千両 (國際金融中心商場)

營業中

休息中

又係中環搵食艱難系列。夏天食日本野仲要外賣，真係要小心謹慎。萬一有乜事，感覺會好麻煩。所以都係近近地，又係office樓下買外賣。中環的所有千兩堂食都無lunch set, 我諗外賣應該無分別（無證實過）。佢有便當，即係魚生飯和壽司，不過唔會跟味噌湯同茶碗蒸。餐廳有一個門口專門處理外賣。同職員講完個單號，雖然未攞得但會記得我係出面等緊。當我個餐準備好就會攞出嚟比我，而其他打包好的外賣就仲係餐廳入面等人認領。因為好耐無食日本野，就叫個勁的特級刺身飯，有一件中吞拿魚腩，一件吞拿魚，兩件三文魚，兩件油甘魚，一件珍寶帶子和蝦虎，以及松葉蟹同三文魚籽配壽司飯。全部都好新鮮，外賣都可以食到，真係開心仔。價錢：$168 (價錢同質素成正比）食物：好味道 (刺身新鮮同足料）服務：好 (職員好好記性，貼心）

這一間千両, 明顯比其他分店有質素, 雖然一向人多要等位都係值得. 會員生日有半價 , 今日再encore同老公食生日飯, 食咗龍蝦刺身同埋龍蝦湯, 真係不得了, 龍蝦其實唔算好大, 但係真係鮮甜無比, 特別係嗰個龍蝦湯, 龍蝦頭超多龍蝦膏, 濃郁及鮮甜, 係我飲過龍蝦湯之最! 細問之下原來龍蝦係日本野生嘅, 唔怪得咁好食! 仲食咗好多嘢, 刺身新鮮高質素, 鵝肝壽司係必食嘅, 香脆鵝肝和壽司飯在口中融化, 簡直超開心, 總之樣樣嘢都好好食, 而家仲飽到頂住🤣🤣

生活回復正常，沒有Work from Home之日常，又嚟到中環搵食艱難。見到千兩係openrice 外賣自取做緊95折，就決定要食千兩。師奶仔性格的我就比較了不同的外賣平台，只有openrice 有折，就試一試用佢個app 落單。整個落單體驗跟其他平台一樣，冇什麼大嘅分別，所以成個流程都好順暢。係個app度，會睇到進度，可便預時間到餐廳取餐。好user friendly.另外，千兩個外賣包裝，有提供乾冰保持壽司的温度，又有酸薑，很貼心。

一排冇黎千両食，見到有新嘅千両限定餐目又黎試吓先。時令活蠔風雅 $58 另加一時令活蠔一客一大隻，每隻蠔殼都釘住張紙仔寫明岩手縣，好震撼。隻蠔肉質非常實在，食落啖啖肉，非常新鮮。不過蠔味略為唔夠重，都冇乜海水味，我就鍾意佢唔會太鹹。配有蘿蔔蓉蔥花柚子醋調味。不過第二轉再叫有隻蠔就細隻左好多。活象拔蚌刺身 一份 $118 另加一活象拔蚌刺身寫明係愛知縣，係期間限定。呢碟已經係兩份，份量超少，一共有3條，每條切開2份。不過質素緊正，又爽脆又鮮甜又實在，好似食緊新鮮蟶子，不過當然好貴。炙燒皮剝配鮟鱇魚肝 $32 另加一炙燒皮剝配鮟鱇魚肝一客一件，餐牌寫明係岩手縣皮剝，質素正常，不過完全冇炙燒味。片魚上面有一小塊鮟鱇魚肝，味道唔太突出，上面再加左少少蔥花。螢光魷魚軍艦 $28 另加一螢光魷魚軍艦一客兩件，魷魚上面加左少少滑溜芥末醬，所以味道帶少少酸，不過完全蓋過魷魚嘅味道。雖然話係兵庫縣魷魚，都係普通料啫。士多啤梨焦糖奶凍 $48 另加一北海道士多啤梨焦糖奶凍一客兩件，明顯未融哂雪就俾客，唔多掂。味道方面，奶凍好滑溜，似雪糕，唔太甜，冇乜焦糖味，上面一層薄薄士多啤梨果醬，主要食到冰，冇乜味，仲

