半島冰室

營業中

休息中

睇完Mill Milk介紹茶餐廳叉燒湯意粉，慕名而去半島冰室，點知發現只有早餐先有湯意粉😂😂唯有試吓下午茶餐牌內，有叉燒又有意粉字眼的L餐，蔥油蜜汁叉燒煎蛋飯/意粉🍝！半島冰室長期都排長龍，排隊時聽到前面有位姐姐介紹，公司三明治、豬潤都好好食，可惜今次主要想試佢地啲叉燒，YouTube 介紹叉燒係即叫即切，無奈地想食果款要早餐先有🥹唯有試其他啦！人生第一次食蔥油意粉🤭叉燒的確幾好👍🏻有成2cm咁厚，不過味道偏甜；煎蛋蛋黃流心，蛋黃拌意粉使其更滑溜溜👏🏻👏🏻，成碟都熱辣辣架。午餐每日不同，望住餐牌好似好吸引咁，例如《香煎豬扒配芝士焗生蠔》、《日式清酒牛頸脊花甲湯鴛鴦粉》⋯等等，每日不同每日都有驚喜🤭

🍽半島冰室香煎紐西蘭肉眼意粉好食🤤汁味道調得剛好～唔咸唔淡😂意粉口感爽口～老實講唔係間間做得到😌肉眼薄身但好大塊～牛肉味香濃😍煮得成熟度唔會太生又唔會太熟👆以上係落單前通通小編都無要求過～廚師有料+用心煮👍👍盛惠$7x💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講都唔係第一次黎～都知要排隊😂估唔到都幾快入座～半島做法幾好～排隊時落單基本上埋到位等一陣就食得～看似簡單一味午餐但用心煮得好好味👍

年初八無無聊聊由北角行去銅鑼灣，行到炮台山時諗起之前行過有間叫半島的冰室排隊排到打晒蛇餅 。今次行去見少咗好多人所以排隊試吓 。排了大約半小時就可以入內 。因為排隊時已留單，所以坐底無耐就上餐了 。本人點了個午餐-紅酒燴牛配意粉 。牛尾份量都大份，意粉反而我覺得可以大份小小 。牛尾炆得好焾好係味 ，合格 。餐飲叫了個凍忌廉咖啡，香滑不算太甜 。午餐價錢算拆食，難怪咁多人排隊 。排半小時我覺得可以接受，如要我排一小時我要不了 。同區可以很多選擇 。

次次嚟都見到大排長龍所以一直都淨係食過一次外賣上次食吉列豬扒配沙律外賣都好好食所以終於嚟到現場朝聖排咗一陣間隊就安排入座半島冰室人氣高，所以要搭枱都預咗不過啲位真係有啲迫好彩食物好味搭夠半島公司三文治超級好味😋睇相就見到有幾足料仲有邪惡嘅午餐肉三文治烘得好鬆脆👍🏼👍🏼👍🏼啲醬汁份量都啱啱好加咗$12有一大兜粗薯條啱啱炸起外脆內軟🤤🤤🤤是日午餐A-香辣酸菜大蜆滑雞鴛鴦米非常惹味開胃蜆同雞嘅份量都相當多仲配咗好多超入味同淋嘅白蘿蔔片連湯都一滴不留😆既然難得去到 就叫埋個西多士裏面嘅花生醬d花生粒係脆卜卜嘅雖然好飽 但好滿足☺️☺️☺️大家去食要留意營業時間呀因為公眾假期佢係唔開㗎

本身都間中會去食下😋每次都會睇定menu有岩食就會去食今次睇中呢個牛頸脊年糕鍋😋😋好似好吸引🤩點知真係好好食😋😋勁大份食半島冰室唔會擔心食唔飽與男友人食，佢都食到好飽雖然條龍好長，但好快就入到去食唔算等好耐見到搭枱食雜扒餐，超大份大份到我覺得嗌左我都食唔哂😂😂

炮台山嘅呢間「半島冰室」長期都排哂隊，無論咩時段都會見到有人龍係門口 今日嚟到等左十分鐘就一到去 試吓個早餐先試左個蜜汁叉燒/雞中翼公仔麵 $3838蚊有公仔麵配埋炒蛋&牛油多士同飲品都算抵食，而且份量同味道都幾好 待應全部都好快手 坐低落完單5分鐘左右就有得食熱檸水 涷華田（外賣杯加$2）

