半島漁港/阿翁火鍋館

營業中

休息中

最近同家人去左天水圍T TOWN半島漁港食晚飯，慶祝喜事，咁當然要賀一賀啦！睇到餐牌燒味$1，有3款選擇，分別係：至尊燒鵝、極品bb豬及海南文昌雞，亦有多款小菜、海鮮、鮑參翅肚等等，咁吸引一定要點啦～至尊燒鵝      $1賣相都幾好，仲有火熱住保持溫度，就算慢慢食都唔會咁快凍，而且份量都唔少，必食首選！ 燒鵝即叫即切，食落啖啖肉，皮脆肉嫩，陣陣濃郁嘅鵝油香味散發出嚟，高質燒鵝好好味。半島金牌炒飯       $168半島金牌炒飯以海鮮為主，蝦同乾貝份量好多，蝦肉鮮甜爽口，乾貝彈牙，瑤柱炸到脆脆，好香口，炒飯粒粒分明，每一啖食落去都滲出瑤柱鮮香，依個炒飯真係好足料，看似簡單但又較矜貴。菠蘿脆皮咕嚕肉         $128這款式與菜名一樣，食落真係好脆，帶少少拔絲嘅咕嚕肉，甜絲絲嘅味道，好有肉味，質地嫩滑，配合新鮮菠蘿、洋蔥、彩椒一齊食，感到很幸福！魚香茄子煲        $98一上枱熱辣辣，茄子煲至啱啱好，有咬口，唔會過淋，肉碎質地嫩滑，魚香味濃郁，唔會太鹹，用來拌飯真滋味。最後，送上糖水紅豆沙，香甜潤喉，滿足了！

依日係天水圍想搵間酒樓食晚飯，見到網上介紹半島漁港晚市3揀1燒味$1優惠，咁抵食我哋就入去啦！另有多款小菜選擇，炒粉麵飯同海鮮都有，種類繁多。入到酒樓，環境都好光亮，地方好大，覺得唔會有壓迫感，近門口有幾張卡位，舒適寫意。至尊燒鵝見到晚市有好多優惠，極品BB豬、至尊燒鵝及海南文昌雞全部都係 $1，真係好抵食呀。另外，優惠三寶 $398 及 優惠四寶 $568，一樣都好划算㗎。三款 $1 燒味優惠，我揀咗燒鵝，皮脆肉嫩，新鮮即切且啖啖肉，聞到濃郁嘅鵝油香氣，好好味。優惠三寶      $398    㰖角骨、清蒸富貴斑 及 白汁明蝦球㰖角骨呢款小菜比較少食，用㰖角加排骨煮製而成，味道特別，散發淡淡欖角嘅鹹香味，肉質惹味香脆，唔會過鹹，亦有少少甜，排骨煮得好入味。清蒸富貴斑富貴斑蒸到啱啱好熟，魚皮柔韌又濃郁鮮味，魚肉亦非常嫩滑而且好新鮮，清蒸可保留魚肉嘅原汁原味。白汁明蝦球大大隻蝦球，好吸引呢！蝦肉結實而彈牙，口感豐富，配搭白汁，味道少少酸，真係好開胃。白飯每粒都有咬口，軟硬度剛剛好，米飯香氣四溢，用嚟伴小菜最啱。最後送埋糖水紅豆沙，香甜潤喉，滿足了！

