十十四川料理 (已結業)

今日老公放假，我知道佢鍾意食四川嘢,特登帶佢去元朗新開嘅川菜餐廳,因為平時有留意,見到食物嘅質素好好,我知道佢一定會好鍾意食,今晚嚟食番餐飯順便食完可以行街☺️十十四川料理,餐廳喺形點一期G005號舖, 去到餐廳可以見到裝修非常整潔,而且空間感好夠,喺度食飯有一種好放鬆嘅感覺😁老壇酸菜魚例牌 198元,酸菜魚嚟到味道已經好香,望落去魚肉分量好多,加上其他配料,酸菜,芽菜,萵筍感覺已經好吸引,入口魚肉非常嫩滑,每一件魚肉都食到新鮮嘅味道,加上辣味唔會太勁,完全食到魚肉嘅新鮮味道。每一片魚肉都唔會有骨,食得更加放心。呢個酸菜魚用來配飯真係一流,酸酸辣辣特別開胃,連大豆芽都特別香甜爽口。孜然羊肋扒 168元,羊肉肉質好嫩滑,加上烤到啱啱好,保留到原有嘅肉汁鮮味,孜然粉同羊肉真係好配搭,令到羊肉味道更加有層次更加香口。乾煸四季豆 78元,四季豆炒到好乾身,完全吸收咗其他嘅調味,入口又香又爽口,非常惹味。兩個人食咗幾個餸已經有啲飽,為咗氹女朋友梗係嗌返啲甜品畀佢食。士多啤梨冰粉 45元,冰粉賣相真係好吸引,我知道佢最鍾意食士多啤梨,呢個甜品佢一定好滿足,入口士多啤梨味好香濃,又香又甜,食完個甜品成

元朗YOHO地下呢間新派四川菜館「十十四川料理」有露天室外用餐區，好適合依家涼爽嘅天氣戶外用餐，餐廳裝潢時尚，環境舒適，岩哂三五知己食飯傾計😎老壇酸菜魚(例) $198 重頭戲黎食招牌酸菜魚，份量十足，微微辣味帶出鱸魚鮮味，魚肉肉質嫩滑無骨，配菜多料有香菇、芽菜、薯粉、萵筍，掛汁入味，朋友仔食唔停口😝花雕醉雞 $88 涼菜醉雞同樣啖啖肉，酒味香濃😊胡椒沙白豆苗湯 $88 湯頭鮮甜，非常暖胃正🤩孜然烤羊肋排 $168 羊排外酥香嫩惹味，新穎有驚喜，值得一試😉鹹肉菜飯 $25 菜飯夾餸絕配哈😂黑糖椰汁芋圓冰粉 $45 食飯後甜品一流😍

朋友之前介紹過呢間酸菜魚好味，今日咁岩去開元朗yoho，唔係唔食呀!?餐廳裝修有氣氛，同一般川菜餐廳唔同，另外餐廳仲有室外座位，方便需要呼吸既朋友同有毛孩既朋友而家餐廳仲有招牌菜半價優惠！真係好抵食燒椒皮蛋皮蛋唔會有石灰味，而醬汁味道幾好，少少甜，有蒜香同少少辣，食完好開胃椒麻雞（半隻）雞肉嫩滑，皮同肉中間仲有一層啫喱另外雞肉已經起骨，所以真係啖啖肉好香芝麻味同蔥香味，令人一舊接一舊咁食老壇酸菜魚呢個係餐廳嘅招牌菜，份量好足，大概有十幾塊冇骨既帶皮魚片，都係新鮮魚，唔會有腥味，湯底有酸菜嘅酸，花椒嘅麻同埋辣椒嘅辣，感覺好融和，唔會搶對方風頭配菜有芽菜，萵筍，水晶粉，雜菌等，吸晒個湯既味道乾煸四季豆四季豆炒得好乾身，有少少辣味，配上鹹香嘅肉碎，又係一道惹味菜式四川擔擔麵湯底有少少渴，有花生味道同碎粒，又少少辣味，麵條可以掛到湯汁，不錯黑糖椰汁芋圓冰粉甜品舖質素嘅糖水，竟然喺到食得到黑糖味濃，又有椰汁味，配上較淡口嘅冰粉，唔會過甜，另外芋圓軟硬度適中，都有芋頭同地瓜味道，可見真材實料

