千両 (希慎廣場)

營業中

休息中

今晚又食千両，因為有張清酒優惠券！清酒好烈，好重消毒藥水味😵😵😵而由於入座時仲係五點幾，仲有午餐menu!咁就好抵食，叫咗個$142既套餐。有幾款刺身，三文魚，吞拿魚，甜蝦，帶子等仲有個沙津同湯仲有冷烏冬！大推冷烏冬！

是日 OT，19:30 才下班，往某電訊公司處理點事宜後，致電家人決定不返家用膳，獨個兒走到希慎廣場內的千両品嚐日本餐。等了大約二十分鐘，終可入座；見迴轉壽司帶上沒有新的 Fill Up，便於 Menu 中點了特上刺身拼盤、海膽軍艦及海鮮燉蛋。用料算是新鮮，燉蛋味道也不錯，但因本人常到位於 Moko 的分店，心底難免會稍作比較。至於刺身方面，送到面前的一刹那，份量雖足夠，但鋪在刺身下的冰有部分已溶化；而吃蝦刺身 -- 蝦身近蝦頭位置時，咀嚼間感到有微小沙粒黏在食物中...... 令本人有少許失望。結賬時，已將情況告知店員跟進。

最鍾意去希慎食嘢..因為多選擇..第一次食呢間料理..點左個10塊壽司拼盤..🍣我覺得每一舊都好正啊！！特別係d飯糰！距系有另一種味係入邊。價格會高d但係味道好覺得值咯...個牛肩肉都唔錯...好新鮮好juice兩個人300多d港紙..中午去都唔洗等位...下次會再想去..

從來從來都不寫食評，很多時好歹一餐吃過就算。但今次實在很生氣就專程留個言。（這可是我人生中第一篇食評啊）下班很累，自己一個去食晚餐。大概八時，沒什麼人，不用排隊就可入座。簡單地叫了四客壽司，就無聊地等。等著等著，發現比我遲來的客人都已經上菜了，師父看來閒著，我就著侍應幫我跟一跟單（當時等了大概20分鐘）。立即發現漏單，師父就快快的給我去造。我無所謂，很快就有得吃了，不過只來了兩客。我以為其他的製作需時，就沒為意的先吃。吃完了（大概離落單半小時）還未到，我又再問多一次。然後師父聽到後又快快做。到這刻都沒什麼。然後，有個女侍應手上拿著單走來，問：「小姐，你係咪肯定自己冇食過XX同YY軍艦？」！！！！什麼？！我來這裡是為了討飯吃的嗎（那侍應這樣問是因為那兩客軍艦是比較貴的）我偷偷吃掉了之前的再向你討多兩客嗎？！天啊我那一刻我超生氣。已經又漏單又剩還要亂問問題，但師父已在做我就沒有叫停，之後草草吃完就埋單走了。$200簡直食之無味。雖然一篇小小的食評微不足道，但就是不吐不快很不高興，以後一定不會再來（請問服務可以給負分嗎）

1，魚生不新鮮，一看就是冰箱里放很久的，不能再難食了2。 明明點了一個圖片上的魚生拼盤，上台除了秋刀魚，其他三款都換成其它品種了。也沒有提前打招呼不新鮮是日本料理的大忌！這家魚生質素和旺角一百多元放題的魚生差不多！差評

今日到千両食晚餐，係門口已經等好耐，仲要搭枱。等到肚餓、費事再等，唯有照食。叫左三文魚腩，帶子同油甘魚腩壽司。等左好耐，見對面食客，遲過我落單都到左，見唔對路，於是問吓侍應。侍應詢問壽司師傅，竟說已送。點知原來個師傅送錯左去同枱對面。師傅急忙補飛，不知是心情不佳，還是將價就貨，送來的壽司與送錯到對面的，無論賣相、用料都差過幾皮。其中油金魚魚腩與對面枱相比，看似不同部位，看來看去在面前的與一般平日食開普通油甘無異。只嘆倒楣，唯有快快食完，埋單走人。不過如此服務水平，令人失望。不再光顧！

