半山食堂

營業中

休息中

一個平平無其既常餐。不算得好食，又不算得難食🙂其實可唔可以有間好食嘅茶餐廳…..講番呢間餐廳，我覺得係附近居民無得簡先食佢😂😂包括我。 通粉唔係我中意嘅厚厚質地，係屋企自己煮快熟通心粉果種。奶茶正常，多士唔脆，蛋正常。果日見到有個南亞人士送外賣嘅，等左超耐都未有佢個餐出，收銀果個對佢都唔禮貌，淨係叫佢等，等到差唔到所有外賣嘅客人都走，佢先同佢問廚房，我覺得係漏單，其實佢都係做野姐，點解要咁對人呢？好唔好食都好，大家無得簡都係會食佢😂😂😂我都無咩好講。我可能就一年先幫襯1、2次囉，真係唔好食呀大佬😂

open rice外賣叫咗一個魚香茄子炆米，居然可以睇雲晒，連一粒茄子都搵唔到！平時open rice外賣茶餐，寫明轉轉通粉，都唔係次次會真係有轉，都算啦，起碼都有啲嘢食，但係魚香茄子炆米冇茄子，即係貨不對辦，噉點接受呀？！

同朋友食飯 3個人都叫左個叉燒湯意粉食到中途發現有勁大隻昆蟲喺個湯度叫個店員過黎，佢第一句竟然勁惡咁怪責我地「你而家先出聲？」「下面廚房出菜我唔知架wor」我心諗我理得你邊度出菜，係你餐廳出菜就得啦反駁多幾句佢先話問下比唔比free左一個餐佢free完個餐改完張單返黎竟然另外收返我$19熱飲話係野食有昆蟲，跟餐飲品無所以要收返飲品單點$19 錢我都無同佢計醫藥費，仲收我錢真係要兇返佢地先肯free返個飲品完全無悔意之餘仲要勁惡咁怪責個客，sorry都無句，仲好意思收返跟餐飲品錢店員尤其收銀態度非常極度惡，非常吵，任何客就算係呀婆做任何野、問任何野都會比佢勁惡且無理地鬧價錢又唔係平，聽住個店員咁惡霸mode真係心情煩躁，絕對冇下次已經叫常餐但飲品至少10分鐘先上到食物就15-20分鐘絕對無下次

每次在呢度食嘢，都要有心理準備成日要被調枱，基本上每星期六或星期日都會遇到此情況今朝同太太去食早餐，二個坐在四人枱一邊，已經食剩半件牛扒（約需二分鐘完成），跟住有四人入嚟，d伙記居然又要我哋換枱去另一張一個人坐嘅四人枱。呢啲情況係時有發生，但係咪搵一人調枱而唔係二人就一個人。其實若果佢哋在入座時安排好d，就唔使成日要d客去就你哋去呢度食嘢，係因為近地鐵站（行唔使一分鐘）食物平庸，但價錢唔平而且仲成日漏單

今晚叫了八珍豆腐煲，食到未夠一半巳经好飽，因为冇乜謂口。啲蝦、朱潤、义烧、瘦肉似煲完的湯渣。叫士头婆拿膠盒將剩餘的打包（煲汤也好）顺便同佢講好似食湯渣，佢望住我冇反应。之后我继续放在外卖盒里。怎知近煲底筆到一條又長又弯的人体毛发（包毛囊）非常呕心，我叫男侍应比士头婆睇下，佢超快拿走我不及時影相，他还说比番个折头我。怎知找数連外賣盒共$96。一毫子都冇收少，佢话士头婆話冇呀！我話你地咁样，得啦！以后唔驶幫襯。其实呢间嘢的价钱超高，食物質数越来越差！之前食咗个薑葱豆鼓爆鸡（大概係昵个名吧）个碟好大，啲鸡斬到好碎，好似係煲完湯剩番个鸡骨架斬碎比你，包括脊骨、鸡胸骨、鸡脛等等全部都係渣，冇肉。葱头、蒜头、薑等等佔咗成半碟，加埋D好鞋嘅鸡骨連少許肉渣。整碟餸好夠味但係冇肉食，用少許汁送飯而已。我以为師傅一時失手，但係之后唔同食物幾次都係只有更差。只係我冇当面投訴。呢間嘢我以后都唔会去啦！亦会叫啲人千其唔好去添。打開門做生意，仲要收货不对辦嘅价錢，道歉都冇声。经过見到而家入座率越来越低，食过的客人心里有数吧！

這餐廳經常是解決早、午、晚餐歇腳透一透的好地方。昨午已計劃好下班又去吃個《豉汁金錩魚》，蒸魚時間恰到好處，只是奇怪有豆豉、粒粒蒜頭外總要加多片薑片塊？半途突然想加一個外賣，《椒鹽鮮魷》抑或《黃金鮮魷》？選了後者！金錩魚還未吃完，外賣送到面前。急不可待，打開外賣盒，試了一口。嗯！是季節嗎？魷魚新鮮，味道喜出望外！繼續再試第二口！值得推介！急忙拍下照片上載西半山群組及朋友圈。帶回家裡慢慢品嚐！當然若即場趁熱加啤酒是最佳配搭！