2月14日walk-in幫襯，坐户外，7:30pm左右落單，先上左肴肉，大概15-20分鐘先上1杯熱豆漿，跟住等左好耐覺得唔對路就入去確認下有無落漏單，結果發現漏左杯白酒，好喇後補返但都要等成10分鐘先出俾你。然後8:15pm先上四季豆，等到8:30pm就再入去追個酸菜魚麵，同order埋第2杯酒，個男既高級職員見到系統紀錄都意識到成個鐘無乜可能，就即時再追，仲話free杯酒俾我。點知坐低再等10分鐘，見廚房係咁出野都唔係我既，於是入去再追，點知佢居然講已經追左，控制唔到廚房點出，諗住返埋位執好嘢走，點知佢就送出嚟喇。由於本人等到非常肚餓，又等到變雪條，咁所以都食埋先，當時第2杯酒仲未到架！急急腳食完，就直接入去買單，同個男職員講第2杯酒無黎，叫佢取消佢。佢就話取消唔到，仲即刻去水吧倒杯酒俾我叫我喺cashier度飲咗佢。我話你咁都得，我都走啦，你咁夾硬嚟都得，又係你話free既。佢就話呢隻買1送1嘛，咪free囉。我真金白銀俾錢，咁點叫free?如果你cancel唔到你就照收錢啦！奉勸真係唔好幫襯！

十十四新派川菜今晚又去yoho搵飯食，見到開咗川菜就去試下，餐廳裝修光猛闊落，仲有戶外坐位供食客選擇。涼拌蒿筍絲，蒿筍絲經蒜蓉調味過，清清地作開胃菜岩岩好胡椒沙白豆苗湯沙白新鮮碩大，脹脹卜，湯底湯甜，飲咗幾碗麵唔會口乾招牌酸菜魚終於到左今晚主角酸菜魚，魚片嫩滑鮮甜，夾雜花椒辣椒🌶️越食越麻越開胃，底下仲有芽菜、蒿荀、薯粉等等索味材料，食到好滿足乾鍋肥腸一上枱就見到份量比好多，肥腸經油爆表皮香脆可口，伴埋薯條口感好特別！四川擔擔麵擔擔麵充滿麻醬香郁，香濃不膩！另外叫咗兩杯雞尾酒🍹

今日同老公黎到元朗搵食見到有一間食酸菜魚既餐廳即刻入去試下餐廳樓底好高裝修都幾靚 坐位舒適我地當然要點佢地招牌既酸茶魚可以揀辣度我怕太辣所以揀左小辣如果唔係食得好辣但又想有少少辣既刺激小辣就岩晒～份量比我想像中大尤其係魚肉既份量魚肉厚身 淡淡肉好滑溜、非常有驚喜酸酸辣辣非常惹味除左魚之外、下面會有一d配料好似芽菜萵筍同埋粗身既薯粉薯粉亦都係食酸菜魚不可缺少的煙煙韌韌掛滿湯汁就係果種會覺得就算愈食愈辣但係會停唔到口係咁食的辣鍋肥腸都係可以揀辣度肥腸炒得脆身 上菜時係配有明火既爐仔你可以自己一邊炒住keep住個熱度份量都係比想像中大碟重有薯條配菜但最後我地兩個肥腸控都掃晒🫣非常推介豆苗沙白湯大概有2-3碗咁清清甜甜～頭先兩樣都係比較重味道的呢個湯絕對可以中和一下食辣野都係會忍唔住要飲凍飲點左一杯黑糖冰粉豆漿同埋芒果百香果蜂蜜爆珠冷泡綠茶有少少似飲水果茶咁酸酸甜甜 幾好飲既👍🏻老公飲黑糖冰粉豆漿我都試左幾淡黑糖配豆漿原來都幾夾食完正餐重食埋甜品不過已經太飽只好share一個黑糖椰汁芋圓冰粉老公太愛呢個甜品冰粉本身無咩味道但夾落黑糖同濃濃既椰汁到就非常之好味室外都可以用餐我地離開時都話天氣涼涼