之前都嚟過 "半島漁港" 飲早茶，點心都唔錯。呢日經過門口見到有優惠，星期一至五晚市燒味3選1都係 $1，有至尊燒鵝、極品BB豬及海南文昌雞，仲有即叫即炒嘅小菜、海鮮、鮑參翅肚等等，立即入去品嚐下依間嘅美食啦！酒樓地方寬闊，裝修簡約時尚，明亮開揚，枱與枱之間唔會覺得擠迫，感覺舒服。首先上枱係酸菜 $13，醋黑木耳，酸酸地好爽口又開胃。白飯 $10，米香粒粒分明，軟硬適中，配搭小菜就最啱啦 ~海南文昌雞2-3位 $1 優惠限購海南文昌雞半隻，以兩人嚟講份量都唔少。文昌雞皮薄爽滑，肉質鮮嫩，咬落juicy，雞味夠出，點埋蔥油同醬汁，味道層次更唔同，別有一番滋味！潮式煎蠔餅        $128一上枱已聞到香氣撲鼻，厚厚嘅潮式煎蠔餅，外層炸至金黃色，食落口感非常酥脆，蠔仔份量多，都幾大粒，蠔味濃及新鮮，蠔餅沾埋魚露一齊食，滋味大滿足！半島小炒皇        $128每間食肆小炒皇嘅材料都未必一樣，呢度好大碟，份量足，材料主要用韮菜、鮮蝦、蝦乾、炸銀魚仔、北寄貝、紅椒黃椒、腰果等等，種類繁多，食材唔複雜，但好考功夫，依碟小炒皇夠鑊氣，韮菜油亮爽嫩，蝦乾鹹鮮惹味，仲有最鍾意嘅腰果，好香脆，令

最近同屋企人去咗天水圍嘅半島漁港食晚飯🤤 佢哋依家做緊超抵嘅優惠，「至尊燒鵝1/4隻」，只係$1咋，抵到爛🔥 🌟至尊燒鵝1/4隻重點推介！燒鵝皮脆肉嫩，油脂分布均勻，$1就食到咁高質嘅燒鵝，真係無得輸！ 🌟 章魚粉葛赤小豆湯（2-3人用）呢個湯好足料，仲有雞腳添！飲落好清甜，啱晒一家大細飲，暖笠笠好舒服😛🌟 潮式煎蠔餅蠔餅煎得金黃香脆，點埋魚露食，真係停唔到口！ 🌟 魚香肉鬆茄子煲茄子煮得啱啱好，軟腍入味，加埋魚香肉鬆，送飯一流！ 🌟炸乳鴿乳鴿炸得外脆內嫩，肉汁爆棚臨尾仲送一人一碗紅豆沙，真係勁飽🤣

8點後入座8折坐底半粒鐘 個煲都未上9點鐘 所有魚冇 鵝腸冇 最值錢嘅嘢全部冇 得番一肚氣食物質素極差懷疑啲牛係合成 ，紋路一啲都冇總結：垃圾到極點嘅邊爐，想俾人激死可以一試

年29晚，唔算爆，book 1930 大約8-9成滿座。套餐定價都幾貴，6人餐$2299，菜式唔算吸引。決定散叫。燒鵝半隻好似$298 好咸又肥，冇鵝味叉燒唔錯，肥瘦適中，幾好食蝦同魚是孖寶$398，魚一斤左右，蝦唔夠一斤小炒王叫咗少油都真係少油，幾好。咕嚕肉百幾蚊好細碟，得好少。後面碟上湯豆苗要$148 勁咸。近過年預咗貴啲，不過真心唔係太好食，到揾個地方做節冇計。最好笑想叫碗甜品都冇，連紅豆沙都冇，依家啲酒樓好hea。知你過節就要食，佢冇心做好。7人埋單$1900

訂左兩圍枱,招呼親戚長輩團拜食餐飯,打完牌20:30開飯,首先上乳豬都很好食,之後就勁失望,發財好市唔熱,上湯焗中蝦,蝦肉霉唔好食,紅燒翅又係暖唔熱,清蒸沙巴龍躉又係暖唔熱,蠔皇鮑魚鵝掌又係暖唔熱,燒鹅凍,炒飯暖,紅豆沙凍,全部煮好唒擺定喺度攤凍唒等上菜,趕住收工,差差差,年初一費事揾交嗌,咁嘅服務質素,以後都唔會再去幫襯.

