十八樓江南廚房 (已結業)

記得呢間餐廳開張時真係好大陣容,門面的花牌多到成條行都擺唔哂。第一日仲要勁多人幫襯,發現原來係招呼朋友。咁既陣容,梗係要搵機會試下啦。開張初期記得價錢比同一條街真係偏貴好多,成70-80一個午餐。到今日再黎試多次,明顯老闆知道僱客反應,已下調左午餐價格。今次就試下弄堂燻魚。套餐包括一客菜飯同酸辣湯/飲品。坦白講份量真係偏少,女士還可接受,男士一定唔夠飽。燻魚比較多骨,略嫌有些魚腥味,味道還可以。但名過其實,以價錢計唔必合格 。酸辣湯味道偏淡,沒有明顯特色風味。呢個價錢係同一條街有大把其他更抵更好食既選擇。

間餐廳好似開左冇幾耐，諗住試下，發現都算唔錯，價錢都好親民，野食質素又高。份量都好大份。我地三個人去食，都食得好飽。個人推薦辣子雞丁同香菇津白😋辣子雞丁色香味俱全，個汁酸酸甜甜襯埋菜飯真係一流，。菜飯入面除咗菜仲有一啲肉粒，好入味。香菇津白好鮮甜，鐘意食素嘅人可以試下。環境同裝修都幾靚又乾淨。位置大，唔會覺得迫。題外話，啲店員真係超級熱情，態度親切個個都好有笑容。我坐左就黎2個鐘都冇趕我走同黑面，見我個杯冇水又自動斟水。

有新食肆開例牌幫襯下, 睇 menu 其實唔算好o岩口味, 不過叫做係屋企附近點都要試一次就求其叫個豬扒飯, 嘩, 塊豬扒炸得又乾, 又薄, 冇肉汁, 仲得 1 塊, 但要收 $68, 係咪傻左, 我去附近開左幾個月星州菜叫個豬扒飯, 一樣價錢, 塊豬扒炸得靚好多, 仲兩大塊我自己食唔晒要分畀人, 仲有隻半熟燻蛋, 佢乜野配料都冇, 份量又少, 價錢又貴, 真係唔知憑乜收人 $68, 難怪拍晒烏蠅

尋晚去完大角咀睇展覽然之後成九點幾先去食飯，我哋兩個人都揀呢間小店試吓，門口見價錢唔係好貴，環境企理，入到鋪頭電橋已經好親切打招呼同送上兩杯暖水，介紹呢間小店嘅主廚原來大有來頭（對唔住我唔記得左邊兩間好出名嘅食店😅），小炒好出名！湯面嘅話用雞去「咬」湯，如果叫牛腩麵入邊亦都係冇味精嘅湯底啲湯都可以飲埋！店員亦都好親切咁去講解同埋推薦我哋食啲乜野好。另外一個就係飲品佢哋主打奶茶王！奶茶師傅都係之前拎過奬嘅！嘢食黎講覺得全部都好好食特別係香菇津白同埋雙椒炒排骨！牛腩麵都係誠意推介！

路過見店員很禮貌就試下，叫咗烤麩同湯麵烤麩好好味呀😋仲好吃過上海吃的，個雞絲湯麵🍜都可以哦⋯⋯店員專門交待要飲曬D湯（個服務員好搞笑 話同媽媽煲的湯一樣👍）所以我真是飲曬🥣烤麩太好味已經食晒所以冇相睇😬

十八樓撕雞麫雞不新鮮，肉質「鞋」, 第一次吃到不滑的手撕雞，真的起surprised麵質不彈牙湯真的無精， 連味都冇湯內配菜紅蘿白呈黑色附近有其他較好的選擇價格及貨數完完全全成反比例