平日既晚飯想黎一的刺激, 係形點揾左間專食酸菜魚餐廳😆外觀裝修好時尚舒適, 而且仲有outdoor, 不過今日天氣凍都係乖乖坐返入邊喇😄但好多人帶埋狗狗黎就坐左係出邊1/ 雞絲粉皮 $68滑溜既粉皮加上濃郁既花生醬味, $68咁大碟都幾抵食😋2/ 豆苗沙白湯 $88食飯點可以冇菜, 清清地黎個沙白湯, 沙白肥而大, 食落鮮甜美味, 而豆苗翠綠又多, 食落好舒服, 湯帶有黑胡椒味, 去除寒氣👍🏾3/ 十十海鮮炒飯 $128炒得好香口嘅海鮮炒飯, 配料上有鮑魚, 鮮蝦同蟹柳, 增加整個食用口感層次😊4/ 老壇酸菜魚🐟 $198湯底有得選唔同既辣度, 我哋過吓口引就唔食咁辣, 魚既份量都幾多, 魚質嫩滑, 最正係我鍾意既芽菜極多😍5/ 楊之金露沙冰 $28楊枝甘露沙冰的確好少聽見, 飲落去勁之醒晨, 凍冰冰超足料🤩6/ 士多啤梨沙冰 $28佢另外有個士多啤梨味嘅沙冰, 同樣地飲落相當醒神😋😋士多啤梨味好出！

十十四川料理係Yoho Mall入面我最鍾意嘅中菜🤩🤩已經嚟食過酸菜魚幾次，次次都話下次要試吓其他嘢食，但係每次都係叫返一個例牌老壇酸菜魚。真係整得幾好味，辣到酸度都好適合我，我食少辣。今次點都要試吓其他新菜式，叫咗辣子蝦，竟然有薯條🤩🤩驚喜又好味！想試新嘢一定要試吓。另外真係估唔到佢哋嘅鹹肉菜飯咁好食，本身只係諗住唔好叫白飯咁齋，冇諗過佢哋嘅菜飯直頭可以就咁食。仲要只係$25一碗，真係叫過菜飯好過叫一碟炒飯😂正呀。

難得兩家人食團年飯，資料蒐集發現YOHO開了四川料理，於是興緻勃勃試新菜。餐廳內外裝修都配合店名十十，甚有設計風格，餐具亦一絲不苟。點了二人套餐再散叫幾道菜，先來口水雞味道不俗，但前菜咸。酸菜魚大大碗，上枱時香味濃郁，魚肉質嫩滑，可惜湯底好咸。另叫豬肉片乾鍋，上碟熱騰騰加上紅紅辣椒令人垂涎三尺，放入口後有種中伏的感覺，都係勁咸。豆苗湯、蝦仁炒飯、芋圓冰粉的出現，是難得的清泉，可以放緩對味蕾的壓力⋯`⋯因為席上有老人家，怕吸收過多鈉影響健康，埋單後向那位戴眼鏡穿西裝男職員反映其中三道菜太咸，奈何得到回覆是：「咁耐以來無人講過太咸喎!」好，我接納佢既說法，話哂我係人，無人講就我來講，希望平台幫忙發聲!