第一次吃半山食堂的晚餐,幾好食,比原定取餐時間更加快做好,而且小菜的份量亦很充足.飯量也很充足.不過價錢稍為有點貴但總括來說,這次用餐體驗還是很好的下次會再光顧

我對此店不嬲都唔乜信心，不過擒日晏晝一點鐘就諗住博好彩，試下係咪真係好似食評講咁差，叫咗個咸魚雞粒炒飯同銀芽肉絲炒麵。 炒飯料唔多但係都可以接受。不過個炒麵就變咗係玻璃茨汁撈麵，麵身冧兼原全無炒過嘅痕跡，真係七十幾歲人第一次見到啲咁離譜嘅嘢。

今朝10:00去到，食早餐嘅人開始散，唔知班員工係咪因為啱啱忙完放鬆曬，又掛住講粗口傾偈。落咗單20分鐘之後都冇嘢食，咁野飲都有杯喇掛？追下佢杯熱奶茶，佢單都無睇就話上晝啱啱忙完，可能冇晒奶茶。（由於佢哋嘅廚房係地下，不過我都見到樓面係有水吧，不過唔知係用嚟做乜）之後個收銀問我哋係咩單，問我哋係咪有熱Horlick，我答佢冇都仲要抌張單喺我枱面問我係咪呢張。到佢開始意識到啲單有啲亂嘅時候，想Findout返，先發現原來冇同我落單，我仲足足等咗20分鐘（安心出行記錄已經二十幾，我坐低已經即刻落單），然後望都唔望住我講句唔好意思就算，班人除左喺樓面識得大聲講粗口傾偈唔做嘢之餘，落漏單say sorry都唔望住人講，勁無禮貌！最後因為我趕時間，所以我決定起身走人，加上我唔想再俾佢嗰啲忙完早餐，話啲嘢有排都未到來做藉口黎敷衍我，真係無下次！

初次惠顧，見門面及装修尚清潔企理，員工服務態度亦算滿意，但靈魂所在之食物，實不堪提😔，當晚叫了两個碟頭钣，每碟要$62，送普通飲品，半山價錢尚能接受，首先涼瓜排骨飯，排骨細碎到似湯渣，份量又少，生炒排骨飯，並不是生炒骨，疑似豬頸肉切條，貨不對辦，一定不會再光顧！

朋友講笑話去唔熟地頭食晏，跟著地盤哥哥搵食就包無錯。今次去到般咸道，畢業🎓咗廿年有多，以往食開嘅都已經唔見晒。沿路行見到有班地盤哥哥係到等位，一於二仔底死跟。等咗一陣有位坐，但兩大兩細要求我哋分檯坐。繁忙時間無計啦、一句唔該照入座。入到去，你會發現好似去咗澳牛半山版，侍應比好大壓力你，埋到嚟十秒講唔出食咩，佢走會走咗去，怕受氣就真係要搵過第二間。叫咗嘢食後觀察四周，發現我哋已好彩。後來嘅五位地盤哥哥一行五人到，被分開坐三檯😅仲要分三張檯。幸好食物嚟到，發現真係唔差。炒滑蛋拍得住澳牛八成以上，沙爹牛肉麵肉入味又算夠淋身。時菜排骨河炒得好夠鑊氣，河粉亦唔會碎濕濕。另外杯奶菜同檸菜都好高質，絕對唔係普通貨色。

喺呢一區要搵到呢一類型食港式快餐又好味嘅餐廳其實都唔容易，今次試咗佢嘅肉絲炒麵，脆身嘅炸麵同有芡汁沾到嘅麵身比例平衡都唔錯（我係比較鍾意食脆身嘅炸麵嘅～～），芡汁方面比較淡味，不過又咁講，食過依間餐廳一兩次都覺得佢嘅風格係傾向淡味，對於重口味人類可能就唔係太適合。配料方面除咗芽菜仲有我鍾意食嘅草菇，份量都算大方，而且食完成個麵之後真係非常非常非常之飽，呢個價錢同埋呢一區來講，平時想簡單食一餐醫肚嘅話可以選擇呢度～

上三個月，第一次去外賣，超多人下單，排了很久。足足等左成句鐘。在途中等咗九個字，真係過咗我耐性的底線！連我排我後面幾個人都攞晒。樓面嗰個仲話叫我耐心等候，因為我叫咗五六個餐一齊攞！我叫佢麻煩再同廚房check. 原來漏咗我張單，一路冇主人煑，火都攞晒。後尾再等多15分鐘先至攞啲我叫嘅餐走。今今天我再俾機會佢，打電話定晒，他們跟住叫我10分鐘後去攞。但我今次自己已經醒目遲多左10分鐘，即比足足20分鐘佢哋。去到食堂，佢就話我啲餐飲未叫飲品喎，咁我就叫了，但我又等咗十五分鐘先拿到三杯飲品，今次真係火都嚟叫佢立即去check下究竟點解我啲餐仲未拿到。到check左之後啦，5分鐘內我先攞到，真係唔吹佢唔俾你！下次找我叫我去攞外賣，Noway. 佢哋真係要好好反省下同埋睇吓廚房和飲品部出現什麼問題！不然佢哋真係自己搞殘自己！

叫了揚州炒飯 飯粒粒分明 very yummy, 而且份量很多 食完很飽 suitable for 增肥有很多料 including Han, rice , cabbage etc, and yum 整體而言 一點點貴但是 整體食物算ok，可以接受啦就是普普通通的茶餐廳水準，沒有什麼特別lu

"時菜牛肉炒河"，d河無炒過，痴住哂 一餅野咁 完全不能入口。打過去問係咪搞錯左張單，聽電話個個話炒河係咁。無言。為左減少煮ge時間 直接比呢d垃圾人食… ………