今日到中環IFC食壽司。雖然只是12時許，已經座無虛席。和其他千両分別不一樣，這一家沒有午餐供應。壽司拼盤有這幾款，今日試一下極上壽司拼盤。極上壽司拼盤$278這壽司拼盤賣相不錯，有平政、中拖羅、大拖羅，帆立貝、左口魚裙邊、三文魚、牡丹蝦、三文魚籽、海膽、蟹柳和玉子等，用料新鮮。大拖羅十分油潤，魚肉幼柔軟滑，滿有魚脂、而帆立貝十分厚肉，十分鮮甜，沒有雪味；中拖羅軟滑油香，魚味濃郁，好味道；海膽是正常水平，海膽味唔算最濃，但幾鮮甜creamy；三文魚籽爆汁，鮮美，但紫菜太軟身，唔夠脆；牡丹蝦大大隻，十分鮮美；玉子味道香甜軟滑，正好為這午餐作一句號。

多謝兩位好朋友，今日和老公預早慶祝生日，食物超級驚喜，食材很新鮮有質素， 魚生拼盤 : 帶子非常鮮甜，拖羅入口即溶，牡丹蝦肉質爽脆，鮮甜得不得了，鵝肝壽司 鵝肝外面酥脆裏面濃郁芬芳，忍唔住食咗兩嚿，想不到牛肉鍋都有驚喜，最好味係裏面的豆腐，豆味濃郁有嫩滑， 總之好味到停唔到口😋😋😋因為是假日，外面排隊等叫號，等了差不多一小時，但係咁高質素，等下都值得， 因為今次瘋狂掃食，四個人食咗千四蚊， 可以入會做會員，以後享有85折，仲可以網上攞位，超級興奮!

係中環附近想食日本🍣就近近地去IFC千両佢嘅海膽好正😃海膽正、魷魚🦑唔似擦子膠甜甜地隻隻蝦都有膏，好鮮味冬天除咗食壽司🍣，都要帶返個熱鍋食下其實仲有其他嘢，不過冇影到相

餐廳裝修摩登而舒適，一邊是迴轉壽司吧，另一邊是枱座，各適其適。午餐時段客人很多，全店滿座。北海道馬糞海膽配松葉蟹$48/1件這壽司十分吸引！甜美的馬糞海膽完全沒有半點腥味，十分新鮮，配上充滿海洋氣息的松葉蟹，既有蟹味，又有少少咸味，整體十分鮮美又鮮甜，好吃！大拖羅鹽麴吞拿魚蓉$58/1件這大拖羅相當肥美，配上滑滑的吞拿魚蓉和那爆汁的三文魚籽，不單有濃濃的吞拿魚滋味，又有三文魚籽的油香，好味道！特選壽司三點$148特選壽司三點分別有三文魚籽、珍寳帶子和海膽。三文魚籽是正常水平，紫菜仍然脆口；而那珍寶帶子切得十分厚切，口感不錯，幾甜；而那海膽滿有海膽味，鮮甜又綿滑，十分滋味。吞拿魚壽司四點盛$120吞拿魚壽司四點盛有大拖羅、中拖羅、赤身和吞拿魚蓉等。大拖羅充滿雪花紋，口感油潤又甘香，魚脂豐腴；中拖羅相對無咁多油份，口感柔滑，略帶魚脂；赤身比較爽滑清新，魚味相對重一些；吞拿魚蓉十分軟滑，又有魚鮮風味，十分可口。板燒鹿兒島和牛鵝肝$282估唔到這和牛十分有驚喜！和牛相當肥美，又軟又滑，完全無脂，脂香豐腴，入口即化，滿滿的肉汁加燒汁，相當美味，再加上油潤甘香的鵝肝，好味道！這一天的午餐超滿足！