What a surprisingly wonderful 四川 dishes in Yoho mall. Always pass by Yoho and see lots of western restaurants but seldom see Chinese cuisine. The decorations are beautiful ~ Matching with lighting, a bit romantic . If u like spicy,🌶️ you will enjoy eating here. First dish comes to this 萵筍炒臘肉《 a little bit spicy !! 好夠鑊氣😙 love it so much . The meat will not be too fat .胡椒蜆豆苗湯， it super fresh . The taste of 蜆is strong ～ Not to mention this signature 酸菜魚，the intensity of sour and spicy is acceptable

今日約了弟弟吃晚餐，落緊毛毛雨，就係屋企附近yoho mall揾野食就算啦！行行下見到有間酸菜魚，大家二話不說就試下新野。餐廳樓底好高，空間感大，燈光光猛舒適，仲有好多吊燈作裝飾，非常有氣氛。老壇酸菜魚例牌我地揀左小辣，酸辣程度剛剛好，魚片厚切鮮嫩，份量多，配料十足，送到枱上依然熱辣辣，2個人食真係綽綽有餘。情不自禁地都喝了兩碗酸辣湯，飲完即刻暖笠笠。招牌菜就真係招牌菜，認真出色。曝豆角炒肉用豬腩肉，豆角，金針和辣椒炒在一起，味道香口惹味，再配返杯啤酒簡直一流。辣鍋肥腸呢到每碟餸都大大碟，98hk可見份量有幾多，用明火把辣鍋保持温度，肥腸遍布四週，肥腸炸到金黃香脆，沒有想像中咁肥膩，間中食下都係不錯之選。如果想再辣d可以再煮耐d，煮得越耐就越辣，可以自己調教。成都口水雞撈麵口水雞就食得多，配上撈麵就真係第一次食。麵條意外地彈牙同有驚喜，雞肉嫰滑，烹調時間剛剛好，唔會煮得過熟，這樣嘅配搭又幾夾。價錢都算抵食，份量又多，都係一個不錯既選擇。

餐廳有室內和室外座位，室內空間廣闊，燈光明亮。裝橫豪華。室外有柔和的燈光裝飾，比較浪漫和有情調，甚至可以帶寵物一齊黎都是歡迎坐室外的。首先一定必選酸菜魚啦，我們都不太能吃辣，所以選了小辣。好大一盤，材料非常充足，主角自然係魚肉，入口嫩滑無骨，無腥味帶點酸辣非常惹味。配菜方面有薯粉、萵荀、酸菜、子薑等，非常開胃的一道菜。炒花菜充滿維生素帶來更多健康元素，花菜好入味，熟度剛好，爽口鮮甜，非常可口。辣酒煮東風螺伴隨住豐滿的醬汁，螺肉挑出再沾上酱汁更加入味，東風螺沒沙甚好。孜然烤羊肋排，羊排皮燒到脆香，咬落去似燒腩仔的脆皮感覺。但係羊肉又仍然保持肉汁，羊肉鬆化嫩滑，再帶有淡淡孜然粉味，味道豐富吸引。吃法有多種，沾醋或夾埋洋蔥都有吾同口感。非常推介。

