影片
營業時間
今日營業
07:00 - 00:00
星期一至日
07:00 - 00:00
以上資料只供參考, 請與餐廳確認詳情
在油塘區想吃火鍋，首推必定是鯉魚門廣場二樓的「阿翁火鍋館」。阿翁主打無限時任飲任食，沒有時間壓力，沒有加單限制，絕對適合一大班同事朋友狂歡。🍣1. 日本刺身阿翁有個窩心之處，就是火鍋前的刺身鮮味序章。每位均有厚切三文魚、北寄貝、希靈魚、魷魚刺身各一塊，誠意十足。
🍲2. 招牌鴛鴦鍋經典皮蛋芫荽湯和沙嗲湯，重口味的又得，清清的又可以，絕對是火鍋湯底中的必點之選！🦪 3. 環球海鮮盤海鮮盤有新鮮生蠔、扇貝、青口、蟶子、竹蝦、鱔片。生蠔和扇貝十分肥美，蟶子和竹蝦亦非常大隻，沙嗲湯涮煮後脆嫩爆汁。朋友教落，生蠔放入皮蛋芫荽湯輕涮10秒，再撒炸蒜粒，鮮甜倍增！🐂 4. 極級牛頸脊絕對是阿翁火鍋名物，每桌會按人數提供一盤，單單這碟牛頸脊都值回票價。牛頸脊如霜降油花織成大理石紋路，火鍋專家教落紅湯涮8秒，清湯則涮12秒。咬下瞬間，肉汁與脂香在齒間爆破，濃郁度堪比和牛！
🥟 5. 至尊水餃王
拳頭大的水餃，薄透麵皮裹着大大隻完整鮮蝦，再加止豬肉末與木耳絲，鮮味十足。
🥘 6. 蠔皇鮑魚扣玉掌
每人一份的蠔皇鮑魚扣玉掌鮑魚浸潤蠔皇醬汁，鮑魚彈牙；鵝掌膠質黏唇，沒想過餐廳這麼誇張落重本。
🍺 7. 任飲啤酒汽水
任飲任食少不了啤酒汽水，任均選擇。
🥬 8. 自取火鍋配料區
有鵝腸、丸類、麵類、菜類，基本款式應有盡有。還有剔剔紙可以選擇肉類、海鮮等等，一定夠飽肚。油塘區任飲任食，必定去阿翁火鍋館。
繼續閱讀
🍽半島漁港/阿翁火鍋館（油塘）📍鯉魚門道80號鯉魚門廣場2樓208 B舖呢餐真係矜貴又豐富，食材好高級，每樣都食得好滿足！🦐🍲🥢 ～環球海鮮盤 🐟🦞海鮮種類齊全，包括 三文魚、甜蝦、墨魚同帶子等等，入口啖啖新鮮，滑溜鮮甜，絕對係海洋嘅精華！ ～蠔皇鮑魚扣鵝掌鮑魚同鵝掌肉質嫩滑，吸滿蠔皇汁嘅濃香，軟腍得嚟仲保持有口感，滋補得嚟又好美味，感覺非常豪華！ ～阿翁極級牛頸脊🥩🔥用料上乘，牛頸脊牛肉味香濃，油脂分布均勻，肉質特別香嫩好滋味，一大碟都好快俾我哋秒殺，完全食到幸福感，頂級享受🥰～至尊水餃王🥟💥水餃皮薄餡靚，咬落去仲有肉汁，皆因餡料鮮甜，豬肉同蝦肉都好新鮮，好味呀！其實仲有好多任吃嘅食物可以挑選，但係每人限定有的高質食材已經食到我哋好飽，所以都係試咗其他少少，有四寶丸、鮮蝦滑、豬膶、鱔片、大魚頭同炸響鈴，食物款款新鮮好味，真係食得超滿足😍另外值得一提的係經理彬彬有禮，服務殷勤，令我哋食得非常開心，值得推介！😋👍✨
繼續閱讀
今次去到油塘《半島漁港》店面真超級大，食物嘅款式仲好多，有提供滷味、海鮮 和 中色小菜。今餐嗌左：✨️極品BB豬晚市有$1優惠菜色，我就選了這個BB豬，別以為$1就會hea 你，呢碟BB豬皮脆肉嫩，吾係講笑，真係好有水準。✨️瑤柱海皇冬瓜壺半个冬瓜，清怡消暑，而家咁熱嘅天氣飲就最啱。對於我呢d海鮮控嚟講，呢度最好就係有海鮮孖寶，非常抵食，我就選了一个$228嘅set，包括有：✨️頭抽焗海蝦焗到隻隻都好入味，蝦肉鮮甜，伴有椰菜絲，份量也不少。✨️鹽燒大連鮮鲍鮑魚肉質飽滿又Q彈，上面仲有陳皮絲，令它吾會覺得有腥味。✨️汽水選了忌廉和七喜呢排咁熱，食野飲埋汽水就最啱。呢度提供多款有牌子汽水，仲要雪凍埋比你，非常正！✨️甜密桂花糕桂花味香濃，不是太甜。✨️陳皮紅豆沙少少甜，冇苦瀝味。
