卓記粥店 (已結業)

游完水，想食Ｄ清淡既嘢食平時好少嚟食粥今晚就帶朋友嚟試下叫咗艇仔粥$8, 好抵,好多料,不絶不馬虎粥底夠"潔"呀.. 不是稀的,很好味腸粉$4,都幾好幾滑,但油咗少少啦下次會再食瘦肉粥呀..

食左 糉,白粥,腸粉,共$17真係好平但腸粉唔滑,甜"奬"溝水咁,淡而無味白粥,正常糉是$10,所以都ok 好味!可以一試不過身還西環人,這店總算平價之選... 但若海嘯中没受太大影響的你,我就唔太建議浪費人生中的一頓飯!!

卓記d腸粉由細食到大艇仔粥都系推介!惟豬紅粥比較淡味炒麵亦吾recommend.卓記d野一向都好美味;地方比較骯髒但呢個都吾系問題當食大牌檔都幾有風味;p不過最重要就系d野都好多味精;粥果d肯定落吾少- -''食完超口渴!腸粉又系好油;不過都好味既 (至少我成日食xd)基本上系推介!但4個字:少.食.為.妙

我叫左 白粥：大家真係覺得佢呢D 係爆米花? 係爛哂既米黎架喎！ 成碗粥係米糊又有少少粥咁~ 不過係靚既米糊，一般人食落會覺得佢綿，但係我食過綿既粥唔係咁，卓記呢碗係漿糊黎架..... 仲要我唔覺得好味道.... 味道怪怪地，淡淡地，好似飲奇怪水咁....有味精，因為我唔係好受得有味精既野.... 食完喉嚨即刻唔舒服，唔覺得下火，係上火~ 炸兩：腸粉"鞋"口....唔熱...油炸鬼應該炸左好耐lu，"淋" 既... 食得出好多油，成口都係油.... 仲要唔夠豉油，要問佢拎，洗唔洗咁慳呀...雖然，白粥$3, 炸兩 $4, 一共都係 $7, 名副其實海潚餐，不過質素係一分錢一分貨~我寧俾多幾蚊食好少少，唔想浪費我既卡路里quota!

卓記既野食真係平...平到笑...做開街坊生意...我久唔久都會去食下早餐...好多時候都會買番屋企食...因為唔鐘意係馬路邊食野炒米,面都好正,份量又多食一樣都飽,又平...可謂抵食夾大件!!!不過有次食左個及第粥就出左事...卓記既粥都唔差既...不過唔知個日做咩啦...雖然十分足料,不過個及第粥真係鹹到底...食左半碗就完全食唔落去...真係怕怕唔敢食佢d粥

零九年二月上旬懷念三年前來掃街的日子，是夜上錯車，結果來到這裡，也好喝碗熱粥先返屋企。在轉角位的粥粉麵檔，人流多也就一做多年，唔少客吃完碟腸粉就追巴士，由朝旺到深宵也算得上是奇景。店少人多未必代表即拉腸粉新鮮熱辣，眼前的牛肉腸即叫即上，皮濕腍不軟不滑，厚了一點吃起來感覺幾累贅，另外的白粥看似平凡，米花卻是開得不錯，雖不夠綿卻有米香，不會愈吃愈稀，比起腸粉更出色。老牌粥檔，伙計效率高，客人來也匆匆去也匆匆，擺下十餘塊追小巴去！

媽剝左隻蛀了的智慧齒, 今晚食粥啦!見這間咁好評, 機會黎啦, 今晚即食~卑露炸街果邊都好多van 仔巴士, 太大塵, 坐了橫街果邊.叫了皮蛋瘦, 魚片粥; 豬豬女友要及第.另有一糉, 及炸兩.炸兩先上, 係半個鐘前整起的, 油炸鬼淋, 又凍...問一問哥哥仔可否即整一碟, 他竟道, "冇人整呀, 你想食新鮮既都幾難~"呆左+ O咀....雖只係4蚊, 但都唔洗咁答吧...好采粥係即整的, 勁熱, 10度食, 正呀,全都好足料, 咸瘦肉勁正!糉唔細, 不過全都係肥豬肉. 但都係10蚊.都係食粥好.3人食了56蚊, OK啦.

又好掛住d 粥, 我是一個愛吃粥的人. 今個聖誕假一定要搵日回西環食卓記. 我同老公拍拖都成日食,我娘家一家人都好愛光顧他們. 因為又平又抵食, 一個人係無可能得晒一包外賣炒麵. 腸粉勁好味, 老公最愛牛肉腸&炸兩!! 不得了, 明天節目回西環食粥, 好開心, 好肚餓.