相信鍾意食嘢嘅都對呢間冰室唔會陌生架啦史努比都系慕名而來🙈我哋5點幾去到坐滿人 好彩仲有最後一張枱🤭雖然嗰張系四人枱 但都比我哋兩個人坐冇叫我哋搭枱👍🏿店員就算忙都好 態度都系好好呢點真系要讚下🥰👍🏿黃金粒粒花生醬西多士 $32西多有啲驚喜喎😆麵包有翻咁上下厚度 蛋漿上得好足炸到金黃色靚靚仔仔咁😎外面微脆而不失麵包鬆軟嘅質感 炸嘅時間同火喉控制得幾好食落口感軟綿綿 又唔會覺得好greasy👍🏿花生醬完全系毫不吝嗇咁搽搽到超級厚😳濃厚花生醬 仲有粗粒花生 配合淡淡嘅蛋香 味道好豐富🤤糖漿同牛油嘅份量調教得啱啱好唔會過甜 食落唔會好漏好滯～雖然西多始終系肥胖嘅味道😈但好食嘅西多絕對值得食😎味道: 8.5/10性價比: 8.5/10👍🏿芝士煎蛋豬扒包 $35嚟到見到面頭烘到有少少燶但食落冇任何燶咗嘅苦澀味👌🏿豬仔包烘到外脆內軟🤪唔系硬掘掘嗰啲🤣豬扒好厚切 兩邊都煎到非常之香🥰美中不足嘅系比較乾身 但又唔系柴皮嗰隻只系因為用咗比較瘦嘅部位肉質紮實 食到豬味 史努比覺得唔錯～唔系嗰啲垃圾肉😌煎蛋系全熟嘅 香味更出配搭半融嘅芝士片 帶出佢嘅鹹香調味啱啱好😆味道: 7/10性價比: 8/10👍🏿熱檸

半島冰室真係長期有人龍，平日排隊、假日更加要排隊。兩點下午茶時間有人龍，起碼要等20-30分鐘。舖頭細，座位都比較迫，食客、侍應人來人往。雖然係茶記，侍應相當有禮貌，唔催落單唔催走人，而且落單、上菜好快手，好欣賞！半島冰室嘅公司三明治、番茄焗豬扒飯都好出名，下次再試！*下午茶：芝士煎蛋豬扒包 $35兩點就開始下午茶時間，印象中豬扒包都係半島冰室嘅名物。豬扒厚度有1cm，完全冇落鬆肉粉，肉絲分明，但唔會太乾，食到豬扒嘅豬肉香。中間夾餡夾芝士醬汁、煎半熟蛋，蛋汁配芝士汁，好正又好夾。豬仔包烘得略乾，就算配汁都比較乾。印尼撈麵 +$8就係印尼撈麵嘅味道，大食嘅人絕對叫得過。紅豆冰 +$8紅豆粒粒分明，微甜好夠腍，但椰汁好淡，可能係啲冰融得太快又溝淡咗。

半島冰室係一間位於炮台山嘅茶餐廳，因為啲嘢食唔貴，又夠大份，味道仲要唔差，所以早排喺北角附近做嘢都去食咗幾次半島，仲帶埋唔同嘅同事去食，個個食完都話抵食🤭 試過有兩次下午茶時段去食都係要排長龍，因為下午茶都有飯餐，只係40幾蚊，飯量同午餐一樣，而且包埋嘢飲！ 有次我哋人多要等兩張枱都埋單先有位，侍應好好人咁幫我哋落定單，之後我哋一坐低就光速上菜⚡️🤣後來睇返社交平台先知原來佢哋每兩日會換一次午餐餐牌，之前仲有出過原隻大閘蟹蒸肉餅飯、紅燒乳鴿配蜜汁叉燒飯等，喺其他茶餐廳比較少見🤤•🥢 蔥油雞髀煎蛋飯 $42 (下午茶餐)雖然佢係下午茶餐，但其實佢個份量同午餐差唔多咁大份！雞髀好大隻，係無上粉漿咁炸，炸到雞皮好香脆！切開入面啲肉仲係好juicy🤤 （掛住食唔記得影多兩張相🫢) 蔥油爆得好香，亦唔會太多油，加埋荷包蛋同豉油汁，撈飯真係勁惹味！🤤•🥢 女神餐 (特濃蕃茄手切封門柳通粉 配香煎火腿、炒蛋、牛油多士) $53蕃茄湯落咗好多蕃茄同洋蔥，飲落濃郁鮮甜🍅 封門柳厚薄適中，雖然唔多，只有三至四塊，但口感軟嫩肉味香濃👍🏼 通粉口感稍腍，但好索湯😛炒蛋嫩滑；火腿就略嫌煎得唔夠～ 但真係要特別一讚