繼續閱讀
好多人會"鍾意"街坊老店，因為字號老，有感情。但其實好多人，平日係唔會去幫襯嘅。因為好多呢啲店，環境其實唔係咁好，而且傳到第2，3代，質素好多時都走樣。所以我心目中嘅街坊店，就係住得近嘅街坊，經常會再幫襯嘅店。而食物質素，衞生環境同埋最緊要嘅服務，就係令我呢個油塘街坊重複咁嚟嘅原因。我經常嚟打邊爐，特別鍾意望住個魚缸，同埋一隻隻嘅燒鵝。個魚缸有勁多魚同海鮮，乾淨到不得了，完全冇水漬，絕對媲美，或者係一超越西貢嗰啲大海鮮酒家，甚至乾淨過海洋公園。你見啲魚安安樂樂咁游水，你就知道自己一陣可以安安樂樂咁食。🍖個打邊爐話就話系任食，其實，本身嘅配套已經多到唔使再叫第二round。一開始就有個刺身拼盤，啲刺身新鮮得嚟又肥美，直情好似不計成本，件三文魚厚到冇得再厚。鮑魚鵝掌，兩者都炆得好腍，所以唔會哽胃。🍖個海鮮拼盤交足貨，真係勁多膏喎，打開蟹鉗好實淨就知道唔係水貨，隻蠔好飽滿，咬落系勁多汁，魷魚應該唔係冰鮮貨，先至咁有爽彈嘅口感。仲有隻蝦嘅肉好實淨又鮮甜，全個拼盤都好好味。🍖仲有個碟極級牛頸脊，肉味真係好出，會輕輕喺牙縫之間回彈，我哋叫咗個鴛鴦鍋，沙爹嗰邊就襯曬個牛，芫荽皮蛋就發揮海鮮嘅威力。當然仲有任飲啤酒汽水，如果頭先講開懷舊，佢有即切西瓜，同埋反沙嘅紅豆沙，街坊嘅回頭率高系人之常情。
繼續閱讀
上幾次嚟半島漁港飲茶，睇到佢地嘅任飲任食火鍋介紹都覺得好吸引，剛好大少自己有節目唔同我地食晚飯，所以就決定同老公兩個人嚟試下，睇下係咪真係咁抵食。主打嘅任飲任食火鍋除左大部分嘅食材都係任食之外，佢仲會包一客環球海鮮盤、拼盤、阿翁極級牛頸脊、至尊水餃皇同埋蠔皇鮑魚扣鵝掌，真係好豐富咁哦。店員姨姨安排好我地坐位之後，先會好詳細講解拎食物嘅方法，其後就會送上醬料俾我地用。當我地點好湯底後，就會開始為我地送上食物。先嚟前菜 拼盤，當中有三文魚、帶子、甜蝦同埋赤貝，每樣都係厚身得嚟又新鮮，可以話係頂級之選。之後就到 蠔皇鮑魚扣鵝掌，鵝掌非常滑嫩，而鮑彈牙多汁， 兩者蠔皇味道豐富，煮得夠晒入味。其後就到一系到火鍋食材，有勁豐富嘅環球海鮮盤，送上枱嘅時候真係睇到我嘩..嘩聲。有生蠔、花蟹、扇貝、青口、竹蝦同魷魚。樣樣食材都食得出佢地嘅新鮮，尤其係生蠔同埋花蟹，十分鮮甜肥美，完全可以用一食難忘嚟形容。當然唔少得阿翁極級牛頸脊，依個老公話係超高水準，肉質肥嫩而且有彈性，腍得嚟又帶點煙靭口感，牛味仲超濃郁添。至尊水餃皇同樣都好有驚喜，超大隻嘅水餃係皮薄得嚟仲可以包住大大隻鮮蝦同豬肉末與木耳絲等醃餡料，入口口感非常豐富，食完超級滿足呢。湯底方面我地就揀左皮蛋芫荽湯同沙嗲湯嘅鴛鴦鍋，兩個湯底都好足料，皮蛋芫荽湯嘅清香，沙嗲湯嘅濃郁，真係想點食都得。除左以上食物之外，仲有好多吃嘅可以透過菜單點選。雖然食左高質食材都已經好飽，但最後我都叫左四寶丸、黑豚肉、豬膶同鱔片，食物款款新鮮好味，真係食超滿足。強烈推介四寶丸，四款都勁彈牙又入味呀。另外，場內仲有自取配料區，有鵝腸、丸類、麵類、菜類等自己夾，款式應有盡有，總有一款你係啱心水嘅。當然唔少得任飲嘅飲品類同埋是日甜品嘅西瓜。今次真係食得非常滿足，原來晚上八時後入場仲有八折，咁下次可以叫埋大少一齊再嚟食過啦！
繼續閱讀
您可能會有興趣的...