千歲食品超級市場

營業中

休息中

經過來用富途現金券換領酒槽花綢雞翼及雞腳,女店員很熱誠,男店員說沒有見過這張券,換了些奶黃包,小麥包,還有饅頭,酒槽雞翼就沒酒味,比較滑,雞腳就那些皮沒有那種脆口的口感,而是滑省省,包那些還沒有蒸來吃,不過富途包底就還好了,下次還要經過去試其它食品

4月21日晚市終於開番有幾耐冇同朋友飲酒吹水先所以梗係約朋友 黎個最有風味嘅燒烤邊飲酒邊食串燒傾到盡啦一黎梗係介紹招牌串燒啦有超多選擇 你諗到想燒咩 基本上都有肉串燒 有燒雞軟骨 燒雞腎串 泰式燒豬肉/雞肉/牛肉 等特色串燒 有燒煙鴨胸 醬燒北海道帶子 蒙古羊肉串 厚切牛舌 等燒海鮮有 蒜蓉燒扇具 泰式燒鮑魚 泰式燒大虎蝦 而我地就叫左以下嘅串燒特色串燒/小食【燒金菇肥牛卷 $28/串】【燒雞中翼 3隻 $22/串】【泰式燒豬頸肉 $68/份】燒海鮮【泰式燒鯽魚 $135/條】呢個十分推介 打開出面塊皮 入面魚肉超級鮮嫩 而且仲燒得好入味蔬菜串燒【燒牛油金菇 $19/份】【肉碎燒茄子 $39/份】肉碎燒茄子又係必食推介 加左肉碎 味道即刻豐富左好多以為係食串燒 燒烤 就冇其他野食點知千歲仲有好多其他野食 仲要好食喎前菜 【泰式無骨鳳爪 $42/份】啱哂送酒 食到唔想停 味道好夠千歲意粉【卡邦尼意粉 $53】【香草豬仔脾意粉 $63】意粉又係另一必食推介 真係冇諗過咁好食香草豬仔脾個香草味道超級香濃千歲餃子【韭菜湯餃 $29/碗】想清淡都有選擇雪櫃仲有唔少甜品買黎即刻食 我地揀左泡芙仲有

今日勁肚餓咁入到屯門，試下千歲呢間朋友介紹嘅燒烤，由於真係好餓，叫咗幾個熟食打打底，泰式鳳爪，卡邦尼意粉。本身諗住做燒烤嘅鋪頭，熟食應該麻麻地，點知出奇地好味😋為今晚嘅饕餮之旅嗌咗好多嘢食，特別係廚師推介嘅苦瓜炒蛋，我個人好鐘意食苦瓜帶出蛋個個甜味超正😛😛😛鹽燒鰂魚好出色，肉質仲係好嫩滑多汁。好多燒烤店都怕佢唔熟而overcook , 呢點我真心覺得千歲整得幾好。食完仲買咗啲日本牛牛，醬醬汁汁，自己係屋企過兩日再燒😛😛

I love the foods and drinks here, great quality with reasonable price. And the staffs are nice. Love itttttt here!Self bbq, we can choose any meats that we like in the fridge then they will help us to defrost. Thanks for everything , I had a great time.

我係第一次黎架😆係一個住喺屯門嘅單車友帶我黎，因為佢經常落去幫襯，所以一早book定枱招呼我。當日我地叫咗燒魚套餐,豬頸肉,燒茄子,卡邦尼意粉。簡單講下食後感覺,條魚🐟好滑，配合埋佢哋調教嘅醬汁超級match。豬頸肉🐷好juice。燒茄子🍆味道比較特別，因為一般喺出面食既都係帶咸味🧂或者辣味🌶，而佢地整既比我覺得似港式風味，係帶D甜既醬汁，我自己就好鍾意😛😛至於個卡邦尼意粉，就好似係一啲專業嘅西餐廳食一樣，但價錢就大眾化好多,佢地嗰醬汁教得好好👍👍，食到我地好滿足。總括黎講，我自己好滿意會再幫襯，亦都會介紹朋友黎食。順帶一提食完野入去超市買野原來仲有折扣優惠，比我揾到榴槤麻糬番去做手信💪💪