今年跟家人提早食團年飯，呢次揀咗間喺佢哋屋企附近嘅酒樓，叫咗以下菜式: 豉油皇海中蝦配清蒸老虎斑仔 - 海中蝦新鮮彈牙，配以豉油煎香，味道不會過咸，係剛剛好，勁惹味，食到停唔到口。老虎斑仔蒸得剛剛熟，肉質嫩滑鮮味，加埋蒸魚豉油就好送飯。燒鵝 - $1菜式我哋揀咗燒鵝，燒鵝燒得皮脆肉嫩，呢個價錢食到高質燒鵝，好有驚喜。蜜桃冰梅骨 - 冰梅骨用上一字排，肥瘦相間，因外層已煎香，再加上酸酸甜甜嘅冰梅醬，開胃之餘，食落香口唔覺油膩，蜜桃雖是伴碟，但亦可解膩。蒜蓉粉絲蒸聖子 - 聖子新鮮爽甜，配上蒜蓉清蒸更係絕配，令香味大大提升，粉絲索晒所有精華，呢個組合無得輸。蟲草花燉龍骨湯 - 呢個湯除咗蟲草花，仲落咗茶樹菇，飲落好香菇菌味，用上龍骨就更加鮮甜，好味。紅豆沙 - 是贈送的糖水，但都是用心之作，紅豆沙少甜好足料，唔錯。

今晚同朋友約好去天水圍半島漁港食晚餐，去到整壺鐵觀音飲下先。今晚我地點左蜜桃冰梅骨，蒜蓉粉絲蒸聖子，蟲草花燉龍骨湯，孖寶豉油皇海中蝦配清蒸老虎斑仔仲有1蚊3選1既燒鵝皇。蜜桃冰梅骨：冰梅骨個肉質唔錯，味道甜甜地又唔會過甜，加埋蜜桃真係正。蒜蓉粉絲蒸聖子：聖子新鮮，大大條肉質好好，有咬口。味道鮮甜好味道，加上生熟蒜同粉絲完全將鮮味吸收又將蒜香提昇聖子鮮味。蟲草花燉龍骨湯：好足料，湯有著濃郁既湯味，飲得出煲左好耐，飲完冇口乾即係無味精。豉油皇海中蝦：比我想像中份量多好多，豉油味好香又唔會咸配起洋蔥回鑊爆炒更加香味四射。清蒸老虎斑仔：魚肉質好，魚夠滑，蒸既時間岩岩好，唔會鞋口。燒鵝皇：一蚊真係超值，望到掛晒係度即燒就知新鮮啦，皮脆肉嫩，肉質好好。仲有紅豆沙送同樣好味道。

最近工作很忙，天天加班，今天晚上終於有時間可以放鬆一下，便約了同事去打邊爐。這間店是不限時的，啤酒汽水和飲料都可以無限畅飲。主角是一個海鮮拼盤+刺身拼盤+雪花牛肉...刺身很鮮甜牛肉油脂很足拼盤不錯。今天點了鴛鴦湯底，中规中矩。原來他們也有羊腩鍋/豬骨鍋/辣雞鍋，可惜是下單前没有看到。今天戰鬥力還不錯，從七點一直作戰到十點，今天晚上吃飯的人不算多，可能是平日的關係，所以環境不會很吵，飲飽食醉後，最近的身心疲累好像也得到了釋放。

臨近年尾多咗飯局，今晚同屋企人去咗天水圍的半島漁港，最近推出的晚市優惠實在令人心動。因為星期一至五，只需$1便可以品嚐到外脆內嫩的至尊燒鵝王，這道經典的燒鵝不僅色香味俱全，更是讓人垂涎欲滴的美味。這種優惠讓人忍不住想要一試，實在是超值！我們仲叫咗三寶套餐，僅需$398，就可以享受到多款精緻小菜以及新鮮蒸海鮮，真是物超所值呢款欖角骨，肉質鮮嫩，外層帶有脆脆的蜜汁外皮，咬下去汁水四溢，令人回味無窮白汁明蝦球，使用新鮮的明蝦製作，口感滑嫩，鮮美至極，讓人一口接一口。清蒸富貴斑，這條魚大得驚人，清蒸後保留了魚的原汁原味，健康又好味，用嚟送飯撈汁超級好食📍 半島漁港/阿翁火鍋館天水圍天華路33號T Town North 1樓N105-109號舖

