千之瀧日本料理 (已搬遷) 新店位置

經朋友界紹下,都黎試吓公司近的日本餐廳上回朋友吃過了魚生飯,但海膽不太新鮮,今回試吓拉麵先!女友叫了什錦壽司烏冬,我要九州拉麵.湯底好香,加少少七色粉,好味!壽司及烏冬一般.食到一半,有個美國婆進場,叫了曼魚飯,一路睇書一路等,好寫意!下回試試,可能是本店主打!!!

同朋友講左好耐, 終於都黎試食喇, 但係我地冇叫刺身壽司, 而叫左d 串燒同埋廚房野食, 有燒雞翼, 雞軟骨, 帶子, 田樂茄子, 海老天婦羅, 什菌軟殼蚧天使面同埋一個唔知咩野牛肋肉, 我最鐘意都係個天使面,隻蚧又好食, 又多什菌。本來而家都好少飲酒, 但o個晚都係破左戒....飲左支朝日.........

今晚即興飯局,我建議來這裡試吓,2人叫咗:1)枝豆-外身呈小濕(証明非燒出來),披咗d鹽,豆夠腍,合格2)雪碧-1罐,因友人從老遠行過來,需要此來降溫3)炸芝士年糕-3件,外表炸到金黃,上枱時熱騰騰,切開時個皮幾脆身,內有己溶的芝士芯-幾有芝士味。但友人說油味好重.炸佢d油似是炸完又炸的萬年油,我條脷就無咁靈喇4)鐵板千之瀧卷-1碟6小件,用鐵板上,淋在上面的芝士汁故可維持melted狀態-外面"痴"滿紫菜碎,頂有蟹籽粒,內有炸蝦和1層紫菜-咬下去味道豐,是全晚最佳之作,但稍為鹹咗少少5)創意軍艦壽司($100)-1碟6款,件頭細,全部棄用紫菜改用青瓜片包住壽司i)甜蝦配生鵪鶉蛋:友人說隻蝦唔新鮮,蝦頭呈黑色,故無食到頭嘅部份ii)海膽配魚子:友人說海膽極唔新鮮(我試咗小小,甜味就無嫁喇)魚子亦好腥iii)帶子粒配蟹籽粒:帶子粒唔甜,普通貨iv)魚蓉:唔知是否吞拿魚腩,是6款當中最好的v)蟹羔:腥中帶死鹹vi)三文魚k-友人對這道菜評到體無完膚,要比3個喊,因貴得來又無質或量(同意),而且被分派的全是最重災/"lai"嘢嘅食物,例如甜蝦,海膽,魚子同蟹羔(因本人唔食魚子,甜蝦或帶重腥味

和太太5/5/07晚上第一次試食,點了兩個湯麵和三文魚剌身,食物味道,份量和價錢都ok,但service勁差,當晚一男一女,一個似老細的男士掛住和食客傾談,叫了多聲伙記才有人接待,一個男仔過黎落單,又無笑容,又唔覆菜,食完d湯碗係枱阻住又唔幫手清走,把鬼火擺過隔離枱算,添荼要叫幾次才添,無次係主動添荼,和'嘉嘉貓'說的完會兩回事,當晚又唔係好爆都咁樣,仲要收加一服務,真要諗諗好唔好再幫襯,野食好都無用,食到一肚氣寧願唔食好過

同朋友慶祝生日．．大家諗去邊ga時候．．有朋友推薦話沙田開左間新ga日本野幾好同幾新鮮；價錢又合理．一聽到就梗係決定去試下啦．．入到去~鋪面就唔算大so 三五知己聚手一堂都係個好choice 因眼望成場應該最多坐３０人左右la..唔算大但裝修同坐落都算舒服~跟住d 店員服務都好好;佢會好留意我地夠唔夠水飲同有咩需要~um..都算唔錯!!^o^~~而食方面:先講頭盤~魚生!~真係好新鮮ar..啖啖肉．．好味!!海膽刺身一板~鮮甜新鮮．食完想再食ar...正!!勁力推薦：i>炸芝士年糕~個皮好脆~一口咬落去中間d芝士流出na..嘩．．真係好好味ar.食完又唔"溜">>但記住食時小心中間熱＜＜好味都唔好整親個咀攪到無得食第２樣ma..haha!!ii>芝士豆腐卷～同平時食ga壽司差唔見，但最特別ga係用紫菜包住中間係豆腐同飯＞出面街就未試過loriii>牛油果軟殼蟹卷～因今日無芋頭所以改左用牛油果>但都好好味ar^^iv>燒三文魚頭～個魚頭又大又抵食;同埋佢側邊ga伴菜都好新鮮..加埋就無咁油膩la..v>天婦羅~新鮮．但記緊要

之前身邊朋友食過話ok, 所以琴晚同屋企人去試下喇! 推介: 帶子刺身, 串燒牛脷, 軟殼蟹手卷, 芝士豆腐卷, 燒三文魚頭, 煙肉蠔卷, 千之瀧卷, 芝士年糕, 菠菜芝士卷真係幾ok喎!雖然響區內係獨市, 但係師傅制作, 材料, 味道口感一d都唔馬虎, 連伴碟既小青瓜, 車厘茄, 生菜配合特別既醬汁食落都幾好味丫。食完可以行埋去俾d意見師傅架!待應服務都幾好, 店內裝修簡單舒服, 不過略嫌鋪頭太細喇坐得有d逼咁, 價格都算ok丫.會再去食架~