另一間西環平價之選, 又平又好食o既, 就莫過於卓記!卓記o既粥係即叫即滾, 唔係開喉倒出黎o既, 其中牛肉粥真係好甜, 好新鮮!仲有炸兩可以request佢要熱o既, 不過可能要等一陣!炒面都同平時食開o既無咩分別, 但係最重要o既係當我地四個人食完五樣野 (牛肉粥, 炸兩, 咸肉糉, 炒面, 齋腸) 之後...每人只係夾$10...仲要食到好飽..同埋好溫暖! 所以雖然卓記只係坐圓檯, 摺橷之外,真係好食同埋新鮮!

自出世就住出西環, 自幼稚園就開始食卓記.卓記以前是在馬路邊的大排檔. 都是現在條街, 只係由左搬了去右和入了舖位.卓記的粥底很靚, 我最愛及第粥, 有時平平地會食米黃.腸粉亦是一流, 我一定會要多豉油, 咁先好味. 腸粉是自己拉, 好滑, 最緊要係豉油, 簡直是絶配. 以前最愛去完夜街去卓記食粥, 卓記收很夜, 最少夜過我回家!!我屋企每年新年都會食宵夜, 年初一卓記休息, 年初二開市, 但比平時貴好多.我年年都唔記得. 仲有佢地d 蘿蔔糕亦是一流, 好好好味, 不過唔係成日有得食, 而且好快賣清, 如果無記錯, 係夏天先有.

今天去西環送貨, 經過這間舖時見到坐滿人, 好好生意喎.一睇價錢牌, 嘩, 好抵, 即刻試下先.艇仔粥 $8, 炒麵 $4, 义燒腸 $8粥有好多料, 碎牛份量足! 炒麵, 滿滿的一大碟.义燒腸的腸粉好滑, 不過油多左d, 餡料是"肥"义燒.好多年都未見過咁抵的粥舖, 即使九龍舊區都未見過.

今次早了點去到, 終於嚐到豬什粥, 但有點失望。價錢比及第粥便宜得多, 好像是 8 元一碗吧,但粥只是白粥底而不是生滾的,而且豬什也切了絲,感覺只是一般。再點一碗招牌豬潤粥,味道依然,豬潤還是做得非常出色。價錢還是非常超值,仍覺不往長途拔涉的來到。

wa....估唔到呢間野都咁多食評呢間野由細食到大~由佢係鋪頭做到街邊再做番鋪頭(有無西環人記得啊)呢間野真係好街坊~食了成廿年價錢都無乜點變記得細路個時食腸粉3蚊碟...依家都只賣4蚊jar...雖然街坊&鋪面不算企理但佢d野真係好好味兼平d粥低食夾大碗...仲好足料~生滾粥煮得好入味腸粉自已整的~加埋佢d鼓油又係好好味(不過鼓油比較油...但好食無計啦)最愛就係佢d炒面...炒得好香又超大碟~仲要$4jar (我覺得全hk最好味既炒麵)通常炒麵+腸粉&豆漿己經超飽...都係$12到jar....可惜依家唔係住西環...好少機會可以食

冇錯，呢間鋪真係好街坊好草根，但足料夾抵食！！每次我都係一個人孤伶伶係度買外賣俾自己食，因為男友一見此店外觀，就變番一個無知既外國人，好刻薄咁一句:" i dont trust this kind of restaurant, no way."不過，無論佢點樣冷眼旁觀等待我食物中毒一天既來臨，一有機會，我都會買個艇仔加個油炸鬼外賣，粥底夠綿，豬皮，魷魚，碎牛，花生樣樣足！雖然有味精的存在但可接受．油炸鬼多數都係剛剛做好，外脆內鬆，very good!試過買炸兩但真係名副其實既"隔夜油條"，no next time!

jul 20, 08,3人來late lunch,叫咗 : 1) 炸兩-油炸鬼唔脆 2) 齋腸粉-好滑,唔會腍到"痴"埋1pat,不錯 3) 糉-糯米食到1粒粒,無"痴"埋1pat-中上水準 4) 炒麵-正常 5) 白粥-無試到 6) 熱綠豆沙-無試到- good喺因為好平,咁嘅價$$$$有合格有餘嘅味道 - 難得仲搵到咁平嘅舊式粥,腸粉店,真喺最啱打擊宜家嘅高通漲