來一趟特別的下午茶，甜品蛋糕伴日本清洒，再配搭鮮海膽和生蠔。《千両》的食材水準和價格一直擁有良好評論，也定期更新時令菜單，使到我常常留心它的發展。本月以北海道的 馬糞海膽作招牌菜色，而當我睇到宣傳海報上之海膽表面似有雪花般的光點時，我就決定要滙一滙牠。贅沢壽司卷 : 性價比高，@$138。DIY 馬糞海膽 ( 日本直送 )，@$268。厚岸地區出產的生蠔在北海道是有名的，所以都係去北海道才食吧 ! 今次，只是慰藉相思吧 !以上係我今次的主題呀 !十勝粉紅薯卷蛋 : 十勝地區有多類名物，紅豆和牛奶多為人熟悉，所以一嚐此卷蛋吧 ! 而碟上的紅豆配丸子就係一貫的配搭了。花畑牧場焦糖奶凍 : 花畑牧場在北海道係有地位的甜品店，特色為採用生焦糖製造的甜點，它位於北海道中札內村設有生焦糖觀光工廠。奶凍帶着花香的芝士，焦糖入口有淡淡煙燻香，我一定會再食。溫馨提示 :酒類的價錢比較貴。而我是推崇北海道地區生產的清酒，所以選擇了 北海道 男山 特別純米酒 配搭上述菜餚。

IFC 高水準海膽好想大大力讚佢個海膽， 橙黃色嘅海膽， 一睇已經知道勁新鮮，真係好甘甜，係真係好甜，而且入口係超幼滑， 條脷會情不自禁不停攪動，去感受佢有幾creamy😂。 佢嗰種甘醇嘅味道，留喺個口內，久久都唔散去 ，除咗新鮮好食之外，佢嘅份量都好多。 一啲都唔孤寒核突。其他魚生都好好食，好新鮮好肥美。 但係我實在太沉醉於佢嘅海膽之中，其他嘢都無特別去留意，so far 我覺得係真係好高水準👍🏻oishi nei😜😜

相約老友晚飯，選擇地區為大家回家的中間位置，一個月內食過兩次，服務態度良好，相隔兩星期，已有新款食材供應，第一次食沙甸魚壽司，真係同熟食的沙甸魚一樣味道，最愛炸蝦🍤壽司同茄子好好味，最後來個豆腐雪糕🍦很滿足。

見到他們介紹一些夏天的特別餸菜，所以便過來試吓。這個馬糞海膽配吞拿魚茸，海膽是我人生中食得最細一個，好似係未發育嘅海膽，一啖已經食晒，味道亦不是特別出，沒有感覺到是馬糞海膽的鮮味。這個墨魚海膽卷，都OK，份量都可以接受。這個沙律沒有多大特別，沒有想像中特別，同餐牌的相片亦差得遠。其他的壽司都可以，都好味。食完這個午餐勁飽。

原本對這間集團式的日料餐廳沒有什麼期望，但用餐後卻意外地發現食物的質素及服務也很好。服務員會主動添茶，而且還會詢問是否滿意食物質素。而服務員Van更是努力殷勤、非常好客👍🏻用餐當天剛巧有原隻海膽及來自五島列島的生蠔。原隻生蠔不但顏值高，而且味道鮮甜。而大大隻生蠔味道也是非常濃郁。其他食物例如和牛壽司及鵝肝壽司也是滿意之作。而迷你海膽三文魚籽壽司飯也非常可愛。小小一杯的份量非常適合一人食用。而且我很欣賞餐廳為此菜式而特製的迷你碗跟木碟，這使美味的食物增添高顏值的元素，非常適合拍照打卡。

比起普通迴轉壽司店，呢間既魚生新鮮度同埋肉質都高質素好多，d三文魚 同埋其它魚生 完全係不同level價錢雖然會比較貴少少，不過好值得食。食過一次之後，都想再返去食哈哈之後仲叫埋朋友去食添！

用海膽包裹住個飯球， 一D都唔孤寒, 淨係個口感已經殺哂雖然好脆口但味道唔突出， 而且蟹子帶腥呢個原來真係要小食多滋味， 一起手就係到猛食， 食多幾舊真係好漏， 雖然係入口即溶， 但確實充滿油份， 要飲番杯熱茶先搞掂超肥美既吞拿魚腩， 淺粉紅色味道濃郁， 雪花般既脂肪， 正最愛既左口魚裙邊， 口感特別， 肉質亦富有彈性（ 唔知有冇人同我一樣特別鍾意食裙邊？）最邪惡既鵝肝， 個人黎講比較喜歡配多士， 感覺好似冇咁飽，但其實可能係一樣