同事帶我去炮台山食馳名嘅半島冰室！遠望已經見到人龍，但好彩大概十分鐘都排到了。喺店外排隊時店員已經會幫你落定單，等你一坐低就可以盡快有嘢食！🔸女神餐(💰53)(8.5/10)特濃蕃茄手切封門柳湯通粉 配香煎火腿、炒蛋、牛油多士個蕃茄湯底真係濃濃嘅蕃茄味，而且仲有大大舊蕃茄！封門柳好多塊大大塊，一啲都唔會韌，通粉嘅軟硬度適中👍🏻牛油多士係最正，因為真係超香嘅牛油味呀！從來吃過咁香嘅多士！蛋同火腿就正常啦。

入到去係舊式茶餐廳，薯條好有港式風味，雞髀薯條大大份大大隻，食落去滋味十足，一咬落去雞汁即刻噴晒出嚟，薯條爽但係唔淋，可以一條接一條咁食落去，停唔到口。加埋李錦記茄汁，真係風味十足。

｛半島冰室｝無論幾時去都係咁多人，長長人龍長期堆積喺條街，實在墟堪🔥見到佢午市推出咗新Menu，竟然有大閘蟹食，好奇心驅使要試吓先得🙈✴️大閘蟹肉餅飯✴️$78就有大閘蟹+肉餅+白飯+飲品，其實真心抵食！不過依個餐只限外賣，要留意⚠️大閘蟹大概手掌咁大，有少量蟹膏，質素尚算正常，唔會有怪味，不過就唔會太重蟹味🦀肉餅大大塊，加咗冬菇幾香，建議兩個人食，因為份量都幾多～✴️叉燒蔥油鰻魚炒滑蛋飯✴️叉燒很不錯，半肥瘦仲有爽口位，切得都幾大件！鰻魚有2,3粒，滑蛋就正正常常，撈埋蔥油味道更出😋不過飯較軟腍，有啲漿住一嚿，如果可以硬身啲分明啲會更好😛

💬周時都想去北角一帶搵食，鰂魚涌同太古都幾乎食到悶悶地。醒起有間人氣冰室一直排長龍，都想去試吓最出名嘅龍蝦🦞泡飯，不過去到個午餐牌就唔見有，所以只好先試吓其他嘅選擇。茶記午巿時間擠逼而且搭枱都係在所難免，所以都要有心理預算🍚.———————————————————————————🥢紅酒慢煮原隻羊膝🐑💬茶記都食到高級西餐廳🍴嘅原隻羊膝，實在非常有誠意，好大隻好腍滑，味道好濃郁，配飯一流🫡.🥢半島香茅豬扒配煎蛋🍳泰式辣汁🐖💬見到半島兩字即係招牌菜，大部分人都係叫呢款咁滯；香茅醃到好入味，而且煎到好香，辣汁唔太辣，剛剛好，不錯🫡

排隊指示不清楚，問咗不同侍應幾次都唔覆，午餐時間人士很多，只是問多兩句就要俾人鬧。站在收銀處的男子態度惡劣，不知是老闆還是夥計，基本上是少你一個顧客唔少的態度。我是來食飯不是對人鬧的，好聲好氣，換來一肚氣。食物質素可以，賣點是價錢平，速食的快餐。基本上坐多一陣都會俾人趕走，餐廳環境擠迫，午餐時段基本上轉身的位置也沒有。附近餐廳質素參差，這一間餐牌會轉變的較多。你們客似雲來，少一個顧客根本不在乎，祝生意興隆。

下午茶超值牛脷焗飯連熱飲都係$40蚊成個炮台山最旺嘅茶餐廳必定係半島冰室，大把人lunch time 好天曬落雨淋都要等佢堂食，我就每次都係等佢下午茶人比較少嘅時候先食。（都係要排隊，不過唔好排咁耐咁解🤭）推介：芝士焗蕃茄「豬扒/牛脷」（飯/意粉）食過幾次佢哋嘅tea ，最鐘意都係佢哋個芝士焗蕃茄牛脷飯。非常之多蕃茄汁但係唔太酸、芝士好香、牛脷有兩大塊厚切又唔韌、同埋最緊要係炒飯底👍🏻！熱奶茶夠滑，帶有少少甘味，I like it!炮台山商業區嚟講，呢個價錢食到呢一個味道真係超值！同埋炒飯底絕對加分！