冬至六人套餐，$2288連加一，唔算好難食，但完全唔值呢個價，8碟之中得燒鵝係會人覺得值得，其他都只係不過不失，同樣價錢喺其他餐廳應該有更好，之前散叫過都唔覺問題咁大，今次套餐嘅體驗唔太好，唔推薦。節瓜蒸得唔夠耐，仲係有啲生；條魚唔知係蒸法定新鮮求問題，有啲腥；海皇翅唔熱，份量好少，一人一碗消都無；鮑魚好咸；糯米飯好爛。整體唔係好差，但絕對唔值得$2288，應該唔會有下次，令人失望的體驗，希望之後會再改善。

是日好友約左去天水圍半島漁港食晚餐。好快被安排好座位，叫定茶飲住睇菜譜。$1優惠3選一真係無可能唔叫。最後叫左上湯焗美洲龍蝦伊麵底配清蒸老虎斑仔，蒜蓉粉絲蒸聖子皇，老火湯，魚香茄子煲，特價至尊燒鵝皇。上湯焗美洲龍蝦伊麵底-龍蝦啖啖肉，鮮甜爽口彈牙。個汁調校得好到位吸收埋龍蝦汁一流。清蒸老虎斑仔-魚肉鮮甜滑口，唔會有泥味。魚肉肉質都好好。蒜蓉粉絲蒸聖子皇-聖子肉質爽甜嫩口又夠鮮味，配合大量蒜蓉及粉絲底，將聖子鮮味增加不少。老火湯-赤小豆粉葛雞腳鯪魚湯足料香濃，唔係飲完口乾個d。鯪魚湯鮮味仲有好香既骨湯，真係正。魚香茄子煲-熱辣辣成煲上枱，茄子夠淋配上咸香肉碎一流。特價至尊燒鵝皇-1蚊超抵食，用蠟燭台熱住黎食免得凍左。燒鵝皮脆肉滑油脂分佈岩岩好，唔會過肥又不失鵝香。食完仲有紅豆沙送，甜度岩岩好。紅豆煲得夠淋起沙味道好。

星期一至五惠顧晚市就可以激抵價食到$1 至尊燒鵝王，外脆內嫩的經典燒鵝，酥香可口，令人垂涎欲滴，一蚊就食到好抵啊另外介有多款優惠套餐，我地今晚試咗個三寶套餐，$398有齊幾款小菜仲有蒸海鮮非常抵欖角骨肉質鮮嫩，味道濃郁的欖角骨，外層帶脆脆蜜汁外皮，咬落去肉汁爆滿白汁明蝦球新鮮明蝦製作的白汁球，口感滑嫩，鮮美無比。清蒸富貴斑大大條清蒸的富貴斑魚，保留了魚的原汁原味，健康又好味，一家大細岩哂甜品試咗佢地桂花糕甜而不膩的桂花糕，點知姐姐又比咗人頭數陳皮紅豆沙，滿足哂📍半島漁港/阿翁火鍋館天水圍天華路33號T Town North 1樓N105-109號舖

今晚去到天水圍同朋友吃晚飯。我地點左以下食物-上湯焗美洲龍蝦伊麵底配清蒸老虎斑仔，蒜蓉粉絲蒸聖子皇，老火湯，魚香茄子煲，特價至尊燒鵝皇。見到佢個$1燒鵝，掛左咁多係度即燒都好難唔叫。上湯焗美洲龍蝦伊麵底：伊都煮得好好味道唔會過淋又吸到龍蝦鮮味。清蒸老虎斑仔：都算大條，魚肉嫩滑爆上蔥加甜豉油非常好味道。蒜蓉粉絲蒸聖子皇：生熟蒜爆油非常野味，粉絲底吸取聖子鮮味。老火湯：粉葛鯪魚排骨湯，去骨火下火既湯。湯清甜香濃好味道。魚香茄子煲：熱辣辣煲仔，茄子新鮮肉碎份量好多喎。特價至尊燒鵝皇：$1既燒鵝堅抵食呀，皮脆肉嫩。埋尾送多個紅豆沙俾你個甜品胃過下引。仲有值得一讚係服務態度，有溫度既服務。