大雜繪，包左豬皮，大腸，豬肚同蘿蔔。正確d講應該係佢個秘製千味醬，真係食到佢用好多種醬料mix埋而成既，有落甜醬，配埋大雜繪食一流。而佢既魚蛋都係大粒配左個千料醬！一定要試！

還記得我仍是小朋友時，媽媽拖著我的手，帶著我去剪頭髮，剪完之後就會帶我到在剪髮舖樓下的一間餐廳吃狗仔粉。時光飛逝，剪髮舖已經不再是剪髮舖，吃狗仔粉的餐廳亦已經沒有狗仔粉吃了。十八座狗仔粉，雖然不是第一次去，但今次的起心肝寫這篇食評，主要是今次由我拖著媽媽的手，帶媽媽去深水埗這間十八座狗仔粉。兩個人叫了馳名狗仔粉、招牌火鴨翅、大雜燴、黑白魚蛋。馳名狗仔粉：做到不會太稀亦不會太杰，另外有菜甫免費添加，有辣的，亦有不辣的，方便調出合自己的口味。招牌火鴨翅：足料、味濃、大碗，做到碗翅稀杰度適中。大雜燴：醬汁配搭得天衣無縫黑白魚蛋：有四種口味的丸，當入口時，仍然好熱，相信是新鮮剛剛炸出來，做到外脆內熱。吃完過後，讓我回味番兒時狗仔粉的味道，店舖的地方雖變，但味道卻沒有變。

久聞《十八座狗仔粉》這名字，到今天一人浪漫之時，終有機會一試聞名已久的狗仔粉！店舖面積較細，座位比較窄，一/二人quick食好地方。今次點了狗仔粉及千味醬雜燴。粗狀的麵條帶一丁點q彈口感，伴著豬油渣、菜蒲、蔥花… 加上帶黏性的湯頭再加上一點點辣，中和湯粉的黏性及油膩感，perfect!雜燴，就是豬皮蘿蔔豬肚豬腸~豬皮爽、蘿蔔大件冇渣、豬肚大小適中，夠厚夠諗、豬腸肥甘冇臭味，加上咸甜辣都齊既千味醬，都幾惹味! 不過我本身怕甜，所以覺得千味醬既甜醬份量多左小小，可能正常辣配呢個甜度會好味d?食左咁多野47大元，都合理吖!其實一個人，一碗細粉，一碗魚蛋or雙併已經好夠… 今次貪心左不過我有的是食力!下次想試火鴨絲……

這日上完堂，決定和靚仔男同學以及一眾巴打絲打，去深水埗找下特色食物這頭也有不少美食，最後逛逛下就選了這間十八座狗仔粉 (大) $29個汁都幾濃稠，狗仔粉雖然簡單配有炸菜、葱和菇，做得香而有口感。翅滾火鴨脾，上脾 ($22)燒鴨脾與翅一起的組合幾有新鮮感，不過單點燒鴨脾，就只有一點翅黏着，翅份量頗少。鴨脾肉質嫰滑，與翅的配搭都幾好味。今日這餐都幾好食，不過幾迫下，不算坐得舒服。但雖然人很多，但服務速度都算快，加上都幾好食，值得再食。

深宵想食個宵夜又唔想煎煎炸炸。就來一碗「狗仔粉」頂下肚。本來堂食可以揀大碗(唔記得幾錢)或者細碗(22蚊)。但外賣就一定係一個價30蚊。個人覺得係細size。 外賣就唔底食喇。不過好耐無食就試下啦。阿姐會問你要唔要辣。要就畢d辣菜甫比你(如圖) 。都幾野味喎！ 食過嘅人都知係傑湯+碎上海面。d面算普通啦。叫做有嘢食落口咁囉。如果配料可以再多d就開心d囉。其實今次係想讚個辣菜甫同埋彈個外賣一碗太貴。要成三十蚊

朋友十分沉迷十八座狗仔粉，所以跟佢去試下。叫左一碗狗仔粉，一份炸黑白丸。朋友就要左狗仔粉多炸菜。粉一到，成碗野睇落比較多生粉，好似起哂漿咁。但食落口，個湯又唔係太粘口，味道一般般，但味精真係好重。到個粉，好失望，食落比較鬆散同粉，唔夠實。最大問題係食落成陣麵粉旱味，點解個個都食得咁開心，好似好好食咁。。。炸丸都係一般，新鮮炸好，但炸得燶左少少偏黑。令到丸好乾身，味道同口感有點強差人意另外，店員既態度真係好一般，算得上係差添