同肥髀吃喝玩樂唔好停，回家前要食晚餐，午餐佢就咗我，所以晚餐由佢揀，結果當然係壽司，呢間千両未試過，乘電梯上到去，店面唔大，一貫千両風格，黑色加淺木，有迴轉帶，當時時間尚早，店內唔多客人，我們坐迴轉帶位置！自助形式，沖好茶！迴轉帶已經有壽司！開始自取！子薑：爽脆甜甜地好味！牡丹蝦壽司：蝦大隻！新鮮爽口！三文魚壽司：好肥美！又厚肉！好鮮！帶子壽司：淋身肥美，鮮味！馬刀貝壽司：喜歡貝類嘅咬口，呢次仲厚身啲，所以有咬口！好鮮好味！炙燒左口魚裙邊（$38）左口魚一定要燒，出晒油好肥美嫩滑！日本芝士年榚（$45）肥髀好喜歡芝士年榚，賣相靚，熱到辣咀，芝士半溶，年榚煙韌！正！菠蘿雪葩（$68）原個菠蘿仔裝住雪葩！雪葩雪得大實！酸酸甜甜！好味！店員斯文有禮，中間開始多客人，佢叫我攞開啲手袋都好有禮貌！迴轉帶見到師傅整壽司！正！

外出工作，提早完成無野做，但夜晚幾左朋友happy hour, 晏就空檔時間無野做：(最後經過希慎，決定去食壽司，順便坐到朋友到銅鑼灣haha晏就無咩人，一去到即有位。不過侍應就唔多理人，等左一陣先有人幫我落單！我叫左赤海蝦壽司、甜蝦蟹膏軍艦、油甘魚腩刺身。一個人食相信夠飽了haha淡淡甘甜既油甘魚腩，肉身油分高，每口都充斥著魚油香氣，而且口感唔錯！最緊要一D都唔腥，之前係其他日本餐廳食過腥到爆，但呢間真係唔錯。雖然貴係貴咗少少, 但食呢d鮮味先最重要。我係一個海鮮控，特別係蝦同蟹，赤海蝦壽司肉質好爽，加少少醬油同wasabi已經好正！甜蝦蟹膏軍艦咪道唔錯，但無咩特別，正正常常。

收9點，9:15PM到達，店內有幾張空桌，吾洗等位就可以住卡位了～～～另有轉轉壽司位，不過我覺得傾計的話坐卡位的私隱度會比較高！！衣個時間去人地都就黎收當，好多野食都已經冇曬，例如海膽……茶都好喝，基本上不叫飲料都ＯＫ。點餐紙有種放題感覺，出錯機會比較少，尤其是漏單情況。千両係我食過ＧＥ日本餐廳（吾計親自飛去日本食）已經算係高級，但價錢又吾會太貴，性價比都ＯＫ，甚至覺得同係日本水產市場食到ＧＥ差吾多，至少我食吾出好大分別啦，所以間吾中都會去千両食ＧＥ。江戶前甜蛋＊＊＊＊好味！！！甜蛋其實真係好巧工夫，試過自己煎就知道。食得出好味同差ＧＥ甜蛋，衣間係值得推介，每次都會點ＧＥ。辣味三文魚＊＊＊＊＊（最推介！！）因為我本身對辣不感興趣，不過今次係妹子重點話＂為左食辣味三文魚而要去千両食＂，所以都叫左一客，點知一食就上癮！！！叫多幾客！！！真係好正！！！佢ＧＥ辣係就算吾食得辣ＧＥ人都覺得ＯＫ，但又有辣ＧＥ過癮～本身我就吾太鐘意整碎左ＧＥ三文魚，覺得腥味重，但衣件完全例外，真心正！芝麻豆腐＊＊＊＊好鐘意豆腐～～芝麻豆腐係冷物，豆腐係比較實個種，吾係四川豆腐個種，如果你鐘意好Ｑ彈好軟ＧＥ豆腐就吾岩

久不久就好想吃sushi 炸軟殼蟹賣相一流，脆脆的紫菜包住一片牛油果和生菜，用料夠新鮮，軟殼蟹同飯嘅比例係蟹多過飯！軟殼蟹炸得好脆兼且冇乜油，啖啖香濃豐富的蟹味加埋牛油果嘅質感，勁好食！ 海膽色澤金黃,味道好濃海膽味，紫菜夠爽脆，白飯軟硬嘅適中，最重要海膽同白飯比例係一比一！口感厚實味道濃郁，入口即溶，極滿足！