I love Japanese Food. I hate how there's nothing good to eat in Shatin, so I'd try anything new just for a faint glimmer of hope. I have already been to this place 3 times now. The two waitresses are not very professional, though I don't suppose they mean to be impolite. The place is quite cramped, though not uncomfortable.Just from the presentation of their food, the restaurant says that "I might be in a lower-mid class area, but I am passionate about my food".The sashimi combinations is neat e

考試早放,自己又唔想煮,就出街食...本黎想在大圍食,因學生食飯時間,導致多間食肆爆棚,需要等位,唯有返屋企附近食...見到呢度少人,冇其他學生,就入左去...點了豬軟骨拉麵定食...不久,整店坐滿人,有好多都係在附近學校教書的教師...先黎小食,今次係螺肉...螺肉入味,有幾小塊青瓜,點汁甜甜地...之後黎的係豬軟骨拉麵...豬軟骨入味,骨軟肉腍...拉麵似乎比湯浸腍左少少,但可接受...豬骨湯底,味道比上一次濃...最後黎的係壽司,兩件三文魚壽司,兩件青瓜卷...三文魚新鮮,算是肥美...而青瓜卷都ok的...服務都唔錯,地方淺窄,店員仍堅持將食物送到面前,又主動幫人斟茶...但也因地方淺窄,坐得逼,冷氣唔夠,所以有d焗...

尋晚屋企無煮飯, 行落街見到附近新開0左一間日本餐廳, 就入去試試啦,間鋪都幾細間, 不過0的野食就幾OK la, 叫0左0的壽司ar刺身ar,都幾新鮮,有0的新野之前未見過,幾有創意,牛肉飯0的汁好好味,不過就細碗左0的, 芝士年糕超好味,個皮脆卜卜,我0地2個人食0左4個,想再叫,不過再食就會好濟la~價錢都ok la~2個人食二百幾.

上星期五成班同事入左沙田食飯,見間日本料理裝修得幾好,隔離又有停車場,好方便,就入去試下! 我地8個人食左都唔小o野,以下係我地推介必食既~-刺身拼盆...相比出面d日本料理大件小小,平小小, 價錢合理,好新鮮,師父排得好靚~-海膽刺身一板...抵食之餘仲好新鮮,正!-創意軍艦壽司...鍾意食軍艦壽司既朋友必食,款式 好特別,係普通既日本料理食唔到~-煙肉蠔串+煙肉x春蛋串...好正,好好味,必食!-芝士年糕...外脆內軟,係出面從未食過,真係好好味, 我地食完仲order多一碟,十個正!-菠菜芝士卷...又係好好味既推介,必食!-軟殼蟹天使麵...非一般既天使麵,軟殼蟹好脆, 個湯冇得頂,好好味!間店雖然細左小小,但係就好乾淨,服務都好好!價錢雖然唔係平價,但亦都一d都唔貴,我地都一致認為咁既價錢,出面一定食唔到咁好既質素!

尋日去女友度揾佢同探佢阿媽, 夜晚唔知食乜好, 又唔想行咁遠,女友話佢屋企附近新開左間日本枓理, 食過1次lunch, 都幾好食, 於是我地3個人就走左去食dinner喇. 入到去地方唔係好大, 但裝修都ok, 仲有d音樂聽下咁啦, 睇完menu後,我地點左個和風牛肉飯(女友食過話好食),一個天婦羅, 一個x刺身(唔記得個名, 係刺身拼盤黎o既), 芝士年糕同埋羊柳.--- 牛肉飯very good, 個汁好正, 下次會再食--- 天婦羅個賣相幾好, 排得唔錯, 味都ok--- x刺身最正, 好鮮甜,好食過新城市d日式料理多多聲,推介!!--- 芝士年糕外脆內"林", 芝士味都幾好, good!--- 我本身唔食羊, 唔係個侍應介紹, 都未必會叫, 但女友同佢阿媽都讚幾好食,可能係鐵板上o既關係掛, 我就被迫食左一啖, 又ok喎, 唔係好"蘇"咋喎.最後賣單連埋啤酒汔水300幾蚊, 整體黎講都係滿意o既一餐, 而且女友阿媽都讚, 所以應該會再去食.

見新開張, 去o左試下, 唔算平, 不過D食物其實係值回票價o既!我o地叫o左:-千之瀧卷: 大量蟹籽, 蝦炸得好脆, 連殼都吞埋, 推介!-鵝肝壽司: 飯好味, 鵝肝夠香, $48/2件, 平D就會叫多個round!-雪刺身: 冇諗過舖頭細細有咁好的刺身,極之新鮮!-天婦羅: ok, 冇乜特別咁啦!可能用料較好的關係, 所以貴少少! 不過, 整體上個人覺得唔錯, 一定會再去~~

Few weeks ago, my wife and I went to this restaurant to have dinner. We reached there around 7.00pm, and it was not so crowded at that time. We ordered chicken egg rice and beef egg rice. However, we still had nothing to eat after waiting for 30 mins. Thus, we pushed the waitress for few times, and the dishes were ready about 15 mins later. The taste of these two bowls of rice were not delicious, and the quantities of chicken and beef were not enough. Most ridiculously, the soup just came after

雖然地方細,但乾淨,食物方面:海膽壽司正,好新鮮,仲有個雞翼"讓"唔知咩野,都幾好食...

豬扒蛋飯-ok $40什菌烏冬-Good $42壽司-D飯very good 夠醋味,配料新鮮($12 or above)炸芝士年糕(2件)-$28 (唔夠喉.......)雞軟骨(2串)-$18 (比其他地方貴)整體食物好,座位比較狹窄,o係呢區o黎講算貴,不過...新張期免加一,憑Coupon滿$200送三文魚刺身,可以一試。