「辣」妹朋友終於可以堂食，揀咗間辣嘢同佢慶祝，餐廳位置方便，元朗西鐵站落車行五分鐘就到。環境舒服，座位闊落，有室內外選擇。我哋有好多嘢想試，兩個人最後點咗五個菜一個甜品，滿足到不得了😜 。花雕醉雞 ⭐️⭐️⭐️⭐️好幸運，我哋份醉雞係雞髀位，食落啖啖肉仲好滑，雞肉有花雕味， 而且啲汁唔會太甜。老壇酸菜魚⭐️⭐️⭐️⭐️酸菜魚實在是驚喜，一大盤材料十分豐富，有鴻喜菇，豆芽，酸菜，萵荀，闊薯粉(本身點嘅時候唔知有薯粉，掛住食唔記得影啲薯粉🙈）啲魚片食落冇骨，肉質嫩滑唔腥，後勁有少少麻辣度適中，豆芽萵荀同啲麻味好夾，又爽又麻又辣個口感好正👍🏻薯粉都唔錯，中意薯粉嘅朋友食唔停。見到牌餐有一人前鍋物湯底係老壇酸菜魚，下次想「獨獨食」會嚟試下個一人前鍋物🤪 。辣窩肥腸⭐️⭐️⭐️⭐️⭐️由於我唔食得太辣，朋友就我點咗少辣。呢個又係大大份，見到都夠曬滿足，不得不承認呢個重口味之選好正，經過一陣嘅乾燒肥腸食落外脆內軟，中意炸大腸一定要試，薯條索咗啲香料味好野味，而且似鐵板薯仔表面有啲脆。四川擔擔麵⭐️⭐️⭐️擔擔麵個麵質好得意，唔似平時食開嘅中式擔擔麵，反而似啲日式拉麵，煙韌彈牙，湯底都唔錯，只係花生粒唔脆有啲敗筆。清炒萵荀絲⭐️⭐️⭐️

朋友好中意食酸菜魚，今日帶左我去呢間餐廳食四川料理，估唔到咁好食餐廳勁靚勁光猛，同平時食開四川菜個啲餐廳傳統裝修唔同，呢到靚好多野食方面都勁多選擇，淨係set dinner都有幾款酸菜魚，朋友話必食，我怕辣淨係叫左小辣魚肉好爽口，唔會煮到散晒，又夠入味，落左好多花椒食到個口麻晒好正底下仲有好多芽菜同粉做配料，勁抵食我就叫左個成都撈麵，都係有啲少辣，但麵質好彈牙又索晒啲汁，好食口水雞，醬汁入面加左花生醬，雞肉軟身嫩滑，因為呢道菜本身凍食，所以辣辣地都唔快，一樣食得好滋味呢個辣子蝦不得彈，唔好見佢咁多辣椒，其實唔係好辣。入面有新鮮炸勁脆既薯條，同埋同樣超級脆既蝦，脆到可以連皮食，無得輸！湯浸娃娃菜，湯好清甜，娃娃菜煲到勁淋，好易入口，一流！

踏入冬天，當然想食個暖入心既熱食啦今晚小妹拉埋媽咪一齊黎到元朗YOHO MALL 地下鋪十十四川料理，一落電梯就搵到，十分之方便店內環境相當光猛，白色櫈坐得好舒服店員見到有客人都好主動上前招呼呢間四川菜除左大家諗到既惹味火辣小炒，冬季仲有推出一人前火鍋優惠🍲，食材種類豐富，仲包飲品，媽咪即刻叫左個以下套餐🤭北方水餃金湯雞（一人前鍋物套餐）打邊爐最緊要係個爐😃侍應小心翼翼將已熬製好既雞湯連不銹鋼鍋捧上在木製爐頭上，火力可自行調節奶白色既雞湯好香濃，內裡有足料韭菜餃子、小棠菜、鮮雞件頭啖湯可品嚐出雞隻鮮味，我同媽咪都忍唔住飲多一碗配料盤A：冰豆腐、豆卜、津白、炸魚片頭、牛丸等，另粉麵類有水晶寬麵/拉麵/白飯健康貼士：粉麵最好第一輪落湯烚，唔會吸收過量油脂，將頭啖湯精華完美索入晚市獨有配料：安格斯牛小排、西班牙黑毛豬片、鮑魚一隻、海蝦3隻，食材新鮮又高級，成個套餐$188黎講，絕對物超所值必食老壇酸菜魚呢味菜係傳說中既店鋪名物，一上枱小妹就被佢既材料香味吸引，巨型白色碗具內放滿鱸魚片🐟、爆過既酸菜、花椒、泡辣椒、生薑片、芝麻；湯底仲有水晶粉、萵筍、芽菜、金菇，試問咁足料既酸菜魚傳黎既味道，唔