通常「食千兩」同「排隊」都會連在一起，因為千兩的壽司價位同品質相對地合理。如果想食千兩，都會選擇Hysan呢間，因為條龍比較短（發現夜晚8點後通常唔洗排隊），同埋會員可以訂位；所以想食就黎呢間。呢排冬季featuring個蟹menu, 個蟹蓋飯好吸引，立即落單。$6X 一個，不負所望有滿滿的蟹膏，2塊蟹肉同三文魚子。飯溫溫的，覺得即叫即做好新鮮，值得一試！另叫二人壽司set，都係我鐘意食嘅壽司，包括Toro、蝦、帶子，等等。所有都好新鮮，除了帶子稍微腥。

喜愛日本菜的我也當然十分喜歡吃壽司。喜愛千両，因為食物新鮮，價錢唔貴。由於是千両會員，更可以訂位或遙距拿票等位今天和一班朋友聚會，由於全部喜歡日本菜，所以來了千両。點了很好魚生壽司，太滿足了！魚生方面很鮮甜又好新鮮.腐皮壽司特別在內有少少子薑，令味道提升。最普通的蛋壽司亦能做出好味道，不但是廚師即做、更是暖的，新鮮熱辣！三文魚魚腩壽司才廿多蚊，又肥又鮮！

心血來潮想食千兩好耐之前食左一次啫，因為食量不小所以一路都為荷包著想，食壽司都唔會去千兩但今次真係豁出去等左好耐終於有位啦！一坐埋bar枱即刻攞野食，食左好多碟帶子呀，三文魚呀，up唔到名但都好好食既壽司之後心郁郁叫左D大佬黎試！超級海膽壽司（唔記得叫咩，總之就好大個，好似＄55件）：叫左之後好緊張，小妹未試過叫咁貴既壽司架心跳之餘都好肉赤賣相已經WOW一聲，真係好多海膽係上面（成板喎可能有）！跟住決定一啖過，D海膽真係好新鮮好甜，滿足感已經蓋過左我既肉赤感啦！ 下次黎會再點！玉子壽司：麻麻地，個樣有D搞笑 好似俾人摵開左咁，甜蛋唔太甜，好一般既味道和牛壽司：和牛未至於入口即溶，但咬幾啖都開始溶晒，D牛油係把口入面郎下郎下，好香～而且塊和牛都好厚下，除左入面有一件有少少筋之外，其他都好正！小妹深信平貴野都有好野，千兩雖然比其他連鎖壽司店貴少少，但質素真係好好多～等荷包脹番會再黎！

貴價版的元氣。位於希慎廣場的「千兩」，價錢是對得住這地段的。它是元氣的姊妹店，它應該是一個貴氣的姊姊。當晚平日八時多，門外有數人等位。我倆也攞了籌，很快便安排入座。店內裝潢頗高級，走高尚日本店風。坐在迴轉位，可以看到師傅們不停製作壽司。好快點了食物，看看師傅們的手法，食物很快便來了！首先是 特大帆立貝壽司好新鮮的帆立貝，爽甜味美！肥膏食完要再食！筋子軍艦一般，沒有驚喜。感覺跟元氣吃到的差不多。飛魚子軍艦這個飛魚子的用量很多，而且紫菜也很新鮮很脆。由前至後甜蝦壽司每件有兩條甜蝦，又是很新鮮的！三文魚壽司還可以，就是油脂比教少，好瘦。海膽軍艦海膽沒有臭味，可是也沒有鮮甜味。不過，海膽不臭就已經很厲害了！而且，海膽顏色很新鮮，有加分。甜蝦蟹膏軍艦當天甜蝦真的很不錯，這款壽司的甜蝦也是很好吃！配搭蟹膏更覺甘香！另外一提的是，這個長型盤子，跟元氣的一模一樣！完全是在元氣吃壽司的感覺。牛油燒赤海蝦吃到這個，我可以說，「千兩」的蝦類食品相當不錯！這蝦也是很鮮甜好味！加上有洋蔥一起吃，更香。店員推介的燒物，由前至後，燒雞中翼一般水準，不乾的。但調味很淡，不惹味。燒雞軟骨這個好吃，鹽味夠。本身雞軟骨就不

Sen-ryo is one of the better fast food sushi restaurants in Hong Kong. Sashimi is mostly quite fresh, and if you order separately from the kitchen you'll get fresh, crispy nori. The temakis are also tasty and fresh. I especially like the soft shell crab temaki. They serve a big range of food, from shabu-shabu beef hot pots to grilled miso cod to raw beef sashimi. Everything tastes decent and satisfying for the price (expect to pay around $200 per person if you're not very hungry, and up to $300