夜晚係屯門想食燒肉，網上搵到呢間，的確有驚喜。舖頭好易搵，屯門輕鐵站隔離。去到見到坐滿人，好有風味好熱鬧，等半個鐘左右先有位，店員話下次可以預早訂枱，就唔使等。叫左個二人套餐，和牛扒，蒜爆雞腎魷魚，鵝肝多士。全部好好食。仲有海鮮，鮑魚，虎蝦，扇貝，但唔記影。和牛扒，好正 😍   超Juicy，又豐富牛味，推介 😂蒜爆雞腎魷魚，超香口，飲啤酒一流 😆鵝肝多士，第一次街邊食，多士上面加左生菜，車喱茄，同埋沙律醬，完全無油膩既感覺 最後送左切好既生果盤，隨機生果。多謝 😂最搞笑店員同客人打成一片，果晚我去，個店員仲同隔離枱班地盤工人拗手瓜，飲啤酒！絕對會再來！仲有好多食材未試！

係社交平台睇到呢間千歲，又有日式自助燒，又有泰式燒烤同埋串燒，仲有凍肉賣，所以就黎試下，不過建議大家下次要book位，因為估都估唔到咁多人排緊隊🤣入座之後，就有職員黎介紹下佢地啲日本和牛啊，串燒啊等等.....因本人非常喜歡食牛肉😋😋而且佢仲要係日本A5和牛，價錢都唔算貴，喺屯門住咁耐，真係好少有呢啲地方㗎喇🤣跟住我嗌左A5 和牛試試，超好食👍🏻👍🏻👍🏻真係要推介俾大家🤤🤤而其他串燒都唔錯，尤其是個燒茄子同埋燒豬頸肉，真係超級好食👍🏻👍🏻另外服務都唔錯，員工都幾細心，真心推介俾大家😽😽

經過美樂平時都唔覺夜晚食飯咁多人，琴晚就嚟咗千歲試吓，成年無燒過嘢食，咁啱又露天咁好feel就嚟踫踫運氣(我fd話平時要book枱)我等咗30分鐘左右，期間店員有主動介紹餐單，最記得燒和牛，豚肉，羊架，豬頸肉係最多人食嘅，見未有位就入舖頭睇吓凍肉，揀左3盒佢哋手工餃返屋企做早餐😍之後返出去等多陣，我點左條燒魚要等20分鐘，雖然係好耐，但真係好重香料同肉質好滑好新鮮！最出色係個汁😌😌

今日朋友帶咗我嚟屯門佢話屯門美樂花園有一個地方係好似大排檔咁最後佢介紹咗係呢間千歲食品超級市場平時佢除咗做零售之外一到夜晚就會變身為食店喺門口會有幾張枱俾我哋即買即燒有個細細地嘅爐端燒俾我哋我哋喺千歲入面叫咗幾款嘢食有鮑魚鮑魚幾新鮮，食落都爽口彈牙，不過燒嘅時間就要耐少少有大蝦係一盒六隻嗰款雪藏大蝦，唔算好有蝦味，亦都唔係爽口彈牙，食落啲肉仲有少少霉，唔推薦燒牛柳粒牛柳粒都係解凍完嗰款，未燒之前，牛嘅顏色唔算好鮮艷，似係擺咗好耐嗰種網燒牛扒網燒牛扒反而有少少驚喜，食落都幾有牛肉味，都幾Juicy，係有少少韌，有d筋總括嚟講，食物質素麻麻地，但係可以一班人坐喺街邊一路燒一路吹水，係幾有風味嘅。如果大家唔介意食物質素，都可以嚟試吓，感受下個風味